Author: ممتاز حیدر

ملائیشیا میں کن معاہدوں پر دستخط ہوئے؟ پاکستانی ورکروں کے لئے سنائی وزیر خارجہ نے اچھی خبر

باغی ٹی وی کی رپورٹ کے مطابق وزیر خارجہ شاہ محمود قریشی نے کہا ہے کہ دورے سے ملائیشیا کے ساتھ دوستانہ تعلقات کو اسٹریٹجک تعلقات میں بدلنے میں مددملےگی ،ملائیشیا کے ساتھ تجارت اور دفاع کے شعبوں میں تعاون بڑھانے پر بات ہوئی،وزیراعظم کے حالیہ دورے میں ملائیشیا کے ساتھ 3معاہدوں پردستخط ہوئے،ملائیشیامیں 82ہزار پاکستانی افرادی قوت مختلف شعبوں میں کام کررہی ہے،

وزیر خارجہ کا مزید کہنا تھا کہ ایک معاہدہ ملائیشیا میں پاکستانی افرادی قوت کے حقوق کےتحفظ کےلیے کیا گیا، اگر کوئی پاکستانی ورکر ملائیشیا میں جاں بحق ہوگیا تو اس کے خاندان کو پنشن ملےگی،ملائیشیا میں مقیم پاکستانیوں نے رواں سال ایک ارب55کروڑ ڈالر وطن بھجوائے،وزیراعظم نے واضح کیا کہ پاکستان مسلم امہ کو تقسیم نہیں بلکہ متحد رکھنا چاہتا ہے،

وزیراعظم عمران خان نے پتراجایا میں ملائیشیا کے وزیراعظم مہاتیر محمد سے ملاقات کی جس میں دوطرفہ تعلقات، خطے کی صورتحال سمیت اہم امور پر تبادلہ خیال کیا گیا۔ اس موقع پر وزیر خارجہ شاہ محمود قریشی، وفاقی وزیر اسد عمر، مشیر تجارت عبدالرزاق داؤد اور سیکرٹری خارجہ سہیل محمود بھی اس موقع پر موجود تھے.

افغان طالبان مجھ سے ملنا چاہتے تھے لیکن کسی ملک کو اعتراض تھا، وزیراعظم

کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب

سعودی ولی عہد اور امریکی صدر نے ایران سے ڈٰیل کرنے کا کہا، وزیراعظم

کشمیر پر بات کرنے پر شکر گزار، ترک صدرپاکستان کب آئیں گے؟ وزیراعظم نے بتا دیا

ملائشیا کانفرنس میں شرکت سے متعلق اردگان کا بیان اور انکا درد امت، باغی سپیشل رپورٹ

پاکستان اور ملائیشیا کےدرمیان قیدیوں کی حوالگی کے معاہدےپردستخط کردیئے گئے ، وزیرخارجہ شاہ محمود قریشی اورملائیشین وزیرقانون نےمعاہدےپردستخط کئے، دستخط کی تقریب میں پاکستان اورملائیشیاکےوزرائےاعظم نے شرکت کی۔

وزیراعظم عمران خان اور ہم منصب مہاتیرمحمد نے مشترکہ پریس کانفرنس کی تھی ، ملائیشین وزیراعظم کاکہنا تھا کہ پاکستان اور ملائیشیا نے قیدیوں کے تبادلے کامعاہدہ کیا ہے ، قیدیوں کے تبادلے سے جرائم کی روک تھام میں مدد ملےگی۔

قیدیوں کے تبادلے کے معاہدے کے حوالے سے عمران خان نے کہا معاہدےسے پہلےبھی ملائیشیانے جرائم میں ملوث شخص کوحوالےکیاتھا۔

وزیراعظم کی مہاتیر محمد سے ملاقات، کیا ہوئی بات؟ اہم خبر

منشیات سے ادویات بنانے کا شہریار آفریدی کا بیان درست، سینیٹر فیصل جاوید بھی میدان میں آ گئے

باغی ٹی وی کی رپورٹ کے مطابق تحریک انصاف کے سینیٹرفیصل جاوید نے کہا ہے کہ شہریارآفریدی نے ادویات کےلیے منشیات کے استعمال سے متعلق درست بات کی،منشیات کو ضائع کرنے کے بجائے ادویات میں استعمال کیاجائے تو مثبت سوچ ہے

فیصل جاوید کا مزید کہنا تھا کہ تنخواہوں میں اضافے کے بل کو مسترد کرنا عام آدمی کی زندگی بدلنے سے مشروط کیا،جب تک عام آدمی کی زندگی نہیں بدلتی تب تک ہماری تنخواہوں میں اضافہ نہیں ہونا چاہیے،چیئرمین سینیٹ اور ڈپٹی چیئرمین کی تنخواہوں میں اضافے کی تجویز شامل تھی،سینیٹر کی تنخواہ ڈیڑھ لاکھ ہوتی ہے،میڈیکل انشورنس ہوتا ہے،سینیٹرکسی بھی شہر جائےتو ان کو ٹی اے ڈی اے ملتا ہے

فیصل جاوید کا مزید کہنا تھا کہ میں نے تجویز دی تھی کہ 19گریڈ سےاوپر کے افسران کی تنخواہوں کو بھی کم کیاجائے،

واضح رہے کہ وزیر مملت شہر یار آفریدی کی ایک ویڈیو سوشل میڈیا پر وائرل ہے جس میں انہوں نے کہا ہے کہ عمران خان چرس سے دوا بنانے کی فیکٹری لگانا چاہتے ہیں

حکومت ختم ،جنازہ جب مرضی پڑھ لیں، شاہد خاقان عباسی کا دعویٰ

باغی ٹی وی کی رپورٹ کے مطابق سابق وزیراعظم شاہد خاقان عباسی نے عدالت میں پیشی کے موقع پر میڈیا سے گفتگو کرتے ہوئے کہا کہ منی بجٹ سے متعلق گھبرائیں نہیں،سب ٹھیک ہوجائے گا،حکومت آج بھی ناکام ہے،جب آئی تھی تب بھی ناکام تھی،آٹے اورچینی کی قیمتوں میں اضافے کا اثر عالمی معاملات کانہیں،ہرروزعوام سے2ارب روپےلوٹےجارہےہیں،

شاہد خاقان عباسی کا مزید کہنا تھا کہ کون لوٹ رہاہے،کوئی ذمہ دار ہے،جواب ہے حکومت کے پاس؟ وزیراعظم عمران خان اوروزیراعلیٰ پنجاب کےپاس جواب ہے؟چوروں کی حکومت ہے،یہ عوام کو لوٹ رہے ہیں،جنوری میں 24 فیصدمہنگائی بڑھی،کوئی پوچھنےوالا ہے نہ جواب دینے والا،عرصے سے کہہ رہا ہوں،حکومت ختم ہوچکی ہے،یہ ایک جنازہ رکھا ہوا ہے جب مرضی پڑھ لیں،حکومت میں کوئی تبدیلی کردیں بہتری نہیں آئے گی،

شاہد خاقان عباسی کا مزید کہنا تھا کہ یوٹرن کو چھوڑیں،آٹا اور چینی سستی کردیں،چینی 100روپے فی کلوپر پہنچنے لگی ہے،عوام کا پیسہ اے ٹی ایم کھا گئے ہیں،

ملزمان کی عدم گرفتاری پرسپریم کورٹ کا برہمی کا اظہار، سندھ پولیس بارے دیئے ریمارکس

باغی ٹی وی کی رپورٹ کے مطابق سپریم کورٹ میں تہرےقتل کے ملزمان کی عدم گرفتاری سے متعلق کیس کی سماعت ہوئی،ملزمان غلام مرتضیٰ اور ذوالفقارچانڈیو کی عدم گرفتاری پرسپریم کورٹ نے برہمی کا اظہار کیا،عدالت نے پولیس کوملزمان کی گرفتاری کے لیے6 ہفتوں کی مہلت دے دی

جسٹس عمر عطا بندیال نے ریمارکس دیتے ہوئے کہا کہ سندھ پولیس مفرور ملزمان کو پکڑنے کےلیے2 سال میں کچھ نہ کرسکی،بااثر ملزمان ہونے کے باعث ہر بارپولیس کی ایک جیسی رپورٹ آ جاتی ہے،ملزمان گرفتار نہ ہوئے تو سپریم کورٹ سے کیس کا خاتمہ نہیں ہو گا،

جسٹس فیصل عرب نے کہا کہ کیا وجہ ہے ،پولیس کیوں ملزمان کو نہیں پکڑ رہی؟ ڈی آئی جی سکھر نے کہا کہ ممکن ہے کہ ملزمان بلوچستان میں ہوں جلد گرفتار کرلیں گے ،جسٹس عمر عطا بندیال نے کہا کہ سندھ پولیس کی کارکردگی پر ہم مایوس ہیں پولیس میں صلاحیت ہے بس آزادانہ کام کرنا ہو گا اب کیس کو عدالت میں سنیں گے رپورٹس نہیں مانگیں گے

شاہد خاقان عباسی کے ریمانڈ میں ہوئی ایک بار پھر توسیع

باغی ٹی وی کی رپورٹ کے مطابق احتساب عدالت اسلام آباد میں ایل این جی ریفرنس پر سماعت ہوئی،احتساب عدالت کے جج اعظم خان نے سماعت کی، سابق وزیراعظم شاہد خاقان عباسی کو عدالت پیش کیا گیا، اس موقع پر سیکورٹی کے سخت انتظامات کئے گئے تھے.

عدالت نے کہا کہ ایل این جی ریفرنس کےکچھ ملزمان کے مچلکے جمع نہیں ہوئے،ملزم شاہد محمدخان کے وارنٹ گرفتاری جاری کیے،کیا پیش رفت ہے؟ جس پر نیب پراسیکیوٹر نے کہا کہ ملزم شاہد محمدخان کی قابل ضمانت وارنٹ گرفتاری کی رپورٹ پیش کی ہے،ملزم کی ٹریول ہسٹری رپورٹ کےساتھ منسلک ہے،

احتساب عدالت کے جج اعظم خان نے کہا کہ ملزم کو نوٹس کس پتے پر کیا جائے؟ پوری دنیا میں نہیں کر سکتے،نیب پراسیکیوٹر نے کہا کہ ملزم کی تلاش کا عمل شروع کر دیا گیا ہے،کارروائی کریں گے،اس کے بعد ملک واپس لانے کے لیے کاروائی کریں گے،

احتساب عدالت اسلام آباد میں ایل این جی ریفرنس 21 فروری تک ملتوی کر دیا گیا،عدالت نے شاہد خاقان عباسی کے جوڈیشل ریمانڈ میں 21 فروری تک توسیع کردی