Author: ممتاز حیدر

قومی اسمبلی کا اجلاس ڈپٹی سپیکر کی زیر صدارت جاری ہے، اجلاس میں پپپلز پارٹی کے اراکین نے سپیکر کے ڈائس کا گھیراو کر لیا ہے ،پپپلز پارٹی کی جانب سے ہنگامہ آرائی کے بعد قومی اسمبلی کا اجلاس ملتوی کر دیا گیا.

باغی ٹی وی کی رپورٹ کے مطابق قومی اسمبلی کے اجلاس میں پیپلز پارٹی کے اراکین نے احتجاج شروع کر دیا ہے، اراکین نے شدید شور شرابہ کیا اور اسپیکر کے ڈائس کا گھیراو کر لیا.اسپیکر کی ڈائس کے سامنے اپوزیشن اراکین نےپلے کارڈز اٹھا رکھے ہیں ،ڈپٹی اسپیکر پیپلزپارٹی کے اراکین اسمبلی کو نشستوں پر بیٹھنے کی بار بار ہدایت کرتے رہے لیکن انہوں نے ایک نہ سنی ،پیپلز پارٹی کے اراکین نے علی محمدکےاظہارخیال کے دوران احتجاج شروع کیا. پیپلز پارٹی کی جانب سے شدید ہنگامہ‌آرائی کے بعد اجلاس ملتوی کر دیا گیا. قومی اسمبلی کے اجلاس کے وقفہ سوالات میں وزیرداخلہ اعجاز شاہ نے کہا کہ ایک لاکھ 21ہزار117کارڈزمشکوک ہونے پربلاک کردیےہیں،جعل سازی سے بنائے گئے9554 قومی شناختی کارڈزمنسوخ کئے گئے ہیں ،غیرملکیوں کوقومی شناختی کارڈ جاری کرنے پرنادرا سے 120 ملازمین برطرف بھی کئے ہیں. انہوں نے مزید بتایا کہ بلوچستان میں بھی 22072 کارڈز مشکوک ہونے پر ضبط کرلیے ہیں ،ضلعی سطح کی کمیٹی کی رپورٹ پربلوچستان کے1450کارڈ منسوخ بھی کردیے.

سپریم کورٹ کے چیف جسٹس نے کہا ہے کہ کیا اور کوئی کام باقی نہیں رہا؟ حکومت پاکستان اتنے قیمتی وقت میں سے وقت نکال کر سپریم کورٹ آگئی.

باغی ٹی وی کی رپورٹ کے مطابق ایک کیس کی سماعت کے دوران چیف جسٹس نے حکومت پر برہمی کا اظہار کیا، سپریم کورٹ میں للکارنے کی بنا پرریاست کی جانب سے سرتاج علی کی ضمانت کےخلاف درخواست پر سماعت ہوئی ،چیف جسٹس کی سربراہی میں 3 رکنی بنچ نے کیس کی سماعت کی ،چیف جسٹس نے ریمارکس دیتے ہوئے کہا کہ سرتاج علی نے کسی کو نقصان نہیں پہنچایا صرف اپنی رگوں کو پھلایا ہے،3 سال صرف للکارنے اوراپنی رگیں پھلانے کی وجہ سے جیل میں رکھا گیا، چیف جسٹس نے مزید کہا کہ ٹرائل میں کوئی شواہد نہیں ملے اور للکارنے والا جیل کاٹ آیا، عدالت کا مزید کہنا تھا کہ حکومت نے سپریم کورٹ کا وقت ضائع کیا ہے،حکومت کوکچھ سوچنا چاہیے، وڈیو لنک پر خرچا آرہا ہے،جرمانہ کر دیتے ہیں، چیف جسٹس نے مزید کہا کہ ریاست خرچا تو دے جو وقت ضائع ہوا ہے،ریاست کو اپنا دماغ استعمال کرنا چاہیے،عدالت نےہائیکورٹ کا فیصلہ برقراررکھتے ہوئےریاست کی جانب سے کی گئی درخواست مسترد کردی ،ہائیکورٹ نے سرتاج علی کو2018 میں ضمانت پر بری کیا تھا

فردوس عاشق اعوان نے کہا کہ سپریم جوڈیشیل کونسل کی ہدایت کے بغیر میڈیا کو کوئی بریف نہیں دے سکتے

باغی ٹی وی کی رپورٹ کے مطابق وزیراعظم کی مشیر برائے اطلاعات فردوس عاشق اعوان نے اسلام آباد میں میڈیا سے گفتگو کرتے ہوئے کہا کہ سپریم جوڈیشیل کونسل نے 14 جون کے لئے اٹارنی جنرل اور متعلقہ سٹیک ہولڈرز کو نوٹس جاری کئے ہیں، اس میں شکایت کنندہ وزارت قانون ہے. ان کیمرہ سماعت ہوتی ہے، جب ترجیحات طے کر کے واضح طور پر ہمیں سپریم جوڈیشل کونسل نہیں بتائے گی ہم کچھ نہیں کہہ سکتے. کونسل کی جانب سے آنے والا بریف صحافیوں کو دیا جائے گا.

جسٹس قاضی فائزعیسیٰ کے خلاف ریفرنس،سماعت کب ہو گی؟ بڑی خبر آ گئی

حکومت نے سپریم کورٹ‌ کے سینئر جسٹس قاضی فائز عیسیٰ کیخلاف سپریم جوڈیشل کونسل میں ریفرنس دائر کر دیا
حکومت نے یہ کام کیا تو وکلاء 2007 سے بھی بڑی تحریک چلائیں گے،وکلا کی دھمکی
جسٹس قاضی فائز عیسیٰ بھی میدان میں‌ آگئے، ریفرنس کی خبروں‌ پر صدرمملکت کوخط لکھ کر اہم مطالبہ کر دیا
سینئر ججوں کے خلاف ریفرنس، ایڈیشنل اٹارنی جنرل زاہد ایف ابراہیم نے استعفیٰ دے دیا