Author: ممتاز حیدر

باغی ٹی وی کی رپورٹ کے مطابق ڈی جی آئی ایس پی آر میجر جنرل آصف غفور نے الوداعی ٹویٹ کر دیا،

میجر جنرل آصف غفور نے کہا کہ الحمداللہ،جن کے ساتھ رابطہ رہا سب کا شکریہ،تمام پاکستانیوں کی محبت اورحمایت کاتہہ دل سے مشکورہوں،نئے ڈی جی آئی ایس پی آر کی کامیابی کےلیے نیک خواہشات کااظہارکرتاہوں،

Alhamdulillah.
Thanks to everyone I have remained associated with during the tenure. My very special thanks to Media all across. Can’t thank enough fellow Pakistanis for their love and support.
Best wishes to new DG ISPR for his success.#PakArmedForcesZindabad#PakistanZindabad

— DG ISPR (@OfficialDGISPR) January 16, 2020

میجر جنرل آصف غفور کا مزید کہنا تھا کہ آپکی محبت اورحمایت کاشکریہ۔ مضبوط رہتے ہوۓ پاکستان کے لئے اپنا کام جاری رکھیں۔ انہوں نے میڈیا کا بھی شکریہ ادا کیا

نئے تعینات ہونے والے ڈی جی آئی ایس پی آرمیجر جنرل بابر افتخارکا تعلق آرمڈ کور سے ہے

پاک فوج میں اعلیٰ سطح کے تبادلے ہوئے ہیں، میجر جنرل بابر افتخار کو ڈی جی آئی ایس پی آر تعینات کر دیا گیا ،

میجر جنرل اظہر وقاص کو ملٹری انٹیلی جینس کا ڈائریکٹر جنرل تعینات کردیا گیا،میجر جنرل سرفراز علی آئی جی ایف سی ساوتھ بلوچستان تعینات کیا گیا ہے

میجر جنرل آصف غفور کو جی او سی 40 ڈویژن (اوکاڑہ) مقرر کیا گیا ہے، میجرجنرل آصف غفور کا بطور ڈی جی آئی ایس پی آر سفر پاکستان کی تاریخ کا ایک بہترین دور رہا جس میں پاکستان نے بہترین سائبر وار لڑی اور اس میں میں بھارت کو شکست دی

بھارت نے پاکستانی فوج کے شبہ تعلقات عامہ (آئی ایس پی آر) کی بہترین کارکردگی کا اعتراف کر لیا ہے۔

بھارتی سائبر سیکیورٹی کوآرڈینیٹر لیفٹیننٹ جنرل ر راجیش پنت نے کہا ہے کہ بھارت میں بھی آئی ایس پی آر کی طرز کا ادارہ قائم کیا جائے۔بھارتی سائبر سیکیورٹی کوآرڈینیٹر نے مشورہ دیا ہے کہ پاکستان کی طرح تینوں بھارتی افواج کا ایک ترجمان ادارہ بنایا جائے۔
لیفٹیننٹ جنرل ر راجیش پنت کا کہنا ہے کہ تینوں بھارتی افواج کے اپنے اپنے تعلقات عامہ کے شعبے ہیں جو مخالف سمت میں چل رہے ہیں۔انہوں نے کہا کہ جدید جنگی حکمتِ عملی میں آئی ایس پی آر کی طرح ایک متفقہ بیانیئے کی ضرورت ہے۔
بھارتی میڈیا کےمطابق بھارت کی نیشنل سائبر سیکورٹی کے کوآرڈی نیٹر لیفٹیننٹ جنرل (ر) راجیش پنت نے وارفیئر بیانیے سے متعلق پاک فوج کے ڈی جی آئی ایس پی آرکی کارکردگی کو موثر قرار دیتے ہوئے اپنی تینوں افواج کے لئے مشترکہ ترجمان لانے کی تجویز دے دی ہے۔

انہوں نے کہاکہ ہماری تینوں مسلح افواج کے الگ الگ ترجمان ہیں اور’’وہ مختلف سمت جارہے ہیں

آصف زرداری، نواز شریف کے لئے ایک اور مشکل، نیب نے کیا بڑا فیصلہ

باغی ٹی وی کی رپورٹ کے مطابق چیئرمین نیب جسٹس ریٹائرڈ جاوید اقبال کی زیر صدارت ایگزیکٹو بورڈ اجلاس ہوا، اجلاس میں سابق صدرآصف زرداری،نوازشریف،یوسف رضا گیلانی کےخلاف بدعنوانی ریفرنس کی منظوری دی گئی،

ملزمان پرتوشہ خانہ سےتحائف کی گاڑیاں اونےپونےداموں تقسیم کرنےکاالزام ہے،توشہ خانہ کی گاڑیوں سے متعلق نواز شریف اوریوسف رضا گیلانی سے پوچھ گچھ کی جاچکی ہے،

نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

نواز شریف سے جیل میں نیب نے کتنے گھنٹے تحقیقات کی؟

واضح رہے کہ نیب توشہ خانہ کیس میں تحفوں کے ذاتی استعمال سے متعلق تحقیقات کررہا ہے ،اس حوالہ سے نیب نے نواز شریف سے جیل میں بھی تحقیقات کی تھییں اور اس کے لئے عدالت سے اجازت لی تھی،.

نواز شریف کی بیماری کا علاج جیل میں نہیں ہو سکتا، ڈاکٹر کا انکشاف

شہباز شریف اور مریم پہنچے کوٹ لکھپت، شہباز شریف کی گاڑی کی ٹکر سے کارکن ہوا زخمی

تفتیشی افسر راحیل اعظم ڈپٹی ڈائریکٹرنیب نے عدالت سے استدعا کی تھی کہ نوازشریف سے بطورملزم تفتیش کی اجازت دی جائے،گاڑی 1997 میں سعودی عرب نے وزیراعظم پاکستان کو تحفے میں دی تھی ، مرسڈیزبینز یوسف رضاگیلانی نے غیرقانونی طورپر2008میں نوازشریف کو دی جیل میں نوازشریف سےتفتیش کی اجازت دی جائے .نیب نے جیل میں نواز شریف سے تحقیقات کی تھی.

آصف زرداری کے خلاف ایک اور ضمنی ریفرنس دائر
باغی ٹی وی کی رپورٹ کے مطابق جعلی بینک اکاوَنٹس کیس، آصف زرداری کےخلاف ضمنی ریفرنس دائر کردیا گیا،نیب راولپنڈی نے ہریشن کمپنی کیس میں ضمنی ریفرنس نیب کورٹ میں دائر کیا

نیب راولپنڈی نے ضمنی ریفرنس میں 15 ملزمان کو نامزد کیا،ریفرنس میں ندیم بھٹو، احمد لغاری،علی اکبرابڑو،حسن میمن اوراعجازاحمد شامل ہیں،نامزدملزمان پرٹھٹھہ واٹرسپلائی اسکیم میں خوردبردکا الزام ہے،

نیب کے مطابق ملزمان نےاسکیم کےفنڈجعلی بینک اکاوَنٹس میں منتقل کیے،ہریش کمپنی پارک لین کمپنی کی فرنٹ کمپنی کے طورپرکام کررہی تھی.

واضح رہے کہ ہریش کمپنی کے مالک ہریش ولد کالومد نے دو کروڑ تین لاکھ باون ہزار روپے ادائیگی کرکے پلی بارگیننگ کرلی ہے۔ کیس کی سماعت احتساب عدالت کے جج محمد بشیرنے کی۔

سماعت کے موقع پر ملزم ہریش نے عدالت میں بیان دیا کہ میرا ریفرنس نمبر 5 میں نام ہے، ضمانت قبل از گرفتاری پر تھا، 20.3 ملین کا الزام تھا، جو ادا کردیے ہیں، جس پر میری رضامندی شامل ہے۔ چیئرمین نیب نے درخواست منظور کرلی ہے، عدالت بھی منظور کرے۔ دو پے آرڈر دیئے ہیں، جو کہ میرے اکاؤنٹ کے ہیں۔

عدالت نے ملزم سے استفسار کیا کہ کیا آپ کو معلوم ہے کہ پلی بارگین کے بعد بھی سزا یافتہ ملزم کی طرح ہوں گے، کیا آپ جانتے ہیں کہ 10 سال تک الیکشن نہیں لڑسکیں گے۔ جس پر ملزم نے کہا کہ میں سب جانتا ہوں اور الیکشن لڑنا بھی نہیں چاہتا ہوں۔

عدالت نے پھر استفسار کیا کہ آپ پر الزام کیا تھا؟ ملزم نے جواب دیا کہ مجھ پر غیر قانونی ٹھیکہ اور غیر معیاری مٹیرل لگانے کا الزام تھا، جس پر جج نے کہا کہ توبہ کریں اور آئندہ کوئی غلط کام نہ کریں، یہ عوام کا پیسہ ہے۔

عدالت نے ملزم کی پلی بارگین کی درخواست قبول کرلی اور ریفرنس میں ملزمان کی فہرست میں سے ملزم کا نام نکال دیا اور کیس سے بری کردیا۔

عدالت نے حکم دیا کہ ملزم نے بیان حلفی جمع کرادیا، ملزم تمام قواعد و ضوابط کا پابند ہوگا۔

آزادی مارچ کے آفٹر شاکس آنا شروع ہوچکے ہیں،مولانا فضل الرحمان کا دعویٰ

باغی ٹی وی کی رپورٹ کے مطابق جمعیت علماء اسلام کے سربراہ مولانا فضل الرحمان نے کہا ہے کہ ملک پر نااہل ٹولہ مسلط ہے،عام آدمی مہنگائی کےہاتھوں کرب کا شکار ہے،مہنگائی نے لوگوں کو خودکشی اور بچے بیچنے پر مجبور کردیا،اپوزیشن کی بڑی جماعتوں نے بھی عوام کو مایوس کیا،

مولانا فضل الرحمان نے مزید کہا کہ پنجاب میں احتجاج یاتحریک دوبارہ شروع کرنے پر غور ہوگا،تبدیلیوں کا عمل شروع ہوچکا ہے،آزادی مارچ کے آفٹر شاکس آنا شروع ہوچکے ہیں,ہم نے سیاسی جماعتوں کو خودسے دور نہیں ہونے دیا،اپوزیشن کاانتشار حکومت کے استحکام کا سبب بن رہا ہے،

آپ صحافی رہیں، قصائی نہ بنیں، شیخ رشید نے ایسا کیوں کہا؟

حلوہ کھانے والے اسلام آباد بند نہیں کرسکتے، ایسا کس نے کہہ دیا؟

میڈیا سے گفتگو کرتے ہوئے مولانا فضل الرحمان کا کہنا تھا کہ جو فوجی ریٹائرڈ ہو جاتا ہے وہ سیول بن جاتا ہے۔اب مشرف ایک رجسٹرڈ سیاسی جماعت آل پاکستان مسّلم لیگ کا صدر ہے اسکے خلاف فیصلے کو آرمی نے اپنے خلاف فیصلہ کیوں سمجھ لیا ہے .پرویز مشرف ایک رجسٹرڈ جماعت کےصدر ہیں اور خود کہتے رہے ہیں کہ اب وہ سویلین ہیں، تو اس فیصلہ کو ادارے متنازع کیوں بنا رہے ہیں، کیا احتیاط صرف میں نے کرنا ہے کیا اداروں نے احتیاط نہیں کرنا..؟ ملک کو درپیش چیلنجز سے نمٹنےکیلئے ہوش مندی کا مظاہرہ کرنا ہوگا.

حافظ حمداللہ پاکستانی شہری ہیں یا نہیں؟ نادرا نے ایسا جواب جمع کروایا کہ مولانا حیران

فیصل واوڈا کس کے کہنے پر بوٹ پروگرام میں لیکر گئے؟ مریم اورنگزیب نے کیا انکشاف

باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا کہ فیصل واوڈا نےعمران خان کےحکم پرایسی حرکت کی،‎فیصل واوڈا کیخلاف کوئی کارروائی نہیں ہوئی، ‎عمران خان صاحب فیصل واوڈاسے فوری استعفیٰ لیں،

مریم اورنگزیب نے مزید کہا کہ فیصل واوڈا کی حرکت پرعمران صاحب اور پوری کابینہ کو شرم آنی چاہیے،عمران صاحب فیصل واڈا سے وزارت اور قومی اسمبلی کی نشست سے فوری استعفیٰ لیں ،فیصل واڈا جیسے لوگوں کا پارلیمان اور کابینہ میں ہونا پاکستان کی بدقسمتی ہے.

مریم اورنگزیب کا مزید کہنا تھا کہ عمران صاحب پیمرا کو استعمال کر کے ٹاک شو اور اینکر پر پابندی لگانے سے مسئلہ حل نہیں ہو گا، سولہ ماہ سے پیمرا کو استعمال کر کے اپنی نالائقی اور نااہلی چھپانے کے لئے میڈیا کی آواز بند ہے ،سولہ ماہ سے پیمرا کو استعمال کر کے ٹی وی ٹاک شوز اور اینکرز پر پابندی لگائے جا رہی ہے.

نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا

نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا

نواز شریف کی جان خطرے میں ، مریم اورنگزیب کی حکومت کی منتیں

نواز شریف کی بیماری، ڈاکٹر یاسمین راشد نے کیے اہم انکشافات

مریم اورنگزیب نے مزید کہا کہ عمران صاحب کے دباؤ پر فیصل واڈا کی بے نامی جائیداد پر نیب کا کوئی ایکشن اب تک نہیں ہوا ،عمران صاحب کے دباؤ پر فیصل واڈا کے خلاف ایسٹ ریکوری یونٹ اور ایف آئی اے کی کوئی کاروائی نہیں ہوئی.

واضح رہے کہ منگل کی رات 8 بجے براہ راست نشر ہونے والے پروگرام ’آف دی ریکارڈ‘ میں پاکستان تحریک انصاف کے رہنما اور وفاقی وزیر آبی وسائل فیصل واوڈا اپنے ساتھ ایک بوٹ لے کر آئے تھے جو انہوں نے پروگرام کے دوران میز پر رکھ دیا تھا. فیصل واوڈ کا کہنا تھا کہ ’اپوزیشن اور بالخصوص مسلم لیگ ن نے لیٹ کر اس بُوٹ کو عزت دی ہے اور اس بُوٹ کو انہوں نے زبان سے چمکایا ہے. اس پروگرام میں شریک دیگر دو مہمان پاکستان مسلم لیگ ن کے سینیٹر جاوید عباسی اور پاکستان پیپلز پارٹی کے رہنما قمر زمان کائرہ احتجاجاً اٹھ کر چلے گئے تھے