Author: ممتاز حیدر

بلوچستان کے علاقے قلات میں سکیورٹی فورسز نے 18 دہشتگردوں کو جہنم واصل کر دیا جبکہ مقابلے میں ایف سی کے 18 بہادر جوانوں نے جام شہادت بھی نوش کیا

بلوچستان کے ضلع قلات کے علاقے منگوچرمیں دہشت گردوں نے سڑکوں پر رکاوٹیں قائم کرنے کی کوشش کی۔ڈی جی آئی ایس پی آر کے مطابق دشمن قوتوں کی ایما پر کی جانے والی یہ بزدلانہ دہشت گردی کی کارروائی بلوچستان کے پرامن ماحول کو خراب کرنے اور خاص طور پر بے گناہ شہریوں کو نشانہ بنانے کے لیے کی گئی تھی۔
سیکیورٹی فورسز اور قانون نافذ کرنے والے اداروں کو فوری طور پر متحرک کیا گیا، جنہوں نے دہشت گردوں کے مذموم منصوبے کو کامیابی کے ساتھ ناکام بنا دیا اور بارہ دہشت گردوں کو جہنم واصل کر دیا، اس طرح مقامی لوگوں کی حفاظت اور سیکیورٹی کو یقینی بنایا۔

تاہم، آپریشن کے دوران 18 بہادر بیٹے، جو بہادری سے لڑتے ہوئے شہادت کے رتبے پر فائز ہوئے،31 جنوری اور یکم فروری کی رات دہشتگردوں نے روڈ بلاک کرنے کی کوشش کی، سکیورٹی فورسز اور قانون نافذ کرنے والے ادارے فوری متحرک ہوئے اور سکیورٹی فورسز نے دہشتگردوں کے مذموم عزائم کو کامیابی سے ناکام بنایا۔گھناؤنے بزدلانہ فعل کے مرتکب اور سہولتکاروں کو انصاف کے کٹہرے میں لائیں گے، قلات کے علاقے منگوچر میں کلیئرنس آپریشن جاری ہے۔پاکستان کی سیکیورٹی فورسز، قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں، ہمارے بہادر سپاہیوں کی قربانیاں ہمارے عزم کو مزید مضبوط کرتی ہیں۔

دہشت گردوں نے ایک بار پھر بزدلانہ حملہ کرتے ہوئے قلات کے علاقے میں مسافر بسوں پر فائرنگ کی اور ایک بینک کو بھی نذر آتش کر دیا۔ یہ حملہ شہر میں خوف و ہراس پھیلانے کے لیے کیا گیا، تاہم سیکورٹی فورسز نے فوراً اور مؤثر کارروائی کرتے ہوئے حملے کو ناکام بنا دیا۔دہشت گردوں نے قلات کے مرکزی علاقے میں دن دہاڑے مسافر بسوں کو نشانہ بنایا اور ایک بینک کو آگ لگا دی۔ اس کارروائی کا مقصد علاقے میں بدامنی پھیلانا تھا، لیکن سیکورٹی فورسز کی مستعد اور فوری کارروائی نے دہشت گردوں کے منصوبے کو ناکام بنا دیا۔سیکورٹی فورسز نے دہشت گردوں کا تعاقب کیا اور ان کے ٹھکانوں کو نشانہ بناتے ہوئے انہیں مؤثر انداز میں ہلاک کر دیا۔ دہشت گردوں کے مذموم ارادے خاک میں ملا دیے گئے، اور ان کے حملے کا نتیجہ انہی کی تباہی کی صورت میں سامنے آیا۔یہ کامیاب کارروائی ایک بار پھر اس بات کا غماز ہے کہ ریاستی ادارے ملک کے ہر کونے میں امن و سکون قائم رکھنے کے لیے ہمہ وقت تیار ہیں۔ فورسز کی بروقت کارروائی سے علاقے میں امن و امان کی صورتحال بحال کر دی گئی، اور عوام نے ایک بار پھر قانون نافذ کرنے والے اداروں کے عزم و حوصلے کو سراہا۔

سیکورٹی ذرائع کا کہنا ہے کہ اس کامیاب کارروائی سے دہشت گردوں کو واضح پیغام دیا گیا ہے کہ ان کی کوئی بھی سازش ریاست کی قوت کے سامنے کامیاب نہیں ہو سکتی۔ فورسز کا عزم مضبوط ہے اور دہشت گردوں کے خلاف کارروائی مزید تیز کی جائے گی تاکہ ملک بھر میں امن قائم رکھا جا سکے۔قلات کے عوام نے سیکورٹی فورسز کی اس بروقت کارروائی کو سراہا اور دہشت گردوں کے خلاف حکومت کی سخت موقف کی حمایت کا اظہار کیا۔

9 مئی،جی ایچ کیو حملہ کیس، ثبوت، نقصان کا تخمینہ عدالت پیش

کراچی کے دروازے ہر سیاسی جماعت کے لیے کھلے ہیں۔مرتضیٰ وہاب

صدر مملکت آصف علی زرداری کی قلات میں دہشت گرد حملے کی شدید مذمت
پاکستان کے صدر آصف علی زرداری نے ضلع قلات میں دہشت گردوں کے حملے کی شدید مذمت کی ہے، جس میں 18 سیکیورٹی اہلکاروں نے اپنی جانوں کا نذرانہ پیش کیا۔ صدر مملکت نے دہشت گردوں کے خلاف آپریشن کے دوران 18 سیکیورٹی اہلکاروں کی شہادت پر گہرے دکھ اور افسوس کا اظہار کیا ہے۔صدر آصف علی زرداری نے دہشت گردوں کے خلاف فوری اور مؤثر کارروائی کرنے والے سیکیورٹی اہلکاروں کی قربانیوں کو سراہا اور شہداء کو خراج عقیدت پیش کرتے ہوئے کہا کہ ان کی قربانیاں ملک کے امن اور استحکام کے لیے ہمیشہ یاد رکھی جائیں گی۔ صدر نے مزید کہا کہ دہشت گردوں کے خلاف یہ کارروائیاں ملک کے دفاع کے لیے اہم ہیں اور سیکیورٹی فورسز نے 12 دہشت گردوں کو جہنم واصل کر کے اپنی بہادری کا بھرپور مظاہرہ کیا۔صدر مملکت نے شہداء کے لیے دعا کی کہ اللہ تعالیٰ انہیں جنت الفردوس میں بلند مقام عطا فرمائے اور ان کے اہل خانہ کو صبر جمیل دے۔ انہوں نے کہا کہ دہشت گردی کے خلاف جنگ میں ہماری سیکیورٹی فورسز کی قربانیاں قومی یکجہتی اور عزم کی علامت ہیں۔آصف علی زرداری نے کہا کہ بلوچستان میں دہشت گردی کے واقعات ملک دشمن عناصر کی کارستانی ہیں جو پاکستان کے امن کو تباہ کرنا چاہتے ہیں۔ تاہم انہوں نے یہ واضح کیا کہ سیکیورٹی فورسز دہشت گردی کے خلاف اپنی کارروائیاں جاری رکھیں گی اور کسی کو بھی امن کو نقصان پہنچانے کی اجازت نہیں دی جائے گی۔صدر نے مزید کہا کہ پاکستانی عوام دہشت گردوں اور ملک دشمن عناصر کو مسترد کرتے ہیں اور وہ اپنے سیکیورٹی اداروں کے ساتھ کھڑے ہیں۔ پوری قوم دہشت گردی کے خلاف جنگ میں اپنی سیکیورٹی فورسز کے ساتھ ہے اور یہ عزم ہمیں ایک مضبوط اور محفوظ پاکستان کی طرف لے جائے گا۔

بہادر سپوتوں نے اپنے خون کی قربانی دے کر وطن عزیز کے امن کی حفاظت کی۔وزیر داخلہ
اسلام آباد: وفاقی وزیرداخلہ محسن نقوی نے قلات میں دہشت گردوں کے خلاف بہادری سے لڑتے ہوئے جام شہادت نوش کرنے والے ایف سی بلوچستان کے 18 جوانوں کو زبردست الفاظ میں خراج عقیدت پیش کیا۔ محسن نقوی نے کہا کہ ایف سی بلوچستان کے بہادر سپوتوں نے اپنے خون کی قربانی دے کر وطن عزیز کے امن کی حفاظت کی۔ ان جوانوں کی عظمت کو کبھی فراموش نہیں کیا جائے گا۔ان جوانوں کی قربانیاں ملکی تاریخ کا حصہ بن چکی ہیں اور یہ ان کی جرات و بہادری کی مثال ہیں۔ ان 18 جوانوں کی شہادت نہ صرف ان کے خاندانوں کے لیے ایک غم کی گہری لہر ہے بلکہ پورے ملک کے لیے ایک عظیم نقصان ہے۔ انہوں نے کہا کہ ان کی قربانیوں کی بدولت وطن عزیز میں امن و امان قائم رکھنے میں مدد ملی ہے اور ان کی قربانیوں کا احترام کرتے ہوئے حکومت پوری قوم کے ساتھ ان کے اہل خانہ کی پشت پناہی کرے گی۔محسن نقوی نے مزید کہا کہ دہشت گردوں کے خلاف جنگ میں ہم سب متحد ہیں اور ایف سی بلوچستان کے جوانوں نے اپنی جانوں کی قربانی دے کر یہ ثابت کر دیا کہ وطن کی حفاظت کے لیے کوئی بھی قربانی پیش کرنے سے گریز نہیں کیا جائے گا۔ ان کی قربانی کو ہمیشہ یاد رکھا جائے گا اور انہیں پورے ملک کی طرف سے سلام پیش کیا جائے گا۔وفاقی وزیرداخلہ نے اس عزم کا اعادہ کیا کہ دہشت گردوں کے خلاف کارروائیاں جاری رکھی جائیں گی اور ملک کے امن و استحکام کے لیے کوئی کسر اٹھا نہیں رکھی جائے گی۔ اس موقع پر انہوں نے شہداء کے اہل خانہ کے ساتھ اظہار یکجہتی کرتے ہوئے کہا کہ قوم ان کے غم میں شریک ہے اور ان کی قربانیوں کو ہمیشہ یاد رکھا جائے گا۔

9 مئی کو ہونے والے جی ایچ کیو حملہ کیس کی سماعت انسداد دہشت گردی عدالت کے جج امجد علی شاہ کی زیرِ نگرانی ہوئی۔

اس دوران بانی پی ٹی آئی، عمران خان کو بھی کمرہ عدالت میں پیش کیا گیا۔کیس میں دو نئے گواہان کے بیانات بھی قلمبند کیے گئے، جن میں کانسٹیبل عمران اور ایس ڈی او اویس شاہ شامل ہیں۔نو مئی کے روز نقصانات کے فوٹو بنانے والے پولیس کانسٹیبل عمران کی شہادت ریکارڈ کی گئی ،پولیس کانسٹیبل عمران نے نو مئی کے روز کی 15 تصاویر عدالت میں پیش کیں ، جبکہ گواہ اویس شاہ نے جی ایچ کیو گیٹ پر ہونے والی توڑ پھوڑ کے نقصان کا تخمینہ عدالت میں پیش کیا۔ رپورٹ میں بتایا گیا کہ توڑ پھوڑ سے تقریباً 7 لاکھ 80 ہزار روپے کا مالی نقصان ہوا۔

اس کے علاوہ، جی ایچ کیو حملہ کیس کے شواہد پر مشتمل 13 یو ایس بیز بھی عدالت میں جمع کروا دی گئیں۔ عدالت نے وکلا صفائی کو یو ایس بی کی کاپیاں حاصل کرنے کی اجازت دی۔ تاہم، عدالت میں اضافی رپورٹس نہ دینے پر ایس ایس پی آپریشنز کو طلب کیا گیا۔ یہ رپورٹس ایف آئی اے، پیمرا، انٹرنل سکیورٹی، اور پی آئی ڈی سے متعلق تھیں۔ایس ایس پی آپریشنز سماعت کے دوران عدالت میں پیش نہ ہو سکے، جس پر عدالت نے پولیس کو آئندہ سماعت سے پہلے اضافی رپورٹس وکلا صفائی کو فراہم کرنے کی ہدایت کی۔

بشریٰ بی بی کی 26 نومبر کے 31 مقدمات میں عبوری ضمانت میں 8 فروری تک توسیع کر دی گئی۔بشری بی بی کو اڈیالہ جیل میں قائم خصوصی عدالت پیش نہ کیا گیا،بشری بی بی کی عدم پیشی پر عدالت نے ضمانت میں 8 فروری تک توسیع کی ،عدالت نےراولپنڈی ڈویژن کی پولیس کو ملزمہ کو تمام مقدمات میں شامل تفتیش کرنے کا حکم دے دیا، عدالت نے تمام مقدمات کے تفتیشی افسران کو ملزمہ کو شامل تفتیش کرنے کا حکم دیا ،بشری بی بی کے خلاف ضلع اٹک میں 20 ضلع راولپنڈی میں 10 اور چکوال میں ایک مقدمہ درج ہے،بشری بی بی کی درخواست ضمانت پر سماعت انسداد دہشتگردی عدالت کے جج امجد علی شاہ نے کی ،ملزمہ کی درخواست ضمانت پر ائندہ سماعت بھی اڈیالہ جیل میں کی جائے گی

انسداد دہشت گردی عدالت نے 9 مئی جی ایچ کیو حملہ کیس کی سماعت 6 فروری تک ملتوی کر دی، اور جج امجد علی شاہ نے 8 فروری سے قبل بشریٰ بی بی کو 31 مقدمات میں شامل تفتیش کرنے کی ہدایت کی، ساتھ ہی 8 فروری کو بشریٰ بی بی کو عدالت کے سامنے پیش کرنے کا حکم دیا۔

اڈیالہ جیل،عدالت میں سماعت کے دوران بھگدڑ مچنے کا واقعہ
بانی پی ٹی آئی کے وکیل فیصل چودھری نے میڈیا سے گفتگو کرتے ہوئے کہا کہ آج جی ایچ کیو حملہ کیس کی سماعت جلدی ختم کر دی گئی۔بشری بی بی کو عدالت میں پیش نہیں ہونے دیا گیا، عدالت میں بھگدڑ مچی۔نادیدہ قوتوں نے سماعت کو سبوتاژ کیا۔آرٹیکل 6 کے تحت قوم کا مینڈیٹ چوری کرنے والوں کے خلاف کارروائی ہونی چاہیے۔پیکا قانون کی سخت مذمت کی اور صحافیوں کے ساتھ یکجہتی کا اظہار کیا۔آئین معطل ہے، اپوزیشن کو مخصوص نشستیں ملنی چاہییں۔مذاکرات ختم کر دیے، مگر سیاسی جماعتوں سے بات چیت کریں گے۔عدالت نے 26 نومبر کے بعد کے کیسز میں بشری بی بی کو شامل تفتیش کرنے کا کہا، مختلف تھانوں کے ایس ایچ اوز بھی عدالت میں موجود تھے، اچانک بھگدڑ مچی اور پولیس والے عدالت سے چلے گئے،عدالتوں کو اور پراسیکوشن کو کنٹرول کیا جارہا ہے، نادیدہ قوتیں چیزوں کو کنٹرول کررہی ہیں انسداد دہشت گردی عدالت جارہے ہیں جہان ان چیزوں کو اٹھایا جائے گا،قوم کا مینڈیٹ چوری ہوا ہے اور مینڈیٹ چوری کرنے والے پر آرٹیکل چھ لگنا چاہیئے، قاضی فائز عیسیٰ نے فراڈ کو تحفظ دیا،بانی پی ٹی آئی نے اپوزیشن جماعتوں کو نیشنل ایجنڈا پر آنے کی دعوت دی ہے، جمہوریت کی بحالی اور قانونی کی حکمرانی کیلئے سیاسی جماعتوں کو اکھٹا کیا جائے،ملک کے بہتر مستقبل کیلئے مذاکرات شروع کیئے تھے، حکومت کے ساتھ مذاکرات معطل کیئے ہیں اپوزیشن جماعتوں سے مذاکرات جاری ہیں،بانی نے پیکا قانون کی منظوری کی سخت مذمت کی ہے، بانی نے کہا ہے ہم صحافیوں بھائیوں کے ساتھ کھڑے ہیں، بانی نے کہا حکومت بچی کھچی آزادی کو صلب کرنا چاہتی ہے،بانی نے کہا ہے ہم ملک میں آئین و قانون کی بالادستی چاہتے ہیں، بانی نے کہا آزادی اظہار رائے کو دہشتگردی بنا دیا گیا ہے،ہم اسلام آباد ہائی کورٹ کے ججز کے خط کے ساتھ یکجہتی کا اظہار کرتے ہیں، بانی نے کہا ہے کورٹ پیکنگ نہیں ہونی چاہیئے،

سرکاری زمین پر قبضہ، ملک ریاض اور بیٹے کیخلاف ریفرنس دائر

برازیلی بحریہ کی دوسری جنگ عظیم کے جہاز کے غرق ہونے کی جگہ کی تصدیق