حج کے موقع پر حجازمقدس پہنچنے والے 60 پاکستانی اب تک اللہ کو پیارے ہوگئے ہیں۔

باغی ٹی وی کی رپورٹ کے مطابق حج سے پہلے اور حج کے بعد اب تک مجموعی طور پر 60 پاکستانی وفات پا چکے ہیں، جن میں سے 47 کا تعلق سرکاری اسکیم جبکہ 14 کا تعلق پرائیویٹ حج سکیم سے ہے۔

وفات پانے والے 19حجاج کی عمریں 19 سال سے کم جبکہ 41 افراد کی عمر 60 سال سے زیادہ ہے ۔ تمام اموات طبی طور پر ہوئی ہیں ،ایک پاکستانی خاتون سعودی عرب آتے ہوئے جہاز میں ہی وفات پا گئی تھی ۔وفات پانے والے چار افراد کی تدفین جنت البقیع جبکہ 57افراد کی تدفین مکتہ المکرمہ کے شرائع قبرستان میں کی گئی ہے .

فریضہ حج کی ادائیگی کے بعد حاجیوں کے قافلے واپس آنا شروع ہو گئے حج کی ادائیگی کے بعد آنے والے حاجیوں کی واپسی کا سلسلہ پندرہ ستمبر تک جاری رہے گا۔ امسال حج کے حوالہ سے حکومت کی طرف سے بہترین انتظامات کئے گئے جس پر حجاج کرام نے اطمینان کا اظہار کیا ہے

پاکستان ایل این جی لمیٹڈ کے سی او عدنان گیلانی نے استعفا دے دیا

نیب راولپنڈی کی ٹیم کا چھاپہ، شاہد خاقان عباسی کیلئے ایک اور مشکل

باغی ٹی وی کی رپورٹ کے مطابق پاکستان ایل این جی لمیٹڈ کے سی او عدنان گیلانی کا کہنا ہے کہ میں نے استعفا کمپنی کے بورڈ کے چیرمین کو بھجوادیا ہے،حالات کام کرنے والے نہیں رہے،میری تعیناتی اوپن میرٹ کے ذریعے ہوئی تھی،میرا 20 سالہ فنانس اور توانائی کے شعبے کا تجربہ ہے،میرا استعفا ابھی منظور نہیں ہوا،ایل این جی کے سستے سودوں کے ذریعے سالانہ 2 ارب ڈالرکی بچت کی.

وزیراعظم کو شاہد خاقان عباسی کی گرفتاری کا بتایا گیا تو انہوں نے کیا کہا؟ اہم خبر

واضح رہے کہ آج نیب راولپنڈی کی ٹیم نے اسلام آباد میں پٹرولیم ڈویژن کے دفتر پر چھاپہ مارا ہے، نیب راولپنڈی کی ٹیم نے دفتر سے اہم ریکارڈ قبضے میں لے لیا ہے، نیب نے کیس میں شاہد خاقان عباسی کو گرفتار کر رکھا ہے ،چیف ایگزیکٹو ایل این جی عدنان گیلانی کی تقرری کا ریکارڈ نیب نے قبضے میں لے لیا.

ایک اور وزیراعظم گرفتار،مریم نواز بھی میدان میں آ گئیں

واضح رہے کہ ایل این جی کیس میں شاہد خاقان عباسی کو نیب نے گرفتار کر رکھا ہے، وہ جسمانی ریمانڈ پر نیب کی تحویل میں ہیں، نیب نے انہیں لاہور سے گرفتار کیا تھا، 29 اگست کو انہیں عدالت میں پیش کیا جائے گا.

شاہد خاقان عباسی کو کیوں گرفتار کیا گیا؟ احسن اقبال نے بڑا دعویٰ کر دیا

شاہد خاقان عباسی نے رانا ثناء اللہ کی گرفتاری کے بعد اپنی متوقع گرفتاری پر پہلے ہی خدشات کا اطہار کرتے ہوئے کہا تھا کہ وہ ڈرتے نہیں .شاہد خاقان نے یہ بھی کہا ہے کہ یہ چیزیں حکومت کو کھوکھلا اور سیاست کو کمزور کررہی ہیں. ہم حکومتی اقدامات پر احتجاج کرتے ہیں.

سابق صدر آصف زرداری اور فریال تالپور کو جیل میں اے کلاس دینے کی درخواستیں مسترد کر دی گئی،احتساب عدالت نے محفوظ فیصلہ سنا دیا

باغی ٹی وی کی رپورٹ کے مطابق احتساب عدالت نے آصف زرداری کو جیل میں اے کلاس دینے کی درخواست مسترد کر دی ،

زرداری کا بچنا اب مشکل، منی لانڈرنگ کیس کا مبینہ مرکزی ملزم بنا وعدہ معاف گواہ

آصف زرداری کے وکیل فاروق ایچ نائیک نے کہا کہ فریال تالپور ایم پی اے ہیں، آصف زرداری کو سہولیات پاکستان کا قانون ساری زندگی کے لئے دیتا ہے

سردار لطیف کھوسی نے کہا کہ آصف زرداری دل کے مریض ہیں، پراسیکیوٹر نیب نے کہا کہ کھوسہ صاحب کہتے ہیں کہ حکومت سے بھیک نہیں مانگیں گے، جیل میں اے اور بی کلاس ختم کر دی گئی ہے، اب بہتر سہولیات دی جا رہی ہیں، سہولیات کے لئے آئی جی جیل خانہ جات کو درخواست دینا پڑے گی.

بریکنگ نیوز،حکومت اور فوج ایک پیج پر، وزیراعظم نے ایسا فیصلہ کیا کہ قوم کے دل جیت لئے

واضح رہے کہ گزشتہ روز احتساب عدالت میں آصف زرداری کی پیشی کے موقع پر اے کلاس فراہم کرنے اور جیل میں سہولیات کی درخواست کی گئی تھی.

واضح رہے کہ جعلی اکاؤنٹس کیس میں‌سابق صدر آصف زرداری کو نیب نے حراست میں لے رکھا ہے، اسلام آباد ہائیکورٹ سے ضمانت کی درخواست مسترد ہونے کے بعد نیب نے زرداری ہاؤس سے آصف زرداری کو گرفتار کیا تھا، آصف زرداری جسمانی ریمانڈ پر نیب کی تحویل میں ہیں. ان سے تحقیقات جاری ہیں، آصف زرداری کی ہمشیرہ فریال تالپورکو بھی نیب نے گرفتار کر رکھا ہے

جج ارشد ملک ویڈیو سیکنڈل کیس میں چیف جسٹس نے ریمارکس دیتے ہوئے کہا کہ ارشد ملک کے کردارسے ججوں کے سرشرم سے جھک گئے

باغی ٹی وی کی رپورٹ کے مطابق سپریم کورٹ میں ویڈیو کیس کی سماعت ہوئی، اٹارنی جنرل انور منصور عدالت میں پیش ہوئے، دوران سماعت چیف جسٹس نے ریمارکس دئیے کہ ارشد ملک کے کردارسے ججوں کے سرشرم سے جھک گئے ، عجیب جج ہیں فیصلے کے بعد مجرمان کے گھر چلے جاتے ہیں،پھرمجرم کے بیٹے سے ملنے مدینہ منورہ جاتے ہیں،ارشد ملک کے کردارسے متعلق بہت سی باتیں دیکھنے والی ہیں،

سپریم کورٹ نے مزید کہا کہ لاہور ہائیکورٹ جج ارشد ملک کے خلاف کاروائی کرے، جسٹس عمر عطا بندیال نے کہا کہ جنہوں نے کہانی بنائی انہوں نے جان چھڑا لی، چیف جسٹس نے کہا کہ لاہور ہائیکورٹ کاروائی کر سکتی ہے.

اٹارنی جنرل نے کہا کہ ناصرجنجوعہ اور مہرغلام جیلانی نے جج سے ملاقات کرکے 10 کروڑ روپے کی پیشکش کی، اس کیس میں 2 اہم کردار ناصربٹ اور سلیم اس وقت ملک میں نہیں ،چیف جسٹس نے کہا کہ جج ارشد ملک کا ایک ماضی ہے جسے وہ مان رہے ہیں، انہیں تو کوئی بھی بلیک میل کرسکتا ہے،

اٹارنی جنرل نے کہا کہ پیشکش نوازشریف کیخلاف ریفرنسز میں رہائی سےمتعلق فیصلے سے مشروط تھی، لاہور ہائیکورٹ میں کوئی درخواست دائر نہیں کی گئی، چیف جسٹس نے کہا کہ نوازشریف کی رہائی اورسزاکے خاتمے کیلیے وڈیوفائدہ مند تب ہوگی جب کوئی درخواست دائر کی جائے، یہ دیکھنا ہوگا وڈیو کی کاپی کا فرانزک ہوسکتا ہے یانہیں ،ہ بھی دیکھنا ہے کہ یوٹیوب وڈیو کا فرانزک ہوسکتا ہے یا نہیں .

آزاد کشمیر کے‌صدر سردار مسعود خان نے کہا ہے کہ جموں کشمیر میں نسل کشی کا آغاز ہو چکا ہے،کشمیریوں‌ کو مار کر گمنام قبروں میں دفن کر دیا جاتا ہے

باغی ٹی وی کی رپورٹ کے مطابق صدر آزاد کشمیر سردار مسعود خان نے اسلام آباد میں میڈیا بریفنگ دیتے ہوئے کہا کہ بھارت نے کشمیریوں پر مظالم کا سلسلہ جاری رکھا ہوا ہے،بھارت مقبوضہ کشمیر میں اپنے شہریوں کو آباد کرنا چاہتا ہے ،بھارت نے مقبوضہ کشمیر کو فوجی چھاوَنی میں تبدیل کردیا ،کشمیر میں کشمیریوں کی نسل کشی کی جارہی ہے ،بھارت مقبوضہ وادی میں جنگی جرائم کا مرتکب ہورہاہے،بھارت نے مواصلاتی ذرائع کو بھی معطل کیا ہواہے،

سردار مسعود خان کا مزید کہنا تھا کہ بھارتی اقدام مقبوضہ وادی پر ایک نیا حملہ ہے ،بھارت مقبوضہ وادی میں نئی دلی سےبراہ راست حکومت کرنا چاہتا ہے ،بھارت نے مقبوضہ وادی کو میدان جنگ اور جیل میں بدل دیا ،گرفتار کشمیریوں کو بھارتی فوج تشدد کا نشانہ بنا رہی ہے،مقبوضہ کشمیر ایک بین الاقوامی معاملہ ہے،اقوام متحدہ کی قراردادیں موجود ہیں،مودی حکومت اپنے مکروہ اقدامات سے دنیا کو گمراہ کررہی ہے ،

صدر آزاد کشمیر کا مزید کہنا تھا کہ مقبوضہ کشمیر کی خبریں جو پہنچ رہی ہیں اس سے ابھرنے والی تصویر بھیانک ہے ،مغربی ممالک کی تنظیموں کا دہرا معیار ہے،لاک ڈاوَن اور مواصلاتی نظام بلاک ہونے کے باعث ادویات کی کمی کا سامنا ہے،سلامتی کونسل کا اجلاس ایک اہم پیش رفت ہے جو نکتہ آغاز ہے،مقبوضہ کشمیر میں عارضی حراستی مراکز قائم کیے گئے ہیں ،مقبوضہ کشمیر سے گرفتار افراد کو بھارتی جیلوں میں منتقل کر دیا گیا ہے، حریت رہنما بھی جیلوں میں قید ہیں، کشمیریوں‌ کو مار کر گمنام قبروں میں دفن کر دیا جاتا ہے، جموں کشمیر میں نسل کشی کا آغاز ہو چکا ہے،

سردار مسعود خان کا مزید کہنا تھا کہ سفارتی محاذ پر لڑنےکیلیےسلامتی کونسل سے رابطہ ضروری ہے،مقبوضہ کشمیر میں لوگوں کو بتا دیا گیا ان کا ان کی زمین پر ہی اختیار نہیں ،مقبوضہ کشمیر میں بچے بلک بلک کر جان دے رہے ہیں،انسانی حقوق کا درس دینے والے کوئی آوا ز نہیں اٹھا رہے،اب تک 6ہزار افراد کو غائب کر کے تشدد کیا جارہاہے،مسئلہ کشمیر کے حل کیلیے سلامتی کونسل مزید اجلاس بلائے

چیئرمین ریاض فتیانہ کی زیر صدارت قومی اسمبلی کی قائمہ کمیٹی قانون و انصاف کا اجلاس ہوا

شوہر سے ملاقات کے بعد رانا ثناء اللہ کی اہلیہ نے لگایا بڑا الزام

باغی ٹی وی کی رپورٹ کے مطابق کمیٹی اجلاس میں مرتضیٰ جاوید عباسی نے کہا کہ رانا ثنااللہ کا نئے صوبوں کے قیام کا بل کمیٹی میں موجود ہے،ایم کیو ایم کی رکن کشور زہرا نے ووٹرز برابر کرنے کا مجوزہ بل پیش کیا تھا ،قومی اسمبلی کی قائمہ کمیٹی نے تمام حلقوں کے ووٹرز کی تعداد برابر کرنے کا مطالبہ مسترد کردیا ،سیکرٹری الیکشن کمیشن نے کہا کہ اگرووٹرزکی تعداد ہرحلقے میں مساوی کی گئی توبعض حلقے دوسے تین ضلعوں تک پھیل جائیں گے،ووٹرز برابر کرنے سے حلقے ایک سے دوسرے ضلع میں داخل ہوجائیں گے،قائمہ کمیٹی نے الیکشن کمیشن اور ارکان کی رائے کے بعد بل مسترد کردیا گیا

رانا ثناء اللہ کے لئے ایک اور مشکل،نیب نے بھی اثاثوں کا ریکارڈ طلب کر لیا

مرتضیٰ جاوید عباسی نے کہا کہ نئے صوبوں کے قیام پر تمام جماعتیں اتفاق کرچکی ہیں، پی پی کے رکن سید حسین طارق نے کہا کہ نئے صوبوں کے قیام پرتاحال کوئی اتفاق نہیں ہوا،جے یو آئی رکن عالیہ کامران نے بھی کہا کہ نئے صوبوں کے قیام پر کوئی اتفاق نہیں ہوا،مرتضیٰ جاوید عباسی نے کہا کہ بہاولپور ،جنوبی پنجاب اور ہزارہ صوبے بنائے جائیں،

ڈاکٹر نفیسہ شاہ نے کہا کہ نئے صوبوں کے قیام کا معاملہ اسپیکرکو بھیج دیا جائے وہ پارلیمانی کمیٹی بنادیں، جس پر چیئرمین کمیٹی نے کہا کہ نئے صوبے قانونی نہیں سیاسی مسئلہ ہے،اس پر پارلیمانی کمیٹی ہی بہتر فورم ہے،

رانا ثناء اللہ کو عدالت پہنچا دیا گیا، ایف آئی آر میں کیا لکھا؟ جان کر ہوں حیران

مرتضیٰ جاوید عباسی نے کہا کہ آپ کل رانا ثنااللہ کو کمیٹی میں بلائیں، جس پر چیئرمین کمیٹی نے کہا کہ رانا ثنااللہ کی جانب سے پروڈکشن آرڈرکی کوئی درخواست موصول نہیں ہوئی، نفیسہ شاہ نے کہا کہ رولزمیں درخواست کی پابندی نہیں ہے ،چیئرمین کمیٹی پروڈکشن آرڈرجاری کرسکتا ہے.