Author: ممتاز حیدر

پاکستان کے وفاقی تحقیقاتی ادارے (ایف آئی اے) نے گوجرانوالہ میں کارروائی کرتے ہوئے ایک انسانی اسمگلر کو گرفتار کرلیا ہے۔

ایف آئی اے کے حکام کے مطابق ملزم لیبیا کشتی حادثے میں ملوث تھا اور مقدمہ درج ہونے کے بعد روپوش ہوگیا تھا۔ ایف آئی اے نے کہا کہ ملزم نے پانچ سے زائد نوجوانوں کو اٹلی بھیجنے کے لیے 71 لاکھ روپے وصول کیے تھے۔ ان افراد میں وہ لوگ بھی شامل تھے جو حالیہ کشتی حادثے میں جاں بحق ہو گئے۔

گزشتہ ہفتے، جمعرات کو افریقی ملک موریطانیہ سے غیرقانونی طور پر اسپین جانے والی کشتی کو حادثہ پیش آیا تھا، جس کے نتیجے میں 44 پاکستانیوں سمیت 50 تارکین وطن کی موت ہوگئی تھی۔خبرایجنسی کے مطابق، 86 تارکین وطن کی کشتی 2 جنوری کو موریطانیہ سے روانہ ہوئی تھی، اور مراکشی حکام کے مطابق کشتی میں 66 پاکستانی سوار تھے۔ اس حادثے میں 36 افراد کو بچالیا گیا ہے۔

ایف آئی اے حکام نے اس کارروائی کو انسانی اسمگلنگ کے خلاف ایک بڑی کامیابی قرار دیا ہے اور مزید تحقیقات جاری رکھنے کا اعلان کیا ہے۔

عمران خان کا حکومت کے ساتھ مذاکرات ختم کرنے کا اعلان

وزیراعلیٰ سندھ سے چین کی سرکاری انجنیئرنگ کارپوریشن کے وفد کی ملاقات

لاہورپریس کلب کے زیراہتمام پروگریسورائٹرز ایسوسی ایشن پاکستان اورپاک میڈیافاﺅنڈیشن اسلام آباد کے اشتراک سے ادب وصحافت کل ،آج اورکل کے عنوان سے سیمینار منعقد کیا گیا ،

سیمینار کو معروف صحافی ،ادیب ،شاعر ومترجم خالد احمد مرحوم کے نام کیاگیا۔سیمینار کی صدارت معروف صحافی ،دانشور وتجزیہ نگار ،سابق نگران وزیر اعلیٰ پنجاب نجم سیٹھی نے کی۔مہمانان خصوصی میں سینئر صحافی سابق سینیٹر سید سجاد بخاری ،صدرلاہورپریس کلب ارشد انصاری ، سینئر صحافی خاورنعیم ہاشمی ، اشرف سہیل، تمثیلہ چشتی ، معروف ادیبہ بینا گوئندی ،شوکت چودہری اورسینئر نائب صدر انجمن ترقی پسند مصنفین پاکستان مشتاق احمد سلطان تھے۔لاہورپریس کلب کے نثارعثمانی ہال میں گذشتہ روزمنعقدہ سیمینارسے خطاب کرتے ہوئے صاحب صدارت نجم سیٹھی نے کہا کہ اس میں کوئی شک نہیں کہ ہمارے ہاں آزادی رہی اورنہ ہی صحافت ، ہم نے جب صحافت کا آغاز کیا تو ہمیں پہلے یہ سکھایا جاتا تھا کہ ایک صحافی کی کیاحدود وقیود ہیں لیکن اب 26کروڑ پاکستانیوں میں سے بیس کروڑ صحافی ہیں کیوں کہ ان کے پاس سوشل میڈیا ہے،ٹوئٹر پر کیاگیا ایک ٹوئٹ خبر سے زیادہ اثر رکھتا ہے اورلمحوں میں دنیا بھر میں پھیل جاتا ہے،ا س کے باوجود کہ اب مسائل میں بے پناہ اضافہ ہوچکاہے ،ہمیں بہتری کی امید ہی رکھنی چاہیے۔

خالد احمد مرحوم کے ساتھ اپنی یادیں شیئر کرتے ہوئے نجم سیٹھی نے کہا کہ خالد احمد سے میر ا تعلق اوردوستی دہائیوں پرمحیط اوران کی زندگی کی آخری سانس تک رہی،وہ بڑے ہی کمال کے آدمی تھے ،اس دورمیں جب گوگل اور وکی پیڈیا وغیر ہ نہیں ہوتے تھے ،ہم سب کے لیے خالد احمد ہی ہماری ڈکشنری اورگوگل تھے،انہیں ہربات اورہرایشو سے متعلق انفارمیشن تھی،مجھے آج یہاں آکر بہت اچھا لگا اوریہ سن کرخوشی ہوئی کہ ہمارے دوست اب بھی انقلاب کی بات کرتے ہیں۔

صدرلاہورپریس کلب ارشد انصاری نے کہا کہ پروگریسو رائٹرز ایسوسی ایشن اورپاک میڈیا فاﺅنڈیشن کایہ سیمینار وقت کی ضرورت تھی،اگرچہ اب وہ صحافت نہیں رہی جیسی ماضی میں ہواکرتی تھی بلکہ میرے خیال میں تو اب صحافت اورآزادی صحافت دونوں ہی نہیں رہیں،اب چیزیں بدل گئی ہیں لیکن ان میں سے سب خراب نہیں کچھ بہتر بھی ہیں اورہمیں انہیں بہتر چیزوں کو لے کرآگے چلنا ہے، لاہورپریس کلب ایسے ایونٹس کے لیے حاضر ہے۔

پاک میڈیا فاﺅنڈیشن کے چیئرمین ،سینئر صحافی ،سینیٹر (ر)سید سجادبخاری نے سیمینار کے کامیاب انعقاد پر پروگریسو رائٹرز ایسوسی ایشن پاکستان کو مبارکباد دیتے ہوئے کہا کہ ہمارا ادارہ مستقبل میں بھی ہرماہ اسی طرح کے پروگرامزکاانعقاد کرتے رہے گا۔ انہوں نے بتایا کہ اس ادارے کی بنیاد سابق وزیراعظم محترمہ بے نظیر بھٹو نے رکھی اوروہ اس کی پہلی چیئرپرسن تھیں۔

سیمینار سے خطاب کرتے ہوئے دیگر مقررین نے صحافت اورادب کے حوالے سے اپنے خیالات کااظہارکیا۔ سینئرصحافی ضمیر آفاقی نے خالد احمد کے بارے میں اپنامضمون پیش کیا۔قمرالزمان بھٹی نے بھی اپنے خیالات کا اظہار کیا۔بعدازاں صاحب صدارت نجم سیٹھی اورمہمان خصوصی سید سجادبخاری نے لاہورپریس کلب کی ظہیر کاشمیر ی لائبریری کابھی دورہ کیا۔اس موقع پر نجم سیٹھی نے اپنے ادارے کی شائع کردہ کتب جبکہ سید سجادبخاری نے اپنی تصنیفات لائبریری کے لیے دینے کابھی اعلان کیا۔سیمینار کی نظامت پروگریسو رائٹرز ایسوسی ایشن پاکستان کے مرکزی سیکرٹری جنرل جاویدآفتاب نے کی۔ سیمینار میں لاہورپریس کلب کے جوائنٹ سیکرٹر ی عمران شیخ ، ممبر گورننگ باڈی شاہدہ بٹ ، صدرپریس گیلری پنجاب اسمبلی خواجہ نصیر ،حلقہ ارباب ذوق کے سیکرٹری نواز کھرل ، سینئر صحافی فاروق حارث ، خواجہ آفتاب حسن،مشتاق سرور ، ناصر محمود ، صلاح الدین بٹ ،ایجوکیشن رپورٹرز ایسوسی ایشن کے صدرعدنان لودھی،ظواہرمنورسلطانہ بٹ سمیت ادب اور شعبہ صحافت سے تعلق کھنے والے افراد نے شرکت کی.

پاکستان امریکہ کے ساتھ خوشگوار تعلقات کا خواہاں ہے،ترجمان دفتر خارجہ

پیسہ زندگی میں کتنی اہمیت کا حامل؟ مبشر لقمان کا یو ای ٹی میں طلبا سے خطاب