امریکی محکمہ خارجہ کے ترجمان نے کہا ہے کہ ہم افغانستان میں قیام امن کےلیے پر عزم ہیں عمران خان نے وعدہ کیا ہے کہ وہ طالبان پرافغان حکومت کیساتھ مذاکرات پرزور دیں گے،وقت آ گیا ہے ان ملاقاتوں میں کیے گئے وعدوں پر عملدرآمد کیاجائے،

پاک امریکا تعلقات خطے کے استحکام کے لئے انتہائی ضروری ہیں: آرمی چیف

باغی ٹی وی کی رپورٹ کے مطابق امریکی محکمہ خارجہ کی ترجمان مورگن اورٹیگس نے پریس بریفنگ میں کہا کہ پاکستان کے وزیراعظم عمران خان اور امریکی صدر ٹرمپ کے مابین اہم ملاقات ہوئی جس میں دونوں رہنماوں کے مابین مثبت اور کامیاب مذاکرات ہوئے۔ اب پاک امریکا تعلقات میں پیشرفت کا وقت آ گیا ہے، افغان امن عمل میں امریکا کی نیت پر شک نہیں کیا جا سکتا۔

آرمی چیف کا پینٹا گون کا دورہ، بھر پور استقبال،گارڈ آف آنر پیش

مورگن اورٹیگس کا مزید کہنا تھا کہ وزیراعظم عمران خان اور صدر ٹرمپ کے درمیان ملاقات انتہائی اہم تھی، دونوں رہنماوں کے درمیان خطے سے متعلق اہم امور زیر غور آئے جبکہ مجموعی طور پر مذاکرات مثبت اور کامیاب رہے۔

امریکی محکمہ خارجہ کے ترجمان کا مزید کہنا تھا کہ ہماری خواہش ہے کہ افغانستان اپنے مستقبل کا فیصلہ خود کرے، دہشت گردی کے خلاف جنگ میں امریکا نےافغانستان میں اربوں ڈالرخرچ کیے جبکہ نیٹو فورسز نے بھی قربانیاں دیں تاہم خطےمیں امن کے لیے کوئی حتمی ڈیڈ لائن نہیں دے سکتے۔

امریکی صدر ڈونلڈ ٹرمپ نے دورہ پاکستان کی دعوت قبول کر لی، شاہ محمد قریشی

ترجمان دفتر خارجہ نے مزید کہا کہ پاک بھارت تعلقات کی بہتری کیلئےعالمی برادری کےکردارکےحامی ہیں،چاہتےہیں فریقین مسئلہ کشمیرپرامن طریقےسےحل کریں، دونوں ممالک دیگرتنازعات بھی مذاکرات کے ذریعے حل کریں،دونوں ممالک کوخطےمیں امن کیلئےٹھوس اقدامات کرنےچاہئیں،

واضح رہے کہ وزیراعظم عمران خان تین روزہ دورہ امریکا سے گزشتہ روز واپس آئے ہیں، وزیراعظم عمران خان کے دورہ امریکہ کو ہر لحاظ سے تاریخی قرار دیا جا رہا ہے، یہ پہلی مرتبہ ہے کہ کسی پاکستانی وزیر اعظم کے دورہ امریکہ کے دوران ڈومور کی بات نہیں کی گئی اور وزیر اعظم کی جانب سے بھی پاکستان کا مقدمہ صحیح طور پر ان کے سامنے پیش کیا گیا ہے. دورہ امریکہ کے دوران عمران خان کی باڈی لینگویج بھی اچھی رہی، امریکی صدر ٹرمپ نے مسئلہ کشمیر پر ثالثی کی بات بھی کی اور کہا کہ بھارتی وزیر اعظم نریندر مودی نے بھی ان سے ثالثی کیلئے کہا ہے، عمران خان اور ٹرمپ کے مابین ہونے والی ملاقات میں دونوں ملکوں کے درمیان پائے جانے والے کشیدہ تعلقات میں بھی بہت بہتری آئی ہے، امریکی صدر ٹرمپ نے عمران خان سے ملاقات کے دوران افغان امن عمل میں پاکستانی کردار کو سراہا اور آئندہ بھی نبھانے کی خواہش کا اظہار کیا ہے،

پاکستان ریلوے کے کل 136 مسافر ٹرینوں میں سے 72 ٹرینیں خسارے میں چلنے کا انکشاف ہوا ہے جن میں 12 نئی چلائی گئی ٹرینوں اور 60 پرانی ٹرینیں شامل ہیں،

باغی ٹی وی کی رپورٹ کے مطابق چنددن قبل چلنے والی نیازی ایکسپریس (آپ ڈاون)کی دستاویزات ابھی نہیں مل سکیں۔ 250 کلومیٹر سے کم چلنے والی تمام ٹرینیں خسارے میں ہیں،لانگ روٹ کی دوٹرینیں بھی خسارے میں ہیں ۔ خسارے میں چلنے والی ٹرینوں میں ایسی مسافر ٹرینیں بھی شامل ہیں جن میں تل دھرنے کی بھی جگہ نہیں ہوتی ہے۔ریلوے حکام واضح کر چکے ہیں جو ٹرین خسارے میں ہو گی اس کو بند کر دیا جائے گا۔

باغی ٹی وی کو دستیاب سرکاری دستاویزات کے مطابق پاکستان ریلوے کی پاکستان میں کل 136 مسافر بردار ٹرینیں چل رہی ہیں جن میں آدھے سے زیادہ ٹرینیں خسارے میں چل رہی ہیں۔ 72 ٹرینیں خسارے میں ہیں جن میں سے بارہ موجودہ دور حکومت میں چلائی گئی ہیں جبکہ ساٹھ سابقہ ادوار میں چلائی جانے والی ٹرینیں ہیں۔ دستاویزات کے مطابق 64 ٹرینیں منافع میں چل رہی ہیں ۔منافع میںچلنے والی گاڑیوں میں نئی چلائی گئی ٹرینیوں میں 6اور سابقہ ادوار کی 58مسافر ٹرینیں شامل ہیں ۔میانوانی سے لاہور(آپ اینڈڈاؤن) ٹرین جن کا حال ہی میں افتتاح کیا گیا ہے ان کے بارے میں معلوم نہیں ہو سکا کہ وہ خسارے میں ہیں یا منافع میں چل رہی ہیں۔

دستاویزات کا تجزیہ کرنے پر معلوم ہوتا ہے کہ خسارے میں چلنے والی اکثر ٹرینوں کا فاصلہ 250 کلومیٹر سے کم ہے۔ صرف دو ٹرینیں جن کا فاصلہ 800 کلومیٹر سے زیادہ ہے وہ خسارے میں ہیں۔ ان میں کوئٹہ، کراچی کے درمیان چلنے والی ٹرین اور پشاور اور کراچی کے درمیان میں چلنے والی ٹرین شامل ہے۔ ریلوے کو سب سے زیادہ آمدن کراچی کے لئے جانے والی لانگ روٹ مسافر ٹرینوں سے ہو رہی ہے۔ ریلوے حکام سینیٹ و قومی اسمبلی کی قائمہ کمیٹی ریلوے میں واضح کر چکے ہیں کہ جو مسافر ٹرین خسارے میں ہو گی اسے بند کرنے کا اصولی فیصلہ کر لیا گیا ہے۔ دستاویزات کے مطابق اگر اس پر عمل کرنا شروع کر دیا جائے تو ریلوے کی آدھے سے زیادہ مسافر ٹرینیں بند کرنا پڑیں گی۔

محمد اویس

مریم نواز کا ایک اور جھوٹ باغی ٹی وی نے پکڑ لیا،

باغی ٹی وی کی رپورٹ کے مطابق اپوزیشن جماعتیں آج یوم سیاہ منا رہی ہیں ،لاہور، پشاور،کوئٹہ سمیت دیگر شہروں میں اپوزیشن جماعتوں نے احتجاج کا اعلان کر رکھا ہے، مسلم لیگ ن کی رہنما مریم نواز احتجاجی جلسہ سے خطاب کرنے کے لئے کوئٹہ پہنچ گئی ہیں ،میر حاصل بزنجو نے مریم نواز کا کوئٹہ ائیر پورٹ پر استقبال کیا.

مریم نواز نے کوئٹہ پہنچنے پر سماجی رابطے کی ویب سائٹ ٹویٹر پر ٹویٹ کرتے ہوئے ایک ٹویٹ کو ریٹویٹ کیا، اس ٹویٹ میں ایک تصویر لگائی تھی جس میں گاڑیوں کا رش تھا، ٹویٹ میں کہا گیا تھا کہ کوئٹہ چمن روڈ عوام کے لئے بند کر دیا گیا ہے تا کہ لوگ اپوزیشن کے جلسہ میں شرکت نہ کر سکیں اپوزیشن کو حق ہے کہ وہ حکومت کے خلاف احتجاج کرے

Quetta Chaman road closed to stop people from participating in opposition Jalsa. Press is free in Pakistan , opposition has the right to protest against the government as there is total democracy in Pakistan.@MaryamNSharif pic.twitter.com/cyWuYGA7dD

— Ati khan (@atizaztariqkhan) July 25, 2019

مریم نواز نے اس ٹویٹ کو ریٹویٹ کیا تا ہم باغی ٹی وی نے مریم نواز کا جھوٹ پکڑ لیا، مریم نواز نے ٹویٹر پر جو تصویر شیئر کی وہ آج کی نہیں بلکہ ایک برس پرانی 2018 کی ہے. مریم نواز کی جانب سے شیئر کردہ تصویر اگست 2018 کی ہے جب متحدہ مجلس عمل نے اگست 2018 میں الیکشن میں دھاندلی کے خلاف احتجاج کیا تھا. یہ تصویر بلوچستان ایکسپریس نے 9 اگست 2018 کو شائع کی تھی،