Author: ممتاز حیدر

جعلی اکاؤنٹس سے متعلق میگا منی لانڈرنگ کیس کی احتساب عدالت میں سماعت ہوئی، احتساب عدالت نے فریال تالپور کے جسمانی ریمانڈ میں 6 اگست تک توسیع کر دی

باغی ٹی وی کی رپورٹ کے مطابق احتساب عدالت میں منی لانڈرنگ کیس کی سماعت ہوئی ، عدالت نے فاروق ایچ نائیک کی آصف زرداری اور فریال تالپور سے ملاقات کی درخواست منظور کر لی، نیب ریفرنس میں دیگر ملزمان عدالت میں پیش، ملزمان کی حاضری لگا دی گئی
فریال تالپورکو احتساب عدالت میں پیش کیا گیا

احتساب عدالت کے جج محمد بشیر نے استفسار کیا کہ ملزم ناصرعبداللہ اور اعظم وزیر کا کوئی وکیل ہے؟ جس پر نیب پراسیکیوٹرنے کہا کہ دونوں ملزمان ملک سے باہر ہیں، ملزم کے وکیل نے عدالت سے شکوہ کیا کہ حسین لوائی کو ہتھکڑی لگا کرلایا جاتا ہے، حسین لوائی 80 سال کے بزرگ ہیں، کہاں بھاگ جائیں گے؟ انور مجید کے وکیل نے کہا کہ ہمیں ابھی تک ریفرنس کی نقول فراہم نہیں کی گئیں، جس پر احتساب عدالت نے کہا کہ حاضریاں مکمل ہونے پر 2 دن میں ریفرنس کی نقول فراہم کردی جائیں گی،

نیب نے عدالت سے فریال تالپور کے جسمانی ریمانڈ کی استدعا کی جس پر عدالت نے ریمانڈ میں توسیع کر دی.

واضح رہے کہ اسلام آباد ہائیکورٹ سے ضمانت کی درخواست مسترد ہونے پر نیب نے فریال تالپور کو گرفتار کیا تھا اور ان کی رہائشگاہ کو سب جیل قرار دیا تھا.

سپریم کورٹ نے سرکاری ملازم احتشام الحق کی نوکری بحالی سے متعلق نظرثانی درخواست مسترد کر دی

باغی ٹی وی کی رپورٹ کے مطابق سپریم کورٹ میں کیس کی سماعت چیف جسٹس آصف سعید کھوسہ کی سربراہی میں 3 رکنی بنچ نے کی، چیف جسٹس نے سماعت کے دوران ریمارکس دیتے ہوئے کہا کہ اس کیس میں بنیادی حقوق کا معاملہ نہیں، آپ تواپنا وکیل بھی بدل چکے ہیں، سپریم کورٹ پہلے ہی اپیل مسترد کر چکی ہے،قانون ہے کہ جو وکیل کیس میں پیش ہووہی نظرثانی اپیل میں بھی پیش ہو،

درخواست گزار کے وکیل نے کہا کہ ہڑتال کی وجہ سے میرا موکل سیشن جج کے پاس دستاویزات جمع نہیں کروا سکا، جس پر چیف جسٹس نے ریمارکس دیئے کہ ہڑتال تو وکیلوں کی ہوگی ججز کی نہیں، قانون اپنا راستہ خود بناتا ہے،

واضح رہے کہ سروس ٹریبونل نے احتشام الحق کو کرپشن کے الزام میں نوکری سے فارغ کردیا تھا ،احتشام الحق نے سروس ٹریبونل کے فیصلے کے خلاف درخواست دائر کی تھی ،سپریم کورٹ پہلے بھی اس کیس میں اپیل مسترد کر چکی تھی آج پھر سپریم کورٹ نے اپیل کو مسترد کر دیا

قومی اسمبلی میں قائد حزب اختلاف شہباز شریف نے اپوزیشن جماعتوں کے تمام اراکین سینیٹ کا اجلاس آج طلب کر لیا

باغی ٹی وی کی رپورٹ کے مطابق چیئرمین سینیٹ کی تبدیلی کے حوالہ سے اپوزیشن جماعتوں نے سینیٹ میں تحریک جمع کروا رکھی ہے ، آج شہباز شریف نے تمام اراکین سینیٹ کو بلا لیا،قومی اسمبلی میں قائد حزب اختلاف شہبازشریف کی زیرصدارت اپوزیشن سینیٹرزکا اہم اجلاس آج دن ساڑھے12 بجے ہوگا.

مسلم لیگ ن کی ترجمان مریم اورنگزیب کا کہنا ہے کہ پارلیمنٹ ہاؤس میں منعقدہ اجلاس میں حزب اختلاف کے قائدین بھی شریک ہونگے ،اجلاس میں چیئرمین سینیٹ کیخلاف تحریک عدم اعتماد پر اہم مشاورت ہوگی.

مسلم لیگ ن نے پارلیمانی پارٹی کا اجلاس بھی آج طلب کر رکھا ہے، دوسری جانب اپوزیشن جماعتوں کی رہبر کمیٹی کا اجلاس بھی آج ہو گا

پیپلز پارٹی کے چیئرمین بلاول زرداری نے پی پی کے سینیٹرز پر اس بات کی پابندی لگا دی ہے کہ کوئی بھی بیرون ملک نہیں جائے گا، بلاول زرداری نے پی پی کے سینیٹرز کو ہدایت کی ہے کہ تحریک عدم اعتماد کا فیصلہ ہونے تک پاکستان سے باہر نہ جایا جائے اور تمام سینیٹرز اسلام آباد سے باہر بھی آگاہ کرکے جائیں.

واضح رہے کہ اپوزیشن جماعتیں چیئرمین سینیٹ کے خلاف تحریک سینیٹ سیکرٹریٹ میں جمع کروا چکی ہیں، اپوزیشن نے چیئرمین سینیٹ کے لئے حاصل بزنجو کو امیدوار نامزد کیا ہے، اب تحریک انصاف نے ڈپٹی چئرمین سینیٹ کو ہٹانے کے لئے تحریک جمع کروا لی ہے . اس سلسلہ میں حکومت کی اتحادی جماعتوں سے مشاورت کا سلسلہ جاری ہے .

دوسری جانب وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ‌ منظوری کے حوالہ سے اپوزیشن جماعتوں‌ کو کامیاب نہیں‌ ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں‌ ہونے دی جائے گی.

اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا۔ سینیٹ کا اجلاس 14 روز کے اندر بلایا جائے گا۔

وزیراعظم عمران خان کے امریکا میں پاکستانی کمیونٹی سے خطاب کے بعد مسلم لیگ ن کی ترجمان میدان میں آ گئیں

باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے وزیراعظم عمران خان کے خطاب پر ردعمل میں کہا کہ عمران صاحب !یہ بھی بتاتےآج ملک میں کاروبار،صنعت،روزگاراور آواز سب بند ہے، یہ بھی بتاتے10 ماہ میں ترقی 2.9 اور منہگائی 13 فیصد ہو گئی ہے،

مریم اورنگزیب کا مزید کہنا تھا کہ مریکا میں پاکستانیوں کو یہ بھی بتاتے کہ ملک کو آئی ایم ایف کے سپرد کر دیا، یہ بھی بتاتے کہ 10 سال میں پہلی بار بیرونی سرمایہ کاری آدھی ہو گئی.

واضح رہے کہ وزیراعظم عمران خان امریکا کے دورے پر ہیں انہوں نے گزشتہ شب امریکا میں پاکستانی کمیونٹی کے ایک بڑی اجتماع سے خطاب کیا، وزیراعظم عمران خان نے کیپٹیل ون ایرینا میں پاکستانی کمیونٹی سے خطاب کے دوران جیلوں میں قید سیاسی رہنماوں‌ کو شدید تنقید کا نشانہ بنایا، وزیراعظم کا کہنا تھا کہ نواز شریف اور آصف علی زرداری کے جیل خانوں سے ٹیلی ویژن اور ایئر کنڈیشنر کی سہولتیں واپس لینے کا فیصلہ کر لیا ہے۔ نواز شریف کہتا ہے کہ جیل کا کھان اچھا نہیں ہے مجھے گھر سے کھانا لاکر کھلایا جائے، پھر انہوں نے ٹی وی اور ایئر کنڈیشن کی سہولت مانگ لی۔ وزیر اعظم عمران خان نے کہا کہ 80 فیصد پاکستانیوں کو ایئر کنڈیشن کی سہولت میسر نہیں جبکہ کم از کم 60 فیصد کے پاس ٹی وی بھی نہیں ہے۔

چیئرمین سینیٹ صادق سنجرانی کے خلاف عدم اعتماد کی تحریک ،اپوزیشن آج پھر سر جوڑ کر بیٹھے گی، شہباز شریف بھی آج اسلام آباد پہنچیں گے

باغی ٹی وی کی رپورٹ کے مطابق چیئرمین سینیٹ کو ہٹانے کے لئے اپوزیشن نے سینیٹ میں تحریک جمع کروا رکھی ہے، اس حوالہ سے اپوزیشن کی رہبر کمیٹی کا اجلاس آج ہو گا، اجلاس کی صدارت مولانا فضل الرحمان کی پارٹی کے رکن اکرم درانی کریں گے. اجلاس میں کل ہونے والے سینیٹ اجلاس کا لائحہ عمل طے کیا جائے گا۔اجلاس شام 5 بجے اسلام آباد کے مقامی ہوٹل میں ہوگا، اپوزیشن جماعتوں کی رہبر کمیٹی کے اجلاس میں 25 جولائی کو اپوزیشن کے احتجاج کو حتمی شکل دی جائے گی ،25 جولائی کو یوم احجاج منانے کا فیصلہ اپوزیشن جماعتوں کی اے پی سی میں کیا گیا تھا.

دوسری جانب قومی اسمبلی میں قائد حزب اختلاف شہباز شریف بھی آج اسلام آباد پہنچیں گے، مسلم لیگ ن نے بھی پارلیمانی اجلاس آج طلب کر رکھا ہے جس میں اراکین سینیٹ و قومی اسمبلی شرکت کریں گے، اجلاس میں حکومت کے خلاف احتجاج کے حوالہ سے غوروخوض کیا جائے گا جبکہ نیب کے جانب سے ن لیگی رہنماوں‌ کے خلاف کاروائیوں پر بھی بات چیت ہو گی،

قومی اسمبلی میں قائد حزب اختلاف شہباز شریف اپوزیشن جماعتوں کے اجلاس میں بھی شرکت کریں گے، شہباز شریف نے کل منگل کو اراکین پارلیمنٹ کے اعزاز میں ظہرانہ دینے کا بھی انتظام کر رکھا ہے.

واضح رہے کہ اپوزیشن نے چیئرمین سینیٹ کے خلاف تحریک جمع کروا رکھی ہے جس پر سینیٹ کا اجلاس یکم اگست کو ہو گا تا اہم اجلاس میں ووٹنگ نہیں بلکہ صرف بحث ہو گی،

میگا منی لانڈرنگ ریفرنس کی سماعت آج احتساب عدالت میں ہو گی، سابق صدر آصف زرداری کو عدالت پیش کیا جائے گا

باغی ٹی وی کی رپورٹ کے مطابق جعلی اکاؤنٹ کیس کی سماعت آج احتساب عدالت میں ہو گی، سابق صدرآصف علی زرداری اور فریال تالپور کو عدالت میں پیش کیا جائے گا، جج ارشد ملک کو ہٹائے جانے کے بعد سماعت جج محمد بشیر کریں گے، نیب تفتیش میں پیشرفت رپورٹ عدالت میں پیش کرے گا.

گزشتہ سماعت پر عدالت نے جعلی اکاؤنٹس کیس میں آج تمام ملزمان کو حاضری یقینی بنانے کاحکم دیا تھا، نیب آصف زرداری کی ہمشیرہ فریال تالپور کے مزید جسمانی ریمانڈ کی بھی استدعا کرے گا.

واضح رہے کہ جعلی اکاؤنٹ کیس میں ضمانت کی درخواست مسترد ہونے پر نیب نے آصف زرداری کو بلاول ہاؤس سے گرفتار کیا تھا، آصف زرداری جسمانی ریمانڈ پر ہیں، بعد ازاں آصف زرداری کی ہمشیرہ فریال تالپور کو بھی نیب نے گرفتار کرلیا تھا اور ان کے گھر کو سب جیل قرار دیا تھا.

عدالت کی جانب سے جسمانی ریمانڈ کے بعد فریال تالپور پروڈکشن آرڈر کی وجہ سے اسمبلی اجلاس میں چلی گئیں جس کی وجہ سے نیب تفتیش نہ ہو سکی، اس لئے نیب آج پھر عدالت سے فریال تالپور کے جسمانی ریمانڈ کی استدعا کرے گا

آصف زرداری کی عدالت پیشی کے موقع پر سیکورٹی کے سخت انتظامات کیے گئے ہیں، غیر متعلقہ افراد کو احاطہ عدالت میں داخلے کی اجازت نہیں ہو گی، پولیس کی بھاری نفری تعینات کی گئی ہے

وزیراعظم کی مشیر برائے اطلاعات ڈاکٹر فردوس عاشق اعوان نے کہا کہ امریکہ میں مقیم قابل فخر پاکستانیوں نے کپتان کا شاندار استقبال کرکے تاریخ رقم کردی۔ان کا شکریہ ادا کرتے ہیں۔

باغی ٹی وی کی رپورٹ کے مطابق فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ عوامی وزیراعظم نے عوامی انداز سے امریکہ میں مقیم پاکستانیوں کے سامنے نئے پاکستان کا وژن رکھا۔ریاست مدینہ کی طرز پر ایسی ریاست کے قیام کا تصور پیش کیا جہاں حکمران عوام کو جواب دہ ہوں،کرپشن کی لعنت سے چھٹکارا اور ریاست امیروں سے لے کر غریبوں اور محروموں پر خرچ کرے۔

عوامی وزیراعظم نے عوامی انداز سے امریکہ میں مقیم پاکستانیوں کے سامنے نئے پاکستان کا وژن رکھا۔ریاست مدینہ کی طرز پر ایسی ریاست کے قیام کا تصور پیش کیا جہاں حکمران عوام کو جواب دہ ہوں،کرپشن کی لعنت سے چھٹکارا اور ریاست امیروں سے لے کر غریبوں اور محروموں پر خرچ کرے۔

— Dr. Firdous Ashiq Awan (@Dr_FirdousAwan) July 22, 2019

فردوس عاشق اعوان نے ایک اور ٹویٹ میں کہا کہ عمران خان دنیا میں پاکستان کی پہچان ہیں۔انہوں نے اپنی جدوجہد اور اور مضبوط عزم سے ہمیشہ اپنے مخالفین اور ناقدین کو غلط ثابت کیا ۔امریکہ کی تاریخ میں سب سے بڑے اوورسیز اجتماع سے خطاب ان کی مقبولیت کا منہ بولتا ثبوت ہے۔

واضح رہے کہ وزیراعظم عمران خان نے گزشتہ شب امریکہ میں پاکستانی کمیونٹی کے ایک بڑے اجتماع سے خطاب کیا،وزیراعظم عمران خان امریکی صدر ڈونلڈ ٹرمپ کی دعوت پر واشنگٹن میں ہیں، نے امریکہ کی مختلف ریاستوں سے سفر کر کے آئے بچوں، بڑوں اور خواتین کا خیر مقدم کیا۔ پاکستانی کمیونٹی کے یہ لوگ اپنے قائد عمران خان کی ایک جھلک دیکھنے کیلئے دور دراز سے سفر کر کے کیپیٹل ون ایرینا پہنچے تھے۔ وزیراعظم عمران خان نے سفید شلوار قمیض اور واسکٹ زیب تن کر رکھی تھی ۔ شرکاءنے وزیراعظم کے پہنچنے پر کھڑے ہو کر ان کااستقبال کیا اور وزیراعظم نے ہاتھ ہلا کر ان کے نعروں کا جواب دیا. وزیراعظم پاکستان عمران خان امریکہ میں مقیم پاکستانیوں سے خطاب کیلئے پاکستانی وقت کے مطابق رات دوبجے ایرینا سٹیڈیم پہنچے۔ سٹیڈیم پہنچنے پر وزیراعظم عمران خان کا انتہائی شاندار استقبال کیا گیا۔ وزیراعظم نے ہاتھ ہلاکر شرکاءکے نعروں کا جواب دیا۔ وزیر خارجہ شاہ محمود قریشی بھی وزیراعظم عمران خان کے ہمراہ تھے۔ پروگرام کا باقاعدہ آغاز تلاوت کلام پاک سے کیا گیا جس کے پاکستان اور امریکہ کے قومی ترانے بھی بجائے گئے.

وزیراعظم عمران خان کی 23 جولائی کو امریکی وزیر خارجہ مائیک پومپیو سے ملاقات ہو گی۔ وہ امریکی تھنک ٹینک انسٹی ٹیوٹ آف پیس اور کیپیٹل ہل میں پاکستانی کاکس سے خطاب بھی کریں گے، پھر امریکی صحافیوں سے بات چیف ہو گی۔ وزیراعظم عمران خان امریکی ایوان نمائندگان کی سپیکر نینسی پلوسی سے ملاقات کا شیڈول بھی طے ہے جس کے ساتھ ان کا دورہ امریکا مکمل ہو جائے گا۔

قبل ازیں امریکا پہنچنے پر ایئر پورٹ پر وزیر اعظم عمران خان کا پرتپاک استقبال کیا گیا، پھولوں کی پتیاں نچھاور کی گئیں، امریکہ میں مقیم پاکستانیوں کی بڑی تعداد ان کی ایک جھلک دیکھنے کیلئے موجود تھی۔ وزیراعظم عمران خا ن کی واشنگٹن ڈی سی آمد پر پاکستانی کمیونٹی خوشی سےنہال ہوگئی۔ واشنگٹن میں پاکستان ہاؤس پہنچنے پر پاکستانی کمیو نٹی نے ان کا پرتپاک استقبال کیا۔وزیراعظم عمران کی ایک جھلک دیکھنے کیلئے لوگ بےتاب نظر آئے۔ ایئر پورٹ سے وزیر اعظم پاکستان ہاؤس پہنچے اس موقع پر تحریک انصاف کے کارکنان اپنے قائد کو ویلکم کہنے کیلئے پاکستان ہاؤس کے باہر موجود تھی۔ خواتین اور بچوں کا جوش بھی قابل دید تھا، کارکنان کی بڑی تعداد نے ڈھول کی تھاپ اور پارٹی ترانوں پر رقص کرکے خوشی کا اظہار کیا۔ پاکستان ہاؤس کےاطراف قومی اورپی ٹی آئی پرچموں کی بہار ہے۔عمران خان کی آمد کے ساتھ ہی فضا پاکستان زندہ باد کے فلک شگاف نعروں سے گونج اٹھی۔ اس موقع پر سیکیو رٹی کے انتہائی سخت انتظامات دیکھنے میں آئے، وزیراعظم عمران خان قطر ائیر ویز کے ذریعے امریکا پہنچے، وزیراعظم عمران خان کے دورہ امریکا پر 50 ہزار ڈالر خرچ آئے گا جبکہ اس سے قبل پاکستان کے وزراء اعظم کے دورہ امریکا پر چار لاکھ ساٹھ ہزار ڈالر خرچ آتا تھا

وزیراعظم عمران خان سے امریکا میں آئی ایم ایف کے منیجنگ ڈائریکٹر اور ورلڈ بینک کے صدر نے ملاقات کی ہے ، آئی ایم ایف کے منیجنگ ڈائریکٹر نے پاکستان میں اصلاحاتی عملداری کے عمل کیلئے تعاون جاری رکھنے کا یقین دلایا، آئی ایم ایف اور ورلڈ بینک حکام نے وزیراعظم عمران خان کے ویژن کی تعریف کی اور کہا کہ ان کے اقتصادی ترقی کے وژن پر عمل درآمد میں فوری تعاون کیلئے تیار ہے

باغی ٹی وی کی رپورٹ کے مطابق وزیراعظمم عمران خان امریکا کے دورے پر ہیں،وزیراعظم عمران خان سے پاکستانی سفارتخانے میں بین الاقوامی مالیاتی فنڈ (آئی ایم ایف) کے قائم مقام منیجنگ ڈائریکٹر ڈیوڈ لیپٹن نے ملاقات کی۔ مشرق وسطیٰ اور وسط ایشیا کے ڈائریکٹر جیہاد آزور اور فنڈ کے ایگزیکٹو ڈائریکٹر جعفر مجرد اور منیجنگ ڈائریکٹر کے چیف آف سٹاف الفرید کمیر بھی ان کے ہمراہ تھے۔ وزیر خارجہ شاہ محمود قریشی ، مشیر خزانہ ڈاکٹر عبدالحفیظ شیخ ، مشیر تجارت عبدالرزاق داﺅد ، سیکرٹری خارجہ سہیل محمود اور واشنگٹن میں پاکستانی سفیر اسد مجید نے وزیراعظم کی معاونت کی۔ ملاقات کے دوران وزیراعظم نے حالیہ توسیعی فنڈ کی سہولت (ای ایف ایف) کی منظوری پر آئی ایم ایف کے بورڈ آف ڈائریکٹرز کا شکریہ ادا کیا۔

ملاقات میں وزیراعظم نے نشاندہی کی کہ آئی ایم ایف پروگرام کے تحت اصلاحات پر عملدرآمد اقتصادی استحکام اور اقتصادی نمو کی بحالی میں معاون ثابت ہو گا۔ وزیراعظم نے پائیدار اور طویل المدت گروتھ کیلئے میکرواکانومک اور ڈھانچہ جاتی چیلنجز کو حل کرنے کیلئے درکار تمام ضروری اقدامات اٹھانے کیلئے اپنی حکومت کے عزم کا اظہار کیا۔ وزیراعظم نے اس بات پر زور دیا کہ ان کی حکومت نے معاشر ے کے پسے ہوئے طبقات پر اصلاحاتی عمل کے ابتدائی منفی اثرات کو کم سے کم کرنے کا پختہ عزم کر رکھا ہے جس کیلئے حکومت نے سماجی شعبوں اور سماجی تحفظ کے اقدامات سمیت احساس پروگرام کیلئے مختص فنڈز میں اضافہ کیا ہے۔

ڈیوڈ لیپٹن نے معیشت کو مستحکم بنانے کیلئے حکومت کی طرف سے اٹھائے گئے مختلف اقدامات کا اعتراف کیا۔ انہوں نے اتفاق شدہ مالیاتی ، مالی ، ایکسچینج ریٹ اور ڈھانچہ جاتی اصلاحات پر عملدرآمد کے تسلسل کی اہمیت پر زور دیا تاکہ آئی ایم ایف کے پروگرام سے بھرپور استفادہ کیا جا سکے۔ منیجنگ ڈائریکٹر نے وزیراعظم عمران خان کو پاکستان میں اصلاحاتی عملداری کے عمل کیلئے تعاون جاری رکھنے کا یقین دلایا

وزیراعظم عمران خان سے ورلڈ بینک کے صدر ڈیوڈ ملپاس نے پاکستانی سفارتخانے میں ملاقات کی۔ وزیراعظم نے ورلڈ بینک کے صدر کی اہم ذمہ داری سنبھالنے پر ڈیوڈ ملپاس کو مبارکباد دی۔ وزیراعظم نے کئی برسوں سے پاکستان کی معیشت کے مختلف شعبوں میں ورلڈ بینک کے بھرپور تعاون کو سراہا۔ انہوں نے اس عزم کا اظہار کیا کہ ان کی حکومت کا محور عوام ہیں اور ترقیاتی ایجنڈے میں صحت، تعلیم اور پاکستان کے نوجوانوں پر سرمایہ کاری میں اضافے پر توجہ مرکوز کی جائے گی۔ کاروبار کو آسان بنانے کے عمل میں بہتری سمیت حکومت کی اصلاحاتی ترجیحات پر روشنی ڈالتے ہوئے وزیراعظم نے ورلڈ بینک کے تعاون پر اطمینان کا اظہار کیا۔ انہوں نے توقع ظاہر کی کہ ورلڈ بینک زیر تعمیر منصوبوں پر بھی پیش قدمی کرے گا اور یقین دلایا کہ ان کی حکومت اس سلسلے میں ورلڈ بینک سے بھرپور تعاون کرے گا۔

ڈیوڈ ملپاس نے وزیر اعظم کے ترقیاتی ایجنڈے کی تعریف کی اور کہا کہ ورلڈ بینک کے منصوبوں کے بڑے حجم کے ساتھ پاکستان خطے میں اہم ملک ہے۔ انہوں نے توقع ظاہر کی کہ پاکستان کے آئی ایم ایف کے نئے پروگرام میں داخل ہونے سے میکرو اکانومک استحکام اور پاکستان میں غیر ملکی سرمایہ کاروں کا اعتماد بحال کرنے کو یقینی بنانے میں مدد ملے گی۔ انہوں نے نوجوانوں کی پیشہ وارانہ مہارتوں میں اضافے اور انہیں مارکیٹ کی مانگ کے مطابق روزگار کیلئے تیار کرنے سمیت حکومت کے سماجی تحفظ کے پروگراموں کی بھی تعریف کی۔ ڈیوڈ ملپاس نے وزیراعظم عمران خان کو یقین دلایا کہ ورلڈ بینک ان کے اقتصادی ترقی کے وژن پر عمل درآمد میں فوری تعاون کیلئے تیار ہے.

واضح رہے کہ وزیراعظم عمران خان امریکی صدر ڈونلڈ ٹرمپ کی دعوت پر امریکہ کے تین روزہ سرکاری دورے پر یہاں واشنگٹن میں ہیں۔پاکستان کی عسکری قیادت بھی وزیراعظم کے ہمراہ ہے. وزیراعظم عمران خان نے گزشتہ رات پاکستانی کمیونٹی کے بڑے اجتماع سے خطاب کیا ، وزیراعظم نے کل امریکا میں مصروف ترین دن گزارا، سرمایہ کاروں سے ملاقاتیں کیں اور انہیں پاکستان میں سرمایہ کاری کی دعوت دی.

وزیراعظم عمران خان کی 23 جولائی کو امریکی وزیر خارجہ مائیک پومپیو سے ملاقات ہو گی۔ وہ امریکی تھنک ٹینک انسٹی ٹیوٹ آف پیس اور کیپیٹل ہل میں پاکستانی کاکس سے خطاب بھی کریں گے، پھر امریکی صحافیوں سے بات چیف ہو گی۔ وزیراعظم عمران خان امریکی ایوان نمائندگان کی سپیکر نینسی پلوسی سے ملاقات کا شیڈول بھی طے ہے جس کے ساتھ ان کا دورہ امریکا مکمل ہو جائے گا۔

قبل ازیں امریکا پہنچنے پر ایئر پورٹ پر وزیر اعظم عمران خان کا پرتپاک استقبال کیا گیا، پھولوں کی پتیاں نچھاور کی گئیں، امریکہ میں مقیم پاکستانیوں کی بڑی تعداد ان کی ایک جھلک دیکھنے کیلئے موجود تھی۔ وزیراعظم عمران خا ن کی واشنگٹن ڈی سی آمد پر پاکستانی کمیونٹی خوشی سےنہال ہوگئی۔ واشنگٹن میں پاکستان ہاؤس پہنچنے پر پاکستانی کمیو نٹی نے ان کا پرتپاک استقبال کیا۔وزیراعظم عمران کی ایک جھلک دیکھنے کیلئے لوگ بےتاب نظر آئے۔ ایئر پورٹ سے وزیر اعظم پاکستان ہاؤس پہنچے اس موقع پر تحریک انصاف کے کارکنان اپنے قائد کو ویلکم کہنے کیلئے پاکستان ہاؤس کے باہر موجود تھی۔ خواتین اور بچوں کا جوش بھی قابل دید تھا، کارکنان کی بڑی تعداد نے ڈھول کی تھاپ اور پارٹی ترانوں پر رقص کرکے خوشی کا اظہار کیا۔ پاکستان ہاؤس کےاطراف قومی اورپی ٹی آئی پرچموں کی بہار ہے۔عمران خان کی آمد کے ساتھ ہی فضا پاکستان زندہ باد کے فلک شگاف نعروں سے گونج اٹھی۔ اس موقع پر سیکیو رٹی کے انتہائی سخت انتظامات دیکھنے میں آئے، وزیراعظم عمران خان قطر ائیر ویز کے ذریعے امریکا پہنچے، وزیراعظم عمران خان کے دورہ امریکا پر 50 ہزار ڈالر خرچ آئے گا جبکہ اس سے قبل پاکستان کے وزراء اعظم کے دورہ امریکا پر چار لاکھ ساٹھ ہزار ڈالر خرچ آتا تھا