Author: ممتاز حیدر

وزیراعظم عمران خان مظفر آباد کے لئے روانہ ہو گئے

باغی ٹی وی کی رپورٹ کے مطابق وزیراعظم عمران خان آج پاکستان کے یوم آزادی کے موقع پر کشمیریوں سے یکجہتی کے لئے آزادکشمیر قانون ساز اسمبلی سے خطاب کریں گے،اس موقع پر وفاقی وزراء بھی ان کے ہمراہ ہوں گے۔

وزیراعظم عمران خان مظفر آباد میں آل پارٹیز کانفرنس سمیت دیگر کشمیری رہنماؤں سے ملاقاتیں بھی کریں گے۔

واضح رہے کہ آج ملک بھر میں یوم آزادی پاکستان یکجہتی کشمیر کے طور پر منایا جا رہا ہے، مودی سرکار نے کشمیر کی خصوصی حیثیت ختم کر دی ہے اس کے بعد پاکستان نے بھارت کے ساتھ سفارتی تعلقات ختم کر لئے اور یوم آزادی پاکستان کو یوم یکجہتی کشمیر کے طور پر منانے کا اعلان کیا

حریت رہنما یاسین ملک کی اہلیہ مشعال ملک نے کہا ہے کہ پاکستان ہماری آواز بنتا رہے تا کہ کشمیریوں کے حوصلے بلند ہوں،

کنونشن سینٹرمیں خصوصی تقریب میں مشعال ملک نے بھی شرکت کی،یاسین ملک کی اہلیہ نے اقوام عالم سےکشمیر پرنوٹس لینےکامطالبہ کیا، مشعال ملک کا کہنا تھا کہ مقبوضہ کشمیر کےلوگوں کی طرف سےیوم آزادی کی مبارکباد پیش کرتی ہوں،پاکستان بہت قربانیوں کے بعد وجود میں آیا،آزادی بہت بڑی نعمت ہے،اس کےبارے میں کشمیری عوام سے پوچھیں ،یوم آزادی کادن جس طرح کشمیریوں کےنام کیا ہے یہ بہت بڑی بات ہے،پاکستانیوں سےگزارش ہے ایسے ہی ہماری آوازبنتے رہیں تاکہ ہمارے حوصلے بلندہوں،

تقریب میں حریت رہنماء یاسین ملک کی اہلیہ مشعال ملک نے کشمیری عوام کے درد کی ایسی ترجمانی کی کہ ہر آنکھ اشکبار ہوگئی،تقریب میں مشعال ملک نے سبز لباس اور سفید دوپٹہ کی صورت میں پاکستانی جھنڈے کا لباس پہن رکھا تھا،

اسلام آبا دہائیکورٹ کے چیف جسٹس اطہرمن اللہ نے کہا ہے کہ قانون کی بالادستی نہ ہو تو دشمن مضبوط ہو جاتا ہے

باغی ٹی وی کی رپورٹ کے مطابق اسلام آباد ہائیکورٹ کے چیف جسٹس اطہر من اللہ نے اسلام آباد ہائیکورٹ میں یوم آزادی کے موقع پر پرچم کشائی کی تقریب سے خطاب کرتے ہوئے کہا کہ قانون کی بالادستی کے ذریعے یہ آزادی حاصل کی گئی تھی،پاکستان بہت قربانیوں اور 100 سالہ غلامی کے بعد آزاد ہوا تھا،ہمارے دشمن پچھلے کئی سال سے ہمارے خلاف لڑ رہے ہیں، اس ملک کے عوام ہمارے اصل اسٹیک ہولڈر ہیں،وکلا نے کسی جج کو بحال کرنے کیلیے نہیں قانون کی بالادستی کی تحریک چلائی تھی، معاشرے میں قانون کی بالادستی نہ ہوتو دشمن بھی مضبوط ہو جاتا ہے ،

وزیراعظم کی مشیر برائے اطلاعات داکٹر فردوس عاشق اعوان نے کہا ہے کہ وہ دن دور نہیں جب کشمیری عوام پورے ولولے کیساتھ یوم آزادی منائیں گے.

باغی ٹی وی کی رپورٹ کے مطابق وزیراعظم کی مشیر برائے اطلاعات ڈاکٹر فردوس عاشق اعوان نے کہا ہے کہ پاکستان آج یوم آزادی کشمیریوں سے یکجہتی کے طورپرمنا رہا ہے،پاکستان کشمیریوں کی سیاسی، سفارتی اوراخلاقی حمایت جاری رکھے گا،کشمیر تقسیم ہند کا نامکمل ایجنڈا ہے،کشمیری عوام کوحق خودارادیت ملنے تک تقسیم ہند کا ایجنڈامکمل نہیں ہوسکتا،

فردوس عاشق اعوان کا مزید کہنا تھا کہ آج قائد کے فرمودات پرعمل پیرا ہونے کے عزم کا اعادہ کرنے کا دن ہے،کشمیرمیں بہنے والے لہو کے چھینٹے ہمارے دلوں پرگرتے ہیں،آج یوم آزادی پہلے سے کہیں زیادہ جوش وجذبے سے منانے کی ضرورت ہے،کشمیر کے مسئلے پر پاکستان کسی قسم کی لچک کامظاہرہ نہیں کرے گا،وہ دن دور نہیں جب کشمیری عوام پورے ولولے کیساتھ یوم آزادی منائیں گے،