Author: Ayesha Rehmani

واشنگٹن: اداکارہ ریما نے امریکا میں جاری انتخابات میں اپنا ووٹ کاسٹ کر دیا۔

باغی ٹی وی : سماجی رابطے کی ویب سائٹ انسٹاگرام پر اداکارہ نے ووٹ ڈالنے کے بعد اپنے شوہر کے ہمراہ تصویر شیئر کی ہےانہوں نے اپنی پوسٹ کے کیپشن میں بتایا کہ انہوں نے اپنے شوہر کے ساتھ امریکی صدارتی انتخابات میں اپنا ووٹ ڈال دیا ہے-

ریمانے اس حوالے سے مختلف انسٹا اسٹوریز بھی شیئر کی ہیں جن میں انہیں ووٹ کاسٹ کرتے ہوئے دیکھا جا سکتا ہے،تاہم انہوں نے یہ نہیں بتایا کہ انہوں نے ووٹ کس کو کاسٹ کیا ہے-

واضح رہے کہ امریکا میں گزشتہ روز 5 نومبر کو 47 ویں صدراتی انتخابات کا انعقاد ہوا، جس کے سلسلے میں اب پولنگ ختم ہو چکی ہے،50 امریکی ریاستوں میں سے 43 کے نتائج سامنے آ گئے ہیں،امریکی صدر کے انتخاب کیلئے انڈیانا اور کینٹکی کے بعد جارجیا، جنوبی کیرولائنا، ورمونٹ ، ورجینیا اور فلوریڈا میں بھی پولنگ کا وقت ختم ہوگیا ہےجس کے بعد ووٹوں کی گنتی کا عمل شروع کردیا گیا، ٹر مپ دوسری بار امریکی صدر بننے کے قریب،جارجیا میں بھی جیت گئے،ٹرمپ کے امریکی صدر بننے کے امکانات بڑھ گئے ، سات میں 2 سوئنگ اسٹیٹس جارجیا اور شمالی کیرولائنا میں ٹرمپ کامیاب ہو گئے ہیں،پینسلوینیا کی 19الیکٹورل نشستیں بھی ٹرمپ کے نام ہو گئی ہیں،سوئنگ اسٹیٹس پینسلوینیا ،وسکونسن اور مشی گن میں بھی ٹرمپ آگے ہیں-

واشنگٹن: آج رات امریکا کی جانب سے ہائپرسونک جوہری میزائل کا تجربہ کیا جائے گا۔

باغی ٹی وی : برطانوی میڈیا کے مطابق امریکی فوج ہائپر سونک میزائل تجربے کے لیے تیار ہے،انٹرکانٹی نینٹل بیلسٹک میزائل ’منٹ مین تھری‘ کو مقامی وقت کے مطابق رات 11 بجے سے صبح 5 بجے کے درمیان کیلی فورنیا کے وینڈنبرگ اسپیس فورس بیس سے لانچ کیا جائے گا۔

برطانوی میڈیا کی خبر کے مطابق میزائل کی رفتار 15 ہزار میل فی گھنٹا سے زائد تک جا سکتی ہے ہائپرسونک جوہری میزائل 30 منٹ میں دنیا بھر میں کہیں بھی ہدف کو نشانہ بنا سکتا ہے،امریکی حکام کا کہنا ہے کہ ہائپرسونک میزائل ٹیسٹ کو سالوں پہلے ہی آج کے دن کیلئے شیڈول کیا گیا تھا۔

صدارتی انتخابات کی رات ہی جوہری ہائپرسونک میزائل کے تجربے پر کچھ امریکیوں کی جانب سے تحفظات کا اظہار کیا گیا تاہم امریکی فوج نے تحفظات کو مسترد کرتے ہوئے کہا کہ میزائل تجربے کیلئے وقت کا تعین پہلےہی کیا گیا تھا۔

ڈیلی میل کی رپورٹ کے مطابق پولز بند ہونے کے چند گھنٹے بعد، ایک منٹ مین III بین البراعظمی بیلسٹک میزائل (ICBM) کیلیفورنیا کے وینڈنبرگ اسپیس فورس بیس سے لانچ ہونے والا ہے فوجی حکام نے یقین دہانی کرائی ہے کہ "ٹیسٹ معمول کے مطابق ہے اور سال پہلے سے طے شدہ تھا۔

ایئر فورس گلوبل اسٹرائیک کمانڈ نے کہا کہ اس ٹیسٹ کا مقصد صرف اور صرف امریکی جوہری قوتوں کی تیاری کا جائزہ لینا اور "قوم کے جوہری روک تھام کے اعتماد اور طاقت کو تقویت دینا ہے۔”

تل ابیب: اسرائیلی وزیر اعظم نیتن یاہو نے دوران جنگ اسرائیلی وزیر دفاع یواف گیلانٹ کو برطرف کردیا۔

باغی ٹی وی : خبررساں ادارے "اے پی” کے مطابق یوو گیلنٹ کی جگہ موجودہ اسرائیلی وزیر خارجہ اسرائیل کاٹز وزارت دفاع کا قلمدان سنبھالیں گے،وزیراعظم نے وزیردفاع یوو گیلنٹ کو ایک ایسے وقت میں برطرف کر دیاجب اسرائیل ایک سے زیادہ محاذوں پر جنگ میں الجھا ہوا ہے۔

نئے وزیردفاع کاٹز نے سماجی رابطے کی ویب سائٹ ایکس پر بیان میں کہا کہ وہ نئی ذمہ داریاں اسرائیلی ریاست اور اس کے شہریوں کی سکیورٹی کے لئے مشن اور مقدس فرض سمجھ کر سرانجام دیں گے۔

نیتن یاہو اور گیلنٹ کئی مرتبہ غزہ جنگ کے معاملے پر آمنے سامنے آئے ہیں تاہم نیتن یاہو نے اپنے حریف وزیر دفاع کو برطرف کرنے سے گریز کیا تھاوزیردفاع کو برطرف کرنے کے اعلامیے میں نیتن یاہو نے برطرفی کی وجہ ان کے اور وزیر دفاع کے درمیان اعتماد کے فقدان اور اختلافات کو قرار دیا۔

نیتن یاہو کا کہنا تھا کہ ’جنگ کے بیچ میں وزیراعظم اور وزیردفاع کے درمیان مکمل اعتماد کی ضرورت ہوتی ہے لیکن بدقسمتی ہے کہ جنگ کی شروعات کے مہینوں کے دوران دونوں کے درمیان پورا اعتماد تھا اور بہت ہی ثمرآور کام بھی ہوا تاہم بعد کے مہینوں میں یہ اعتماد ختم ہوگیا، گیلانٹ نے ایسے بیانات دیے جو حکومت اور کابینہ کے فیصلوں سے متصادم تھے-

دوسری جانب اسرائیلی اپوزیشن جماعتوں کی جانب سے کہا گیا ہے کہ نیتن یاہو سیاسی مفادات کے لیے قومی سلامتی کو داؤ پر لگا رہے ہیں۔

وزیر اعظم نیتن یاہو کی طرف سے برطرفی کے بعد یوو گیلنٹ نے ایک بیان میں کہا کہ ’ریاست اسرائیل کی سلامتی ہمیشہ سے میری زندگی کا مشن تھا، اور رہے گا،ایک ٹیلی ویژن بیان میں، انہوں نے کہا کہ ان کی برطرفی تین چیزوں پر تنازعہ کا نتیجہ ہے: الٹرا آرتھوڈوکس ملٹری سروس کا مسئلہ، غزہ میں یرغمالیوں کو چھوڑنا، اور حماس کے 7 اکتوبر کے حملے کی سرکاری تحقیقات کا مطالبہ کرنا-

اسرائیل کے انتہا پسند وزیر برائے قومی سلامتی بن گویر نے اس فیصلے کی حمایت کرتےہوئے کہا کہ یواف گیلانٹ ’جیت‘ میں ایک رکاوٹ تھے۔

سی این این کے مطابق گیلنٹ کی برطرفی کے بعد تل ابیب اور اسرائیل کے دیگر حصوں میں مظاہرے پھوٹ پڑے، جب نیتن یاہو نے مجوزہ عدالتی اصلاحات کی مخالفت پر گزشتہ سال پہلی بار گیلنٹ کو برطرف کرنے کی کوشش کی تو اس کے نتیجے میں بڑے پیمانے پر ملک گیر مظاہرے ہوئے، نیتن یاہو کے اعلان کے چند منٹ بعد ہی اپوزیشن لیڈروں نے اسرائیلیوں سے احتجاج میں سڑکوں پر نکلنے کا مطالبہ کیا۔

یروشلم اور تل ابیب میں مظاہرے پھوٹ پڑے یروشلم میں نیتن یاہو کی رہائش گاہ کے باہر مظاہرین نے "شرم کرو” کے نعرے لگائے، تل ابیب میں، مظاہرین نے ایک مرکزی شاہراہ کو بند کر دیا جبکہ غزہ میں یرغمالیوں کے اہل خانہ نے وزیر اعظم کا عرفی نام استعمال کرتے ہوئے "بی بی ایک غدار ہے” کے نعرے لگائے۔

ایک اسرائیلی شہری جن کا بیٹا متان ابھی بھی غزہ میں ہے، نے ایک بیان میں کہا کہ "جنگ کے دوران گیلینٹ کو فارغ کرنا اور ایک ایسے آدمی جس کے پاس سیکورٹی سے متعلق تجربہ نہیں ہے، کو اس جگہ پر مقرر کرنا، یہ واضح پیغام دے رہا ہے کہ کوئی بھی کھڑا نہیں ہو گا۔” نیتن یاہو کے پاس جوکہ انہیں ڈیل کرنے اور جنگ کو طول دینے سے روکیں۔

اسرائیلی اپوزیشن لیڈر یائر لاپڈ نے اسے ’’پاگل پن کا عمل‘‘ قرار دیا کہا کہ "نیتن یاہو اپنی حقیر سیاسی بقا کے لیے اسرائیل کی سیکورٹی اور آئی ڈی ایف (اسرائیل ڈیفنس فورسز) کے سپاہیوں کو بیچ رہے ہیں”جنگ کے درمیان میں یووگیلنٹ کی برطرفی پاگل پن ہے”۔

واضح رہے کہ اسرائیل کے برطرف وزیردفاع گیلنٹ اور وزیراعظم نیتن یاہو دونوں دائیں بازو کی جماعت سے تعلق رکھتے ہیں لیکن غزہ میں گزشہ ایک برس سے جاری جنگ کے دوران دونوں کے درمیان انتہائی کشیدگی جاری تھی –