عمران صاحب انڈے ، مرغی ، کٹے اور لنگر کی سوچ رکھنے والے…مریم اورنگزیب کی کڑی تنقید
باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا ہے کہ عمران صاحب آج پھر آپ نے ایسے منصوبے پر تختی لگائی جس کی بنیاد نواز شریف نے رکھی تھی۔ آپ اتنے نالائق ہیں کہ 16ماہ میں نواز شریف کے منصوبوں جیسا ایک منصوبہ بھی شروع نہیں کرسکے۔

مریم اورنگزیب کا مزید کہنا تھا کہ عمران صاحب، آپ کی قابلیت پشاور میٹرو کے ایک کھرب 25 کروڑ کے کھڈوں سے عیاں ہے۔ہر روز نوازشریف،شہبازشریف کےمنصوبوں پراپنی تختی؟شرم توآتی ہوگی؟عمران صاحب آپ نے یہ منصوبہ بھی 16 ماہ میں تباہ کر دیا عمران صاحب کے پی میں اضاخیل ڈرائی پورٹ جیسا منصوبہ دکھا دیں؟،

مریم اورنگزیب کا مزید کہنا تھا کہ عمران صاحب پہلے ملک آئی ایم ایف کے حوالے کیا، اب اپنے دوستوں کو نوازنے کے لئے سرکاری زمینیں بیچنے کی تیاری ہے ،عمران صاحب آپ نے تو پچاس لاکھ گھر دینے کا وعدہ کیا تھا ، آپ تو سرکاری زمین بیچنے لگے ؟عمران صاحب انشاالللہ عوام کو بھی پتہ ہے کہ پچاس لاکھ گھر اور ایک کڑوڑ نوکری نواز شریف اور شہباز شریف کے منصوبوں سے ملیں گے

مریم اورنگزیب کا کہنا تھا کہ عمران صاحب ڈرائی پورٹ کا منصوبہ نواز شریف نے پچاس کروڑ کی لاگت سے شروع کیا تھا اور 2018 میں اس پر 90 فیصد کام مکمل ہو گیا تھا ،عمران صاحب پچھلے پانچ سال میں جتنے پیسے ریلوے پر خرچ ہوئے ہیں وہ آپ کی سوچ اور سمجھ سے بالاتر ہیں ،عمران صاحب انڈے ، مرغی ، کٹے اور لنگر کی سوچ رکھنے والے نواز شریف کے منصوبوں پر تختیاں لگا کر صرف تالیاں بجوا سکتے ہیں ،عمران صاحب آپ کے حسد اور بغض نے ازا خیل نوشہرہ ریلوے ڈرائی پورٹ کے تیار منصوبے کو سولہ ماہ کی تاخیر سے شروع کیا

فواد چودھری بدنامی کو اپنی کامیابی سمجھتے ہیں، ایسا کس نے کہہ دیا

باغی ٹی وی کی رپورٹ کے مطابق جماعت اسلامی کے رہنما حافظ محمد ادریس نے کہا ہے کہ اسلامی نظریاتی کونسل پر بلاجواز تنقید کرنے والے وزیربدنامی کو ہی اپنی کامیابی سمجھتے ہیں۔اسلام اور علماء کے خلاف تعصب اور بدکلامی ان کا وطیرہ بن چکا ہے ۔

جماعت اسلامی میڈیا سیل سے جاری اعلامیہ کے مطابق حافظ محمد ادریس کا کہنا تھا کہ جس ملک کے صدر ،وزیراعظم ،چیف جسٹس اور آرمی چیف مسلمان ہیں وہاں اسلامی نظام کے بجائے انگریز کا نظام رائج ہونا بدقسمتی ہے ۔لا الہ الا اللہ چند الفاظ نہیں اللہ کے ساتھ ایک عہد ہے اور جو اس عہد کو پورا نہیں کرتا اسے دنیا و آخرت میں ناکامی کا منہ دیکھنا پڑتا ہے ۔

حافظ محمد ادریس نے مزید کہا کہ آج دنیا بھر میں اسلام کی روشنی پھیل رہی ہے لیکن اسلام کے نام پر بننے والا پاکستان بابرکت اسلامی نظام سے محروم ہے ۔انہوں نے کہا کہ ہمارے تمام مسائل کا حل قرآن و سنت کے نظام میں ہے حکمرانوں کو عالمی استعمار سے ڈرنے کی بجائے اللہ اور اس کے رسول ۖ سے محبت کا ثبوت دیتے ہوئے ملک میں قرآن و سنت کا نظام نافذ کرنا چاہئے۔

فواد چودھری کے اسلامی نطریاتی کونسل بارے بیان کے بعد کونسل کے چیئرمین قبلہ ایاز میدان میں آ گئے، قبلہ ایاز کا کہنا تھا کہ فواد چودھری ہماری سفارشات پر شرعی دلیل دیں ،فواد چودھری نے کہا کروڑوں روپے خرچ ہو رہے ہیں،20ارکان پر مشتمل اسلامی نظریاتی کونسل آئینی ادارہ ہے،ارکان و چیئرمین کی تقرری وزیراعظم کی سفارش صدر مملکت کرتے ہیں،فواد چودھری کا ٹویٹ سمجھ سے بالاتر ہے،

قبہ ایاز کا مزید کہنا تھا کہ نیب قوانین پرحکومت خود بھی عدم اطمینان کا اظہار کرچکی ہے،سپریم کورٹ اور ہائیکورٹ بھی نیب پر عدم اطمینان کا اظہار کر چکی ہے،ہم نے نیب قوانین کا شرعی لحاظ سے جائزہ لیا ہے،فواد چودھری کے ساتھ بہت اچھے مراسم ہیں،ہم سے رابطہ کرناچاہیےتھا،فواد چودھری ہمارے ساتھ رابطہ کرتے تو ان کومطمئن کرتے،

وفاقی وزیر سائنس و ٹیکنالوجی جب سے اطلاعات کی وزارت سے ہٹائے گئے ہیں انہوں نے سیاسی و مذہبی جماعتوں پر تنقید وطیرہ بنا لیا ہے، کبھی وہ اپوزیشن جماعتوں پر ایسے تنقید کرتے ہیں کہ جیسے ان کا تو پیپلز پارٹی سے کبھی کوئی تعلق تو تھا ہی نہیں، کبھی وہ رویت ہلال کمیٹی کے خلاف بولتے نظر آتے ہیں تو کبھی صحافیوں کو بھی دھمکیاں دیتے نظر آتے ہیں.

فواد چودھری کی مبشر لقمان سے بدتمیزی، اصل حقیقت کیا؟ مبشر لقمان نے جواب دے دیا

فواد چودھری کی بدتمیزی، مبشر لقمان نے کیا اہم اعلان،ثاقب کھرل نے معافی کیوں مانگی؟ انکشاف کر دیا

اب فواد چودھری رویت ہلال کمیٹی کے بعد اسلامی نظریاتی کونسل کے بھی خلاف ہو گئے، فواد چودھری نے سماجی رابطے کی ویب سائٹ ٹویٹر پر ٹویٹ کرتے پوئے کہا کہ اسلامی نظریاتی کونسل کی کارکردگی پر سنجیدہ سوالات ہیں، آج تک مذہبی طبقات کی سوچ کو نظریاتی کونسل سے کوئ رہنمائی نہیں ملی، ایسے ادارے پرکروڑوں روپے خرچ کرنے کا جواز میری سمجھ سے بالاتر ہے، ادارے کی تشکیل نؤ کی ضرورت ہے۔ جدید تقاضوں سےہم آھنگ ، انتہائ جید لوگ اس ادارے کو سنبھالیں.

حریم شاہ کی دبئی میں کر رہے ہیں بھارتی پشت پناہی، مبشر لقمان نے کئے اہم انکشاف

حریم شاہ کو کریں گے بے نقاب، کھرا سچ کی ٹیم کا بندہ لڑکی کے گھر پہنچا تو اسکے والد نے کیا کہا؟

مبشر صاحب ،گند میں نہ پڑیں، ایس ایچ او نے حریم شاہ کے خلاف مقدمہ کی درخواست پر ایسا کیوں کہا؟

حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے

حریم شاہ کے خلاف کھرا سچ کی تحقیقات میں کس کا نام بار بار سامنے آیا؟ مبشر لقمان کو فیاض الحسن چوہان نے اپروچ کر کے کیا کہا؟

حریم شاہ..اب میرا ٹائم شروع،کروں گا سب سازشیوں کو بے نقاب، مبشر لقمان نے کیا دبنگ اعلان

فواد چودھری کی ٹویٹ کے بعد سوشل میڈیا صارفین نے انہیں آڑے ہاتھوں لیا، ایک صارف کا کہنا تھا کہ اسلامی نظریاتی کونسل کے ہزار ہا سفارشات پر اگر من و عن عمل ھوجاتا تو تجھ جیسے "حریم خور” پارلیمنٹ میں پہنچتے ہی نہیں اس ادارے کے سفارشات پر عمل درآمد کا مطالبہ مولانا فضل الرحمٰن کئی بار پارلیمنٹ میں کرچکے ہیں.

مشرق وسطیٰ، کشیدگی کم کروانے کے لئے وزیر خارجہ متحرک

باغی ٹی وی کی رپورٹ کے مطابق وزیر خارجہ شاہ محمود قریشی نے عراق اور بحرین کے وزرائے خارجہ سے ٹیلی فونک رابطہ کیا۔ دونوں وزرائے خارجہ نے مشرق وسطیٰ میں کشیدگی کے خاتمے اور قیام امن کیلئے پاکستان کی کوششوں کو سراہا۔

عراقی اور بحرینی وزرائے خارجہ سے گفتگو کرتے ہوئے شاہ محمود قریشی نے کہا کہ پاکستان کو خطے میں بڑھتی ہوئی کشیدگی پر تشویش ہے۔ یہ خطہ کسی محاذ آرائی کا متحمل نہیں ہو سکتا۔

وزیر خارجہ شاہ محمود قریشی کا کہنا تھا کہ پاکستان چاہتا ہے کہ فریقین اقوام متحدہ اور بین الاقوامی قوانین کی روشنی میں معاملہ افہام وتفہیم سے حل کریں اور ایک دوسرے کی خود مختاری اور سالمیت کا احترام کریں۔

دونوں وزرائے خارجہ نے خطے کی کشیدگی میں کمی لانے کیلئے پاکستان کیساتھ مشاورتی عمل جاری رکھنے پر اتفاق کیا۔

واضح رہے کہ بغداد ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے، فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا ہے کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔

بغداد میں امریکی حملے پر ایران کے وزیر خارجہ جواد ظریف نے ردعمل دیتے ہوئے کہا ہے کہ جنرل سلیمانی پر حملہ عالمی دہشت گردی ہے، امریکا کو اس حرکت کے نتائج بھگتنا ہوں گے۔ ایرانی وزیر خارجہ جواد ظریف نے اس حملے کو عالمی دہشت گردی قرار دیا ہے۔ ایران نے انتقام لینے کا اعلان کیا ہے، عراق نے بھی امریکا کی فوج کے انخلا کی قرار داد منظور کر لی ہے جس پر امریکہ نے عراق کو بھی دھمکی دی ہے، پاکستان نے خطے میں امن کے لئے بات چیت سے معاملہ حل کرنے کا کہا ہے، دیگر ممالک نے بھی بات چیت پر زور دیا ہے،

امریکی حملے میں ایران کے قاسم سلیمانی،عراقی ملیشیا کے کمانڈر جاں بحق، ایران نے دیا امریکہ کو سخت ردعمل

قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟

ایرانی جنرل کو مارنے کے بعد امریکہ نے دی شہریوں کو اہم ہدایات

جنرل قاسم سلیمانی کی شہادت، امریکہ نے خطے کا امن داؤ پر لگا دیا، ایسا کس نے کہا؟

ایرانی جنرل پر امریکی حملہ، چین بھی میدان میں آ گیا، بڑا مطالبہ کر دیا

تیسری عالمی جنگ، امریکا کے خطرناک ترین عزائم، سابق امریکی وزیر خارجہ کے انٹرویو نے تہلکہ مچا دیا

مشرق وسطیٰ جنگ کی طرف، ہائی پروفائل قتل کا امکان،سعودی عرب پر بھی حملہ ہو سکتا ہے، قریشی

امریکا کے ایرانی جنرل قاسم سلیمانی پر حملے میں ہلاکت کے بعد مشرق وسطیٰ کے حالات کشیدہ ہیں، ایران نے انتقام لینے کی دھمکی دی ہے، امریکی صدر ٹرمپ بھی دھمکی آمیز بیانات دے رہے ہیں، امریکی وزیر خارجہ نے پاکستان اور سعودی عرب سے رابطہ کیا ہے، چین ،پاکستان نے دونوں ممالک کو پرامن رہنے کی اپیل کی ہے اور بات چیت سے معاملہ حل کرنے کا کہا ہے،اسرائیل بھی ہائی الرٹ ہے، امریکا نے چوبیس گھنٹے میں بغداد پر دوسرا حملہ بھی کیا ہے

کوئٹہ دھماکہ ،آرمی چیف کی مذمت، مزید کیا کہا؟ ڈی جی آئی ایس پی آر نے بتا دیا
باغی ٹی وی کی رپورٹ کے مطابق آرمی چیف جنرل قمر جاوید باجوہ نے کوئٹہ دھماکے کی مذمت کی ہے، ڈی جی آئی ایس پی آر کے مطابق کوئٹہ کے علاقے سیٹلائٹ ٹاؤن کی مسجد میں ہونے والے بم دھماکے کے بعد ایف سی بلوچستان کے جوان کوئٹہ میں دھماکا کی جگہ پر پہنچ گئے ہیں۔

ڈی جی آئی ایس پی آر نے ٹویٹر پر لکھا کہ ایف سی نے تمام علاقے کو گھیرے میں لے لیا ہے اور پولیس کیساتھ مل کر سرچ آپریشن جاری ہے جبکہ زخمیوں کو ہسپتال منتقل کیا جارہا ہے۔

FC Bln troops reached Qta blast site. Area cordoned off. Joint search operation with police in progress.Injured being evacuated to hosp.
“Every possible assistance be given to police & civil administration. Those who targeted innocents in a mosque can never be true Muslim”, COAS.

— DG ISPR (@OfficialDGISPR) January 10, 2020

پاک فوج کے شعبہ تعلقات عامہ کے ڈائریکٹر جنرل میجر جنرل آصف غفور نے ٹویٹ میں لکھا کہ آرمی چیف نے کوئٹہ دھماکے کی مذمت کی اور کہا ہے کہ جن لوگوں نے مسجد میں معصوم لوگوں کو نشانہ بنایا ہے وہ سچے مسلمان نہیں ہو سکتے۔ پولیس اور انتظامیہ کو ہر ممکن سہولت دی جا رہی ہے۔

واضح رہے کہ بلوچستان کے صوبائی دارالحکومت کوئٹہ کے علاقے سیٹلائٹ ٹاؤن کی مسجد میں ہونے والے زودار دھماکے میں‌ ڈی ایس پی امان اللہ سمیت 15 افراد شہید جبکہ متعدد ہو گئے ہیں۔

اسلام آباد کے معروف شاپنگ مال سینٹورس کے مالک کے خلاف مقدمہ درج کرنیکا عدالتی حکم

باغی ٹی وی کی رپورٹ کے مطابق راولپنڈی کی ایک عدالت نے چیئرمین پنجاب بورڈ آف انویسٹمنٹ ومالک سنٹورس سردارتنویرالیاس کے خلاف مقدمہ درج کرنے کا حکم دیا ہے ،عدالت میں درخواست دائر کی گئی تھی کہ سردارتنویر الیاس نے تاج ریزیڈنشیا کیلیے شہری کی زمین پر ناجائز قبضہ کیا اور تعمیرات مسمار کیں۔

ایڈیشنل سیشن جج اعجاز احمد نے سردار تنویر الیاس کے خلاف مقدمہ درج کرنے کیلیے تھانہ نصیر آباد کواحکا مات جاری کر د ئیے ،عدالت میں دائر درخواست میں کہا گیا تھا کہ چئرمین پنجاب بورڈ آف انویسٹمنٹ و مالک سنیٹورس سردار تنویر الیاس نے کچھ عرصہ قبل تاج ریذیڈنشیا کے نام پر بابر محمود نامی شہری کی دو کنال اراضی پر قبضہ کرکے تعمیرات مسمار کر دیں

جس پر شہری نے سردار تنویر الیاس کے اس غیر قانونی اقدام کے خلاف متعلقہ تھانے میں متعدد درخواستیں دیں لیکن پولیس نے مقدمہ درج نہیں کیا،ل پولیس کی جانب سے مقدمہ درج نہ کرنے کی وجہ سے متاثرہ شہری نے عدالت سے رجوع کرنے کا فیصلہ کیا اور اپنے وکیل سید عمر سہیل شاہ کے زریعے باقاعدہ عدالت میں پیش ہوکر روبرو عدالت اپنی داد رسی و حصول انصاف کیلیے سردار تنویر الیاس کے خلاف مقدمے کے اندراج کی درخواست کی اور پولیس کی کوتاہی پرشکایت کی.

وکیل عمرسہیل شاہ ایڈووکیٹ نے دلائل دیتے ہوئے کہا کہ کسی کی زمین پرناجائز قبضہ کرنا اورچاردیواری کو مسمار کرنا کریمینل ایکٹ ہے جس پرپولیس کو فوری مقدمے کے اندراج کے احکامات جاری کیے جائیں جس پر وکیل سید عمرسہیل شاہ کے دلائل سے اتفاق کرتے ہوئے عدالت نے سردار تنویر الیاس کے خلاف ایس ایچ او تھانہ نصیر آباد کو مقدمے کے اندراج کے احکامات جاری کر دئیے.