Author: ممتاز حیدر

ڈیرہ اسماعیل خان میں دہشتگردی کا دل خراش واقعہ پیش آیا جہاں پولیس کی بکتربند گاڑی کو ریموٹ کنٹرول بم کے ذریعے نشانہ بنایا گیا، جس کے نتیجے میں دو اہلکار شہید اور چار شدید زخمی ہوگئے۔

ضلعی پولیس سربراہ (ڈی پی او) سجاد احمد کے مطابق یہ حملہ ہتھالہ گلوٹی روڈ پر گاؤں ملنگ کے قریب اُس وقت پیش آیا جب معمول کی گشت پر مامور پولیس کی بکتربند گاڑی گزر رہی تھی۔ابتدائی رپورٹ کے مطابق دہشتگردوں نے سڑک کے کنارے ریموٹ کنٹرولڈ ڈیوائس نصب کر رکھی تھی جسے گاڑی کے قریب پہنچتے ہی دھماکے سے اڑا دیا گیا۔ دھماکہ اتنا شدید تھا کہ بکتربند گاڑی بری طرح متاثر ہوئی اور قریبی علاقوں میں دھماکے کی آواز سنائی دی۔ڈی پی او نے بتایا کہ دھماکے میں شہید ہونے والے بہادر اہلکاروں کی شناخت ڈرائیور محمد رمضان،کانسٹیبل سیف الرحمان کے طور پر ہوئی،دونوں اہلکار فرض کی ادائیگی کے دوران جام شہادت نوش کر گئے۔واقعے میں چار اہلکار زخمی ہوئے جن میں حوالدار شاہد،کانسٹیبل محبوب عالم،کانسٹیبل آصف،کانسٹیبل کفایت شامل ہیں،تمام زخمیوں کو فوری طور پر قریبی اسپتال منتقل کیا گیا جہاں انہیں طبی امداد فراہم کی جا رہی ہے۔

حملے کے فوراً بعد پولیس اور سیکیورٹی فورسز نے علاقے کا محاصرہ کر کے تلاش اور کلیئرنس آپریشن شروع کردیا۔ سیکیورٹی اداروں کا کہنا ہے کہ دہشتگردوں نے منصوبہ بندی کے تحت گھات لگا کر حملہ کیا، جبکہ ممکنہ سہولت کاروں کے بارے میں بھی تحقیقات جاری ہیں۔ڈی پی او سجاد احمد نے شہید اہلکاروں کی خدمات کو خراج تحسین پیش کرتے ہوئے کہا کہ دہشتگرد اس طرح کے بزدلانہ حملوں سے پولیس کا حوصلہ پست نہیں کر سکتے۔ انہوں نے بتایا کہ مستقبل میں علاقے کی سکیورٹی مزید سخت کی جائے گی اور دہشتگرد عناصر کے خلاف کارروائیاں تیز کی جائیں گی۔

ٹاک ٹاک (TikTok) نے وقت اور فلاح و بہبودکے نام سے ایک نیا فیچر متعارف کیا ہے، جو صارفین کو آرام کرنے، ذہنی سکون حاصل کرنے، اور زیادہ متوازن ڈیجیٹل عادات اپنانے کے لیےبحال کیے گئے ٹولز فراہم کرتا ہے۔ یہ اپ ڈیٹ ٹک ٹاک کی کمیونٹی کی فلاح و بہبود،اور بالخصوص نوعمر صارفین اور خاندانوں کے لیے جاری عزم کا حصہ ہے۔

سیفٹی اور کمیونٹی گائیڈ لائنز پر زور دیتے ہوئے، ٹک ٹاک اپنے فیچرز میں توسیع کر رہا ہے، جن میں حال ہی میں بہتر بنائے گئے فیملی پیئرنگ (Family Pairing)فیچرز اور ٹائم اَوے (Time Away) فیچر کے ذریعے نوعمر افراد کی رسائی روکنے کی صلاحیت شامل ہے۔ اس سال کے اوائل میں، ٹک ٹاک نے نوعمر صارفین کے لیے ایک مراقبے (meditation) کا فیچر بھی متعارف کروایا تھا تاکہ وہ رات کے وقت آرام کر سکیں اور اب اپنے صارفین کو ذہن یکسوئی (mindfulness) کی مشق، سکون حاصل کرنے، اور صحت بخش ڈیجیٹل عادات اپنانے کے لیے مخصوص ٹولز کے ساتھ مزید بہتر تجربات فراہم کر رہا ہے۔

پورےپاکستان میں لوگ ٹک ٹاک کا استعمال اپنی دلچسپیوں کو دریافت کرنے اور کمیونٹیز مثلاً JournalTok# اور NatureTok # سے جڑنے کے لیے کرتے ہیں۔ اب ’ وقت اور فلاح و بہبود‘ کے نام سے نیا فیچر ہماری کمیونٹی کے لیے آرام کرنے اور ذہنی سکون حاصل کرنے کو پہلے سے کہیں زیادہ آسان بنا دیتا ہے۔ اسےگزشتہ اسکرین ٹائم مینجمنٹ پیج کی جگہ متعارف کرایا گیا ہے اور یہ نئے فیچرز فراہم کرتا ہے، جن میں شامل ہیں:
• تصدیقی جرنل جس میں 120 سے زائد ایسے کارڈز شامل ہیں جنہیں ڈاؤن لوڈ کیا جا جا سکتا ہے اور دیگر افراد کے ساتھ شیئر بھی کیا جا سکتا ہے۔
• بارش، پانی کی لہروں اور مسلسل آوازوں پر مشمتل سکون بخش آواز پیدا کرنے والا ٹولز۔سروے کے اعداد و شمار سے معلوم ہوتا ہے کہ ٹک ٹاک استعمال کرنے والے افراد نیند یا سکون کے لیے موسیقی سننے میں، استعمال نہ کرنے والوں کے مقابلے میں 14فیصد زیادہ امکان رکھتے ہیں۔
• سانس لینے کی مشقیں، جن میں محتاط اور پر دانشمندی پرمبنی مختلف اقسام کی تکنیکیں شامل ہیں۔

اس فیچر کو متعارف کرانے کا مقصدٹک ٹاک کی موجودہ حفاظتی کوششوں کو مزید بہتربناتا ہے۔نوعمر صارفین کے اکاؤنٹس میں خودکار طور پر 50 سے زیادہ حفاظتی اور پرائیویسی سیٹنگز فعال ہوتی ہیں۔ اس سال کے اوائل میں،ٹک ٹاک نے مراقبے کا فیچربھی متعارف کرایا تھا جسے نوعمر صارفین کے لیے رات کے وقت بطورِ ڈیفالٹ استعمال کیا جاتا ہے۔ اسے، اب تک، تقریباً تین چوتھائی عالمی کمیونٹی اپنا چکی ہے۔ فیملی پیئرنگ کے استعمال میں بھی مسلسل اضافہ ہورہا ہے، اور گزشتہ ماہ کے دوران 10 لاکھ سے زائدوالدین اور سرپرستوں نے اسے استعمال کیا۔

ڈیجیٹل فلاح و بہبود اور دانشمندی پر مبنی مزیدتجربات
ایسے موقع پر ،جب ہم نیا وقت اور فلاح و بہبودفیچر متعارف کرا رہے ہیں، تو ہم چار نئے فلاح و بہبود مشن بھی متعارف کرا رہے ہیں۔ یہ مختصر اور دلچسپ مشنوں پر مشتمل ایک سیریز ہے جن کا مقصد لوگوں کو طویل مدتی متوازن ڈیجیٹل عادات اپنانے میں مدد فراہم کرنا ہے۔لوگ جیسے ہی یہ مشن مکمل کرتے ہیں، انہیں بیج ملتے ہیں جو ذہنی یکسوئی پر مبنی رویوں کی حوصلہ افزائی اور مضبوطی میں مدد دیتے ہیں۔

• ان فیچرز میں آٹھ ہفتوں پر مشتمل (Sleep Hour) سونے کے اوقات مشن شامل ہے، جس میں صارفین ایک ورچوئل ”ویل بینگ ٹری“ کو بڑھا سکتے ہیں، روزانہ کا اسکرین ٹائم بیج جو مقررہ حدود کے اندر رہنے پر دیا جاتا ہے، اور ہفتہ وار مشن جس کے ذریعے اسکرین ٹائم رپورٹس چیک کر کے پلیٹ فارم پر گزارا گیا وقت دیکھا جا سکتا ہے۔
• صارفین اپنے دوستوں کو بھی حصہ لینے کی دعوت دے سکتے ہیں تاکہ وہ فلاح و بہبود ایمبیسیڈر مشن فیچر کے ذریعے ان فیچرز کا تجربہ کر سکیں۔

ان مشنوں کو مکمل کرنے پر، صارفین ڈیجیٹل بیج حاصل کرتے ہیں جو اُن کی ذہن یکوسی پر مبنی شمولیت کو انعام دیتے اور مضبوط کرتے ہیں۔ یہ مشن ڈیجیٹل ویلنیس لیب (Digital Wellness Lab)کے مشاہدات، ٹک ٹاک کی اپنی تحقیق، اور اس کی یوتھ کونسل کی آراء کی بنیاد پر تیار کیے گئے ہیں۔ یہ اسپیس پابندیوں کی بجائے مثبت ترغیب پر زور دیتی ہے۔ تحقیق سے معلوم ہوتا ہے کہ دو تہائی نوعمر صارفین ڈیجیٹل وقت کو منظم کرنے کے ٹولز کو مفید سمجھتے ہیں۔ ابتدائی ٹیسٹنگ میں مضبوط انگیجمنٹ سامنے آئی ہے، جہاں صارفین پچھلے اسکرین ٹائم مینو کے مقابلے میں زیادہ بار واپس آرہے ہیں، اور تصدیقی جرنل سب سے مقبول فیچر کے طور پر سامنے آیا ہے۔

زیادہ سے زیادہ لوگوں کو وقت اور فلاح و بہبوداسپیس میں شامل ہونے میں مدد فراہم کرنا
لوگ نئے وقت اور فلاح و بہبوداسپیس تک باآسانی پہنچ سکیں، ہم اسے اُس وقت ک ساتھ لنک بھی کریں گے جب کوئی صارف اپنے روزانہ اسکرین ٹائم کی حد تک پہنچے یا اُس کے سونے کے اوقات فعال ہوں۔ ہم نے اپنے ”ٹیک اے بریک (Take A Break) “ ویڈیوز میں بھی ایک پرامپٹ (prompt) شامل کیا ہے تاکہ نئے وقت اور فلاح و بہبود پیج کو مزید فروغ دیا جا سکے۔ ہمارا مقصد اسے،اسپیس کمیونٹی کے لیے،زیادہ قابل رسائی اور نظر آنے والا بنانا ہے۔ ہم مزید فیچرز متعارف کرانے کا ارادہ بھی رکھتے رہے ہیں تاکہ یہ ٹولز روزمرہ استعمال کےفعال حصہ بن جائیں۔ان فیچرز میں اس بات پر بھی توجہ دی جائے گی کہ اُنہیں ٹک ٹاک کے تجربے میں مزید کہاں اور کیسے شامل کیا جا سکتا ہے۔

ٹک ٹاک نے نوعمر صارفین کی رائے سنی، جس میں ہماری یوتھ کونسل بھی شامل ہے، اور تحقیق کو مدنظر رکھا، جس سے معلوم ہوا کہ دو تہائی نوعمر صارفین کا کہنا ہے کہ ڈیجیٹل میڈیا پر اپنا وقت منظم کرنے میں مدد دینے والے ٹولز مفید ہیں۔

ٹک ٹاک کا مقصد ان وسائل کو پلیٹ فارم کے تجربے میں باآسانی شامل کرنا ہے، تاکہ کمیونٹی کو آرام کرنے، ذہنی سکون حاصل کرنے، اور ٹیکنالوجی کے ساتھ متوازن تعلق قائم کرنے کا موقع ملے۔ اس کے ذریعے، ٹک ٹاک نہ صرف اپنی کمیونٹی کو تفریح فراہم کرنے کے لیے پرعزم ہے بلکہ یہ بھی یقینی بناتا ہے کہ پلیٹ فارم ایک ایسا ماحول رہے جو صارفین کی فلاح و بہبود کی حمایت کرتا ہو۔