Author: Khalid Mehmood Khalid

بھارت نے کشمیر میں لائن آف کنٹرول پر پاکستانی بارڈر کے ساتھ آرمی میں موجود خوبصورت اور نوجوان لڑکیوں کو تعینات کر دیا ہے۔ بھارتی تاریخ میں یہ پہلا موقعہ ہے جب بھارتی فوج کی خواتین کو ایل او سی پر ڈیوٹی دینے کے لئے احکامات جاری کئے گیے ہیں۔ان خواتین جوانوں کودس ہزار فٹ کی بلندی پر ٹنگدھر سیکٹر میں سادھنا ٹاپ پر ڈیوٹی دی گئی ہے اور ان کا تعلق آسام رائفلز سے ہے۔ خواتین فوجیوں کے اس گروپ کی قیادت کیپٹن گرسمرن کور کر رہی ہے۔ 

چئیرمین کشمیر کمیٹی شہریار خان آفریدی نے مظفرآباد آزاد کشمیر میں مرکزی عید گاہ میں عوام سے خطاب کرتے ہوئے کہا کہ وزیر اعظم عمران خان کی ہدایت پر عید کے موقع پر کشمیری عوام سے یکجہتی کا اظہار کرنے کشمیر کمیٹی کے اراکین کے ہمراہ یہاں پہنچا ہوں. انہوں نے کہا کہ وزیراعظم عمران خان کشمیر کے حقیقی سفیر کی حیثیت سے دنیا بھر میں اہم فورمز پر کشمیر کی آزادی کا مقدمہ لڑرہے ہیں. شہریار خان آفریدی نے کہا کہ ہم کشمیر کیلئے ہر قسم کی قربانی کیلئے تیار ہیں جب کہ مسئلہ کشمیر پر کوئی سمجھوتہ نہیں کریں گے. کشمیر کی آزادی تک کشمیر کا مقدمہ لڑیں گے. فاشسٹ مودی حکومت جان لے. کشمیریوں کی جدوجہد میں انکے شانہ بشانہ کھڑے ہیں اورکشمیر کی آزادی تک کشمیر کا مقدمہ ہر فورم اور ہر میدان میں لڑینگے. شہریار خان آفریدی نے کہا کہ دشمن جان لے. کشمیر کاز کیلئے پاکستان کے عوام، سیاسی جماعتیں اور مسلح افواج سمیت تمام سٹیک ہولڈرز متحد، یکسو اور یک جان ہیں. بعد میں شہریار آفریدی نے وزیر اعظم آزاد کشمیر فاروق حیدر اور صدر سردار مسعود خان کے ہمراہ آزادی کشمیر کیلئے نکالی گئی ریلی کی قیادت بھی کی.

چئیرمین کشمیر کمیٹی شہریار خان آفریدی کی کشمیر کمیٹی کے اراکین کے ہمراہ مظفرآباد آزاد کشمیر آمدکے بعدصدر آزاد کشمیر مسعود خان کی میزبانی میں منعقدہ تقریب سے خطاب۔ انہوں نے کہا کہ دلیر کشمیری نو لاکھ بھارتی فوج کا مقابلہ ہتھیاروں کے بغیر کرکے جدوجہد آزادی کی تاریخ میں نئی روایت قائم کررہے ہیں. انہوں نے کہا کہ میرے ساتھی اراکین کشمیر کمیٹی عید کے موقع پر مظفرآباد کشمیریوں سے اظہار یکجہتی کرنے آئے ہیں. ہماری آمد حکومت پاکستان اور پاکستانی پارلیمنٹ کی طرف سے کشمیرکاز کی ببانگ دہل حمایت کا اظہار ہے. شہریار آفریدی نے کہا کہ بھارت کشمیریوں کی نسل کشی اور انکی آواز دبانے کیلئے ڈریکونین قوانین کے ذریعے کشمیری میڈیا پر پابندیاں لگارہا ہے جو اقوام متحدہ کے اظہار رائے کی آزادی کی کھلی خلاف ورزی ہے. انہوں نے کہا کہ پاکستان بھارت کو کٹہرے میں لانے کیلئے ہر فورم پر آواز بلند کررہا ہے۔ بھارت کی عالمی سطح پر پے درپے ناکامیاں اور وزیر اعظم عمران خان کی مسئلہ کشمیر کیلئے جدوجہد عکاس ہے کہ کشمیر کی آزادی کی منزل قریب ہے.