Author: Ayesha Rehmani

لاہور: عثمانی کے ماضی کی اداکارہ نرگس پر الزامات، تہمت لگانے کے واقعہ پر شہریوں نے لاہور میں احتجاج کیا ہے اور اداکارہ نرگس کے ساتھ یکجہتی کی ہے-

باغی ٹی وی : عابدہ عثمانی نے حج کی قبولیت کے حوالہ سے سابقہ اداکارہ نرگس پر تنقید کی تھی۔عابدہ عثمانی کے الزامات پر مختلف مذہبی جماعتوں کے رہنماوں نے فتوی بھی جاری کیا ہے اور کہا ہے کہ عابدہ عثمانی اداکارہ نرگس سے معافی مانگیں اور توبہ کریں۔تہمت لگا کر عابدہ عثمانی سخت گناہ کی مرتکب ٹھہری ہے ۔ وہیں اب عابدہ عثمانی کے الزامات پر پنجاب کے صوبائی دارالحکومت لاہور میں شہری سڑکوں پر نکل آئے اور اداکارہ نرگس کی حمایت ، عابدہ عثمانی کے خلاف احتجاج کیا شرکا نے بینرز ، پلے کارڈز اٹھا رکھے تھے اور نعرے بھی لگا رہے تھے۔
https://x.com/BaaghiTV/status/1858131073319756095
شہریوں کا کہنا تھا کہ کسی کو بھی یہ زیب نہیں دیتا کہ اعمال کی قبولیت کے حوالہ سے کوئی الزامات لگائے۔ اعمال کا دارومدار نیت پر ہے اور گنہگار توبہ کر ے تو اللہ معافی قبول کرتا ہے ۔ اعمال کسی کے بھی اللہ تعالی نے قبول کرنے ہیں اور کوئی نہیں جانتا کہ کس کے کون کون سے اعمال قبول ہونے ہیں عابدہ عثمانی کے قبولیت حج کے حوالہ سے نرگس پر تنقید لایعنی یے بلکہ عابدہ عثمانی گناہ کی مرتکب ہوئی ہے عابدہ عثمانی کو فی الفور توبہ کرنی چاہئے اور نرگس سے بھی معافی مانگنی چاہیے-

شہریوں کا کہنا تھا کہ عابدہ عثمانی کے نرگس پر تہمت کوئی دنیوی مسئلہ نہیں ہے بلکہ ایک ایسا مسئلہ ہے جو دین کے ساتھ منسلک ہے کوئی بھی عمل کی قبولیت یا مسترد ہونے کا دعویٰ دنیا میں کیسے کر سکتا ہے۔ عابدہ عثمانی کو اپنے رویے پر فوری معافی مانگنی چاہیے

شہریوں نے احتجاج کے دوران سابق اداکارہ نرگس کے حق میں نعرے بازی بھی کی اور کہا کہ ایک سابق اداکارہ جنہوں نے اداکاری کو دنیا کو خیر باد کہہ دیا ہے اور رب سے معافی مانگ لی یے ان پر تنقید کسی صورت درست نہیں وہ جو کر رہی ہیں اللہ کی رضا کے لیے کر رہی ہیں۔اللہ ہی اعمال قبول کرنے والا ہے-

دوسری جانب اداکارہ نرگس کے لئے سعودی عرب میں بھی شہری دعائیں کر رہے ہیں دوران عمرہ شہری کی جانب سے اداکارہ نرگس کے لئے دعائیں کی گئی ہیں جس کی ویڈیو سامنے آئی ہے شہری کی جانب سے اداکارہ نرگس کی صحت و تندرستی کے لیے دعائیں کی گئی ہیں-

لاہور: فلم اور ٹی وی کی سینئر اداکارہ عابدہ عثمانی نے سابقہ اداکارہ نرگس پر تنقید کرتے ہوئے ایک ویڈیو میں کہا ہے کہ حج جتنے مرضی کر کے آئی ہو، حج قبول نہیں ہونا، تمہارے پاس پیسہ ہے جتنے مرضی حج کر لو-

باغی ٹی وی : سابقہ اداکارہ نرگس بارے عابدہ عثمانی کے بیان پر مختلف مذہبی رہنماؤں کا ردعمل اور فتاوی سامنے آئے ہیں،اس حوالے سے سول پر کہ کیا توبہ کرنے والی اداکارہ کے بارے میں یہ دعویٰ کیا جا سکتا ہے کہ اللہ اس کے گناہ معاف نہیں کرے گا؟ کے جواب میں علامہ ہشام الہی ظہیر نے کہا کہ یہ سوال شریعت کے اندر نہایت اہمیت کا حامل ہے اور صحیح مسلم اور دیگر حدیث کی کتب کے اندر اس کے اوپر ابواب بندی تک موجود ہیں-

انہوں نے کہا کہ قطع نظر کہ کسی اداکارہ کا یا کسی کا کیا جھگڑا چل رہا ہے میں آپ کو شریعت کے حوالے سے اپنا موقف سامنے کھ دیتا ہوں کوئی شخص جس کی زندگی گناہوں سے آلودہ ہو یا کوئی عورت جس کی زندگی گناہوں سے آلودہ وہ توبہ کرے اور وہ اللہ رب العزت سے مغفرت کی امیدوار ہو اور اللہ رب العزت سے رجوع کرے تو اس کے حوالے سے کوئی دوسرا شخص یا عور ت دعویٰ کرے کہ اللہ رب العزت اسے معاف نہیں کرے گا تو اس حوالے سے صحیح مسلم کی یہ حدیث موجود ہے کہ ایک شخص نے کہا کہ اللہ کی قسم فلاں کو اللہ کبھی معاف نہیں کرے گا تو اللہ تعالیٰ نے فرمایا ترجمہ”کون ہے جس نے میرے حق کے اوپر قسم کو اٹھادیا میں نے اس کے گناہوں کو معاف کیا جو بندہ یہ قسم اٹھا رہا ہے میں اس کو معاف نہیں کروں گا میں نے اس کے اعمال کو ضائع کر دیا –
https://x.com/BaaghiTV/status/1858124209286787142
علامہ ہشام الہی ظہیر نے کہا کہ یہ کہنا کہ اللہ فلاں بندے کو معاف نہیں کرے گا قرآن کے سنت کے حدیث کے شریعت کے اور دین کے سخت خلاف بات ہےاور ایسے شخص کا بائیکاٹ کرنا چاہیئے کوئی شخص جتنا بھی بُرا آلودہ ہو اس کے لئے مغفرت کا دروازہ اس کی روح نکلنے تک کھلا ہوا اللہ ہم سب کو توبہ کی توفیق دے-

لاہور:وزیر اطلاعات پنجاب عظمیٰ بخاری نے انگریزی اخبار میں شائع ہونے والے آرٹیکل میں حکومت پنجاب کی یو اے ای کے فنڈز میں سرمایہ کاری کی خبر کو سراسر غلط قرار دیتے ہوئے کہا کہ حکومت پنجاب نے کسی بھی یو اے ای کے فنڈ میں سرمایہ کاری نہیں کی-

باغی ٹی وی :وزیر اطلاعات پنجاب عظمیٰ بخاری نے کہا کہ اس موضوع پر حکومت پنجاب کے عہدیداروں کے ساتھ آئی ایم ایف کے اجلاس میں کبھی بات بھی نہیں ہوئی مذکورہ آرٹیکل میں آئی ایم ایف کے بارے میں غلط تاثر دیا گیا ہے کہ وہ پنجاب کے پہلے سہ ماہی کے خسارے پر پریشانی کا شکار ہے جبکہ آئی ایم ایف نے تسلیم کیا ہے پنجاب حکومت کا پہلی سہ ماہی کے اختتام پر تقریباً 40 ارب روپے کا سرپلس تھا جس کے بعد وفاقی وزارت خزانہ نے اپنے اعداد و شمار درست کیے۔

عظمیٰ بخاری نے کہا کہ پنجاب حکومت کے سرپلس کو ظاہر کرنے والے نظر ثانی شدہ مالیاتی آپریشنز بھی اَپ لوڈ کیے آرٹیکل میں یہ بھی غلط رپورٹ کیا گیا ہے کہ پنجاب اپنے 150 ارب روپے کے سرپلس ہدف سے پہلے سہ ماہی کے اختتام پر پیچھے ہے جبکہ حقیقت یہ ہے کہ قومی مالیاتی معاہدے میں پنجاب کے لیے سہ ماہی سرپلس کے اہداف نہیں ہیں۔

وزیر اطلاعات نے کہا کہ آئی ایم ایف نے تسلیم کیا پنجاب اپنے متعین سرپلس کو مالی سال کے آخر تک حاصل کرنے کے لیے صحیح راستے پر گامزن ہے، پنجاب حکومت انگریزی اخبار کی غلط رپورٹنگ پر افسوس کا اظہار کرتی ہے، یہ رپورٹنگ صحافتی معیار اور صحافتی اصولوں کے خلاف ہے۔

لاہور: استحکام پارٹی کے رہنما عون چوہدری نے کہا ہے کہ جب حکومت ترقی کی جانب گامزن ہوتی ہے تو کچھ عناصر ملک کو ترقی کرتا ہوا نہیں دیکھ سکتے،کے پی عوام سے درخواست ہے ملک دشمن عناصر کے ہاتھوں استعمال نہ ہوں-

باغی ٹی وی: لاہور میں میڈیا سے گفتگو کرتے ہوئے عون چوہدری نے کہا کہ کچھ عناصر اسلام آباد پر یلغار کرنے کا اعلان کررہے ہیں وہ کہتے ہیں کہ حقیقی آزادی لے کر جائیں گے، یہ اپنے ملک میں ہی انارکی پھیلا رہے ہیں، یہ اپنے بچوں کو کیوں آگے نہیں لاتے؟ آپ سب سے پہلے اپنے بچوں کو آگے رکھیں پھر کے پی کے کے بچوں کو آگے لائیں، ملک دشمن عناصرجلاؤ گھیراؤ کی فضا قائم کرکے عدم استحکام پیداکرنا چاہتے ہیں۔

عون چوہدری نے کہا کہ تحریک انصاف نے ملک میں نفرت کی فضا پیدا کی۔ایسے کونسے ملک دشمن عناصر ہیں جو جلاؤ گھیراؤ کی فضا پیدا کرتے ہیں؟ نفرتیں چھوڑیں، ہمیں سب سے پہلے اپنے ملک کا سوچنا چاہیئے، آزاد ریاست اللہ تعالیٰ کی بہت بڑی نعمت ہے آج ہماری حکومت کو 9 ماہ ہوگئے ہیں، حکومت ترقی کی جانب گامزن ہے پاکستان میں ڈالر مستحکم ہو رہا ہے، ملک میں مہنگائی کی شرح میں کمی واقع ہوئی ہے حکومت عوام کو سہولتیں مہیا کرنے کے لیے دن رات کوشاں ہیں۔

ان کا کہنا تھا کہ میں اپنی قوم کو حقائق بتانا چاہتا ہوں کیا اس وقت پاکستان ترقی کی طرف گامزن نہیں ہے؟ کیا موجودہ حالات پہلے سے بہتر نہیں؟ میرے کچھ سوالات ہیں اپنی قوم کے لیے، کیا پاکستان میں ڈالر مستحکم ہوا؟ کیا پاکستان میں ایکسچینج میں بہتری آئی؟ ہمارے عوام کو یہ جاننا چاہیے۔