برطانوی ارکان پارلیمنٹ نے عالمی برادری اور بھارت سے مطالبہ کیا ہے کہ مقبوضہ کشمیر میں فی الفور کرفیو اٹھایا جائے، کشمیریوں پر مظالم، کرفیو اور نسل کشی جیسے بھارتی اقدامات پر سلامتی کونسل کے تمام ارکان کو مداخلت کرنی چاہئے۔ عالمی برادری کو مقبوضہ کشمیر میں رسائی دی جائے، عالمی برادری جاگے اور وہاں پر انسانی حقوق کی بدترین کارروائیاں روکنے کے لئے اپنا کردار ادا کرے۔

باغی ٹی وی کی رپورٹ کے مطابق وفاقی دارالحکومت اسلام آباد میں سپیکر قومی اسمبلی اسد قیصر اور کشمیر کمیٹی کے چیئرمین سید فخر امام سے برطانوی پارلیمنٹ کے وفد نے ملاقات کی ہے،ملاقات کرنے والوں میں برطانوی پارلیمنٹ کے وفد کے سربراہ خالد محمود کی قیادت میں وفد کے دیگرشامل تھے.

ملاقات کے بعد میڈیا سے گفتو کرتے ہوئے برطانوی پارلیمنٹ کے وفد نے کہا کہ ہم مقبوضہ کشمیر پر پاکستان کا موقف جاننے کے لئے آئے ہیں، بھارت اقوام متحدہ کی قراردادوں کی خلاف ورزی کر رہا ہے، دنیا اس وقت اندھیرے میں ہے کہ کشمیر میں کیا ہو رہا ہے، کشمیر میں مکمل بلیک آﺅٹ ہے، وہاں بچوں اور خواتین کے ساتھ کیا واقعات پیش آ رہے ہیں، دنیا کو یہ حقائق معلوم ہونے چاہئیں۔

برطانوی وفد کا کہنا تھا کہ ہمیں کشمیریوں کی نسل کشی کا خدشہ ہے، ہم اقوام متحدہ اور یورپی یونین کے ساتھ مل کر کام کر رہے ہیں۔ ہم چاہتے ہیں کہ کشمیر میں زندگی معمول کی طرف واپس لوٹ آئے۔ کشمیر کی خصوصی حیثیت تبدیل کرنے کے لئے کشمیریوں کی مرضی ضروری ہے، عالمی برادری کو اس طرف توجہ دینی چاہئے، اس مسئلہ کو برطانوی پارلیمنٹ میں اٹھایا جائے گا۔

سپیکر قومی اسمبلی اسد قیصر نے کہا کہ مقبوضہ جموں کشمیر میں مسلسل کرفیو کا نفاذ اور مسلمانوں کو مذہبی فریضے کی ادائیگی سے روکے رکھنا بنیادی انسانی حقوق کی سنگین خلاف ورزی ہے۔ انہوں نے کہا کہ عالمی برادری مقبوضہ جموں و کشمیر میں انسانی حقوق کی سنگین خلاف ورزیوں کا نوٹس لے.

سپیکر قومی اسمبلی کا مزید کہنا تھا کہ مسئلہ کشمیر تقسیم ہند کا نامکمل ایجنڈا ہے۔ مسئلہ کشمیر کو اقوام متحدہ کی سلامتی کونسل کی قراردادوں کے مطابق حل کرنا خطے کی سلامتی کے لئے ناگزیر ہے۔ برطانوی پارلیمنٹ مسئلہ کشمیر کو کشمیری عوام کی امنگوں کے مطابق حل کرانے میں اپنا اثر و رسوخ استعمال کرے۔ اسد قیصر کا مزید کہناتھا کہ 15 اگست کو بھارت کے یوم آزادی کے موقع پر برطانیہ میں مقیم پاکستانیوں کی جانب سے فقید المثال یوم سیاہ کے احتجاج نے مسئلہ کشمیر کو ایک نئی روح پھونک دی ہے۔

مودی سرکار باز نہ آئی ، پاکستان کی جاسوسی کے لئے کبوتروں کا استعمال شروع کر دیا، کبوتروں کے ساتھ ڈیوائسز پاکستانی حدود میں بھیجی جاتی ہیں

باغی ٹی وی کی رپورٹ کے مطابق مودی سرکار پاکستان کے خلاف سازشوں سے باز نہ آئی، ایک طرف بھارت ایل او سی پر بلا اشتعال جارحیت کر رہا ہے دوسری جانب بھارت نے پاکستان کی طرف پانی چھوڑ دیا، اب بھارت نے پاکستان کی جاسوسی شروع کر دی اس کے لئے بھارت نے کبوتروں اور غباروں کا استعمال شروع کر دیا، ریڈیو ساؤنڈ ڈیوائسز کبوتروں و غباروں کے ذریعے پاکستان کے سرحدی علاقوں میں پھینکی جا رہی ہے.

ڈسٹرکٹ سول ڈیفنس افسر اشفاق احمد نے اس بات کی تصدیق کرتے ہوئے کہا کہ ریڈیو ساؤنڈ ڈیوائسز روزانہ کی بنیاد پر گجرات کے سرحدی علاقوں میں غباروں کے ذریعے پھینکی جارہی ہیں اس ڈیوائس کو بھارت کا میٹرولوجیکل ڈیپارٹمنٹ پاکستان سے ڈیٹا لینے کیلئے استعمال کررہا ہے۔ مودی سرکار نے پاکستان کی سرحدی حدود میں گزشتہ ایک ہفتے میں چار ڈیوائسز غباروں کے ذریعے بھجوائیں، سول ڈیفنس آفیسر کا کہنا ہے کہ چار ریڈیو ساؤنڈ ڈیوائسز تھانہ ٹانڈہ اور ککرالی کے سرحدی علاقوں سے ملی ہیں ، ریڈیو ساؤنڈ ڈیوائسز سے بھارت پاکستان کے علاقوں کی آوازوں کا ڈیٹا لینے کے ساتھ ساتھ ہوا کا ٹمپریچر،ہوا کی سمت اور سیلابی پانی کی سطح کا ڈیٹا لے رہا ہے۔

دوسری جانب بھارتی میڈیا نے دعویٰ کیا ہے کہ پاکستان بھارت کے خلاف جنگ کی تیاری کر رہا ہے اس ضمن میں پاکستان نے بڑی تعداد میں اسلحہ لائن آف کنٹرول کے قریب آزاد کشمیر میں منتقل کرنا شروع کر دیا ہے.بھارتی میڈیا نے دعویٰ کیا ہے کہ پاک فوج نے لائن آف کنٹرول کے قریب اپنی فوج بڑھا دی ہے ،چھ بریگیڈ ایل او سی پر آںے کے لئے تیار ہیں، پاک فوج کا خصوصی ونگ بھی ایل او سی پر پہنچ چکا ہے

علی خان جدون کی زیرصدارت قومی اسمبلی کی قائمہ کمیٹی آئی ٹی کا اجلاس پوا ،وزارت آئی ٹی حکام نے ملک میں سائبر کرائمز ایکٹ کے حوالے سے کمیٹی کو بریفنگ دی

ڈائریکٹرسائبرکرائم نے بریفنگ میں بتایا کہ سائبر کرائمزڈیپارٹمنٹ کے پاس 16 ہزار شکایات زیرالتوا ہیں ،ادارے کے پاس صرف15 تفتیشی افسر ہیں، سائبرکرائمزایکٹ آنے کے بعد سے اب تک42 ہزار477 شکایات درج کرائی گئیں،ہم نے 16 ہزار689 شکایات کا ازالہ کردیا ہے، 16ہزار 163 شکایات زیر التوا ہیں، سائبرکرائم ایکٹ کے تحت 936 ایف آئی آرز درج کی گئیں،904 ملزمان گرفتارہوئے،

بریفنگ میں بتایا گیا کہ جب تک ہم معاہدے پر دستخط نہیں کرتے تو فیس بک ٹویٹر ہمیں رسپانس نہیں دیتے ،ہم فیس بک ٹویٹر سے شکایات کرتے ہیں مگر وہ جواب نہیں دیتے،چائلڈ پورنوگرافی سمیت حساس نوعیت کے کیسزمیں وہ ہمیں جواب دے دیتے ہیں ،

چیئرمین کمیٹی نے کہا کہ جب تک وہ جواب نہیں دیں گے توہم اس معاملے پرآگے کیسے بڑھیں گے، ایف آئی اے حکام نے کہا کہ یہ ان کا دائرہ اختیار ہے کہ وہ جواب دیں یانہ دیں ،حکام وزارت آئی ٹی نے کہا کہ اگرکمیٹی ہدایات دے تومعاہدے سے متعلق معاملات آگے بڑھا سکتے ہیں،معاہدے پردستخط کرنے سے ہم بہت سی شقوں کے پابند ہوجائیں گے،ہمیں دیکھنا ہوگا کہ معاہدہ کرنے کے بعد کیا ہمارے مسائل حل ہوں گے،معاہدے پر دستخط کے بعد کیا فیس بک ٹویٹرہمیں جواب دیں گے؟

رکن کمیٹی علی گوہر نے کہا کہ میرے نام پر6آئی ڈیز چل رہی ہیں، شکایت کنندہ کو جلد کارروائی کرکے بتایا جانا چاہیے ،سوشل میڈیا کرائمز کی شکایات کی باری آنے میں 9 ماہ لگ جاتے ہیں،ایک خاتون نے شکایت کی کہ فیس بک پر اس کی بچی کی تصاویر لگائی گئیں،ایک ایک گھرمیں 20،20 بچے ہوتے ہیں، سب سوشل میڈیا پرلگے رہتے ہیں،ہم نے اپنے معاشرے کے مطابق سوشل میڈیا کو دیکھنا ہوگا،بچے فیس بک کے استعمال سے خراب ہو رہے ہیں، جو بچے اسکول نہیں جاتے وہ بھی فیس بک استعمال کررہے ہیں،

قومی اسمبلی کی قائمہ کمیٹی نے کہا ہے کہ پی ٹی اے موبائل سمز کی رجسٹریشن کے چھوٹے اسٹالز بند کرائے ،موبائل سمز صرف مخصوص فرنچائز سے جاری کی جائیں،

باغی ٹی وی کی رپورٹ کے مطابق قومی اسمبلی کی قائمہ کمیٹی اجلاس میں پی ٹی اے حکام نے بریفنگ دیتے ہوئے کہا کہ غربت کی وجہ سے لوگ اپنی رجسٹرڈ سم 5 سے 10 ہزارکی بیچ دیتے ہیں،دائریکٹر سائبر کرائم ونگ کا کہنا تھا گلیوں میں چھوٹے سمز اسٹالزکسی کو بھی پکڑکرسم ایکٹیویٹ کرتے ہیں،گاؤں کے سادہ اور ان پڑھ لوگوں کا انگوٹھا لگوایا جاتا ہے ،یہ سمز بعد میں تخریب کاری میں استعمال ہوتی ہیں

کمیٹی کے اراکین نے کہا کہ کرائم ریٹ بڑھنے کی بڑی وجہ سمز کی ہر جگہ فروحت ہے،سمز کی فروحت کے لیے طریقہ کار تبدیل کیا جائے ،بائیومیٹرک تصدیق والی ڈیوائسز کا غلط استعمال ہورہا ہے،

رکن کمیٹی کنول شوذب نے کہا کہ دس ماہ سے 6 موبائل نمبروں سے میرے نام سے خواتین کوجعلی کالز جارہی تھیں،میں نے ایف آئی اے کو شکایت بھی درج کرائی مگر کچھ نہ ہوسکا،ایک جعلی کال پر خاتون لاہور میں بندے سے ملی جو بعد میں گرفتار ہوا،گرفتار شخص خواتین کو احساس پروگرام میں نوکریوں کاجھانسا دے رہا تھا،