Author: ممتاز حیدر

پاکستان تحریک انصاف (پی ٹی آئی) کے ممبر قومی اسمبلی جنید اکبر نے قومی اسمبلی کی قائمہ کمیٹی برائے اوور سیز پاکستانی اور ہیومن ریسورس ڈیولپمنٹ کے چیئرمین کے عہدے سے استعفیٰ دے دیا ہے۔ جنید اکبر کا استعفیٰ اسپیکر قومی اسمبلی ایاز صادق کو ارسال کر دیا گیا ہے۔

جنید اکبر نے اپنے استعفے میں وضاحت پیش کرتے ہوئے کہا کہ 24 جنوری کو انہیں پبلک اکاؤنٹس کمیٹی کا چیئرمین منتخب کیا گیا ہے، جس کے بعد انہوں نے قائمہ کمیٹی برائے اوور سیز پاکستانی اور ہیومن ریسورس ڈیولپمنٹ کے چیئرمین کے عہدے سے دستبرداری اختیار کر لی ہے۔

جنید اکبر کا یہ اقدام سیاسی حلقوں میں زیر بحث آیا ہے، جہاں ان کے استعفے کو ان کی نئی ذمہ داریوں کے تحت ایک ضروری قدم کے طور پر دیکھا جا رہا ہے۔ اس سے قبل جنید اکبر قائمہ کمیٹی کی چیئرمین شپ کے دوران اہم فیصلوں اور پالیسیوں میں حصہ لیتے رہے ہیں، اور ان کے استعفے کے بعد کمیٹی کی چیئرمین شپ کا نیا امیدوار منتخب کیا جائے گا۔جیند اکبر کو پی اے سی کا چیئرمین ن لیگ کی جانب سے نامزد کیا گیا تھا ، متفقہ طور پر وہ پی اے سی کے چیئرمین بنے ہیں،

سپریم کورٹ آئینی بنچ میں ملٹری کورٹس میں سویلینز ٹرائل کیخلاف انٹراکورٹ اپیلوں پر سماعت ہوئی،

جسٹس امین الدین خان کی سربراہی میں سات رکنی آئینی بینچ نے سماعت کی۔ جسٹس جمال مندوخیل، جسٹس محمد علی مظہر، جسٹس حسن اظہر رضوی، جسٹس مسرت ہلالی، جسٹس نعیم اختر افغان اور جسٹس شاہد بلال حسن بھی بینچ کا حصہ ہیں،وزارت دفاع کے وکیل خواجہ حارث نے آرمی ایکٹ اور پولیس کی ایف آئی اے میں چارج فریم کے حوالے سے عدالت کو آگاہ کر دیا،جسٹس حسن اظہر نے استفسار کیا کہ آرمی ایکٹ میں انکوائری کون کرتا ہے؟وکیل خواجہ حارث نے کہا کہ چارج کے بعد انکوائری کمانڈنٹ آفیسر کرتا ہے، تفتیش کا مکمل طریقہ کار بتاؤں گا۔

جسٹس مسرت ہلالی نے استفسار کیا کہ فرد جرم عائد کرنے کے بعد انکوائری کیسے کرتے ہیں؟ ایف آئی آرکیسے ہوتی ہے؟خواجہ حارث نے بتایا کہ الزام لگا دیتے ہیں، چارج اسی کے لیے لفظ استعمال ہوتا ہے، چارج کی بنیاد پر تفتیش کی جاتی ہے۔جسٹس جمال مندوخیل نے ریمارکس دیے کہ جب تک الزام نہ ہو تو اسے آرمی ایکٹ کا مرتکب نہیں کہا جا سکتا، چارج فریم ہونا ضروری ہے۔جسٹس مسرت ہلالی نے استفسار کیا کہ کیا دوران ٹرائل بھی چارج فریم ہوتا ہے؟خواجہ حارث نے کہا کہ چارج الگ ہوتا ہے اور دوران ٹرائل چارج فریم ہوتا ہے۔

وکیل وزارت دفاع سے جسٹس مسرت ہلالی نے سوال کیا کہ کیا فوجی عدالتوں میں ججز یونیفارم میں ہوتے ہیں؟خواجہ حارث نے کہا کہ کورٹ مارشل میں ججز فوجی یونیفارم میں ہی ہوتے ہیں،جسٹس مسرت ہلالی نے استفسار کیا کہ یونیفارم فوجی افسر بطور جج کیسے غیرجانبدار ہو سکتا ہے؟،وکیل وزارت دفاع خواجہ حارث نے کہا کہ یونیفارم تو آپ ججز نے بھی پہنا ہوا ہے۔خواجہ حارث کے جواب پر عدالت میں قہقہے لگ گئے۔

جسٹس جمال مندوخیل نے ریمارکس دیے کہ آپ کہنا چاہتے ہیں کالی اور خاکی وردی میں کوئی فرق نہیں ہے۔جسٹس محمد علی مظہر نے استفسار کیا کہ تفتیشی افسر کون تعینات کرتا ہے؟وکیل خواجہ حارث نے کہا کہ تفتیش کیسے ہوتی ہے اس سے عدالت کو آگاہ کروں گا۔جسٹس جمال خان مندوخیل نے ریمارکس دیے کہ پہلے چارج ہوا چارج کی بنا پر تفتیش ہوئی، ایف بی آئی کیس میں بھی یہی بات ہوئی ہے پہلے چارج فریم ہوتا ہے پھر تفتیش ہوتی ہے، جب تک جرم کو آرمی ایکٹ کے مطابق ثابت نہیں کریں گے کیا وہ ملٹری ٹرائل میں ہی آئے گا، وکیل خواجہ حارث نے کہا کہ چارج میں الزامات ثابت کروائے جاتے ہیں،جسٹس محمد علی مظہر نے ریمارکس دیئے کہ تفتیش میں چارج نہیں ہوتا،جسٹس مسرت ہلالی نے ریمارکس میں کہا کہ ٹرائل میں بھی چارج فریم ہوتا ہے، ہم نے شروع میں کہا تھا کہ جن کے خلاف ثبوت نہیں ہیں ان کا فیصلہ تو کریں،جسٹس جمال مندوخیل نے ریمارکس دیتے ہوئے کہا کہ جو آپ پڑھ رہے ہیں اس میں کوئی شک نہیں کہ وہ قانون ہے، یہ قانون جتنا بھی سخت ہو کیا یہ سویلین پر لاگو ہوگا،خواجہ حارث نے کہا کہ تمام چیزیں عدالت کے سامنے رکھوں گا کہ کیسے لاگو ہوگا۔

جسٹس محمد علی مظہر نے سوال کیا کہ جو قانون آپ بتا رہے ہیں کہ ان پر واقعی عمل درآمد بھی ہوتا ہے؟وکیل وزارت دفاع نے جواب دیا کہ ٹرائل سے قبل ملزم سے پوچھا جاتا ہے کہ جج پر اعتراض تو نہیں،جسٹس مسرت ہلالی نے ریمارکس دیے کہ آج کل تو یہاں بھی ججوں پر سوالات اٹھ رہے ہیں،وکیل خواجہ حارث نے کہا کہ کورٹ مارشل کے فیصلے اکثریت سے ہوتے ہیں۔

غزہ میں حاملہ خواتین اور لڑکیوں کے لیے "جان لیوا خطرات”

گودار ائیرپورٹ سے جلد مشرق وسطیٰ کے لئے بھی پروازیں شروع ہونگی،خواجہ آصف

پیکا ایکٹ قومی اسمبلی کے بعد سینٹ میں بھی پاس ہو گیا

فیک نیوز پر 3 سال سزا اور 20 لاکھ تک کا جرمانہ عائد ہو گا، ڈیجیٹل میڈیا پر پابندیاں سخت، حکومت نے زبان بندی کیلئے قانونی شکنجہ انتہائی سخت کردیا،سینیٹ سے پیکا ایکٹ ترمیمی بل منظور کر لیا گیا،پیکا ایکٹ کیخلاف اپوزیشن نے شدید احتجاج کیا،سینیٹ نے الیکڑانک کرائمز کی روک تھام سے متعلق امتناع الیکڑانک کرائمز ترمیمی بل 2025 ( پیکا) کی منظوری دے دی،بل وفاقی وزیر رانا تنویر حسین نے ایوان میں پیش کیا

قومی اسمبلی سے پیکا ایکٹ پہلے ہی منظور ہو چکا ہے ،سینیٹ میں پیکا ایکٹ کی منظوری پر صحافیوں نے ایوان سے واک آؤٹ کیا،سینیٹ اجلاس میں جے یو آئی (ف) کے سینیٹر کامران مرتضیٰ نے کہا کہ پیکا ایکٹ پر میری ترامیم تھیں جنہیں نہ کمیٹی نے منظور کیا گیا اور نہ ہی مسترد کیا گیا، یہ قائمہ کمیٹی کی نامکمل رپورٹ ہے۔کسی کو مقدس گائے قرار نہ دیا جائے،کسی عدالت میں نہ جانے کی شق تبدیل کیاجائے

پیکا ایکٹ بل پیش کرنے کے بعد صحافیوں کا واک آؤٹ۔ پریس گیلری میں شیری رحمان آگئی۔ شیری رحمان نے کہا کہ بلاول بھٹو زرداری نے کہا ہے کہ اس قانون میں مزید ترامیم لائی جائیں۔۔ میری نظر میں یہ شہریوں کے حقوق ہیں

ن لیگی رہنما افنان اللہ نے سابق وزیراعظم عمران خان کی تصویر لانے پر اعتراض اٹھا دیا۔سینیٹر افنان اللہ نے کہا کہ ایک سزا یافتہ شخص کی تصویر باربارایوان میں لائی جارہی ہے اس پر رولنگ دیدیں کہ یہ جائز ہے یا نہیں،

وفاقی وزیر دفاع خواجہ آصف نے کہا ہےکہ پاکستان کی قومی فضائی کمپنی پی آئی اے (پاکستان انٹرنیشنل ایئرلائنز) کی تنظیم نو کی جا رہی ہے، تاکہ اس کے آپریشنز کو مزید مؤثر اور جدید بنایا جا سکے۔

خواجہ آصف کا کہنا تھا کہ پی آئی اے کے پاس چھوٹے روٹس کے لیے صرف تین اے ٹی آر جہاز موجود ہیں جن میں سے دو فعال ہیں اور ایک جہاز اس وقت گراؤنڈڈ ہے۔ یہ چھوٹے جہاز زیادہ تر کم دورانیہ کی پروازوں کے لیے استعمال ہوتے ہیں، جن میں چترال جیسے دور دراز علاقے شامل ہیں۔چترال کے روٹ پر فضائی سروس فراہم کرنے کے لیے صرف اے ٹی آر طیارے کارآمد ہیں، اور اس مقصد کے لیے کچھ نجی فضائی کمپنیوں نے بھی اپنی خدمات پیش کرنے کی پیشکش کی ہے۔ یہ پیشکش ایک اہم پیشرفت ہے، کیونکہ پی آئی اے کے پاس اتنے جہاز نہیں ہیں کہ وہ تمام چھوٹے اور منافع بخش روٹس پر پروازیں جاری رکھ سکے۔

خواجہ آصف کا مزید کہنا تھا کہ ماضی میں جب پی آئی اے پر پابندی لگی تھی تو کئی منافع بخش روٹس بند ہو گئے تھے، لیکن موجودہ حکومت نے پی آئی اے پر لگائی گئی پابندی ختم کر دی ہے۔ اس کے ساتھ ہی حکومت نے پورے ہوا بازی کے نظام کی تنظیم نو شروع کر دی ہے، تاکہ پاکستان میں فضائی سفر کی سہولتوں میں بہتری لائی جا سکے۔حکومت کا مقصد یہ ہے کہ چھوٹی ائیر لائنز کو پاکستان کے ہوا بازی کے شعبے میں شامل کیا جائے تاکہ چھوٹے شہروں اور علاقوں میں فضائی سروسز کو فروغ دیا جا سکے۔ اگر یہ کوشش کامیاب ہوتی ہے تو ملک کے تمام چھوٹے ایئرپورٹس فعال ہو جائیں گے اور ان علاقوں کے رہائشیوں کو بہتر فضائی سفر کی سہولت ملے گی۔اس کے علاوہ، گوادر انٹرنیشنل ایئرپورٹ کا افتتاح بھی ہو چکا ہے، اور اس ایئرپورٹ سے جلد مشرق وسطیٰ کے مختلف ممالک کے لیے پروازیں شروع ہو جائیں گی، جس سے گوادر اور اس کے ارد گرد کے علاقے میں کاروباری مواقع بڑھیں گے۔

پی ٹی آئی نہ آئی،مذاکرات بارے سپیکر ایاز صادق نے اعلان کر دیا

لاہور ہائیکورٹ،جیلوں میں ہلاک ہونے والے قیدیوں کی پوسٹمارٹم رپورٹس طلب