Author: ممتاز حیدر

وزیراعظم کے معاون خصوصی برائے سیاسی امور نعیم الحق نے کہا ہے کہ حکومت سنبھالی تو ملک شدید معاشی بحران کا شکار تھا ،غریبوں کو گھر دیں گے، مشکلات کا سامنا حکومت کو کرنا پڑا لیکن مایوس نہیں ہوئے.

باغی ٹی وی کی رپورٹ کے مطابق اسلام آباد میں ایک تقریب سے خطاب کرتے ہوئے نعیم الحق نے کہا کہ حکومت کا ایک سال مکمل ہونے پر آج کا دن دو مختلف حوالوں سے اہم ہے، پہلا حکومت نے پہلے ایک سال میں مسائل کے خاتمے کےلئے اقدامات کیے جن میں سے بعض میں کامیابی ملی اور کئی حوالوں سے مشکلات کا سامنا کرنا پڑا۔پی ٹی آئی نے حکومت سبنھالی تو ملک شدید معاشی بحران کا شکار تھا، آئندہ پانچ سال میں ملک کے غریب طبقے کو اپنا گھر فراہم کریں گے، نیا پاکستان ہاﺅسنگ سکیم کے تحت گھروں کی تعمیر جاری ہے، غریب عوام کو اپنے پاﺅں پر کھڑا کرنے کے لئے حکومت بیروزگاری میں کمی کے لئے ہر ممکن اقدامات کر رہی ہے.

نعیم الحق کا مزید کہنا تھا کہ حکومت میں آئے تو ہر ادارہ دیوالیہ ہوچکا تھا اس لیے قرضے اتارنے کے لیے دوست ممالک سے امداد لی،نیا پاکستان ہاؤسنگ اسکیم کے حوالے سے بات کرتے ہوئے انہوں نے کہا کہ آئندہ سال سے لوگوں کو گھر ملنا شروع ہوجائیں گے اور اس وقت ساڑھے تین سے چار لاکھ گھر زیر تعمیر ہیں ،بے گھر افراد چند سال میں کم رقم دے کر گھروں کے مالک بن جائیں گے،ہم نے غریب عوام، یتمیوں اور بیواؤں کے لیے مختلف اسکیمیں شروع کی ہیں.دیہاتوں میں غریب طبقے کے لیے مویشیوں کی فراہمی کی اسکیم لارہے ہیں جبکہ ترقیاتی بجٹ کو دوگنا کردیا ہے،انہوں نے کہا کہ پاکستان میں بے روزگاری کو کم کرنے کی کوشش کررہے ہیں، پہلا سال مشکل گزرا کیوں کہ مشکل اور سخت اقدامات کرنا پڑے، دوسرا سال بہتر اور تیسرا اس سے بہتر ہوگا

نعیم الحق کا مزید کہنا تھا کہ آج ہم ملکی تاریخ کے اہم موڑ سے گزر رہے ہیں جو جدوجہد کشمیر کے حوالے سے بڑا اہم ہے، مسئلہ کشمیر پر پوری قوم متحد ہے اور پوری دنیا اس مسئلے کی اہمیت تسلیم کرتے ہوئے اس بات پر متفق ہے کہ بھارت کو پاکستان سے بات کرنا پڑے گی،بھارتی حکومت نے مقبوضہ کشمیر کو پولیس سٹیٹ بنا دیا ہے، مودی آر ایس ایس کے فلسفے کو لے کر چل رہے ہیں،کشمیریوں کی آزادی تک ہم چین سے نہیں بیٹھیں گے.

قبل ازیں مریم اورنگزیب نے حکومت کے ایک سال مکمل ہونے پر کہا کہ آج عمران خان اپنی ناکامیوں کو پچھلی حکومتوں پہ ڈالنے کا چورن بیچیں گے اور بتائیں گے کہ ایک سال میں اسٹاک ایکسچینج میں بتیس فیصد اورروپے کی قدر میں تینتیس فیصد کمی ہوئی ہے،آج عمران خان صاحب بتائیں گے کہ ان کی حکومت کے ایک سال میں فی تولہ سونا 34050 سے 88400 روپے ہو گیا ہے۔

مسلم لیگ ن کی ترجمان مریم اورنگزیب نے کہا ہے کہ عمران خان اپنی ناکامیوں کا چورن بیچیں گے،تاریخی ناکامیوں کی داستان فخر کے ساتھ سنائی جائے گی.

باغی ٹی وی کی رپورٹ کے مطابق مریم اورنگزیب نے حکومت کے ایک سال مکمل ہونے پر کہا کہ آج عمران خان اپنی ناکامیوں کو پچھلی حکومتوں پہ ڈالنے کا چورن بیچیں گے اور بتائیں گے کہ ایک سال میں اسٹاک ایکسچینج میں بتیس فیصد اورروپے کی قدر میں تینتیس فیصد کمی ہوئی ہے،آج عمران خان صاحب بتائیں گے کہ ان کی حکومت کے ایک سال میں فی تولہ سونا 34050 سے 88400 روپے ہو گیا ہے۔

مریم اورنگزیب کا مزید کہنا تھا کہ آج عمران صاحب یہ بھی بتائیں گے کہ گیس کے نرخوں میں 200 فیصد اضافہ کیا اور بجلی کی قیمت میں 35 فیصد اضافہ کیا، اس کے علاوہ 7 ہزار ارب روپے کا تاریخی قرضہ لے کر ریکارڈ قائم کیا۔عمران صاحب آج بتانے والے ہیں کہ ایک برس میں پاکستان خطے کا دوسرا مہنگا ترین ملک بن گیا ہے جس کے باعث ترقی کی شرح آدھی اور مہنگائی تین گنا بڑھ گئی ہے،آج عمران صاحب بتائیں گے کہ پشاور میٹرو کے گڑھوں کی قیمت ایک کھرب تک پہنچ گئی ہے۔

قبل ازیں وزیراعظم عمران خان کی مشیر برائے اطلاعات ڈاکٹر فردوس عاشق اعوان نے کہا کہ ایک سال میں نئے پاکستان کی تکمیل کی اس کے باوجود بدترین تنقید کا سامنا کرنا پڑا ،ہم سب میڈیا کےذریعے عوام کو جوابدہ ہیں، چند افراد اور ایلیٹ کلاس عوام کے حقوق چھینتے رہے۔ ہر ادارے میں اصلاحات کی ضرورت تھی، عمران خان نے ہر ادارے میں ریفارمز متعارف کرائیں۔ ریلوے خسارے میں ملا، انتھک محنت سے پاؤں پر کھڑا کیا۔ انصاف اور احساس تک معاشرے میں تبدیلی نہیں آ سکتی، احساس پروگرام کیلئے 152 ارب روپے مختص کیے ہیں.

وزیراعظم عمران خان کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ حکومت کے لئے کفایت شعاری اورخود انحصاری کا راستہ مشکل ترین تھا، لیکن وزیراعظم نےقائداعظم کے سپاہی کے طورپر تنقید کا سامنا کرتے ہوئے بھی مخالفین کے اندازوں کوغلط ثابت کر دیا

باغی ٹی وی کی رپورٹ کے مطابق فردوس عاشق اعوان نے نعیم الحق کے ہمراہ پریس کانفرنس کرتے ہوئے کہا کہ ایک سال میں نئے پاکستان کی تکمیل کی اس کے باوجود بدترین تنقید کا سامنا کرنا پڑا ،ہم سب میڈیا کےذریعے عوام کو جوابدہ ہیں، چند افراد اور ایلیٹ کلاس عوام کے حقوق چھینتے رہے۔ ہر ادارے میں اصلاحات کی ضرورت تھی، عمران خان نے ہر ادارے میں ریفارمز متعارف کرائیں۔ ریلوے خسارے میں ملا، انتھک محنت سے پاؤں پر کھڑا کیا۔ انصاف اور احساس تک معاشرے میں تبدیلی نہیں آ سکتی، احساس پروگرام کیلئے 152 ارب روپے مختص کیے ہیں.

فردوس عاشق اعوان کا مزید کہنا تھا کہ میڈیا کی آزادی اور مثبت تنقید کو خوش آمدید کہتے ہیں کیونکہ حکومت آزادی اظہار رائے پر مکمل یقین رکھتی ہے، حکومت نے ایک سال میں محنت، دیانتدار اور درست سمت میں پالیسیوں کا آغاز کیا، پالیسیوں کا ثمر عوام کی ترقی و خوشحالی کی صورت میں سامنے آئے گا، نئے پاکستان میں حکمران طبقے کے نہیں بلکہ عوامی مفادات کا تحفظ ہوتا ہے، وزیراعظم عمران خان محنت اور عزم سے قائداعظم کے پاکستان کو آگے لے کر جا رہے ہیں، حکومت کا ایک سال استحکام پاکستان کا سفر ہے جبکہ آئندہ سال تعمیر پاکستان کا سال ہو گا، وزیراعظم تمام شعبوں میں اصلاحات کے عمل کی خود نگرانی کر رہے ہیں، ملک کے متوسط طبقے کی فلاح کے لئے احساس پروگرام شروع کیا گیا، غریبوں کے لئے تمام اقدامات احساس پروگرام کے تحت کئے جا رہے ہیں،

فردوس عاشق اعوان کا مزید کہنا تھا کہ خزانہ و اقتصادی امور ڈویژن اور ریلوے کی کارکردگی میں نمایاں بہتری آئی، پاکستان پوسٹ اور این ایچ اے بہترین کارکردگی کے باعث منافع بخش ادارے بن گئے، وزارت توانائی نے گردشی قرضوں میں نمایاں کمی کی ہے، ملک میں سیاحت کے فروغ کے لئے 175 ملکوں کے لئے آسان ویزہ پالیسی متعارف کرائی گئی ہے ، ایف بی آر نے ٹیکس کے دائرہ کار کو وسیع کرنے کے لئے بھی جامع اقدامات کئے ہیں،

فردوس عاشق اعوان نے مزید کہا کہ پی ٹی وی اب خسارے سے نکل کر منافع بخش ادارہ بن گیا ہے، ریڈیو کو بھی خسارے سے نکال کر کامیاب ادارہ بنائیں گے، ریڈیو کو حقیقی طور پر پاکستانی عوام کی آواز بنائیں گے، اے پی پی ویڈیو نیوز سروس کو جدید تقاضوں سے ہم آہنگ کر رہے ہیں تا کہ پوری دنیا میں ملک کے مثبت تشخص کو اجاگر کیا جا سکے۔

وزیراعظم کی مشیر برائے اطلاعات کا مزید کہنا تھا کہ درخت نہ صرف انسانوں کو سایہ فراہم کر کے تپتی دھوپ اور گرمی سے بچاتے ہیں بلکہ ہماری آنے والی نسلوں کو ماحولیاتی آلودگی سے بچانے کے لئے اہم کردار ادا کرتے ہیں، درخت لگانا نہ صرف صدقہ جاریہ ہے بلکہ یہ سنت نبوی بھی ہے، پاکستانی اپنے گھروں، محلوں اور شہروں میں زیادہ سے زیادہ پودے لگائیں۔

انہوں نے مختلف محکموں کی کارکردگی بیان کرتے ہوئے کہا کہ 175 ممالک کیلئے آسان ویزہ پالیسی متعارف کرائی گئی، اسمگلنگ کی روک تھام کیلئے وزارت داخلہ نے مربوط اقدامات کیے۔ وزارت اطلاعات میں سوشل میڈیا کا ونگ قائم کیا گیا ہے، وزارت خارجہ نے بھارت کی تمام سفاکانہ کارروائیاں ناکام بنائیں۔ آخر میں انھوں نے اپوزیشن کا شکریہ ادا کیا جنہوں نے کشمیر کے معاملے پر حکومت کے قومی بیانیے کو سپورٹ کیا۔

سابق وفاقی وزیر خزانہ اسد عمر نے اسلام آباد پنڈی کے رہائشیوں سے اپیل کی ہے کہ وہ ڈی چوک پہنچیں

باغی ٹی وی کی رپورٹ کے مطابق تحریک انصاف کے رہنما ،سابق وفاقی وزیر خزانہ اسد عمر نے عوام سے اپیل کی ہے کہ وہ ڈی چوک آئیں، اسد عمر کا کہنا تھا کہ مودی کا فیصلہ بھارتی قبضہ ختم کرنے کے تابوت میں آخری کیل ثابت ہوگا،دنیا کو پیغام دینا ہے کشمیریوں کی جدوجہد رائیگاں نہیں جانے دینگے ،آج جشن آزادی بھی منائیں گے اور کشمیریوں کیساتھ اظہار یکجہتی کرینگے،بھارت کا کشمیر پرقبضہ اس کے لیے آخری کیل ثابت ہوگا ،

اسد عمر کا مزید کہنا تھا کہ کشمیری قوم سے اظہارِ یکجہتی بھی کرنا ہے،دنیا کو پیغام دینا ہے مودی سرکار کشمیر کی آزادی کو ختم نہیں کرسکتی ،اسلام آباد اور پنڈی کے عوام کو دعوت دوں گا ڈی چوک پر جشن آزادی منائیں،

واضح رہے کہ آج ملک بھر میں یوم آزادی پاکستان یکجہتی کشمیر کے طور پر منایا جا رہا ہے، مودی سرکار نے کشمیر کی خصوصی حیثیت ختم کر دی ہے اس کے بعد پاکستان نے بھارت کے ساتھ سفارتی تعلقات ختم کر لئے اور یوم آزادی پاکستان کو یوم یکجہتی کشمیر کے طور پر منانے کا اعلان کیا

وفاقی وزیر ریلوے شیخ رشید احمد نے کہا ہے کہ کشمیریوں کیلیے مذمتی قراردادوں ،تقریروں ،تصویروں پر نہیں جائینگے،عملی مدد کرینگے

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کہا کہ مقبوضہ کشمیر کے کشمیریوں کو یقین دلانا چاہتاہوں کہ میرا مرنا جینا آپکے ساتھ ہے،بھارت نےکشمیر پر غاصبانہ قبضہ کرکے ڈیڑھ کروڑ مسلمانوں کی زندگی اور موت کو یکجا کر دیا،جس دن کرفیو اٹھا اس دن دنیا دیکھے گی کہ کشمیری کس جوش و ولولے سے باہر نکلتے ہیں ،

شیخ رشید احمد نے مزید کہا کہ لارڈ نذیر احمد کی دعوت پر تین دن کےلیے لندن جارہاہوں ،واپسی پر آزاد کشمیر جاؤں گا کیونکہ یہ میرے اپنے علاقے ہیں،کشمیریوں کیلیے مذمتی قراردادوں،تقریروں،تصویروں پر نہیں جائینگے،عملی مدد کرینگے ،