وفاقی وزیر ہوا بازی غلام سرور خان نے کہا ہے کہ احتساب اورتبدیلی پرہی لوگوں نےتحریک انصاف کوووٹ دیا ،وزیراعظم کا وفاقی وزراء استقبال کریں گے.

امریکا سے واپسی، اسلام آباد میں ہو گا وزیراعظم کا پرتپاک استقبال

باغی ٹی وی کی رپورٹ کے مطابق وفاقی وزیر ہوا بازی غلام سرور خان نے میڈیا سے غیر رسمی گفتگو کرتے ہوئے کہا کہ امریکاسے واپسی پروزیراعظم عمران خان کا ایئرپورٹ پراستقبال کیا جائے گا،وفاقی وزراء ایئرپورٹ پروزیراعظم کااستقبال کریں گے، ایوب خان کےبعد کسی بھی پاکستانی ہیڈآف اسٹیٹ کو وہ اہمیت نہ ملی جوعمران خان کوملی،امریکی صدرنے پاکستانی قوم اور وزیراعظم کوعظیم قراردیا،وزیراعظم نے واشنگٹن میں تاریخی جلسہ کیا،مودی نے بھی اسی جگہ جلسہ کیا تھا،عمران خان کاجلسہ مودی کےمقابلےمیں بڑا تھا،22 ہزارسےزائد افرادنےواشنگٹن جلسے میں شرکت کی،

پاک امریکا تعلقات خطے کے استحکام کے لئے انتہائی ضروری ہیں: آرمی چیف

وفاقی وزیر ہوا بازی کا مزید کہنا تھا کہ پہلی مرتبہ سابق صدراورسابق وزیراعظم گرفتار ہوئے ،احتساب اورتبدیلی پرہی لوگوں نےتحریک انصاف کوووٹ دیا، کشمیر کےمسئلے کواس طرح ماضی میں کبھی نہیں اٹھایا گیا،انہوں نے مزید کہا کہ دونوں جماعتوں سے بہت لوگ چیئرمین سینیٹ پرعدم اعتماد کےحق میں نہیں،بہت سارےممبران عدم اعتماد تحریک کوسپورٹ نہیں کریں گے،زرداری کا بیان آگیا ہےکہ نہ چیئرمین بنانے میں کردارتھانہ ہٹانےمیں،

آرمی چیف کا پینٹا گون کا دورہ، بھر پور استقبال،گارڈ آف آنر پیش

غلام سرور خان کا مزید کہنا تھا کہ ابھی سول ایوی ایشن وزارت کےپاس باضابطہ جگہ نہیں،نئےسیکرٹریٹ میں جگہ دی گئی ہے،جلد نئی جگہ پرکام شروع کریں گے،5 سال میں جہازوں کی تعدادبڑھا کر31 سے45 کردیں گے،

بلاول نے عمران خان کی غیر مشروط حمایت کا اعلان کر دیا، اہم ترین خبر

واضح رہے کہ وزیراعظم عمران خان تین روزہ دورے پر امریکا گئے تھے جہاں انہوں نے امریکی صدر ڈونلڈ ٹرمپ سے وائیٹ ہاوس مین ملاقات کی، عمران خان نے امریکا میں پاکستانی سفارتخانے میں قیام کیا، وزیراعظم نے امریکا میں سرمایہ داروں، پارٹی رہنماوں و کارکنان سے بھی ملاقات کی، وزیراعظم عمران خان نے پاکستانی کمیونٹی سے بھی خطاب کیا، عمران خان کا امریکا پہنچنے پر بھر پور استقبال کیا گیا تھا، پاکستان کے آرمی چیف جنرل قمر جاوید باجوہ، وزیر خارجہ شاہ محمود قریشی بھی وزیراعظم عمران خان کے ہمراہ تھے، اب وزیراعظم پاکستان واپسی کے لئے امریکہ سے روانہ ہو چکے ہیں، وزیراعظم رات ڈیڑھ بجے اسلام آباد پہنچیں گے جہاں ان کا بھر پور استقبال کیا جائے گا

جعلی اکاؤنٹس کیس میں گرفتار ملزمان نے نیب کو پلی بارگین کے لئے درخواست دے دی

باغی ٹی وی کی رپورٹ کے مطابق جعلی اکاؤنٹس کیس میں گرفتار ملزمان پیسے دینے کے لئے راضی ہو گئے انہوں نے پلی بارگین کے لئے درخواست دے دی، احتساب عدالت نے درخواستوں پر کاروائی کا حکم دے دیا ہے، جعلی اکاؤنٹس کیس میں گرفتار تین ملزمان خورشید انور جمالی ، سید عارف علی اور سید آصف محمود کو نیب نے احتساب عدالت پیش کیا ،ان کا جسمانی ریمانڈ آج ختم ہوا تھا

احتساب عدالت میں دوران سماعت وکیل کا کہنا تھا کہ تینوں ملزمان نیب کو رقم دینے کے لئے تیار ہیں وہ لوٹی ہوئی رقم واپس کرنا چاہتے ہیں ،انہوں نے پلی بارگین کے لئے نیب کو درخواست دے دی ہے. احتساب عدالت کے جج محمد بشیر کے استفسار پر نیب نے بتایا کہ ملزموں کی درخواستوں پرعمل ہو رہا ہے، درخواستیں منظوری کے لئے ہیڈ کوارٹر بھجوائی گئی ہیں.

عدالت نے ملزمان کے ریمانڈ میں 31 جولائی تک توسیع کر دی .

بعد ازاں عدالت نے تینوں ملزمان کے جسمانی ریمانڈ میں 31 جولائی تک توسیع کرتے ہوئے کہا کہ یہ آخری مرتبہ جسمانی ریمانڈ ہے اگلی بار ملزمان کو عدالتی ریمانڈ پر جیل بھیجا جائے گا.

ملزمان پر سندھ نوری آباد پاور کمپنی اور سندھ ٹرانسمشن اینڈ ڈسپیچ کمپنی کے منصوبوں میں میسرز ٹیکنومین کائنیٹک پرائیویٹ لمیٹڈاور دیگر من پسند کمپنیوں کو نوازنے کا الزام ہے۔ چیف ایگزیکٹو آفیسر میسرز ٹیکنومین کائنیٹک پرائیویٹ لمیٹڈ سید آصف محمود نے نوری آباد پاور کمپنی کے ڈائریکٹر اور کنسلٹنٹ خورشید انور جمالی اور نوری آباد پاور کمپنی کے ڈائریکٹرسید عارف علی سے ملی بھگت کر کے خورد برد اور منی لانڈرنگ کی جس سے قومی خزانہ کو 16ملین ڈالر کا نقصان پہنچا

واضح رہے کہ سابق صدر آصف زرداری بھی جعلی اکاؤنٹس کیس میں گرفتار ہیں، عدالت سے ضمانت کی درخواست مسترد ہونے پر انہیں گرفتار کیا گیا تھا، وہ جسمانی ریمانڈ پر نیب کے حوالے ہیں، زرداری کی ہمشیرہ فریال تالپور کوبھی نیب نے گرفتار کر رکھا ہے.

پاکستان کے وزیراعظم عمران خان نے چین کی سابق وزیراعظم کی وفات پر افسوس کا اظہار کیا ہے

باغی ٹی وی کی رپورٹ کے مطابق وزیراعظم عمران خان نے چین کے وزیراعظم لی پنگ کی وفات پر افسوس کا اظہار کرتے ہوئے کہ لی پنگ پاکستان کے حقیقی دوست تھے، پاکستان کے دفتر خارجہ کے ترجمان نے اس حوالہ سے بیان جاری کیا ہے جس کے مطابق وزیراعظم عمران خان نے کہا ہے کہ لی پنگ کو پاکستان اور چین کے درمیان دوستی اور تعلقات کے فروغ کے لئے بے مثال خدمات پر یاد رکھا جائے گا۔ وہ پاکستان کے حقیقی دوست تھے ۔ وزیراعظم نے کہا کہ آنجہانی لی پنگ نے چین کی ترقی اورخوشحالی اور خطے میں امن کے لئے عظیم کردار ادا کیا۔

واضح رہے کہ چین کے سابق وزیر اعظم لی پنگ ایک روز قبل بیجنگ میں انتقال کر گئے تھے، ان کی عمر 94 برس تھی .۔لی پنگ نیشنل پیپلز کانگریس کی سٹینڈ نگ کمیٹی کے چیئر مین بھی رہے ۔ چین کے سابق وزیراعظم طویل عرصے سے بیمار تھے۔ لی پینگ انیس سو ستاسی سے انیس اٹھانوے تک چین کے وزیراعظم رہے۔لی پینگ کو انیس سو ستاسی میں بیجنگ کے تیان من اسکوائر پر جمہوریت نواز مظاہرین کے خلاف خونریز کارروائی کی وجہ سے بھی یاد کیا جاتا ہے .

چیئرمین قائمہ کمیٹی برائے داخلہ رحمان ملک نے ڈیرہ اسماعیل خان میں دہشت گردی واقعات کا نوٹس لیتے ہوئے رپورٹ طلب کر لی

باغٰی ٹی وی کی رپورٹ کے مطابق چیئرمین قائمہ کمیٹی برائے داخلہ رحمان ملک نے کے پی حکومت سے ڈی آئی خان میں گزشتہ 6ماہ میں دہشت گردی واقعات کی تفصیلات طلب کی ہیں، رحمان ملک نے کہا ہے کہ ہوم سیکریٹری اور آئی جی پولیس دہشت گردی واقعات پر کمیٹی کو رپورٹ اور بریفنگ دیں .

رحمان ملک نے یہ بھی کہا کہ گزشتہ 6ماہ میں دہشت گردی کا نشانہ بننے والوں کی تفصیلات کمیٹی کو فراہم کی جائیں ،فائرنگ اور دھماکےمیں پولیس اہلکاروں و شہریوں کی شہادتوں پر نہایت افسوس ہے،رواں سال ڈی آئی خان میں دہشت گردی اور ٹارگٹ کلنگ کے کئی واقعات رونما ہوئے .

رحمان ملک نے مزید کہا کہ دہشت گردی واقعات میں اضافے کی وجوہات سیکورٹی میں کوتاہی ہو سکتی ہے، ڈیرہ اسماعیل خان دہشت گردوں کےلیےآسان ٹارگٹ بن چکا ہے،حکومت ڈی آئی خان میں دہشت گردتنظیموں کی معلومات فراہم کرے،

واضح رہے کہ ڈیرہ اسماعیل خان میں دو روز قبل خود کش دھماکا ہوا ہے جس میں کئی قیمتیں جانیں ضائع ہوئیں، خود کش حملہ ڈی آئی خان کی مقامی ہسپتال میں ہوا تھا،مبینہ طور پر ایک خاتون خود کش بمبار نے خود کو دھماکے سے اڑا دیا۔دھماکے کے باعث تین افراد شہید جبکہ بچوں سمیت سات افراد زخمی ہو گئے