وفاقی وزیر برائے انسانی حقوق شیریں مزاری نے ایگزیکٹو ڈائریکٹر یونیسیف ہینریٹا فور کو خط لکھا ہے جس میں مطالبہ کیا ہے کہ اقوام متحدہ بھارتی اداکارہ سے امن کے سفیر کا اعزاز واپس لے

خواجہ سراﺅں کے حقوق، شیریں‌ مزاری میدان میں آ گئیں

باغی ٹی وی کی رپورٹ کے مطابق شیریں مزاری نے خط میں کہا کہ بھارت نازی عقوبت خانوں کی طرح مسلمانوں کو حراستی مراکزمیں قیدکررہاہے، قابض بھارتی افواج مقبوضہ کشمیرمیں پیلٹ گنزاستعمال کررہی ہیں،بھارتی افواج کی جانب سےخواتین کی بےحرمتی کاسلسلہ بھی تیزہوچکا ہے ،بھارتی اداکارہ پریا نکا چوپڑا مودی حکومت کے ظلم کی حمایت کررہی ہے،

ساہیوال:دو خواجہ سرا قتل،گھر سے بدبو آنے پر ہوا انکشاف،پولیس

شیریں مزاری نے مزید کہا کہ مودی کےنسل کشی منصوبے نے مقبوضہ وادی میں بحرانی کیفیت پیداکی، بھارت آسام میں 40لاکھ مسلمانوں کوشہریت دینےسےانکاری ہے، پریانکا نے بھارت کی پاکستان پرحملے کی بھی تائید کی،نام نہاد امن سفیرکی تائید اقوام متحدہ کے اعزازکیخلاف ہے، بھارتی اداکارہ کا بطورامن سفیررویہ خودامن کیخلاف ہے،

واضح رہے کہ بھارت کے جنگی جنون کی حمایت میں بیان دینے پر بھارتی اداکارہ پریانکا چوپڑا سے یونیسف خیرسگالی سفیر کا عہدہ واپس لینے کی تحریک عروج پر پہنچ گئی، پاکستانی اداکارہ آرمینا خان نے بھی یونیسیف سے بھارتی اداکارہ پریانکا چوپڑا سے امن کی سفیر کا اعزاز واپس لینے کا مطالبہ کیا تھا۔

سینیٹ کی قائمہ کمیٹی برائے آبی وسائل نے دریائوں کے کناروں پر تجاوزات میں اضافے پر برہمی کا اظہار کرتے ہوئے کہا ہے کہ تجاوزات کی وجہ سے سیلاب بہت زیادہ نقصان کا باعث بنتا ہے، تجاوزات کے ذمہ داروں کا تعین اور ان کے خلاف کارروائی ہونی چاہئے، دریائوں کے کنارے غیر قانونی طور پر آباد افراد کو دوسرے مقامات پر منتقل کرنے کے لئے جامع حکمت عملی اپنائی جائے۔

سینیٹ کا پارلیمانی وفد کس ملک کا دورہ کرنے جا رہا ہے؟

باغی ٹی وی کی رپورٹ کے مطابق سینیٹ کی قائمہ کمیٹی برائے آبی وسائل کا اجلاس چیئرمین کمیٹی سینیٹر شمیم آفریدی کی زیر صدارت ہوا۔اجلاس میں وزارت آبی وسائل ، فیڈرل فلڈ کمیشن ، ارسا اور دیگر متعلقہ صوبائی افسران نے شرکت کی۔

قائمہ کمیٹی کےاراکین نے کہا کہ جب بھی بارشیں ہوتی ہیں تجاوزات کی وجہ سے بہت زیادہ نقصان ہوتا ہے ، پانی کے قدرتی راستوں پر تجاوزات ختم ہونی چاہیے ۔یہ تجاوزات راتوں رات نہیں قائم نہیں ہوئیں ان کے ذمہ داروں کا تعین ہونا چاہئے ۔

کشمیر کی خصوصی حیثیت کا خاتمہ، چیئرمین سینیٹ نے بڑا فیصلہ کر لیا

جوائنٹ سیکرٹری آبی وسائل سید مہر علی شاہ نے قائمہ کمیٹی کو بتایا کہ بھارت کی طرف سے پاکستان کی طرف چھوڑے جانے والے پانی کے اعدادو شمار دیئے جارہے ہیں اور آج صبح دریائے ستلج میں پاکستان کی طرف پانی کا بہائو ایک لاکھ کیوسک تھا ۔ تربیلا ڈیم اپنی مکمل گنجائش کے مطابق بھر چکا ہے۔ سندھ طاس معاہدے پر عملدرآمد تعاون پر مبنی حکمت عملی کے ذریعے ہونا چاہئے باضابطہ ذرائع کے ذریعہ آپس میں رابطہ ہوتا رہتا ہے ۔

پاکستان فوری طور پر کشمیریوں کی حکومت کا اعلان کرے، بڑا مطالبہ سامنے آ گیا

اگر پاکستان یہ کام کر لے تو …بھارت کے لئے میزائل حملے سے بھی بڑا حملہ

سیکرٹری آبی وسائل نے کہا کہ دریائے ستلج دریائے سندھ کی طرح بڑادریا ہے اس کے رستے میں تین بیراج ہیں، یہ دریا بہت عرصے سے خشک پڑا ہے۔ چیئرمین فیڈرل فلڈ کمیشن احمد کمال نے کمیٹی کو بتایا کہ 2011-12-14-15 ء کے سیلاب میں 4کروڑ سے زائد افراد بے گھر ہوئے تھے۔ پنجاب کے ریور ایکٹ کے تحت لوگوں کی آباد کاری کا طریقہ کار موجود ہے۔

دوسری جانب بھارتی آبی جارحیت سے پاکستان کے زرعی اور کچے کے علاقے ڈوبنے لگے .راجن پور کچے کی 15 سے زائد بستیاں اور کئی ایکڑ فصلیں زیر آب آگئیں، بھارت کی جانب سے چھوڑا گیا پانی کل کوٹ مٹھن سے گزرے گا ضلعی انتظامیہ کی جانب سے دریا کنارے ریلیف کیمپ قائم کردیا گیا۔

کشمیریوں سے یکجہتی کیلیے حافظ سعید کی رہائی ضروری، ایسی خبر جسے جان کرمودی سرکار نے سر پکڑ لیا

مودی کیا جانے کہ پارٹی تو ابھی شروع ہوئی، اب مجاہدین کو کشمیر جانے سے کوئی نہیں روک سکتا، بھارت میں کھلبلی مچ گئی

دریائے سندھ کوٹ مٹھن کے مقام پر بھارت کی طرف سے چھوڑا گیا پانی مسلسل اپنی سطح کو بلند کیے ہوئے ہے.جس سے مزید تباہی کا خدشہ ہے فلڈ کنٹرول روم کی اطلاعات کے مطابق دریائے سندھ کے سیلابی پانی سے کچے کی 15 سے زائد بستیاں ڈوب چکی ہیں جہاں سے لوگ محفوظ مقامات کی جانب نقل مکانی کررہے ہیں.

بھارت کی جانب سے چھوڑا گیا پانی کل کوٹ مٹھن اور روجھان کے مقام سے گزرے گا جس کی وجہ سے اونچے درجے کا سیلاب کا خدشہ ظاہر کیا جا رہا ہے ، جبکہ انتظامیہ کی جانب سے مختلف مقامات ریلیف کیمپ بھی قائم کر دیے گئےہیں

وفاقی وزیر قانون فروغ نسیم نے کہا ہے کہ 72 سال کے آرکائیو کی ایپ تیار کی گئی ہے جس کا وزیراعظم افتتاح کریں گے ،اسٹینڈنگ کمیٹی نےسول پروسیجرترمیمی بل منظورکرلیا ہے اپوزیشن کے کم از کم 3ارکان نے ترمیمی بل کی حمایت کی ہے

باغی ٹی وی کی رپورٹ کے مطابق ڈاکٹر فردوس عاشق اعوان نے کہا کہ مسائل کے حل کے لیے عمران خان کو نجات دہندہ منتخب کیاگیا ،پی ٹی آئی عوام کی تقدیر بدل دے گی ،وزارت قانون نے قانون میں جو اصلاحات ایک سال میں کیں ان سے قوم کو آگاہ کریں گے .عمران خان نے عوام کو مسائل سے نکالنے کا عزم کیا ہے

حکومت نے کچھ کیا تو عدلیہ کے کام میں مداخلت تصور کی جائے گی: فروغ نسیم

وفاقی وزیر قانون فروغ نسیم نے کہا کہ آج بہت بڑا دن ہے،کمیٹی نےسول پروسیجرترمیمی بل منظورکرلیا ہے، دیوانی مقدمات کے فیصلے سال سے‌ڈیڑھ سال میں ہوا کریں گے، اس سے قبل دیوانی مقدمات کے فیصلے کئی سالوں میں ہوتے تھے ،ملکی قوانین وزارت قانون کی ویب سائٹ پر موجود ہیں، وزارت قانون کی ایپ بھی بنا دی گئی ہے، اب سب تک ملکی قوانین کی رسائی ہو گی،

فروغ نسیم کا مزید کہنا تھا کہ 72 سال کے آرکائیو کی ایپ تیار کی گئی ہے جس کا وزیراعظم افتتاح کریں گے ،لا ڈویژن نے ایک سال نئب 22 قوانین بنائے ہیں، مددکی منتظرخواتین وبچوں کےلیےخصوصی ایکشن پلان تیارکیاگیاہے،55ملین صارفین کو انٹرنیٹ پر ان قوانین تک رسائی ہو گی ،844 قوانین ایپ پراپ لوڈکردیئےگئےہیں، 8 قوانین کو مختلف کمیٹیوں اور اسمبلیوں سے پاس کروانا ہے .

وفاقی وزیر برائے موسمیاتی تبدیلی زرتاج گل نے کہا ہے کہ 14اگست سے اسلام آباد میں پلاسٹک بیگزپرپابندی لگادی گئی ہے .

رنگ گورا کرنے کیلئے کاسمیٹکس کا استعمال کیسا ہے؟ زرتاج گل نے کیا اہم انکشاف

باغی ٹی وی کی رپورٹ کے مطابق اسلام آباد میں پریس کانفرنس سے خطاب کرتے ہوئے زرتاج گل نے کہا کہ پنجاب میں بھی پلاسٹک بیگزپرجلدپابندی لگائی جارہی ہے ،پابندی پرعملدرآمدکےلئےسب کوسنجیدہ کردارادا کرنا ہوگا،کراچی میں سیوریج سسٹم بند ہونےکی بڑی وجہ پلاسٹک بیگزہیں،پلاسٹک بیگز کے خلاف مہم میں میڈیا سمیت تمام اداروں نے کردار ادا کیا،ملک میں سالانہ 5ارب پلاسٹک بیگز استعمال ہوتے ہیں

حکومت کا ایک اور یوٹرن، زرتاج گل نے کی وضاحت

زرتاج گل کی دیرینہ خواہش پوری کر دی گئی

زرتاج گل نے مزید کہا کہ وزیر اعلیٰ پنجاب بھی شہروں میں پلاسٹک بیگ پر پابندی لگانے جارہے ہیں، ماحول کو بہترکرنا ہم سب کا فرض ہے، پلاسٹک بیگ میں کوڑا ڈال کرپھینکا جاتاہے،کراچی میں نالےبند ہونے کی وجہ شاپنگ بیگز ہیں،سیوریج نظام بھی اکثر شاپنگ بیگز کی وجہ سےمتاثر ہوتا ہے

چیئرمین نیب جاویداقبال کی زیرصدارت ایگزیکٹو بورڈ کا اجلاس جاری ہے

باغی ٹی وی کی رپورٹ کے مطابق نیب کے ایگزیکٹو بورڈ کے اجلاس میں کرپشن ریفرنسز،تحقیقات اورانکوائریوں کی منظوری کا امکان ہے ،

چیئرمین نیب کی کردار کشی کرنیوالی طیبہ گل عدالت پیش، عدالت نے بڑا حکم دے دیا

چیئرمین نیب جاوید اقبال کا کہنا ہے کہ کرپشن ترقی کی راہ میں رکاوٹ ہے،میگا کرپشن مقدمات کو منطقی انجام تک پہنچانا اولین ترجیح ہے، نیب احتساب سب کیلئے کی پالیسی پر عمل پیرا ہے، انہوں نے کہا کہ بدعنوان عناصر سے 326 ارب روپے برآمد کر چکے ہیں، نیب افسران بدعنوانی کے خاتمے کو اپنا قومی فریضہ سمجھتے ہیں۔نیب نےمضاربہ،مشارکہ اسکینڈلز میں43بڑےملزمان کوگرفتارکیا

چیئرمین نیب کی ویڈیو لیک کرنیوالوں کے خلاف ریفرنس دائر

چیئرمین نیب کے خلاف خبر پر پیمرا ان ایکشن، نیوز ون کو نوٹس جاری، جواب مانگ لیا

چیئرمین نیب کی کردار کشی کرنیوالے سائبر کرائم کے ماہر، انڈیا اور افغانستان میں رابطے، حیران کن انکشافات

اسلام آباد ہائیکورٹ میں موبائل فون کمپنیوں کے لائسنس کی تجدید کے معاملہ پر کیس کی سماعت ہوئی

باغی ٹی وی کی رپورٹ کے مطابق 2نجی موبائل کمپنیوں کو2ہفتوں میں 50فیصد لائسنس فیس جمع کرانے کا حکم عدالت نے دے دیا، عدالت نے کہا کہ دونوں کمپنیاں کم ازکم 36،36ارب روپے2ہفتوں میں جمع کرائیں،

پی ٹی اے نےایک لائسنس کی تجدید کیلئے 72ارب روپےفیس مقررکی تھی ،موبائل کمپنیوں نے پی ٹی اے کے فیصلے کے خلاف ہائیکورٹ میں اپیل کررکھی ہے ،عدالت نے گارنٹی کے طورپردونوں کمپنیوں کوآدھی لائسنس فیس جمع کرانے کا حکم دیا اور کہا کہ اپیل پرفیصلہ آنے تک دونوں موبائل کمپنیاں آدھی رقم جمع کرائیں ،

عدالت نے کہا کہ نئے لائسنس فیس کی آدھی رقم ادا کئے بغیرحکم امتناع نہیں دے سکتے،کیس کی سماعت آئندہ ماہ تک کےلئےملتوی کردی گئی