Author: Ayesha Rehmani

اسلام آباد: وفاقی وزیر داخلہ اور چئیرمین پی سی بی محسن نقوی کا کہنا ہے کہ پاکستان کے لیے مستقبل میں اچھے دن آرہے ہیں،حالیہ امریکہ کے دورے سے پاکستان کو بہت فائدہ ہو گا-

باغی ٹی وی : وزیر داخلہ محسن نقوی نے ایک بیان میں کہا کہ نادرا اور پاسپورٹ دفاتر میں اصلاحات لائے ہیں ، ایک ماہ پہلے اعلان کیا تھا کہ پاسپورٹ کا بیک لاگ ختم ہو گیا ہے،اس دن فیصلہ کہا تھا کہ نادرا کے ساتھ مل کر کاؤنٹر بنائے جائیں گے14شہروں میں نادرا کے ساتھ پاسپورٹ کاونٹرز بنا رہے ہیں، لاہور میں 3 کاونٹرز بنائیں گے، عوام کو فائدہ پہنچے گا-

محسن نقوی نے کہا کہ لوگوں کا ایک ہی جگہ رش نہیں لگا کرے گا ،عوام کو سہولت فراہم کرنا مقصد ہے،ایف آئی اے میں بڑے پیمانے میں اصلاحات ہو گی،ایف آئی اے کو بہتر کریں گے، پاکستان کے لیے مستقبل میں اچھے دن آرہے ہیں، حالیہ امریکہ کے دورے سے پاکستان کو بہت فائدہ ہو گا.

اسٹار فٹبالر رونالڈو نے نیا اعزاز اپنے نام کر لیا

انہوں نے کہا کہ 8تاریخ کو لاہور میں میچ ہے اسی دن ایک سیاسی جماعت لاہور میں احتجاج کر رہی ہےسیاسی جماعت سے احتجاج کے حوالے سے بات کریں گےخوشی ہوتی ہے جب پاکستانی جائز طریقے سے ملک کے باہر جاتے ہیں ناجائز کام کرنے والوں کے خلاف کارروائی کی جائے گی-

کراچی کے دروازے ہر سیاسی جماعت کے لیے کھلے ہیں۔مرتضیٰ وہاب

اسلام آباد: پاکستان فیڈرل یونین آف جرنلسٹ نے متنازعہ پیکا ایکٹ کے خلاف کل ملک بھرمیں یوم سیاہ منانے کا اعلان کیا ہے۔

باغی ٹی وی: اسلام آباد سے پی ایف یو جے صدر افضل بٹ اور سیکریٹری جنرل ارشد انصاری نے اپنے مشترکہ بیان میں کہا کہ ملک بھر کے پریس کلبوں اور یونین کے دفاتر میں سیاہ پرچم لہرائے جائیں گے، متنازعہ پیکا ایکٹ کے خلاف احتجاجی ریلیاں نکالی جائیں گی۔

پی ایف یو جے نے کہا کہ تمام صحافی بازووں پر سیاہ پٹیاں باندھ کر سرکاری و غیرسرکاری تقریبات کی کوریج کریں گے، بل پر حکومت، قومی اسمبلی اور سینیٹ نے اسٹیک ہولڈرز سے مشاورت نہیں کی تھی، صدر زرداری نے ملاقات کا موقع دیئے بغیر بل پر دستخط کیے جو افسوس ناک ہے، تحریک آزادی صحافت کا آغاز کر دیا ہے، کالے قانون کی منسوخی کیلئے پارلیمنٹ ہاؤس کے سامنے دھرنے کی کال دی جائے گی۔

ایم کیوایم اپنی مردہ سیاست زندہ کرنے کیلئےپی پی پر تنقید کرتی ہے ،شرجیل میمن

انہوں نے کہا کہ پیکا ترمیمی ایکٹ کےنتیجے میں پہلے پکڑدھکڑ کی جائیگی پھر سزا دی جائے گی ، پیکاترمیمی ایکٹ کے خلاف پریس فریڈم موومنٹ کا اعلان کردیا ہے، ایکٹ کیخلاف پی ایف یوجے کا صرف احتجاج نہیں بلکہ موومنٹ ہے-

کرپشن کیسز میں سابق امریکی سینیٹر کو 11 سال قید کی سزا

افضل بٹ نے بتایا کہ پیکا ترمیمی ایکٹ کیخلاف عدالت بھی جارہے ہیں، جس پر قانونی ماہرین کام کررہےہیں اور مختلف شقوں کا جائزہ لیاجارہاہے، ایکٹ پر فوری عملدرآمد کاامکان نہیں کیونکہ ابھی اتھارٹی رولز بننے ہیں،جس اسپیڈ سے حکومت نے قانون منظورکرایا ہوسکتاہے ان کی تیاری بھی مکمل ہو، ایکٹ پر عملدرآمد کی رفتار چند روز میں واضح ہوجائے گی اور ایکٹ سے متاثرہ صحافیوں کو قانونی اور انسانی بنیاد پر بھی تعاون فراہم کریں گے۔

محسن عباس حیدر کا سیٹ پر نشہ کرکے آنیوالے مرد و خواتین پرپابندی لگانے کا مطالبہ