مرکزی مسلم لیگ، مسلم ویمن لیگ اور سول سوسائٹی کے زیر اہتمام بھارتی بہار کے وزیراعلیٰ نتیش کمار کی جانب سے خاتون کا زبردستی نقاب کھینچنے پر ملک گیر احتجاجی مظاہرے کئے گئے، اسلام آباد،کراچی،پشاور، قصور ،ملتان، وہاڑی، راولپنڈی،بہاولپور ،پاکپتن،ننکانہ صاحب،حیدرآباد،ایبٹ آباد،ہری پور،مردان،راجن پور،ڈیرہ اسماعیل خان سمیت دیگر شہروں میں ہونے والے احتجاجی مظاہروں میں خواتین سمیت ہزاروں افراد شریک ہوئے،شرکا نے بھارت کو دہشتگرد اسٹیٹ قرار دینے کا مطالبہ کیا اور کہا خاتون کا نقاب کھینچنا دہشتگردی ہے،بھارت میں اقلیتوں کو تحفظ فراہم کیا جائے،
مسلم ویمن لیگ،سول سوسائٹی کے زیر اہتمام بھارتی وزیراعلیٰ کے خلاف ملک گیر احتجاجی مظاہروں کے دوران شرکا نے بینرز و پلے کارڈز اٹھا رکھے تھے جن پر انڈیا پردے کی توہین بند کرو،خواتین کو تحفظ دو، سمیت دیگر تحریریں درج تھیں،شرکا بھارتی وزیراعظم نریندر مودی اوربھارتی وزیراعلیٰ کے خلاف نعرے بھی لگا رہے تھے، اسلام آباد میں مرکزی مسلم لیگ کے زیر اہتمام بھارت میں مسلم خاتون کا نقاب کھینچے جانے کے واقعہ پر احتجاجی مظاہرہ کیا گیا،بھارتی ریاست بہار کے وزیر اعلیٰ نتیش کمار کی جانب سے مسلم خاتون کا نقاب نوچنے کے خلاف سول سوسائٹی و مسلم ویمن لیگ کا کراچی پریس کلب پر احتجاجی مظاہرہ کیا گیا،مظاہرہ میں شہر بھر سے خواتین کی بڑی تعداد نے شرکت کی،وہاڑی میں مذمتی ریلی نکالی گئی جس کی قیادت ممبر صوبائی اسمبلی میاں ثاقب خورشید نے کی ،ریلی میں سیاسی و سماجی رہنماؤں، سول سوسائٹی اراکین نے بڑی تعداد میں شرکت کی،اس موقع پر ایم پی اے میاں ثاقب خورشید نے کہا کہ خاتون کا حجاب کھینچنا اس کے وقار اور مذہبی شناخت پر براہ راست حملہ ہے، حجاب و نقاب پر حملہ انسانی حقوق کی سنگین خلاف ورزی ہے خاتون کے ساتھ بدسلوکی عالمی ضمیر کے لیے چیلنج ہے ، سیکولر سٹیٹ کہلانے والے ہندوستان نےبے حیائی کا مظاہرہ کیا ہے کوئی بھی مذہب ایسی حرکت کو پسند نہیں کرتا،سی او بلدیہ راؤ نعیم خالد ،صدر انجمن تاجران طاہر شریف گجر ،جنرل سیکرٹری انجمن تاجران راؤ خلیل احمد ،ایم این اے تہمینہ دولتانہ کے نمائندے ناصر دولتانہ،شیخ عبدالطیف،رانا محمد شفیق،چوہدری سعید اختر، شاہد سنی گجر،ریاض مسیح سمیت دیگر نے کہا کہ بھارتی صوبہ بہار کے وزیراعلیٰ نے جو گھٹیا اقدام کیا ہے اس کی اسے ضرور سزا ملنی چاہیے۔مرکزی مسلم لیگ پشاور اور سول سوسائٹی پشاور کے زیرِ اہتمام فوارہ چوک تا پریس کلب پشاور احتجاجی ریلی کا انعقاد کیا گیا،پریس کلب پشاور کے سامنے مظاہرے سے سول سوسائٹی کے سرپرست پیر عطاء اللہ درانی،صدر سول سوسائٹی پشاور نوید شہزاد، مرکزی مسلم لیگ کے پی کے صدر دعوتِ اصلاح ابو عکاشہ منظور،سینئر نائب صدر پشاور سمیع اللہ نے خطاب کیا ،مقررین نے کہا کہ مسلم خواتین کے مذہبی تشخص پر حملے کسی صورت برداشت نہیں کیے جائیں گے۔نقاب عزت، شناخت اور مذہبی آزادی کی علامت ہے، اس کی توہین دراصل پوری انسانیت کی توہین ہے۔ مرکزی مسلم لیگ قصور کے زیرِ اہتمام احتجاجی مظاہرہ کیا گیا، جس میں سینکڑوں شہریوں نے شرکت کی۔ احتجاج کی قیادت جنرل سیکرٹری پاکستان مرکزی مسلم لیگ رانا محمد اشفاق نے کی، رانا محمد اشفاق نے خطاب کرتے ہوئے کہا کہ نتیش کمار کو اس عمل کی سخت سزا دی جائے تاکہ آئندہ کسی بھی بہن بیٹی کے ساتھ ایسا ناروا سلوک کرنے کی کوئی جرات نہ کرے،بہاولپور کے ون یونٹ چوک پر بھی احتجاجی مظاہرہ کیا گیا جس کی قیادت مرکزی مسلم لیگ کے رہنما رانا سیف اللہ نے کی۔ مظاہرے میں کارکنان، طلبہ، خواتین، اور شہریوں کی بڑی تعداد نے شرکت کی۔پاکپتن میں مرکزی مسلم لیگ، انجمن تاجران اور سول سوسائٹی کے زیرِاہتمام احتجاجی مظاہرہ کیا گیا۔مظاہرے میں مذہبی، سماجی، تاجر رہنماؤں اور شہریوں کی بڑی تعداد نے شرکت کی ، مرکزی مسلم لیگ شعبہ خواتین ننکانہ صاحب کی طرف سے خواتین نے احتجاجی ریلی نکالی، جس میں مختلف شعبہ ہائے زندگی سے تعلق رکھنے والی خواتین اور طالبات کی بڑی تعداد نے شرکت کی،راولپنڈی میں مرکزی مسلم لیگ کے زیرِ اہتمام پریس کلب مری روڈ کے باہر پرامن احتجاجی مظاہرہ کیا گیا،مظاہرے کی قیادت عبدالرحمٰن، محمد مظہر قادر، عرفان احمد، احسان اللہ اور مبین احمد نے کی، مظاہرے کے دوران عالمی انسانی حقوق تنظیموں اور اقوامِ متحدہ سے مطالبہ کیا گیا کہ وہ واقعے کا فوری نوٹس لیں اور بھارت میں مذہبی اقلیتوں، بالخصوص مسلمان خواتین کے تحفظ کو یقینی بنایا جائے،مرکزی مسلم لیگ ایبٹ آباد کے زیرِ اہتمام مسلم خواتین کا نقاب کھینچنے کے واقعے کے خلاف ایبٹ آباد پریس کلب کے باہر احتجاجی مظاہرہ کیا گیا۔ مرکزی مسلم لیگ ملتان کے زیر اہتمام بھارت میں بہار کے وزیر اعلیٰ کا مسلم خاتون کا نقاب کھینچے کے خلاف احتجاجی مظاہرہ کیا گیا، مرکزی مسلم لیگ ضلع رحیم یار خان کے جنرل سیکرٹری نوید قمر نے بھی رحیم یارخان میں احتجاجی مظاہرے سے خطاب کیا،
