Author: ممتاز حیدر

اسلام آباد ہائیکورٹ کے حکم پر وزیر داخلہ محسن نقوی نے چیئرمین پی ٹی آئی بیرسٹر گوہر سے رابطہ کیا ہے

حکومت اور پی ٹی آئی کے مابین پہلا رابطہ ہوا ہے، وزیر داخلہ محسن نقوی نے چیئرمین پی ٹی آئی بیرسٹر گوہر سے موجودہ صورتحال پر گفتگو کی،محسن نقوی نے کہا، کسی جلوس،دھرنے یا ریلی کی اجازت نہیں دے سکتے۔بیلا روس کا وفد آ رہا ہے،محسن نقوی کے رابطہ کرنے پر بیرسٹر گوہر خان نے جواب دیا کہ پارٹی مشاورت کے بعد آپ کو حتمی رائے سے آگاہ کروں گا۔باخبر ذرائع کے مطابق مذاکرات میں ڈیڈلاک برقرار ہے تحریک انصاف کل ڈی چوک میں احتجاج پر بضد ہے،حکومت نےایف نائن، سنگجانی میں احتجاج اور دھرنے کی پیشکش کی ہے،تاہم پی ٹی آئی نے انکار کر دیا ہے.

پی ٹی آئی احتجاج، اسلام آباد کب داخل ہونا؟ پروگرام طے ہو گیا
پاکستان تحریک انصاف نے 24 نومبر کے احتجاج کے لیے اپنے منصوبے کو حتمی شکل دے دی ہے۔ ذرائع کے مطابق یہ پلان پارٹی کے بانی کے وکلا اور بہنوں کے مشورے کے بعد طے کیا گیا۔منصوبے کے تحت ملک بھر سے پی ٹی آئی کے قافلے 24 نومبر کو اسلام آباد کے لیے روانہ ہوں گے۔ ذرائع کا کہنا ہے کہ قافلوں کو اسلام آباد پہنچنے میں 2 سے 3 دن لگیں گے، اور 26 نومبر کو اسلام آباد میں داخلے کی تیاری کی گئی ہے۔ تمام کارکنان اسلام آباد کی طرف مارچ کریں گے اور دھرنے کا پروگرام بھی اس منصوبے کا حصہ ہوگا۔ قیادت کے ساتھ علیمہ خان، عظمیٰ خان، اور رانی خان بھی موجود ہوں گی۔

تمام رکاوٹیں پار کرکے منزل پر پہنچیں گے، اس بار واپسی نہیں ہوگی،علی امین گنڈا پور
وزیراعلیٰ ہاؤس میں پی ٹی آئی کا اہم اجلاس ہوا، جس کی علی امین گنڈا پور اور بیرسٹر گوہر نے صدارت کی،اجلاس میں متفقہ فیصلہ کیا گیا کہ احتجاج ہر صورت ہوگا، ڈی چوک پر دھرنا ہوگا، تمام رکاوٹیں پار کرکے منزل پر پہنچیں گے، اس بار واپسی نہیں ہوگی، اجلاس کا اعلامیہ جاری کیا گیا ہے جس میں کہا گیا ہے کہ پاکستان تحریک انصاف کی پولیٹیکل کمیٹی کا ہنگامی اجلاس 22اور 23 نومبر کی درمیانی رات کو منعقد ہوا، اجلاس میں اس بات کا اعادہ کیا گیا کہ بانی چیئرمین عمران خان کی ہدایت کے مطابق ہماری پُرامن احتجاجی تحریک کا آغاز مورخہ 24 نومبر کو پاکستان بھر کے ہر شہر سے ہو گا،قافلے اسلام آباد کی طرف اپنے سفر کا آغاز کرینگے۔ اجلاس میں اس بات کا بھی اعادہ کیا گیا کہ یہ تحریک اس وقت تک جاری رہے گی جب تک اس کے اہداف حاصل نہیں کر لئے جاتے۔ جو مندرجہ ذیل ہیں ۔ پاکستان بھر میں بے گناہ قید پارٹی کے لیڈران، کارکنان اور عمران خان کی رہائی ، 26 ویں آئینی ترمیم کی تنسیخ، 8 فروری کے الیکشن کے حقیقی مینڈیٹ کی بحالی،پولیٹیکل کمیٹی نے ملک کی بگڑتی ہوئی معاشی صورتحال اوردہشتگردی کے بڑھتے ہوئے واقعات کا نوٹس بھی لیا اور معاملات کے فوری حل کے زمرے میں حکومتی بے حسی اور بے بسی کو شدید تنقید کا نشانہ بنایا ،پولیٹیکل کمیٹی نے پارٹی کے کارکنان اور مختلف شعبہ جات سے تعلق رکھنے والے عوام سے اپیل کی کہ وہ پر امن احتجاج میں جوق در جوق شرکت کر کے اسے کامیاب بنائیں۔ تاکہ پاکستان میں آئین اور قانون کے مطابق جمہوری دور کا آغاز ہو سکے۔ ریاست کے عوام کا اعتماد بحال ہو اور ایک بہتر مستقبل کی نوید سنائی دے۔

موبائل فون، انٹرنیٹ سروس معطل کرنے کے احکامات
پی ٹی آئی کا 24 نومبر کو اسلام آباد میں ممکنہ احتجاج ،وزارت داخلہ نے موبائل فون، انٹرنیٹ سروس معطل کرنے کے احکامات پی ٹی اے کو صادر کر دیئے،میڈیا رپورٹس کے مطابق گزشتہ شب ہی وزارت داخلہ سے خط موصول ہوگیا تھا،آج موبائل فون اور انٹرنیٹ سروس معمول کے مطابق ہے،فی الحال صورتحال کا جائزہ لے رہے ہیں، صورتحال کو مدنظر رکھتے ہوئے اتوار کو موبائل، انٹرنیٹ سروسز معطل کرنے کا احکامات دیئے جائینگے، ذرائع پی ٹی اے

سابق صدر عارف علوی کی تقریر
پشاور میں سابق صدر عارف علوی نے پی ٹی آئی کے کارکنان سے خطاب کرتے ہوئے عمران خان کی رہائی تک احتجاج جاری رکھنے کا حلف لیا۔ انہوں نے کہا کہ عمران خان ہر پاکستانی کے دل میں ایک امید کی طرح دھڑک رہے ہیں، اور ان کی محبت عوام کے دل سے ختم کرنا ناممکن ہے۔ عارف علوی نے کہا کہ عمران خان کی جدوجہد آئین، قانون، اور جمہوریت کی بالادستی کے لیے ہے اور وہ ناکردہ گناہوں کی سزا بھگت رہے ہیں۔

موٹرویز اور ٹرانسپورٹ کی بندش
ملک کی مختلف موٹرویز بشمول پشاور-اسلام آباد اور لاہور-اسلام آباد کو مرمت کے لیے بند کر دیا گیا ہے۔ موٹروے پولیس کے مطابق یہ بندش 23 نومبر کی رات 8 بجے سے نافذ ہوگی۔ لاہور کی رنگ روڈ کو بھی 2 دن کے لیے احتجاج کے پیش نظر صبح 8 بجے سے شام 6 بجے تک بند کرنے کا اعلان کیا گیا ہے۔

عوامی مشکلات
ٹرانسپورٹ اڈوں اور موٹرویز کی بندش کے باعث عوام کو شدید مشکلات کا سامنا ہے۔ ذرائع کے مطابق روزانہ ایک لاکھ 30 ہزار افراد اسلام آباد آتے جاتے ہیں، اور بندش کے سبب مسافروں اور ٹرانسپورٹرز کو نقصان ہوگا۔ اسپتالوں میں آنے والے مریضوں اور گڈز ٹرانسپورٹ کا کاروبار بھی متاثر ہوگا، جس سے یومیہ 4 سے 5 کروڑ روپے کا نقصان متوقع ہے۔

بانی پی ٹی آئی کی ایک کال سے حکومت کے اوسان خطاہوگئے ،علی امین گنڈا پور
وزیراعلیٰ خیبرپختونخوا علی امین گنڈا پور نے کہا ہے کہ حکومت نے ملک بند کر کے ہمارا احتجاج پہلے ہی کامیاب بنادیا ہے، وفاق اور پنجاب حکومت نے بوکھلاہٹ میں موٹروے اور شاہراہیں بند کردیں، پنجاب بھر میں دفعہ 144کا نفاذ، ہوٹلوں اور لاری اڈوں کی بندش ثبوت ہے کہ حکومت کی کانپیں ٹانگ رہی ہیں۔ ہم ابھی 24 نومبر کے احتجاج کی تیاریوں کےمراحل میں ہیں، حکومت نے ملک بند کرکے ہمارااحتجاج خود ہی کامیاب بنادیا۔ ہمارا احتجاج پرامن ہوگا، حکومت ملک بند کرکے عوام کو تکلیف دے رہی ہے۔بانی پی ٹی آئی کی ایک کال سے حکومت کے اوسان خطاہوگئے ہیں، جیل میں قید ایک شخص نے احتجاج سے قبل ہی حکمرانوں کو تگنی کا ناچ نچا دیا ہے۔

بشریٰ کو خون چاہیے،مولانا کو 3 میسج کس نے بھجوائے؟

بشریٰ کا بیان غیر ذمہ دارانہ، بے بنیاد ہے ،جنرل (ر) قمر جاوید باجوہ

بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف

بشریٰ کا خطاب،عمران خان تو”وڑ” گیا. مبشر لقمان

بشریٰ کے پاس پارٹی عہدہ نہیں، بیرسٹر سیف،بیان قابل مذمت ہے،اسحاق ڈار

بشری بی بی کا شریعت ختم کرنے کا الزام، دوست اسلامی ملک پر خودکش حملہ ہے،عظمیٰ بخاری

بشریٰ بی بی کیا سالن بنانے کا طریقہ بتا رہی ہے؟ عظمیٰ بخاری

مذاکرات سے معاملات حل ہو جائیں تو بہتر ہے،عمران خان کا گنڈاپور کو مشورہ

24 نومبر کو ممکنہ احتجاج کے پیش نظر اسلام آباد میں میٹرو سروس بند رکھنے کا فیصلہ کیا گیا ہے،وفاقی دارالحکومت اسلام آباد میں پی ٹی آئی کی احتجاج کی کال کے پیش نظر 23 نومبر کو میٹروبس سروس آئی جے پی تا پاک سیکرٹریٹ مکمل بند رہے گی تاہم راولپنڈی میں میٹروبس سروس بحال رہے گی،راولپنڈی صدر اسٹیشن تا فیض آباد تک میٹروبس سروس چلے گی البتہ 24 نومبر کو جڑواں شہروں میں میٹرو بس سروس مکمل طور پر بند رہے گی

پی ٹی آئی احتجاج، لاہور،اسلام آباد،اہم شاہراہیں بند،کاروبار بند،شہریوں کو مشکلات
پی ٹی آئی کا اسلام آباد میں ممکنہ احتجاج، موٹرویز سمیت کئی اہم شاہراہیں بند کردی گئیں،راولپنڈی اور اسلام آباد کو 33 مقامات سے بند کرنے کا سلسلہ جاری ہے جبکہ لاہور اور فیصل آباد سے وفاقی دارالحکومت کو آنے والے تمام راستے بند کر دیے گئے ہیں،اسلام آباد میں ممکنہ احتجاج کے پیش نظر جڑواں شہروں میں داخل ہونے والے راستوں کو کنٹینر لگا کر بند کیے جانے کا سلسلہ جاری ہے،فیض آباد سمیت 6 مقامات کو کنٹینرز رکھ کر بند کر دیا گیا ہے، فیض آباد، آئی جے پی روڈ، روات ٹی چوک، کیرج فیکٹری، مندرہ اور ٹیکسلا روڈ کو بند کر دیا گیا ہے جبکہ کچہری چوک کو یکطرفہ ٹریفک کے طور پر چلایا جائے گا،

لاہور کے داخلی اور خارجی راستوں پر کنٹینرز کھڑے کرکے راستے بند کر دیے گئے ہیں۔ ٹھوکر نیاز بیگ ، بابو صابو انٹر چینج ، سگیاں پل ، شاہدرہ چوک بھی بند کر دی گئی ہے جبکہ رنگ روڈ کو بھی دو روز کے لیے بند کر دیا گیا ہے،فیصل آباد شہر کے داخلی اور خارجی راستے بند کر دیے گئے ہیں، موٹروے ایم 5، سکھر سے رحیم یار خان تک بند کر دی گئی ہے،اسلام آباد میں امن و امان قائم رکھنے کیلئے رینجرز اور ایف سی تعینات کر دی گئی ہے جبکہ وزیر داخلہ محسن نقوی نے مظاہرین کو اسلام آباد میں داخل ہونے سے روکنےکی ہدایت کر دی ہے،اسلام آباد کے تمام تھانوں میں گرفتار افراد کو رکھنے کے انتظامات مکمل کر لیے گئے ہیں جبکہ قیدی وینزبھی اسلام آباد پہنچا دی گئی ہیں،پنجاب بھر میں آج سے 25 نومبر تک دفعہ 144 نافذ کر دی گئی ہے جس کے تحت ہر قسم کے احتجاج، جلسے جلوس، ریلیوں اور دھرنوں پر پابندی عائد رہے گی۔

صدر، اے ٹی ڈبلیو اے بلو ایریا راجہ حسن اختر کا کہنا ہے کہ تمام بزنس کمیونٹی کو مطلع کیا جاتا ہے کہ بلو ایریا میں ڈپٹی کمشنر اسلام آباد کے حکم کے مطابق، تمام دکانیں، دفاتر، ریسٹورینٹس اور کاروبار مکمل طور پر بند رہیں گے۔دفعہ 144 نافذ ہے،صرف میڈیکل اسٹورز اور اسپتالوں کو کھولنے کی اجازت ہوگی۔تمام کاروباری افراد سے گزارش ہے کہ اپنے کاروبار بند رکھیں اور گھروں میں آرام کریں۔

پی ٹی آئی نے احتجاج کے لیے اپوزیشن اتحاد سے کوئی رابطہ یا مشاورت نہیں کی،پی ٹی آئی کے کسی بھی رہنما نے اپوزیشن کی کسی بھی جماعت سے کوئی بات چیت نہیں کی،اپوزیشن کے ذرائع کے مطابق پشتونخوا ملی عوامی پارٹی کے سربراہ محمود خان اچکزئی اسلام آباد سے واپس کوئٹہ روانہ ہو گئے،بی این پی سربراہ اختر مینگل دبئی میں ہیں، ان سے بھی پی ٹی آئی کی جانب سے احتجاج پر کوئی رابطہ نہیں کیا گیا، علامہ ناصر عباس بیرون ملک دورے کی وجہ سے احتجاج کا حصہ نہیں ہوں گے

اپوزیشن لیڈر پنجاب ملک احمد خان احتجاج کے لیے پرعزم ،تیاریاں مکمل ہونے کا عندیہ دے دیا ،ملک احمد خان کا کہنا تھا کہ ہماری مکمل تیاری ہے ہر صورت میں اسلام آباد پہنچیں گے،میں اپنے حلقے میانوالی سے قافلے کی صورت میں اسلام آباد پہنچوں گا، ٹک ٹاکر حکومت نے ہمیشہ ہمارے پرامن احتجاج کو روکنے کی کوشش کی ہے، پانی پی ٹی ائی کی فائنل کال ہے کل پورا پاکستان اسلام آباد جائے گا ، میانوالی کی عوام تیار ہے ہمارے کچھ لوگ اسلام آباد پہنچ چکے ہیں کچھ کل قافلوں کی صورت میں جائیں گے،حکومت جتنی مرضی رکاوٹیں کھڑی کر دے ہم رکاوٹوں کو عبور کرتے ہوئے اسلام اباد پہنچیں گے،بانی پی ٹی آئی کی رہائی تک اپنا احتجاج جاری رکھیں گے،

عارف علوی کی کارکنان سے پرامن رہنے کی اپیل،بولے،تشدد ہمیشہ پولیس کرتی
پی ٹی آئی رہنما ،سابق صدر مملکت ڈاکٹر عارف علوی کا کہنا ہے کہ 24 نومبر کے احتجاج کے اعلان اور تیاری کے حوالہ سے میری درخواست پوری قوم سے یہ ہے کہ پر امن رہیئے۔ پاکستان تحریک انصاف اپنے جلسے جلوسوں میں پر امن رہی ہے۔ تشدد ہمیشہ پولیس نے کیا۔ دنیا کی پچھلی صدی کی تاریخ گواہی دیتی ہے کہ پر امن عوام پر جب پولس آنسو گیس یا لاٹھی سے حملہ کرتی ہے تو پھر عوام ایسے ظالمانہ مار پیٹ کے بعد سنگ و خشت کا سہارا لیتے ہیں۔ تشدد کے بہانے “پرچم دروغ” کا استعمال ہم نے 9مئی کے دن دیکھا جس کے زہریلے انڈے اور بچے آج بھی نمودار ہو رہے ہیں۔پر امن رہیئے اور اللہ پر بھروسہ کریئے۔ وہی خدا ہے جو اس ملک کے محکوم و مظلوم عوام کو آزادی سے ہمکنار کرے گا۔ انشاللہ

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ پاکستان ایک بہت ہی مشکل دور سے گزر رہا ہے،خاص طور پر جب ہم درجنوں شہادتوں کو ایک دن میں سہہ رہے ہیں،اتنی شہادتیں کہ ایک دن میں تدفین بھی نہیں ہو سکتی،ایسے وقت میں احتجاج،دھرنوں کی سیاست ظلم ہے، دوسروں کی اولاد،بچوں کے شاندار مستقبل کی بات کریں لیکن اپنے بچوں کو احتجاج میں نہ لائیں، بشریٰ بی بی نے کل ایک تقریر کر دی اس نے بانی پی ٹی آئی اور تحریک انصاف کے ساتھ بہت ظلم کیا ہے،حالت یہ ہو گئی کہ سلمان احمد جو عمران خان کے پرانے دوست ہیں، ان کو ایک ٹویٹ کرنی پڑی،عارف علوی نے بھی ایک ٹویٹ کی،یہ کوئی چھوٹا بیان نہیں ہے، دو لوگ بانی پی ٹی آئی کی گفتگو عام کر رہے ہیں ایک گنڈا پور دوسری علیمہ، یہ بیان کسی اور سے آتا تو اسکی ویلیو مختلف ہوتی کیا پی ٹی آئی نے اپنے لئے دروازے بند کر دیئے ہیں کیا ڈونلڈ ٹرمپ سے جو امیدیں لگائی ہیں وہ ختم ہو چکی ہیں ، اب یہ والی بات کر کے کیا ہمیشہ کے لئے اپنے آپ کو ری پبلکن پارٹی سے دور کر لیا جس پر یہ لاکھوں ڈالر لابنگ کے لئے لگا چکے، ہمارے ملک میں دہشت گردی کا ناگ سر پھلائے بیٹھا اور ہم یہاں پر کل تک امریکا کو مورد الزام ٹھہرا رہے تھے، پھر باجوہ، پھر لندن پلان اور اب سعودی ولی عہد کو،

مریم اور نواز شریف نے کھانا کھایاتو پی ٹی آئی نے بٹ کڑاہی والوں پر مقدمہ کروا دیا تھا، عظمیٰ کاردار
کھراسچ پروگرام میں بات کرتے ہوئےمسلم لیگ ن کی رہنما عظمیٰ کاردار کا کہنا تھا کہ مجھے پی ٹی آئی کے ساتھ بہت ہمدردی ہے، پی ٹی آئی کی کورکمیٹی یا پارلیمانی پارٹی انکو سمجھ نہیں آ رہی کہ ان کے ساتھ کیا ہو رہا، یہ سمجھنے میں مشکل پیش آ رہی کہ جانشین بانی کا مرشد ہے اور خان نے جو پیغام دینا تھا وہ کسی تنظیمی عہدیدار کو نہیں دی گئی بشریٰ کو دی گئی، جس پر مبشر لقمان کا کہنا تھا کہ عمران خان کو پارٹی رہنماؤں پر شک ہے کہ رہنما کمپرومائزڈ ہیں، مبشر لقمان کا کہنا تھا کہ یہ کتنی اعلیٰ گورننس ہے کہ سڑکیں بند کر دیں، انٹرنیٹ بند کردیں، ہوسٹلز بند کر دیں، گورننس کا اور طریقہ نہیں آتا جس پر عظمیٰ کاردار کا کہنا تھا کہ پرامن احتجاج پر ہم یقین رکھتے ہیں، مریم نواز اور نواز شریف جب تنظیمی پروگرام کے لئے نکلے تھے تو بٹ کڑاہی پر ان لوگوں نے مقدمہ درج کروا دیا کہ نواز شریف کو کڑھائی کیوں کھلائی، مبشر لقمان کا کہنا تھا کہ پورا ملک بند کر کے وزیراعلیٰ پنجاب لندن چلی جاتی ہیں، وزیر ماحولیات ان کے ساتھ، چیف سیکرٹری ان کے ساتھ،یوٹیوب کو پیسے آفر ہو رہے ہیں کہ سموگ بارے ہمارے حق میں پروگرام کریں، عظمیٰ کاردار کا کہنا تھا کہ اسلام آباد میں ڈپلومیٹک کمیونٹی رہتی ہے،دفعہ 144 نافذ ہے، قانون اور آئین اجازت نہیں دیتا کہ وہ وہاں آئیں، جس پر مبشر لقمان کا کہنا تھا کہ کون سا قانون، آپ نے دفعہ 144 لگائی، چار بندوں کو نہ جانے دیں، ہوٹلوں سے لوگوں کو کیوں نکال رہے ہیں، جس پر عظمیٰ کاردار کا کہنا تھا کہ میں کل رہ کر آئی ہوں، کچھ بند نہیں ہوا،مبشر لقمان نے ہوٹلز بند ہونے کا نوٹفکیشن دکھاتے ہوئے کہا کہ یہ دیکھیں ،جس پر عظمیٰ کاردار نے کہا کہ کچھ بند نہیں، مبشر لقمان نے کہا کہ موٹروے بند ہو گئی، عظمیٰ کاردار نے کہا کہ کچھ بند نہیں، میں کل آئی ہوں، اسلام آباد ہائیکورٹ نے انکو کل منع کر دیا ہے،اگر آپ چاہتے ہیں یہ وفاق پر حملہ کریں تو کیا ہو سکتا ہے،ریاست کا حق ہے کہ وہ حملہ آوروں کو روکے، مبشر لقمان نے کہا کہ احتجاج ان کا آئینی حق ہے، غیر آئینی کام نہیں کرتے ہم مفروضے کے طور پر ان کا حق نہیں چھین سکتے، عظمیٰ کاردار نے کہا کہ ان کا ٹریک ریکارڈ دیکھیں، نومئی کو بھول گئے،گنڈا پور کا بیان بھول گئے،پولیس والوں کے کپڑے پھاڑے گئے، آپ کے سامنے ہے، جس پر مبشر لقمان کا کہنا تھا کہ میں اینکر ہوں، میرے پاس بہت کچھ ہے، سپریم کورٹ پر حملہ کرنے والوں کو سزا مل جاتی تو نومئی ہوتا ہی ناں،

توڑ پھوڑ،احتجاج، تقریریں حل نہیں، مذاکرات سے آگے بڑھا جا سکتا، رضا ہارون
پیپلز پارٹی کے رہنما رضا ہارون کا کہنا تھا کہ مذاکرات آگے بڑھنے کا راستہ ہے،پی ٹی آئی کے تین مطالبات ہیں، ایک بھی مطالبہ توڑ پھور کرنے، تقریروں سے حل نہیں ہو گا، یہ مذاکرات سے حل ہو گا جب بات نہیں کریں گے تو کیسے مسئلے حل ہوں گے،24 نومبر ایک کال کی مار ہے،ابھی مذاکرات کی بات چیت شروع ہوئی تھی اس وقت خوشیاں نہیں دیکھی تھیں چہرے پر،

پی ٹی آئی کی رہنما شاندانہ گلزار کا کہنا تھا کہ ہم نے ہمیشہ عمران خان کی بات کی ہے، میری چار ماہ سے عمران خان سے ملاقات نہیں ہوئی، بشریٰ کا کل جو بیان آیا ،اس کا پارلیمانی پارٹی کو نہیں پتہ، جہاں ہمیں خان کا حکم مل رہا ہوتا ہے سر آنکھوں پر، جہاں پر ذاتی رائے مل رہی ہووہ ہم نہیں مانیں گے،ایک ایمبسڈر نے مجھے کہا تھا کہ عمران خان کو ہٹانا ہے مجھے جھٹکا لگا، میں نے اسد قیصر کو یہ ساری بات بتائی، کل جو پینڈورا باکس انہوں نے کھولا ، میں صبح سے دیکھ رہی ہوں کہ پی ٹی آئی کہہ رہی ہے کہ بشریٰ نے کسی کا نام نہیں لیا، بحرحال یہ اچھی بات نہیں ہے، مبشر لقمان کا کہنا تھا کہ کل کو جب کیس ہو گا تو چینل کو پیمرا کو جواب دہ ہونا پڑے گا اور مجھے بھی، جتنا مرضی میں مان لوں کہ یہ پی ٹی آئی کا بیان نہیں انفرادی بیان ہے، ڈھول توگلے میں پڑ گیا، شاندانہ گلزار کا کہنا تھا کہ میں بغیرتصدیق یا تردید کےاپنی رائے دے رہی تھی،

بشریٰ کو خون چاہیے،مولانا کو 3 میسج کس نے بھجوائے؟

بشریٰ کا بیان غیر ذمہ دارانہ، بے بنیاد ہے ،جنرل (ر) قمر جاوید باجوہ

بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف

بشریٰ کا خطاب،عمران خان تو”وڑ” گیا. مبشر لقمان

بشریٰ کے پاس پارٹی عہدہ نہیں، بیرسٹر سیف،بیان قابل مذمت ہے،اسحاق ڈار

بشری بی بی کا شریعت ختم کرنے کا الزام، دوست اسلامی ملک پر خودکش حملہ ہے،عظمیٰ بخاری

10،دس ہزار بندے لانے کی شرط،شیر افضل مروت نے بشریٰ بی بی کو آئینہ دکھا دیا، آڈیو لیک

بشریٰ بی بی کیا سالن بنانے کا طریقہ بتا رہی ہے؟ عظمیٰ بخاری

مذاکرات سے معاملات حل ہو جائیں تو بہتر ہے،عمران خان کا گنڈاپور کو مشورہ

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ دنیا کی تاریخ گواہ ہے کہ کسی بھی مقبول حکمران کو خطرہ باہر سے نہیں اندر سے ہوتا ہے، اسکے اپنے ہی سازش کرتے ہیں، ہمیشہ کوئی غدار اندر سے قلعے کا دروازہ کھولتا ہے اور قلعے کا دفاع پھر ممکن نہیں رہتا،

مبشر لقمان آفیشیل یوٹیوب چینل پر اپنے وی لاگ میں مبشر لقمان کا کہنا تھا کہ یہی کچھ بشریٰ بی بی نے عمران خان کے ساتھ کیا،پنکی پیرنی نے جس طرح اپنے شوہر اور جماعت کا خود کش حملہ کیا، اسکے بعد دفاع کرنا کسی کے لئے ممکن نہ رہا، لفظ گولی سے زیادہ طاقت رکھتے ہیں، زبان کا دیا گھاؤ کبھی نہیں بھرتا،پنکی پیرنی نے بے بنیاد الزام پر مبنی ویڈیو جاری کر کے عمران خان کو وہ زخم دیئے جو کبھی نہیں بھر سکتے، پنکی پیرنی کی ویڈیونے ثابت کر دیا کہ عمران خان نے اپنے دور اقتدار میں تمام دوستوں کو ناراض کر دیا ،پاکستان کو سفارتی تنہائی کا شکار بنا دیا، سرمایہ کاروں کو بھگایا،عمران خان اور پنکی پیرنی جب ارض مقدس اترے تھے تو انکے پاس خاورمانیکا اور انکے بچے بھی تھے،سرکاری وسائل پر اس غیر سرکاری دورے کے دوران کیا سعودی حکومت نے ان کو پروٹوکول نہیں دیا تھا، کیا خانہ کعبہ کا دروازہ نہیں کھولا گیا تھا، کیاانکی خدمت میں قیمتی نادار تحائف نہین پیش کیے گئے تھے، بشریٰ کی بیٹی کی شادی مسجد نبوی میں کرنے کی اجازت نہیں ملی تھی؟ اس دورے کے بعد کیا سعودی ولی عہد کی عمران خان پر عنایت کا سلسلہ بند ہو گیا تھا؟ اگر سعودی عرب نے ہی حکومت ختم کرنے کا کہا تھا تو پھر سائفر کیوں لہرایا،پی ٹی آئی کو اس کیوں کا جواب دینا پڑے گا

مبشر لقمان کا مزید کہنا تھا کہ شیر افضل مروت نے بھی اس طرح کی بات کی تھی جس پر عمران خان نے شیر افضل کو معذرت کرنے کا کہا تھا اب وہی حرکت پیرنی نے کر دی جوعمران خان کی مرشد ہے، کس منہ سے باز پرس کرے گا ، پیرنی نے یہ ڈیجیٹل دہشت گردی کیوں کی ہے، اسکے نتائج کیا ہوں گے، میری چڑیل نے بتایا کہ پیرنی کو نئے چلے کے لئے خون چاہئے، بے گناہ انسانوں کا خون سڑکوں پر بہے گا،تو پنکی پیرنی کے مرید خاص عمران خان کو اڈیالہ سے رہائی مل سکتی ہے، اب مسئلہ یہ کی پی ٹی آئی کی لیڈر شپ باہر نکلنے کو تیار نہیں نہ ہی ورکر، جس امریکا کو اپنا دشمن کہا تھا اسی امریکہ کی منتیں کرنے کے لئے لاکھوں ڈالر خرچ کئے جا رہے، پھر جنرل عاصم منیر کے خلاف محاذ بنایا اور اب اسی سے مذاکرات کی بھیک مانگ رہے، کارکنان کو چارج کرنے کے لئے انہیں کسی نئے دشمن کی تلاش تھی جس پر وہ انکو باہر نکال سکیں اسی لئے بشریٰ نے یہ باتیں گھڑیں، وہ سعودی سرمایہ کاری بند کروانا چاہتی ہیں، انہیں اندیشہ ہے پاکستان معاشی بحران سے نکل جائے گا اور اڈیالہ کادروازہ بند ہو جائے گا

مبشر لقمان کا مزید کہنا تھا کہ سابق آرمی چیف جنرل ر قمر جاوید باجوہ نے پنکی پیرنی کے بیان کی تردید کر دی ہے، پی ٹی آئی والے بھی وضاحتیں دے رہے ہیں لیکن کسی میں اتنی ہمت نہیں کہ بشریٰ کو روکیں، فائنل کال عمران خان سے واپس نہیں کروا سکے، اب دوسری چال چلی، انہی کی فرمائش پر اسلام آباد ہائیکورٹ نے حکم نما تجویز دی ہے تا کہ دونوں کوئی حل نکالیں،یہ بات نہ عمران خان کو قبول ہے نہ پنکی پیرنی کو،گنڈا پور کے گھر رہتے ہوئے اس پر بشریٰ اعتماد نہیں کر رہی، ہو سکتا ہے کہ دوبارہ گرفتار ہونے سےپہلے وہ گنڈا پور کو قربانی کا بکرا بنا دے، اس نے تین میسج کل مولانا فضل الرحمان کو کئے، اب مولانا فضل الرحمان چاہیں تو گنڈا پور کو قربانی کا بکرا بنایا جا سکتا ہے

بشریٰ کا بیان غیر ذمہ دارانہ، بے بنیاد ہے ،جنرل (ر) قمر جاوید باجوہ

بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف

بشریٰ کا خطاب،عمران خان تو”وڑ” گیا. مبشر لقمان

بشریٰ کے پاس پارٹی عہدہ نہیں، بیرسٹر سیف،بیان قابل مذمت ہے،اسحاق ڈار

بشری بی بی کا شریعت ختم کرنے کا الزام، دوست اسلامی ملک پر خودکش حملہ ہے،عظمیٰ بخاری

10،دس ہزار بندے لانے کی شرط،شیر افضل مروت نے بشریٰ بی بی کو آئینہ دکھا دیا، آڈیو لیک

بشریٰ بی بی کیا سالن بنانے کا طریقہ بتا رہی ہے؟ عظمیٰ بخاری

مذاکرات سے معاملات حل ہو جائیں تو بہتر ہے،عمران خان کا گنڈاپور کو مشورہ

آرمی چیف جنرل سید عاصم منیرنے آج پشاور کا دورہ کیا۔

ڈی جی آئی ایس پی آر کے مطابق یہ دورہ 19 نومبر 2024 کو ہونے والے نیشنل ایپکس کمیٹی کے اجلاس کے تسلسل اور جلد منعقد ہونے والی صوبائی ایپکس کمیٹی کے اجلاس کی تیاری کے سلسلے میں کیا گیا۔دورےکے دوران آرمی چیف جنرل سید عاصم منیر کو علاقے کی موجودہ سیکورٹی صورتحال اور جاری انسداد دہشت گردی آپریشنز کی پیش رفت پر جامع بریفنگ دی گئی۔ اس موقع پر وزیر اعلیٰ خیبر پختونخوا اور فیلڈ کمانڈرز بھی موجود تھے۔

شہداء اور غازیوں کو خراج تحسین پیش کرتے ہوئے آرمی چیف جنرل سید عاصم منیر نے مادر وطن کے دفاع کے لیے دی جانے والی بے مثال قربانیوں کو سراہا۔ انہوں نے کہا کہ یہ قربانیاں قومی استقامت کی بنیاد ہیں جو مسلح افواج اور قانون نافذ کرنے والے اداروں کی حوصلہ افزائی اور غیر متزلزل عزم کا مظہر ہیں۔آرمی چیف نے جوانوں کے بلند حوصلے، عملی تیاری اور مختلف خطرات کا مؤثر انداز میں مقابلہ کرنے کے غیر متزلزل عزم کی تعریف کی۔ انہوں نے اس بات کا اعادہ کیا کہ فوج دشمن دہشت گرد نیٹ ورکس کو ختم کرنے اور قومی سلامتی کو نقصان پہنچانے والے غیر قانونی عناصر کا قلع قمع کرنے کے لیے پُرعزم ہے۔

آرمی چیف جنرل سید عاصم منیر نے دہشت گردی کے خلاف قوم اور سیکیورٹی فورسز کے اجتماعی عزم کو اجاگر کرتے ہوئے کہا کہ دشمن عناصر کے مذموم عزائم کو ناکام بنانا اولین ترجیح ہے۔ انہوں نے یقین دلایا کہ مربوط اور مضبوط آپریشنز کے ذریعے پاک فوج قانون نافذ کرنے والے اداروں کے ساتھ مل کر امن کے دشمنوں کا پیچھا کرے گی تاکہ دیرپا استحکام اور سلامتی کو یقینی بنایا جا سکے۔قبل ازیں پشاور آمد پر آرمی چیف کا استقبال کور کمانڈر پشاور نے کیا۔