Author: ممتاز حیدر

ترکی کے وزیر داخلہ نے محسن نقوی کی دورہ پاکستان کی دعوت قبول کر لی

وفاقی وزیرداخلہ محسن نقوی سے ترکیہ کے وزیر داخلہ علی یرلیکایا کی ملاقات ہوئی ہے،

ملاقات کے دوران باہمی دلچسپی کے امور، پاک ترکیہ تعلقات کے فروغ پر تبادلہ خیال کیا گیا۔ پاک ترک وزرائے داخلہ کی ملاقات میں ترکیہ میں 3 پاکستانی قیدیوں کی وطن واپسی کے حوالے سے بھی گفتگو کی گئی ۔ محسن نقوی نے کہا کہ ترکیہ کے ساتھ تاریخی برادرانہ تعلقات ہیں ، پاکستان اور ترکیہ گہرے مذہبی رشتے میں بندھے ہوئے ہیں ۔ پاک ترکیہ تعلقات پائیدار شرکت داری میں بدل رہے ہیں ۔ وزیر داخلہ محسن نقوی نے ترکیہ کے ہم منصب کو پاکستان کے دورے کی دعوت بھی دی ۔

اس موقع پر وزیر داخلہ ترکیہ نے کہا کہ پاکستان برادر ملک ہے ، جلد اسلام آباد کا دورہ کروں گا ۔ ترکیہ کے وزیر داخلہ نے پاکستانی قیدیوں کی وطن واپسی کے لیے تعاون کی یقین دہانی کرائی اور کہا کہ پاکستان اس ضمن میں ماہرین کا وفد ترکیہ بھیجے ، ہمدردانہ جائزہ لیا جائے گا ۔ وفاقی وزیرداخلہ محسن نقوی نے 23 اکتوبر کو انقرہ میں دہشتگردوں کے حملے کی بھی شدید الفاظ میں مذمت کی ۔ انہوں نے کہا کہ دہشتگردوں کا کوئی مذہب ہے نہ علاقہ ۔ دہشتگردی کا خاتمہ عالمی چیلنج ہے

نومبر 15, 2024
بحرین،سربراہ پاک فضائیہ کو فرسٹ کلاس میڈل سے نوازا گیا

بحرین: پاکستان فضائیہ کے سربراہ ایئر چیف مارشل ظہیر احمد بابر سدھو کو بحرین میڈل – فرسٹ کلاس سے نوازا گیا

بحرین کے شاہ حماد بن عیسی آل خلیفہ کی جانب سے، بحرین کے نائب بادشاہ، شہزادہ سلمان بن حماد آل خلیفہ نے بحرین کے سکھیّر ایئر بیس پر پاکستان فضائیہ کے سربراہ ایئر چیف مارشل ظہیر احمد بابر سدھو کو بحرین میڈل – فرسٹ کلاس عطا کیا۔ یہ اعزاز ایئر چیف کو دونوں برادرانہ ممالک کے مابین فوجی تعاون اور دفاعی تعلقات کو فروغ دینے میں ان کی نمایاں خدمات کے اعتراف میں دیا گیا۔

تقریب میں بحرین کی سول اور فوجی قیادت کے اعلیٰ ارکان نے شرکت کی۔ شہزادہ سلمان بن حماد آل خلیفہ نے ایئر چیف مارشل ظہیر احمد بابر سدھو کی بحرین بین الاقوامی فضائی شو میں پاکستان فضائیہ کے جے ایف-17 بلاک III لڑاکا طیاروں کے ہمراہ حصہ لینے پر دل سے شکریہ ادا کیا۔ایئر چیف مارشل ظہیر احمد بابر سدھو نے بحرین میڈل – فرسٹ کلاس حاصل کرنے پر اپنے جذبات کا اظہار کرتے ہوئے بحرین کے حکام کا شکریہ ادا کیا۔

بحرین بین الاقوامی فضائی شو کے دوران، یو ایس ایئر فورس سینٹرل کمانڈ (اے ایف سی این ٹی) کے کمانڈر، لیفٹیننٹ جنرل ڈیرک فرانس نے ایئر چیف مارشل ظہیر احمد بابر سدھو سے ملاقات کی۔ ایئر چیف نے دونوں اسٹریٹجک اتحادی ممالک کے مابین موجودہ دوطرفہ تعاون کو مزید بڑھانے کے عزم کا اعادہ کیا۔ کمانڈر اے ایف سی این ٹی نے پاکستان کی جانب سے خطے میں امن کے فروغ کے لیے کی جانے والی کوششوں کو سراہااور مشترکہ تربیت، مشقوں اور فوجی سطح پر تعاون کو مزید مضبوط بنانے کی خواہش ظاہر کی۔

علاوہ ازیں، ایئر چیف مارشل ظہیر احمد بابر سدھو نے بحرین کے فوجی سربراہ، فیلڈ مارشل شیخ خالد بن احمد آل خلیفہ سے بھی ملاقات کی۔

نومبر 15, 2024
نازیبا ویڈیو لیک،وائرل ہونے پر متھیرا کا ردعمل آ گیا

ماڈل اور میزبان متھیرا نے سوشل میڈیا پر وائرل ہونے والی نازیبا ویڈیوز کو اپنے ساتھ منسلک کرنے کے حوالے سے وضاحت پیش کی ہے، اور کہا ہے کہ یہ ویڈیوز آرٹیفیشل انٹیلی جنس (اے آئی) کے ذریعے تخلیق کی گئی ہیں۔

حال ہی میں سوشل میڈیا پر کچھ نازیبا ویڈیوز تیزی سے وائرل ہوئیں جنہیں متھیرا سے منسوب کیا گیا تھا، جس پر اب متھیرا کا ردعمل سامنے آیا ہے۔”ایکس” پر کی گئی اپنی ایک ٹوئٹ میں متھیرا نے کہا: "لوگ میرے نام اور میری فوٹو شوٹ کی تصویروں کا غلط استعمال کر رہے ہیں اور ان میں جعلی مواد شامل کر رہے ہیں۔ شرم کرو اور مجھے اس فضول بکواس سے دور رکھو۔”

دوسری جانب، انسٹاگرام پر شیئر کی گئی اپنی اسٹوری میں متھیرا نے واضح کیا کہ "یہ ویڈیوز اے آئی کے ذریعے تیار کی گئی ہیں، اور حقیقت میں میں ان گندی ویڈیوز میں موجود نہیں ہوں۔ میرے جسم اور انگلیوں پر جو ٹیٹوز ہیں، وہ ان ویڈیوز میں دکھائی نہیں دیتے۔”متھیرا نے مزید بتایا کہ یہ ویڈیوز دو سال پرانی ہیں، جنہوں نے انہیں شدید پریشانی میں مبتلا کر دیا تھا، اور اس معاملے پر انہوں نے ایف آئی اے سے بھی رابطہ کیا تھا۔انہوں نے اپنی اسٹوری میں مزید لکھا: "سوشل میڈیا پر جعلی ویڈیوز کے ذریعے میری ساکھ کو نقصان پہنچانے کی کوشش کی جا رہی ہے۔ میں نے کبھی ایسی کوئی گندی ویڈیو نہیں بنائی۔ براہ کرم میری شخصیت کو خراب کرنے کی کوشش نہ کریں اور مجھے اس طرح پیش نہ کریں جیسا کہ میں نہیں ہوں۔”

حالیہ دنوں میں پاکستان میں سوشل میڈیا پر نازیبا ویڈیو لیک کے حوالہ سے چرچا ہے، دو معروف ٹک ٹاکر مناہل ملک اور امشا کی نازیبا ویڈیو لیک ہو چکی ہیں،اب پاکستانی ماڈل،ٹی وی میزبان متھیرا کے بارے میں بھی اطلاعات ہیں کہ انکی بھی نازیبا ویڈیو لیک ہو چکی ہیں.

متھیرا اپنے کھلے اور بے تکلف انداز کی وجہ سے ہمیشہ سرخیوں میں رہتی ہیں، اور ان کی زندگی میں نہ صرف ان کے کام بلکہ ان کے متنازعہ بیانات بھی موضوع بحث بنتے ہیں۔ اب رپورٹس کے مطابق ایک نجی ویڈیو جو مبینہ طور پر متھیرا کی ہے، سوشل میڈیا پر وائرل ہو چکی ہے، جس پر اس ویڈیو کی حقیقت اور اس کے لیک ہونے کے پیچھے کے افراد کے بارے میں سوالات اٹھائے جا رہے ہیں۔

اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب

ٹک ٹاکر امشا رحمان کی بھی انتہائی نازیبا،برہنہ،جنسی تعلق کی ویڈیو لیک

نازیبا ویڈیو لیک ہونے کے بعد مناہل ملک نے دیا مداحوں کو پیغام

سماٹی وی میں گروپ بندی،سما کے نام پر اکرم چوہدری اپنا بزنس چلانے لگے

سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں

انتہائی نازیبا ویڈیو لیک ہونے کے بعد ٹک ٹاکرمناہل نے مانگی معافی

نومبر 15, 2024
نیلم جہلم پن بجلی منصوبہ،خرابی کے ذمہ داروں کیخلاف کاروائی کا اعلان

پاکستان کے 500 ارب روپے کی لاگت سے تیار ہونے والے نیلم جہلم پن بجلی منصوبے کی خرابی کے ذمہ داروں کے خلاف کارروائی کا اعلان کیا گیا ہے۔

وفاقی وزیر برائے منصوبہ بندی احسن اقبال کی سربراہی میں نیلم جہلم پن بجلی منصوبے کی بحالی کے لیے قائم کمیٹی کا اجلاس ہوا، جس کا اعلامیہ بھی جاری کیا گیا ہے،جاری اعلامیے کے مطابق، نیلم جہلم پن بجلی منصوبہ گزشتہ 6 ماہ سے بند ہے اور اس کا پیداوار 969 میگاواٹ ہے،منصوبے کی ٹنل میں خرابی کو دور کرنے کے لیے 23 ارب روپے کی لاگت کا تخمینہ لگایا گیا ہے، نیلم جہلم پن بجلی منصوبہ مئی 2024 سے ٹنل کی خرابی کی وجہ سے بند ہے، اور کمیٹی کو منصوبے کی مرمت کی لاگت کا تخمینہ عالمی ماہرین نے دیا ہے۔

وفاقی وزیر احسن اقبال کا کہنا تھا کہ نیلم جہلم منصوبہ وزیرِ اعظم کی ہدایت پر شروع کیا گیا تھا اور یہ منصوبہ جلد بازی میں شروع کیا گیا تھا، نیلم جہلم پن بجلی منصوبے کی ابتدائی تعمیراتی لاگت کا تخمینہ 80 ارب روپے تھا، مگر یہ منصوبہ 500 ارب روپے میں مکمل ہوا، منصوبے کی تکمیل کے بعد یہ تین بار خرابی کا شکار ہو چکا ہے۔ انہوں نے کہا کہ نیلم جہلم پن بجلی منصوبہ فنانشل کلوز اور پی سی ون کی تیاری کے بغیر شروع کیا گیا تھا۔

احسن اقبال نے نیلم جہلم پن بجلی منصوبے کی خرابی کے ذمہ داروں کے خلاف سخت کارروائی کا اعلان کرتے ہوئے واپڈا کو ہدایت کی کہ وہ منصوبے کی بحالی کے لیے ضروری اقدامات، لاگت اور خرابی کی وجوہات پر رپورٹ فراہم کرے۔

احسن اقبال نے متعلقہ حکام کو ہدایت کی کہ نیلم جہلم پن بجلی منصوبے کی مرمت کے کام کو تیز کریں اورسائنسی بنیاد پر منصوبہ تیار کریں تاکہ ایسا پائیدار حل تلاش کیا جاسکے جس سے طویل مدت کا استحکام یقینی بنایا جائے، اجلاس میں دیامر بھاشا ڈیم پر بھی توجہ مرکوز کی گئی جو کہ آبپاشی کیلئے پانی بھی ذخیرہ کرنے کے علاوہ سیلابوں کو روکنے میں مدد گار ثابت ہوگا اور چار ہزار پانچ سو میگاواٹ بجلی بھی پیداکرے گا، وفاقی وزیر منصوبہ بندی احسن اقبال نے حکام کو زمین سے متعلق مسائل فوری حل کرنے کا حکم دیا تاکہ منصوبے کا آغاز ممکن ہوسکے۔

نومبر 15, 2024
چیمپئنز ٹرافی،بھارتی کرکٹ بورڈ سے پاکستان نہ آنے کی وجوہات طلب

انٹرنیشنل کرکٹ کونسل (آئی سی سی) نے بھارتی کرکٹ بورڈ سے پاکستان نہ آنے کی تحریری وجوہات طلب کرلی ہیں۔

ذرائع کے مطابق پاکستان کرکٹ بورڈ نے آئی سی سی سے بھارتی کرکٹ بورڈ کا خط تحریری طور پر مانگا تھا، جس میں بھارتی کرکٹ بورڈ نے زبانی طور پر پاکستان نہ جانے کا ذکر کیا تھا۔ اب آئی سی سی نے بھارتی بورڈ کو ان وجوہات کو تحریر میں پیش کرنے کا کہا ہے۔ ذرائع کا کہنا ہے کہ پاکستان ان وجوہات کو دیکھ کر اپنے حق میں ٹھوس شواہد بھی مانگ سکتا ہے۔ قوانین کے مطابق بھارتی بورڈ کو پاکستان نہ جانے کی حقیقت پسند وجوہات فراہم کرنا ہوں گی اور آئی سی سی ان وجوہات کا جائزہ لے کر اپنے حتمی فیصلے تک پہنچے گا۔ اگر بھارتی بورڈ کی وجوہات ناقابل قبول ہوئیں تو بھارتی ٹیم کو پاکستان آنے کا کہا جائے گا، اور اگر بھارت انکار کرے گا تو چیمپئنز ٹرافی میں 9 ویں ٹیم کو شامل کیا جا سکتا ہے۔ ذرائع کے مطابق بھارتی ٹیم کے نہ آنے سے آئی سی سی کو 50 کروڑ ڈالرز کا نقصان ہو گا، جب کہ بھارتی کرکٹ بورڈ کو اس کا تخمینہ 10 کروڑ ڈالرز ہے۔

بھارت کے پاکستان آنے سے انکار کے تمام معاملے کا قصور وار آئی سی سی ہے،محمد عامر

چیمپیئنز ٹرافی دبئی سے اسلام آباد پہنچ گئی

نومبر 15, 2024
غیر ملکی ہیڈ کوچز،پی سی بی نے چھٹکارا پانے کی تیاری کر لی

پاکستان کرکٹ بورڈ ے غیر ملکی ہیڈ کوچز کے ساتھ اپنے تعلقات میں کشیدگی اور ناخوشگوار تجربات کے بعد اب ملکی کوچز کی جانب قدم بڑھانے کا فیصلہ کیا ہے۔ بورڈ کی انتظامیہ کا ارادہ ہے کہ وہ غیر ملکی ہیڈ کوچز سے چھٹکارہ حاصل کرے، جن کے ساتھ تعلقات ہمیشہ مشکل میں رہے ہیں۔

نجی ٹی وی میں شائع رپورٹ کے مطابق،ذرائع کے مطابق، پی سی بی اس بات پر غور کر رہا ہے کہ ٹیسٹ ٹیم کے موجودہ ہیڈ کوچ جیسن گلیسپی کا معاہدہ جلد ختم کر دیا جائے گا اور انہیں فارغ کر دیا جائے گا۔ اس سے یہ اشارہ مل رہا ہے کہ پی سی بی پاکستانی ہیڈ کوچ کی تقرری پر سنجیدگی سے غور کر رہا ہے، تاکہ قومی کرکٹ ٹیم کی کوچنگ کی ذمہ داری ایک مقامی فرد کے ہاتھوں میں ہو۔ہ پی سی بی کے حکام کے نزدیک گیری کرسٹن کے ساتھ پاکستان کرکٹ بورڈ کا تجربہ سبق آموز رہا ہے، کیونکہ کرسٹن نے بورڈ کے ساتھ جو سلوک کیا، اس سے پی سی بی کے حکام کی آنکھیں کھل گئیں اور انہیں غیر ملکی کوچز کے ساتھ زیادہ پیچیدگیاں نظر آئیں۔ اسی تناظر میں، یہ بھی کہا جا رہا ہے کہ پاکستان کا اگلا ہیڈ کوچ زمبابوے کے دورے سے پہلے ہی مقرر کر لیا جائے گا۔

اس حوالے سے ایک اہم تجویز زیر غور ہے کہ اگرچہ ہیڈ کوچ پاکستانی ہو گا، لیکن سپورٹ اسٹاف میں بیٹنگ، بولنگ اور فیلڈنگ کوچز غیر ملکی ہوں گے۔ ذرائع کا کہنا ہے کہ غیر ملکی کوچز اکثر پی سی بی کے ساتھ تعلقات میں مشکلات پیدا کرتے ہیں اور ان کے نخرے بورڈ کے حکام کو مشکلات میں ڈالتے ہیں، جب کہ یہ بھی کہا جا رہا ہے کہ وہ پی سی بی کو بلیک میل کرنے کی کوشش کرتے ہیں۔جیسن گلیسپی نے بھی کچھ شرائط منوانے کی کوشش کی تھی، مگر پی سی بی نے انکار کر دیا اور انہیں تنبیہہ کی کہ ان کی تقرری صرف عبوری مدت کے لیے ہے، اس لیے انہیں ضابطہ اخلاق کی پابندی کرنی ہوگی۔ ذرائع کا کہنا ہے کہ اگلے چند دنوں میں پاکستان کرکٹ بورڈ جنوبی افریقا اور زمبابوے کے دوروں کے لیے وائٹ بال ہیڈ کوچ کا اعلان کر دے گا۔

پاکستان کرکٹ بورڈ ماضی میں غیر ملکی کوچز کو ترجیح دیتا رہا ہے اور مختلف غیر ملکی کوچز جیسے کہ وقار یونس، مصباح الحق، ثقلین مشتاق، اور محمد حفیظ نے بھی پاکستانی ٹیم کے ساتھ کوچنگ پینل کی سربراہی کی ہے، لیکن اب پی سی بی نے فیصلہ کیا ہے کہ وہ ملکی کوچز کو زیادہ اہمیت دے گا۔

پاکستان کرکٹ بورڈ کی جانب سے غیر ملکی کوچز کے ساتھ تعلقات میں کشیدگی اور ناخوشگوار تجربات کے بعد ملکی کوچز کی طرف رجوع کرنا ایک اہم قدم ثابت ہو سکتا ہے۔ غیر ملکی کوچز کی زیادہ تر تقرریاں بورڈ کے لیے مسائل پیدا کرتی رہی ہیں، خاص طور پر ان کی بلند توقعات اور بعض اوقات پی سی بی حکام کے ساتھ اختلافات سامنے آئے ہیں۔ ایسے میں یہ فیصلہ پاکستانی کرکٹ کے لیے ایک نیا دور بھی ثابت ہو سکتا ہے، جہاں مقامی کرکٹرز کے لیے مواقع بڑھیں گے اور ان کی تربیت بھی بہتر طریقے سے کی جا سکے گی۔پاکستان میں کرکٹ کی مقامی سطح پر مہارت اور تجربہ کی کمی نہیں، اور اس فیصلے سے نہ صرف ملکی کرکٹ کو فائدہ ہو گا بلکہ نئے ٹیلنٹ کو بھی پروان چڑھانے کا موقع ملے گا۔

نومبر 15, 2024
نیوزی لینڈ پارلیمنٹ میں کم عمر ترین رکن کا احتجاج، رقص

نیوزی لینڈ میں مقامی ماوری قبائل سے تعلق رکھنے والے قانون سازوں نے پارلیمنٹ میں ایک متنازعہ بل کے خلاف ڈرامائی انداز میں احتجاج کیا اور اس بل پر ووٹنگ کو روکنے کے لیے روایتی ہاکا رقص شروع کر دیا۔

اس بل پر ووٹنگ سے قبل جب ماوری قبائل سے تعلق رکھنے والے قانون سازوں نے رقص شروع کیا تو گیلری میں موجود لوگ بھی اس میں شامل ہو گئے۔ اس پر ہنگامہ شروع ہو گیا اور پورا ایوان شور شرابے کی نذر ہو گیا۔نیوزی لینڈ کی کم عمر ترین ممبر پارلیمنٹ ہانہ رواہیتی مائیپی کلارک کی ویڈیو سامنے آئی ہے، جذباتی مناظر دیکھنے کو ملے،مائیپی کلارک نے پارلیمنٹ میں پیش کردہ بل کو پھاڑ کر روایتی رقص مورائی ہاکا شروع کیا جس کے بعد اسمبلی کے دیگر ممبران اور گیلری میں بیٹھے لوگ ان کا ساتھ دینے لگے جس کے بعد اسپیکر اسمبلی نے اجلاس ملتوی کردیا

1840میں ویتنگی میں برطانیہ کے ساتھ مقامی لوگوں کا جو معاہدہ ہوا تھا، اس طے شدہ اصولوں کے تحت ماوری قبائل کو انگریزوں کے اقتدار کو تسلیم کرنے کے بدلے میں اپنی زمینوں کو برقرار رکھنے اور ان کے مفادات کے تحفظ کے وسیع ترحقوق دینے کا وعدہ کیا گیا تھا،تاہم اس متنازعہ بل کا مقصد ان تمام خصوصی حقوق کو، جو اب تک ماوری کے لیے مخصوص تھے، نیوزی لینڈ کے تمام دیگر باشندوں تک بڑھانا ہےنیوزی لینڈ کے مقامی ماوری قبائل کے ارکان پارلیمان اور ان کے بیشتر حامی اس متنازعہ قانون سازی کو مقامی لوگوں کے حقوق کی پامالی کے طور پر دیکھتے ہیں۔ نیوزی لینڈ کی مجموعی آبادی تقریبا 53 لاکھ ہے اور اس میں مقامی لوگوں کی آبادی کا تقریباً 20 فیصد ہے۔

ویتنگی کے معاہدے پر دستخط کے بعد بھی کئی دہائیوں تک اس کے متن پر انگریزوں اور ماؤریز کے درمیان اختلافات رہے۔ نیوزی لینڈ کی حکومتیں بھی اس کی خلاف ورزیاں کرتی رہی ہیں، جس سے ماؤریز کے اندر محرومی کے احساس میں اضافہ ہوا ہے،اس کے خلاف بطور احتجاج سینکڑوں ماؤری مظاہرین نے نیوزی لینڈ کے شمال سے دارالحکومت ویلنگٹن تک نو روزہ مارچ کا بھی آغاز کر دیا ہے۔ وہ اگلے منگل تک ویلنگٹن پہنچنے والے ہیں، جہاں ایک بڑی ریلی میں دسیوں ہزار افراد کے جمع ہونے کی توقع ہے

نومبر 15, 2024
ایلون مسک کی اقوام متحدہ میں ایران کے مستقل مندوب سے ملاقات

امریکا کے نومنتخب صدر ڈونلڈ ٹرمپ کے مشیر ایلون مسک نے اقوام متحدہ میں ایران کے مستقل مندوب امیر سعید ایراوانی سے ملاقات کی ہے۔

امریکی میڈیا نے ایرانی حکام کے حوالے سے اس ملاقات کی تصدیق کی ہے۔ رپورٹ کے مطابق، دونوں شخصیات نے امریکا اور ایران کے درمیان بڑھتی ہوئی کشیدگی کو کم کرنے کے بارے میں بات کی۔ملاقات ایک گھنٹے تک جاری رہی اور یہ نیویارک میں ایک خفیہ مقام پر ہوئی، جہاں اقوام متحدہ میں بائیڈن انتظامیہ کے نمائندوں کو بھی اس ملاقات کی اطلاع نہیں دی گئی تھی۔ ایرانی حکام نے بتایا کہ ایلون مسک نے ملاقات کی درخواست کی تھی، جبکہ ملاقات کی جگہ کا انتخاب ایران کے سفیر نے کیا تھا۔

ایک ایرانی اہلکار کے مطابق، ایرانی سفیر ایراوانی نے ایلون مسک سے کہا کہ وہ امریکی وزارت خزانہ پر دباؤ ڈالیں تاکہ ایران پر عائد پابندیاں اٹھائی جائیں اور مسک کو دعوت دی کہ وہ اپنے کچھ کاروبار تہران منتقل کریں۔اگرچہ اقوام متحدہ میں ایرانی مشن نے اس ملاقات کی تردید کی ہے، ایلون مسک کی ٹیم کی جانب سے اس بارے میں ابھی تک کوئی تبصرہ سامنے نہیں آیا۔

یاد رہے کہ ڈونلڈ ٹرمپ نے اپنی انتخابی مہم کے دوران یہ کہا تھا کہ وہ جنگوں کو ختم کرنا چاہتے ہیں، لیکن ان کے کمیونیکیشن ڈائریکٹر اسٹیون شیئنگ نے کہا کہ وہ ایسی نجی ملاقاتوں پر تبصرہ نہیں کریں گے جن کے بارے میں کوئی تصدیق نہیں ہوئی۔ٹرمپ کی ترجمان کیرولائن لیو نے کہا کہ امریکی عوام نے ٹرمپ کو صدر اس لیے منتخب کیا ہے کیونکہ وہ اپنے ملک کو طاقت کے ذریعے امن کی طرف واپس لے کر جائیں گے، اور عہدہ سنبھالنے کے بعد وہ اسی سمت میں اقدامات کریں گے۔

ٹرمپ نے اپنے پہلے دور صدارت میں ایران کے ساتھ جوہری معاہدہ ختم کردیا تھا اور ایران پر مزید پابندیاں عائد کی تھیں۔ اس کے علاوہ، ٹرمپ نے ایران کے جنرل قاسم سلیمانی کو عراق میں قتل کرنے کا حکم دیا تھا، جس کے بعد ایران نے امریکا کے ساتھ مذاکرات ختم کردیے تھے اور سلیمانی کے قتل کا انتقام لینے کی دھمکی دی تھی۔

ملاقات کی خبروں سے قبل، ایران کے وزیر خارجہ عباس عراقچی نے اقوام متحدہ کے ایٹمی واچ ڈاگ ادارے کے سربراہ سے ملاقات کی تھی اور کہا تھا کہ ایران اختلافات کو مذاکرات اور تعاون کے ذریعے حل کرنے کے لیے تیار ہے۔ عراقچی نے یہ بھی کہا کہ ایران کبھی بھی پرامن جوہری پروگرام پر بات چیت کی میز سے پیچھے نہیں ہٹا۔

واضح رہے کہ چند روز قبل، نومنتخب امریکی صدر ڈونلڈ ٹرمپ نے اعلان کیا تھا کہ ان کی نئی کابینہ میں ایلون مسک اور وویک راماسوامی گورنمنٹ ایفیشینسی کے شعبے کا ذمہ سنبھالیں گے۔

بشریٰ کا رونا اچھی حکمت عملی،گنڈا پور”نمونہ” پی آئی اے نہیں خرید رہے،عظمیٰ بخاری

پی آئی اے کی بجائے اپنے فلیٹس بیچیں، شیخ رشید

اسلام آباد ایئر پورٹ نواز شریف کے قریبی دوست کو دیا جا رہا، مبشر لقمان

پی آئی اے نجکاری،صرف 10 ارب کی بولی، کیوں؟سعد نذیر کا کھرا سچ میں جواب

پی آئی اے نجکاری،خیبر پختونخوا حکومت کی بولی کا حصہ بننے کی خواہش

نومبر 15, 2024
ڈاکٹر کا مشورہ نظرانداز، مائیک ٹائسن کی دوران پرواز طبیعت خرابی کا انکشاف

ورلڈ باکسنگ لیجنڈ مائیک ٹائسن نے حالیہ دنوں میں اپنی صحت کی حالت کے بارے میں تشویش کا اظہار کیا ہے اور بتایا کہ کس طرح وہ جیک پال کے ساتھ اپنی متنازعہ فائٹ سے پہلے ایک سنگین طبی ایمرجنسی کا شکار ہوگئے تھے۔ 58 سالہ باکسنگ چیمپئن نے انکشاف کیا کہ فائٹ کی اصل تاریخ میں تاخیر کی وجہ ایک ایسا واقعہ تھا جس میں وہ خون کی قے کرنے لگے اور بے ہوش ہوگئے تھے۔

ٹائسن نے بتایا کہ اس سال کے شروع میں ایک پرواز کے دوران انہیں شدید متلی اور چکر آنے لگے تھے جس کے نتیجے میں ایئرلائن کے عملے کو مسافروں سے یہ سوال پوچھنا پڑا کہ کیا کوئی ڈاکٹر موجود ہے؟ اس کے بعد پرواز کے دوران طبی عملہ طیارے میں سوار ہوا اور ٹائسن کا علاج کیا، جب طیارہ لاس اینجلس پہنچا تو ٹائسن کی حالت انتہائی خراب تھی اور انہوں نے بتایا کہ وہ پاخانہ کر رہے تھے۔ اس کے فوراً بعد ٹائسن کو اسپتال منتقل کیا گیا جہاں ڈاکٹروں نے ان کا معائنہ کیا .

ٹائسن نے نیٹ فلکس کی ڈاکو سیریز میں ان تمام واقعات کا تفصیل سے ذکر کیا ہے، جس میں انہوں نے بتایا کہ ڈاکٹروں نے انہیں بتایا کہ ان کے جسم میں دو اور آدھ انچ کا السر ہے جو ان کی حالت کی خرابی کی وجہ تھا۔ ڈاکٹروں نے مائیک کو مکمل آرام کرنے اور کسی بھی قسم کی سنگین جسمانی مشقت سے بچنے کی ہدایت کی تھی، لیکن ٹائسن نے ان کے مشورے کو نظرانداز کرتے ہوئے اپنی فائٹ کی تیاری جاری رکھی۔

عالمی شہرت یافتہ باکسر مائیک ٹائسن 1987 سے 1990 تک غیر متنازعہ عالمی ہیوی ویٹ چیمپئن رہے ہیں، مائیک ٹائسن 2005 میں انٹرنیشنل باکسنگ سے ریٹائر ہوئے لیکن حال ہی میں نومبر 2020 میں انہوں نے کیلیفورنیا میں رائے جونز کے خلاف ایک نمائشی مقابلے میں حصہ لیا۔

نومبر 15, 2024
سپریم کورٹ، آئینی بینچ میں کیسز کی سماعت

سپریم کورٹ، آئینی بینچ میں مقدمات کی سماعت ہوئی

سپریم کورٹ میں جسٹس امین الدین کی سربراہی میں آئینی بینچ نے کیسز کی سماعت کی،جسٹس جمال مندوخیل، جسٹس محمد علی مظہر، جسٹس حسن اظہر رضوی، جسٹس مسرت ہلالی اور جسٹس نعیم اختر 6 رکنی آئینی بینچ کا حصہ ہیں، آئینی بینچ نے کورٹ روم نمبر 3 میں کیسز کی سماعت کی

بانی پی ٹی آئی کنونشن سنٹر ازخود نوٹس کیس کی سماعت ہوئی، آئینی بینچ نے اٹارنی جنرل آفس سے جواب طلب کرلیا.عدالت نے کہا کہ اٹارنی جنرل صاحب اس معاملہ پر شائد واجبات بعد میں ادا کر دیئے گئے تھے۔جسٹس امین الدین خان نے کہا کہ سوموٹو کیس میں سابق وزیر اعظم کو بھی نوٹس کیا گیا تھا۔جسٹس محمد علی مظہر نے کہا کہ کنونشن سنٹر کو ادارہ کی پالیسی کے مطابق چلائیں۔جسٹس جمال مندوخیل نے کہا کہ مجھے واجبات ادائیگی کی معلومات لے لینے دیں۔ایڈیشنل اٹارنی جنرل آپ معلومات لیں ہمیں کچھ دیر میں بتادیں۔ عدالت نے کیس کی سماعت میں وقفہ کردیا.

غیر ملکی بنک اکاؤنٹس چھپانے اور لوٹی رقم ریکوری کیس،رپورٹ طلب
غیر ملکی بنک اکاؤنٹس چھپانے اور لوٹی رقم ریکوری کیس کی سماعت ہوئی،آئینی بینچ نے التواء درخواست پر کاروائی دو ہفتوں کےلئے ملتوی کردی،عدالت نے ایف آئی اے اور ایف بی آر کو غیر ملکی خفیہ بنک اکاؤنٹس پر رپورٹ طلب کرلی،دوران سماعت وکیل حافظ احسان نے دلائل پیش کیے کہ انکم ٹیکس قانون میں ترمیم ہوچکی ہے، قانونی پراسس کے تحت خفیہ اکاؤنٹس اور ریکوری پر کارروائی چل رہی ہے، جسٹس محمد علی مظہر نے ریمارکس دیے کہ کیس میں ایف آئی اے اور ایف بی آر سمیت تمام ایجنسیوں کو رپورٹ کے احکامات جاری ہوئے،ایف بی آر کے وکیل نے کہا کہ یہ معاملہ ایف بی آر اور ایف آئی اے کا ہے، ایجنسیوں کا اس معاملہ سے کوئی تعلق نہیں، جسٹس محمد علی مظہر نے کہا کہ کیس کو ختم کرنا ہے تو رپورٹ دے دیں،سپریم کورٹ کے آئینی بینچ نے ایف آئی اے اور ایف بی آر سے غیرملکی خفیہ بینک اکاؤنٹس اور لوٹی گئی رقم کی واپسی پر متعلقہ اداروں سے رپورٹ طلب کرلی اور التوا کی درخواست پر 2 ہفتے کے لیے سماعت ملتوی کردی۔

سپریم کورٹ اب بھی ازخود نوٹس لے سکتی ، فرق صرف یہ ہے اب ازخود نوٹس آئینی بینچ میں چلے گا،جسٹس امین الدین
سپریم کورٹ کے آئینی بینچ نے انسداد دہشت گردی کیس پر ازخود نوٹس کیس درخواست گزار کی استدعا پر نمٹا دیا،جسٹس محمد علی مظہر نے واضح کیا کہ سپریم کورٹ اب بھی ازخود نوٹس لے سکتی ہے، فرق صرف یہ ہے اب ازخود نوٹس آئینی بنچ میں چلے گا، سپریم کورٹ کے آئینی بینچ نے بینکنگ آرڈیننس کے تحت اپیل کے معاملے پر کیس نمٹا دیا،آئینی بینچ نے لیڈی ہیلتھ ورکرز کی سروس اسٹرکچر سے متعلق کیس کی سماعت بھی ملتوی کردی اور لیڈی ہیلتھ ورکرز سے متعلق تمام مقدمات یکجا کر کے فریقین کو نوٹس جاری کردیے، سپریم کورٹ میں آئینی بینچ نے الجہاد ٹرسٹ بنام وفاق کیس کو غیر مؤثر ہونے کے سبب نمٹا دیا۔

سپریم کورٹ میں سابق وفاقی محتسب یاسمین عباسی توہین عدالت کیس میں وکیل کو جواب کے لیے مہلت دے دی گئی،جسٹس امین الدین خان نے کہا کہ سابق وفاقی محتسب یاسمین عباسی پیش نہیں ہوئیں، اگر کوئی فورم اختیار کیے بغیر کارروائی کرے تو ہائیکورٹ کا دائرہ اختیار ہے،جسٹس محمد علی مظہر نے کہا کہ گزشتہ سماعتوں پر یاسمین عباسی ذاتی حیثیت میں پیش ہوتی رہیں، معاملہ ابھی تو غیر مؤثر نہیں ہوا،جسٹس جمال مندوخیل نے کہا کہ یاسمین عباسی اب وفاقی محتسب نہیں رہیں، ہم کیوں سابق وفاقی محتسب کی طرف جا رہے ہیں، جسٹس مسرت ہلالی نے کہا کہ سوال یہ ہے کیا وفاقی محتسب کی کارروائی ہائیکورٹ میں چیلنج ہو سکتی ہے،جسٹس محمد علی مظہر نے کہا کہ لاہور ہائیکورٹ کے جج کے وارنٹ گرفتاری جاری ہوئے تھے، یاسمین عباسی کو نوٹس کر کے کارروائی سے آگاہ کیا جائے، حکمِ امتناع کے بعد محتسب کی کارروائی توہینِ عدالت تھی،جسٹس جمال مندوخیل نے کہا کہ توہینِ عدالت کا نوٹس چیئرمین پرسن وفاقی محتسب کو جاری کیا گیا، یاسمین عباسی اب وفاقی محتسب نہیں رہیں، موجودہ وفاقی محتسب کو نوٹس کردیں، وہ آکر بتا دیں گے،جسٹس محمد علی مظہر نے کہا کہ ہائیکورٹ جج کے وارنٹ گرفتاری جاری ہوئے اس کا کیا ہوگا، لاہور ہائیکورٹ کے جج اور وفاقی محتسب دونوں نے ایک دوسرے کو توہینِ عدالت نوٹسز جاری کیے،جسٹس جمال مندوخیل نے کہا کہ چیئرمین محتسب آ کر بتادیں گے وہ معاملہ چلانا چاہتے یا واپس لینا چاہتے ہیں،عدالت نے وکیل وفاقی محتسب کو معاملے پر ہدایات لےکر جواب جمع کرانے کا حکم دیا اور کیس کی سماعت ملتوی کردی۔

نومبر 15, 2024