Author: ممتاز حیدر

کابل: طالبان حکومت کے ایک اعلیٰ عہدیدار ملا محمد ابراہیم عمری پر خواتین کو ہراساں کرنے، طاقت کے ناجائز استعمال اور مالی بدعنوانی کے سنگین الزامات سامنے آئے ہیں۔

ذرائع کے مطابق ملا محمد ابراہیم عمری نے اپنی ڈائریکٹوریٹ میں کام کرنے والی ایک خاتون ملازمہ کو دباؤ اور دھمکیوں کے ذریعے زبردستی اپنی تیسری بیوی کے طور پر نکاح کرنے پر مجبور کیا، جس سے طالبان کے زیرِ انتظام اداروں میں خواتین کے عدم تحفظ پر گہری تشویش پیدا ہوگئی ہے۔ذرائع کا کہنا ہے کہ یہ واقعہ کسی ایک فرد تک محدود نہیں بلکہ طالبان کے بعض حلقوں میں خواتین کے ساتھ ہراسانی اور اختیارات کے غلط استعمال کا رجحان عام ہوتا جا رہا ہے۔ متاثرہ خاتون مبینہ طور پر ملا عمری کے ماتحت ادارے میں سرکاری ملازمہ تھیں اور ان پر ملازمت برقرار رکھنے کے لیے شدید دباؤ ڈالا گیا۔مزید انکشافات کے مطابق ملا محمد ابراہیم عمری نے اپنے زیرِ انتظام 120 عہدوں پر مشتمل ڈائریکٹوریٹ میں سے 36 اہم عہدے، 5 امارتیں اور ایک ایگزیکٹو مینجمنٹ کا عہدہ اپنے قریبی خاندان کے افراد کے لیے مختص کر رکھے تھے، جسے اقربا پروری کی واضح مثال قرار دیا جا رہا ہے۔

ذرائع یہ بھی بتاتے ہیں کہ ملا عمری پر یونیسف کے تحت تنخواہ پانے والے ملازمین سے 30 سے 50 فیصد تک رقم زبردستی وصول کرنے کے الزامات ہیں، جبکہ اساتذہ کے لیے منعقد کیے گئے تربیتی سیمینارز میں بھی مالی بے ضابطگیوں اور خرد برد کے شواہد سامنے آئے ہیں۔اہم بات یہ ہے کہ یہ تمام معاملات طالبان کے اعلیٰ حکام کے علم میں لائے گئے، تاہم تاحال کسی قسم کی کارروائی نہیں کی گئی۔ مبصرین کے مطابق اس خاموشی سے یہ تاثر مزید مضبوط ہو رہا ہے کہ طالبان حکومت میں خواتین کے حقوق، ملازمین کے تحفظ اور احتساب کے نظام کو سنجیدگی سے نظر انداز کیا جا رہا ہے۔

ہمسایہ ممالک کے داخلی معاملات میں بھارتی مداخلت پر بنگلہ دیش کا جارحانہ ردِعمل سامنے آیا ہے

مودی سرکار کو کھلا چیلنج، بنگلہ دیش نے بھارتی دباؤ اور بالادستی قبول کرنے سے صاف انکار کر دیا،قاتلوں کی سرپرستی کرنے والے مودی کو بنگلہ دیش کی جانب سے دوٹوک پیغام، اب مزید مداخلت برداشت نہیں کی جائے گی ،بنگلہ دیش میں ڈھاکہ یونیورسٹی کے طلباء نے قاتل شیخ حسینہ واجد کو پناہ دینے والے مودی کا پتلا نذرِ آتش کر دیا،نیشنل سٹیزن پارٹی کے چیف آرگنائزر اور بنگلہ دیشی رہنما حسنات عبداللہ نے بھارت کو دوٹوک للکاردیا،حسنات عبداللہ نے بنگلہ دیش میں عدم استحکام پر بھارت کا شمال مشرقی خطہ الگ کر دینے کی وارننگ دے دی ،کہا کہ تم نے قاتلوں کو پناہ دی، بھارت واضح طور پر جان لے کہ ہم بھارت کی شمال مشرقی سیون سسٹرز ریاستوں کو الگ کر دیں گے،

بنگلہ دیشی رہنما کا بھارتی حکام پر بنگلہ دیشی شہریوں کی سرحد پار ہلاکتوں میں ملوث ہونے کا انکشاف بھی ہوا، حسنات عبداللہ نے کہا کہ بنگلہ دیش کی خودمختاری اور انسانی حقوق پامال ہوئے تو بنگلہ دیش سخت جواب دے گا، بنگلہ دیشی رہنما نے بنگلہ دیش پر عدم استحکام مسلط کرنے کی صورت میں مزاحمت سرحد پارتک پھیلنے کی وارننگ دے دی ،بنگلہ دیشی رہنما نےسیاسی دہشت گردوں کو بھارت میں پناہ ملنے کا انکشاف کیا اور کہا کہ بھارت سامراجی ہتھکنڈوں، اطلاعاتی جنگ اور اقلیتی کارڈ استعمال کر کے خطہ میں انتشار پھیلا رہا ہےحسنات عبداللہ کے مطابق آج بھی بھارت بے جا مداخلت سے بنگلہ دیش کو کمزور اور تنازعات زدہ بنانا چاہتا ہے،بھارت کی ہمسایہ ممالک میں مداخلت اور قاتلوں کی پشت پناہی نے خطہ کو تصادم کے دہانے پر پہنچا دیا ہے ،بنگلہ دیشی قیادت کا بھارت کو للکارنا یہ واضح پیغام ہے کہ اب سفاک مودی کواپنی جارحانہ پالیسیوں کے باعث سنگین نتائج بھگتنے پڑیں گے

پیرس: فرانس کی وزارتِ داخلہ کی ویب سائٹس پر ایک سنگین سائبر حملہ سامنے آیا ہے جس کے نتیجے میں حساس سرکاری ڈیٹا لیک ہونے کی تصدیق کر دی گئی ہے۔

وزارتِ داخلہ کے مطابق اس حملے میں وزارت کے پیشہ ورانہ ای میل اکاؤنٹس کو نشانہ بنایا گیا، جس کے ذریعے حملہ آوروں نے اہم فائلوں اور سرکاری نظاموں تک غیر مجاز رسائی حاصل کی۔وزارتِ داخلہ کی جانب سے جاری بیان میں کہا گیا ہے کہ ابتدائی طور پر حملے کی نوعیت محدود سمجھی جا رہی تھی، تاہم تازہ تحقیقات کے بعد یہ واضح ہو گیا ہے کہ یہ واقعہ اندازوں سے کہیں زیادہ سنگین ہے۔ وزیر داخلہ نے بتایا کہ اب تک اس بات کی تصدیق ہو چکی ہے کہ ڈیٹا متاثر ہوا ہے، تاہم لیک ہونے والے ڈیٹا کی مکمل نوعیت اور حجم کا تعین ابھی جاری ہے۔

وزیر داخلہ کے مطابق سائبر حملے کے دوران وزارتِ داخلہ کے بعض پیشہ ورانہ ای میل اکاؤنٹس تک براہِ راست رسائی حاصل کی گئی، جس کے بعد حملہ آور متعدد حساس اور اہم فائلیں دیکھنے اور حاصل کرنے میں کامیاب ہو گئے۔ متاثر ہونے والی فائلوں میں فوجداری ریکارڈ پروسیسنگ سسٹم بھی شامل ہے، جو ملک بھر میں مجرمانہ ریکارڈ اور عدالتی معلومات کے انتظام کے لیے استعمال ہوتا ہے۔اس کے علاوہ مطلوب افراد کی فہرست، جسے FPR (Fichier des Personnes Recherchées) کہا جاتا ہے، بھی اس حملے کی زد میں آنے کا خدشہ ظاہر کیا گیا ہے۔ یہ فہرست قانون نافذ کرنے والے اداروں کے لیے انتہائی اہم سمجھی جاتی ہے، کیونکہ اس میں مطلوب، لاپتا اور نگرانی میں رکھے گئے افراد سے متعلق معلومات شامل ہوتی ہیں۔

سائبر حملے کے سامنے آتے ہی فرانسیسی حکام نے فوری طور پر سیکیورٹی اقدامات سخت کر دیے اور واقعے کی تحقیقات کا آغاز کر دیا۔ تحقیقات کے دوران ایک 22 سالہ مشتبہ شخص کو گرفتار کر لیا گیا ہے، جس سے تفتیش جاری ہے۔