Author: ممتاز حیدر

انسانی اعضا کی غیر قانونی خرید و فروخت کے الزام میں گرفتار چینی باشندوں سمیت پانچ ملزمان کو عدالت نے چار روزہ جسمانی ریمانڈ پر وفاقی تحقیقاتی ادارے (ایف آئی اے) کے حوالے کر دیا۔

اسلام آباد کے ڈسٹرکٹ اینڈ سیشن کورٹس میں ڈیوٹی جج میاں اظہر ندیم نے ایف آئی اے کی جانب سے پیش کیے گئے پانچوں ملزمان کو جسمانی ریمانڈ پر ایف آئی اے کی تحویل میں دینے کا حکم دیتے ہوئے ہدایت کی کہ ریمانڈ مکمل ہونے پر انہیں دوبارہ عدالت میں پیش کیا جائے۔واضح رہے کہ ایف آئی اے نے گزشتہ روز اسلام آباد کے سیکٹر ایف-7 میں کارروائی کرتے ہوئے چینی باشندوں سمیت پانچ افراد کو گرفتار کیا تھا۔ چھاپے کے دوران بڑی مقدار میں انسانی پلاسنٹا بھی برآمد کیا گیا، جس کے بعد انسانی اعضا کی مبینہ غیر قانونی خرید و فروخت اور اسمگلنگ کے حوالے سے تحقیقات کا آغاز کیا گیا۔

ایف آئی اے کی ابتدائی تحقیقات کے مطابق ملزمان انسانی پلاسنٹا پشاور، راولپنڈی اور لاہور کے مختلف اسپتالوں سے حاصل کرتے تھے۔ بعد ازاں اس پلاسنٹا کو بھیڑ کے اعضا ظاہر کرکے بیرون ملک اسمگل کرنے کی کوشش کی جاتی تھی۔تحقیقاتی ادارے کے مطابق ملزمان سے مزید تفتیش جاری ہے تاکہ اس مبینہ نیٹ ورک میں شامل دیگر افراد، سہولت کاروں اور ممکنہ بین الاقوامی روابط کا بھی سراغ لگایا جا سکے۔ ایف آئی اے کا کہنا ہے کہ تحقیقات مکمل ہونے کے بعد مزید قانونی کارروائی عمل میں لائی جائے گی۔

اسلام آباد: وفاقی حکومت نے ایک ہفتے کے لیے پیٹرولیم مصنوعات کی قیمتوں میں کوئی تبدیلی نہ کرنے کا فیصلہ کیا ہے۔

پیٹرولیم ڈویژن کی جانب سے جاری کردہ نوٹیفکیشن کے مطابق پیٹرول کی فی لیٹر قیمت 299 روپے 50 پیسے برقرار رکھی گئی ہے، جبکہ ہائی اسپیڈ ڈیزل کی قیمت بھی 311 روپے 47 پیسے فی لیٹر برقرار رہے گی۔حکومت کے فیصلے کے تحت دونوں بڑی پیٹرولیم مصنوعات کی قیمتوں میں نہ اضافہ کیا گیا ہے اور نہ ہی کوئی کمی کی گئی ہے، جس کے باعث صارفین بدستور موجودہ نرخوں پر ہی پیٹرول اور ڈیزل خرید سکیں گے۔

واضح رہے کہ پاکستان میں پیٹرولیم مصنوعات کی قیمتوں کا جائزہ ہر ہفتے عالمی منڈی میں خام تیل کی قیمتوں اور روپے کے مقابلے میں ڈالر کی شرح تبادلہ کو مدنظر رکھتے ہوئے لیا جاتا ہے۔

پیپلز پارٹی کی سینئر رہنما، رکن قومی اسمبلی سحر کامران نے کہا کہ وزیر دفاع خواجہ آصف روز متنازع بیانات دیتے ہیں اور ن لیگ انکی اُلٹی سیدھی جسٹیفکیشن دیتی پھرتی ہے۔

سحر کامران کا کہنا تھا کہ چیئرمین پیپلز پارٹی بلاول زرداری کا بیان انتہائی اہم تھا کہ ایسے وزراء کو اپنی زبان پے کنٹرول نہیں، یہ لوگ وزیراعظم کے لیے مشکلات پیدا کررہے ہیں بلکہ ن لیگ نے ایم کیو ایم سے بھی جھوٹے وعدے کئے،نجی ٹی وی کے پروگرام میں بیرسٹر دانیال چوہدری کے بیان پر سحر کامران کا کہنا تھا کہ “انتہائی فضول بیان دیا آپ نے”آپ معصوم ہیں یا حقائق سے لاعلم؟وزیراعظم سے پوچھیں کہ جب وہ حکومتی اتحاد بنانے کراچی کی سڑکوں پر پھرتے رھے توکیا انکی کمر میں درد ہوتا تھا؟ن لیگ کا بغض واضح ہے،کراچی اور سندھ میں وفاقی منصوبوں کے لیے فنڈز نہیں دیے جاتے،کئی منصوبے دس دس سال سے لٹک رہے ہیں،یہ بلدیاتی انتخابات پنجاب میں کیوں نہیں کرواتے،کراچی کے منصوبوں کو کیوں نہیں مکمل ہونے دیا جا رہا،سندھ میں موٹروے کیوں مکمل نہیں ہو رہی، وسائل کی نامنصفانہ تقسیم اصل مسئلہ یہ ہے،ایف بی آر ناکام ہو چکی ہے،وزیرخزانہ لوگوں کے منہ سے نوالہ چھین رہے لیکن اہداف حاصل کرنے میں ناکام ہیں،اسلام آباد میں بلدیاتی انتخابات کے لئے نیا قانون بنا رہے یہ قانون ان سے نہیں بن پاتا، کروائیں یہ بلدیاتی انتخابات،کراچی آ کر دیکھیں، صحت کا بہترین انتظام کراچی میں سندھ ہے، دوسرے صوبوں سے لوگ علاج کروانے کے لئے آ رہے ہیں،

امریکی حکام کی تحویل سے رہا ایرانی ٹینکر عملےکے 22 افراد کراچی میں ایرانی قونصل خانےکے حوالے کر دیے گئے۔

نائب وزیراعظم و وزیر خارجہ اسحاق ڈار نے ایک بیان میں بتایاکہ امریکی حکام کی تحویل سے رہا 22 ایرانی شہری کراچی پہنچ گئے۔نائب وزیراعظم و وزیر خارجہ اسحاق ڈار نے کہا کہ ایرانی شہریوں کی وطن واپسی کے لیے انتظامات کو حتمی شکل دی جا رہی ہے، پاکستان اور ایران کے سفارتی مشنز کے تعاون سے وطن واپسی کے انتظامات کیے جا رہے ہیں۔وزیرخارجہ نےکہا ایرانی شہریوں کی واپسی کے عمل کے دوران امریکی اور ایرانی حکام سے رابطے میں رہے، 2 ماہ میں ایرانیوں کا یہ چوتھا گروپ ہے جس کی وطن واپسی میں پاکستان نے مدد کی، پاکستان اب تک 70 سے زائد ایرانیوں کی پاکستان کے راستے وطن واپسی میں مدد کرچکا ہے،وزیرخارجہ نے پاکستان پر اعتماد کرنے پر ایرانی قیادت سے اظہار تشکر کیا، اسحاق ڈار نے کہاکہ وزارت خارجہ اورپاکستانی اداروں نے ایرانی بھائیوں کی محفوظ وطن واپسی کےلیے پیشہ ورانہ اور مؤثر کردار ادا کیا۔

جموں کشمیر کے ضلع پونچھ کے گلپور سیکٹر میں غلطی سے لائن آف کنٹرول کے قریب سے پاکستانی شہری کو گرفتار کر لیا ،
بھارتی سیکورٹی حکام نے دعویٰ کیا کہ فوجی اہلکاروں نے ایل او سی پر باڑ کے قریب ایک شخص کی مشتبہ نقل و حرکت دیکھی، اندھیرے کا فائدہ اٹھاتے ہوئے وہ شخص مبینہ طور پر بھارتی حدود میں داخل ہونے کی کوشش کر رہا تھا۔ فوج نے اسے رکنے کا اشارہ کیا، تاہم وہ فرار ہونے کی کوشش کرنے لگا، جس پر اہلکاروں نے اسے قابو کر کے حراست میں لے لیا۔بھارتی حکام نے گرفتار کیے گئے شخص کی شناخت محمد سجاد (26 سال) ولد محمد رفیق کے نام سے کی ہے۔پاکستانی شہری پولاس گاؤں، ضلع بانڈی عباس پور، آزاد کشمیر کا رہائشی ہے

باغی ٹی وی کو دستیاب معلومات کے مطابق بھارتی شہری نے پاکستانی شہری کو جان بوجھ کر گرفتار کیا تا کہ پاکستان کے خلاف پروپیگنڈہ کیا جا سکے،بھارتی میڈیا کے مطابق بھارتی حکام نے یہ اعتراف کیا کہ اب تک اس شخص کے قبضے سے کوئی اسلحہ یا دیگر قابلِ اعتراض سامان برآمد نہیں ہوا۔ابتدائی پوچھ گچھ کے بعد مذکورہ شخص کو ایک قریبی فوجی کیمپ منتقل کر دیا گیا ہے، جہاں بھارتی فوج، پولیس اور انٹیلی جنس ادارے مشترکہ طور پر اس سے تفتیش کر رہے ہیں۔