اسپیکر قومی اسمبلی کی ملک میں تعلیم کے لیے ایجوکیشن آرمی بنانے کی تجویز

باغی ٹی وی کی رپورٹ کے مطابق سپیکر قومی اسمبلی اسد قیصر نے کہا ہے کہ ملکی تعمیر و ترقی کے لیے ملک میں معیاری تعلیم کا فروغ ناگزیر ہے۔ بچے کسی بھی قوم کا قیمتی سرمایہ اور مستقبل ہوتے ہیں۔ا آج کے بچوں نے ہی کل ملک کی باگ ڈور سنبھالنی ہے اس لیے انہیں زیور تعلیم سے آراستہ کرنا ضروری ہے۔ موجودہ حکومت ملک میں معیار تعلیم اور شرح خواندگی میں اضافے کے لیے ترجیحی بنیادوں پر اقدامات اٹھار ہی ہے ۔

انہوں نے ان خیالات کا اظہار برٹش کونسل آف پاکستان کے زیر اہتمام منعقد ہونے والی "سالانہ علمی کانفرنس 2019 ” کےشرکاء سے پیر کے روز اسلام آباد میں خطاب کرتے ہوئے کیا۔

سانحہ آرمی پبلک کا ذکر کرتے ہوئے اسپیکر کا کہنا تھا کہ سانحہ آرمی پبلک اسکول کو تاریخ میں سیاہ ترین دن کے طور پر یاد رکھا جائے گا۔ انہوں نے کہا کہ پانچ سال قبل آج کے دن اے پی ایس پشاور میں انسانیت کے دشمنوں نے 132 معصوم بچوں جو علم کے حصول کے لیے گھروں سے نکلے تھے کو شہید کیا۔ انہوں نے کہا کہ اے پی ایس کے شہدا ہمارے ہیرو ہیں اور ان کی یاد ہمارے دلوں میں ہمیشہ زندہ رہے گی۔ اسپیکر نے کہا کہ سانحہ اے پی ایس ملک کے نوجوانوں کو تعلیم سے دور رکھنے کی سازش تھی جسے پوری قوم نے ملکر ناکام بنایا ۔ انہوں نے اس عزم کا اظہار کیا کہ اے پی ایس کے شہیدوں نے اپنے لہوسے علم کی جس شمع کو روشن کیا اس کی حفاظت کے لیے کسی قربانی سے دریغ نہیں کیا جائے گا۔ انہوں نے سانحہ اے پی ایس کے شہداء کے لواحقین سے اظہار یکجہتی کرتے ہوئے کہا کہ پوری قوم اُن کے دکھ میں برابر کی شریک ہے اور انہیں کسی بھی موڑ پر تنہا نہیں چھوڑا جائے گا۔

خٹک صاحب مجھے پتہ نہیں تھا کہ آپ یہ …………….کام بھی کرتے ہیں، خواجہ آصف

ہمیں قانون نہ سکھایا جائے،صبر کریں، اب تماشا نہیں چلے گا،پرویز خٹک کا اسمبلی میں دبنگ اعلان

علی امین گنڈا پور کا مولانا کو الیکشن لڑنے کا چیلنج اسمبلی میں کس نے قبول کیا؟

حلف پاکستان کا اور نوکری کسی اور کی، ایسے نہیں چلے گا،مراد سعید

اسپیکر نے کہا کہ اس وقت ملک میں دوکروڑ بچے اسکولوں سے باہر ہیں انہیں اسکولوں میں داخل کروانا ہماری آئینی اور اخلاقی ذمہ داری ہے۔انہوں نے کہا کہ آئین پاکستان کے آرٹیکل 25-الف کے تحت بنیادی تعلیم کولازمی قرار دیاگیا ہے ۔انہوں نے کہا کہ موجودہ حکومت 4 سالوں میں شرح خواندگی کو 70 فی صد تک لے جانے کے لیے پرعزم ہےتاہم تعلیم کی شرح میں اضافے کے لیے پوری قوم کو یکجا ہوکر جدوجہد کرنا ہوگی ۔انہوں نے کہا کہ تعلیم سے محروم بچوں کو نہ صرف سکولوں میں داخل کروانا ضروری ہے بلکہ اس بات کویقینی بنانا ہےکہ وہ دوبارہ سکول چھوڑ کر نہ جائیں ۔

اسپیکر قومی اسمبلی اسد قیصر نے 100 فیصد بچوں کوسکول میں لانے کے لیے پڑھے لکھے نوجوانوں پر مشتمل ایجوکیشن آرمی بنانےکی تجویز دی اور صوبائی حکومتوں کو اس کی سرپرستی کرنے کی ضرورت پر زور دیا۔ انہوں نے کہا کہ اسلام علم دوستی کا مذہب ہے اور تعلیم کے حصول کی سخت تاکید کرتا ہےاور قرآن پاک میں جو پہلا حکم نازل ہوا وہ بھی پڑھنے کے بارے میں تھا ۔انہوں نے کہا کہ ریاست مدینہ میں تعلیم کو خصوصی اہمیت دینے کا اندازہ اس بات سے لگایا جا سکتا ہے کہ جنگ بدر میں پڑھے لکھے قیدی تھے انہیں فدیے کے بدلے بچوں کو تعلیم دینے کی ذمہ داری سونپی گئی تھی۔ انہوں نے پاکستان میں تعلیم کے فروغ کے لیے برٹش کونسل کی طرف سے پاکستان میں تعلیم کے فروغ کو سراہا اور علمی کانفرنس کے کامیاب انعقاد پر اس کے منتظمین کو مبارکباد پیش کی ۔ انہوں نے دیگر سرکاری و غیر سرکاری تنظیموں کو ملک میں تعلیم کے فروغ کے لیے حکومت کے ساتھ تعاون کرنے کے لیے کہا۔

وفاقی وزیر مراد سعید کے والد کو گرفتار کر لیا گیا

باغی ٹی وی کی رپورٹ کے مطابق وفاقی وزیر مواصلات مراد سعید کے والد سعید اللہ کو آسٹریلیا میں ایئرپورٹ پر گرفتار کر لیا گیا۔ ذرائع کے مطابق مراد سعید کے والد سعید اللّہ پاکستان سے میلبرن آسٹریلیا پہنچے تھے، جہاں اُنہیں سفری دستاویزات مکمل نہ ہونے پر گرفتار کر لیا گیا ہے۔

میلبرن پولیس امیگریشن نے وفاقی وزیر مراد سعید کے والد سعید اللہ کو حراست میں لیا ہوا ہے،وفاقی وزیر کے والد ویزا دستاویزات کے حوالے سے آسٹریلوی امیگریشن حکام کو مطمئن نہیں کرسکے جس کے بعد انہیں گرفتار کیا گیا ہے.

تحریک انصاف کے لوگ رابطے میں ،بات اب وزیراعظم سے ہو گی، احسن اقبال

باغی ٹی وی کی رپورٹ کے مطابق مسلم لیگ ن کے رہنما احسن اقبال نے کہا ہے کہ ہمارے قانونی ماہرین تفصیلی فیصلے کا تفصیل سے جائزہ لیں گے،آرمی چیف کے معاملے کو قومی اتفاق رائے سے حل کرنے کی کوشش کی جائے،حکومت اپوزیشن کے ساتھ ایک میز پر بیٹھنے کے ماحول کو بھی خراب کررہی ہے،تحریک انصاف کے چند لوگ رابطے میں ہیں،وزیراعظم کے علاوہ کسی سے بھی آرمی چیف کے معاملے پر بات نہیں ہوگی.

سانحہ اے پی ایس، آرمی چیف میدان میں آ گئے، قوم کو اہم پیغام دے دیا

سانحہ اے پی ایس، وزیراعلیٰ پنجاب نے دیا اہم ترین پیغام

سانحہ اے پی ایس،دہشت گردی کے خلاف وزیراعظم نے کیا پیغام دیا؟ اہم خبر

بہت ہو گیا،اب ہو گی قانونی کاروائی، مگر کس کیخلاف، فروغ نسیم پھٹ پڑے

آرمی چیف کی مدت ملازمت میں توسیع،وزیراعظم نے کیا کہا تھا؟ اٹارنی جنرل نے اندر کی بات بتا دی

آرمی چیف کی مدت ملازمت میں توسیع کیس، سپریم کورٹ کا تفصیلی فیصلہ جاری

آرمی چیف کی مدت ملازمت میں توسیع سےمتعلق کیس کات فیصلی فیصلہ جاری کر دیا گیا،آرمی چیف کی مدت ملازمت میں توسیع سےمتعلق تفصیلی فیصلہ 43 صفحات پر مشتمل ہے،43صفحات پر مشتمل تفصیلی فیصلہ جسٹس منصور علی شاہ نے تحریر کیا،چیف جسٹس آصف سعیدکھوسہ نےاضافی نوٹ بھی لکھا

اب معاملہ پاکستان کے منتخب نمائندوں کی طرف ہے،منتخب نمائندےآرمی چیف کی مدت ملازمت میں توسیع سے متعلق قانون سازی کریں،یہ یاد رکھیں کہ ادارے مضبوط ہوں گے تو قوم ترقی کرے گی، کیس کابنیادی سوال قانون کی بالادستی کاتھا،یہ معاملہ پاکستان کے منتخب نمائندوں کی طرف ہے،اگر وفاقی حکومت قانون سازی نہ کرسکی تو جنرل باجوہ کی مدت 29نومبر 2019سے ختم ہوجائے گی, جنرل باجوہ کی مدت ختم ہوگئی تو صدر وزیراعظم کے مشورے پر نیا آرمی چیف لگائیں گے،

ملائیشیا کی جانب سے وزیراعظم کے لئے گاڑی کا تحفہ، گاڑی پاکستان کے حوالے

باغی ٹی وی کی رپورٹ کے مطابق ملائیشیا کے وزیراعظم ڈاکٹر مہاتیر محمد کی طرف سے وزیراعظم پاکستان عمران خان کو تحفہ کے طور پر دی جانے والی گاڑی پروٹن 70 حکومت پاکستان کے حوالہ کردی گئی۔ پیر کو حوالگی کی تقریب میں پاکستان میں ملائیشیا کے ہائی کمشنر اکرام محمد ابراہیم، ڈائریکٹر آف انٹرنیشنل پروموشنز خالد یوسف، وزیراعظم کے مشیر برائے کامرس اینڈ ٹیکسٹائل عبدالرزاق داﺅد نے شرکت کی۔ اس موقع پر پروٹن گاڑیوں کے پاکستان میں آفیشل ڈسٹری بیوٹر الحاج آٹوموٹو کے چیئرمین شاہ جی گل آفریدی بھی موجود تھے۔

ملائیشن ہائی کمیشن کی جانب سے منعقد ہ تقریب سے خطاب کرتے ہوئے مشیر تجارت عبدالرزاق داؤد نے کہا کہ ملائیشیا واحد مسلم ملک ہے جو اپنے ملک میں کاریں تیار کر رہا ہے، امید ہے باہمی تعاون پاکستان میں بھی کار سازی کی صنعت کے فروغ کا باعث بنے گا، ملائشیا اور پاکستان کے درمیان تجارت کو فروغ مل رہا ہے اور امید ہے کہ اس میں مزید اضافہ ہوگا

ملائشین ہائی کمشنر اکرام محمد ابراہیم نے کہا کہ یہ گاڑی صرف تحفہ نہیں بلکہ ملائیشیاء کے وزیر اعظم کا پاکستان کے لیے جذبات کا اظہار ہے، آج کی تقریب گاڑی سپرد کرنے کی تقریب نہیں، یہ وزیر اعظم مہاتیر کا وزیر اعظم عمران خان کو تحفہ ہے۔

ملائشیا کی جانب سے وزیراعظم عمران خان کو تحفہ میں دی جانے والی گاڑی کی قیمت 98 ہزار 400 ملائشین رنگٹ (پاکستانی تقریبا 38 لاکھ) ہے،ملائیشیا کے وزیراعظم ڈاکٹر مہاتیر محمد یوم پاکستان کی تقریب میں دورہ پر آئے تو انہوں نے پاکستان کے وزیراعظم عمران خان کو پروٹن گاڑی بطور تحفہ میں دینے کا اعلان کیا تھا۔ اس حوالہ سے تقریب کا انعقاد کیا گیا اور ملائیشیا کی طرف سے گاڑی حکومت پاکستان کے حوالہ کر دی گئی.

فردوس عاشق اعوان کا توہین آمیز بیان، الیکشن کمیشن میں سماعت کب تک ملتوی ہوئی؟

باغی ٹی وی کی رپورٹ کے مطابق وزیراعظم عمران خان کی مشیر برائے اطلاعات ڈاکٹر فردوس عاشق اعوان کے مبینہ توہین آمیزبیان کے معاملے پرالیکشن کمیشن میں سماعت ہوئی،قائم مقام چیف الیکشن کمشنرکی سربراہی میں دو رکنی کمیشن نے سماعت کی۔

دوران سماعت درخواست گزار خالد محمود کی جانب سے ایڈووکیٹ شائستہ تبسم الیکشن کمیشن میں پیش ہوئیں،درخواست گزارکے وکیل نے تقریرکے اخباری تراشے جمع کرائے۔وکیل درخواست گزار نے کہا کہ پیمراسے فردوس عاشق اعوان کی تقریرکی ویڈیو منگوائی جائے، قائم مقام چیف الیکشن کمشنر الطاف ابراہیم نے کہا کہ پیمرا سے کچھ نہیں منگوائیں گے،پہلے ثابت کریں فردوس عاشق اعوان کے بیان سے توہین ہوئی۔

جس پر وکیل درخواست گزار نے کہا کہ وکلاکی ہڑتال کے باعث ریکارڈ الیکشن کمیشن میں جمع نہیں کراسکے،جس پر چیف الیکشن کمشنر نے موسم سرما کی چھٹیوں کے باعث سماعت نو جنوری تک ملتوی کردی.

مسلم لیگ ن سے تعلق رکھنے والے وکیل جہانگیر جدون نے فردوس عاشق اعوان کے خلاف درخواست دائر کی‏،درخواست میں پیمرا کو بھی فریق بنایا گیا ہے‏

فارن فنڈنگ کیس، شیخ رشید نے بھی بڑا مطالبہ کر دیا

فارن فنڈنگ کیس سماعت سے قبل وزیراعظم عمران خان کے لئے ایک اور مشکل

غیر ملکی فنڈنگ کیس میں تحریک انصاف کو ملی عدالت سے ملی بڑی کامیابی

فارن فنڈنگ کیس، مریم اورنگزیب نے الیکشن کمیشن سے بڑا مطالبہ کر دیا

فارن فنڈنگ کیس،الیکشن کمیشن نے سنایا بڑا فیصلہ

تحریک انصاف اپنی مرضی کے نتائج حاصل کرنا چاہتی ہے، ایسا کس نے کہہ دیا

درخواست میں موقف اختیار کیا گیا ہے کہ حکومت ممنوعہ اورغیر ملکی فنڈنگ کیس میں الیکشن کمیشن پر دباؤ ڈال رہی ہے، معاون خصوصی اطلاعات کی پریس کانفرنس الیکشن کمیشن کو دھمکانے کے مترادف ہے، فردوس عاشق اعوان نے الیکشن کمیشن کے خلاف توہین آمیز اور نازیبا زبان استعمال کی ،

اس عمل سے پہلے کبھی نہیں گزری، فردوس عاشق اعوان نے کس عمل کی بات کی؟

درخواست میں مزید کہا گیا کہ فردوس عاشق اعوان نے عدالت کی کارروائی میں رکاوٹ ڈالی ،فردوس عاشق اعوان نے الیکشن  کمیشن کے حوالے سے کہا دال میں کچھ کالا ہے، فردوس عاشق اعوان کو طلب کر کے انکے بیان کی وضاحت لی جائے،فردوس عاشق اعوان نے معزز کمیشن کو بدنام کرنے کی کوشش کی ،فردوس عاشق اعوان کو قانون کے مطابق سزا دی جائے