اسلام آباد ہائی کورٹ میں آصف زرداری کی درخواست ضمانت پر فیصلہ محفوظ کر لیا گیا ہے. عدالت نے دلائل مکمل ہونے کے بعد فیصلہ محفوظ کیا، کمرہ عدالت میں آصف رداری کی تصاویر بنانے پر ایک شخص کا موبائل فون ضبط کر لیا گیا.

آصف زرداری آج پھر گرفتار نہیں ہوں گے، بڑی خبر آ گئی

زرداری کی درخواست ضمانت ناقابل سماعت،خارج کی جائے، نیب کی عدالت سے استدعا

باغی ٹی وی کی رپورٹ کے مطابق آصف زرداری کے وکیل فاروق ایچ نائیک نے عدالت میں کہا کہ نیب پراسیکیوٹر نے فرنٹ کمپنیوں کا ذکر کیا،اس کیس میں کوئی فرنٹ کمپنی نہیں ہے ،یہ کیس تو احتساب عدالت میں زیرسماعت ہے ،اس کیس میں سارا الزام کچھ بینک ملازمین پر ہے. نیب پراسیکیوٹر نے عدالت میں کہا کہ صرف ان لوگوں کو ملزم بنایا جن کے خلاف ٹھوس شواہد ہیں،آصف زرداری کے دیگر اہلخانہ بھی زرداری گروپ کے شیئر ہولڈر ہیں .فاروق ایچ نائیک نے کہا کہ اومنی گروپ کے اس اکاؤنٹ سے آصف زرداری کا کوئی تعلق نہیں،اے ون انٹرنیشنل اکاؤنٹ اومنی گروپ کاہےجس کی تصدیق ہوچکی .آصف زرداری کو ایف آئی آر میں ملزم قرار دیا گیا نہ ہی انکا کردار بتایا گیا ،چالان میں یہ الزام ہے کہ زرداری گروپ کو 3کروڑ روپے منتقل ہوئے، یہ رقم بینک سے بینک کو منتقل ہوئی اور اس میں کوئی بات چھپائی نہیں گئی، میرا اس اکاؤنٹ سے کوئی تعلق ہے نہ ہی اکاوَنٹ کھولنے میں کوئی کردار، فاروق ایچ نائیک نے مزید کہا کہ اویس مظفرآصف زرداری کے منہ بولے بھائی ہیں،زرداری گروپ پرمشتبہ ٹرانزیکشنزکا بینفشل ہونے کا الزام عائد کیا گیا زرداری گروپ پر اعانت جرم کا الزام عائد کیا گیا،اگر زرداری گروپ بینفشل ہوں تو ملزم کیسے ہوگئے؟ ساڑھے 4 ارب روپے میں سے ڈیڑھ کروڑزرداری گروپ کےاکاؤنٹ میں آئے،اربوں روپے کا الزام لگا کرڈیڑھ کروڑپرآگئے،3 کروڑروپے اے ون اورعمیر ایسوسی ایٹس کے اکاؤنٹ سے زرداری گروپ ٹرانسفرہوئے زرداری گروپ نے رقم اویس مظفرکے اکاؤنٹ میں منتقل کی ،بینک رکارڈ پر آنے والی رقوم منتقلی خفیہ کیسے ہوگئی؟ بھائی کو بینکنگ چینل سے بھیجی گئی رقم خفیہ یا غیرقانونی کیسے ہوگئی؟ زرداری کے وکیل نے عدالت میں کہا کہ سپریم کورٹ نے نیب کو 2ماہ میں تحقیقات مکمل کر کے ریفرنس دائر کرنے کا حکم دیا،2ماہ تک ریفرنس دائر نہیں ہوا اور نہ ہی سپریم کورٹ نے وقت میں توسیع کی ،توسیع نہ ہونے کے بعد نیب کی تفتیش کا اختیار ختم ہو جاتا ہے ،فاروق ایچ نائیک نے عدالت میں مزید کہا کہ نیب کی تمام کارروائی بدنیتی پر مبنی ہے،نیب نے اس کیس میں آصف زرداری کے وارنٹ گرفتاری جاری کیے ہیں،اس کیس میں وارنٹ جاری کرنا چیئرمین نیب کا اختیار نہیں ہے ،آصف زرداری دوران سماعت اپنی نشست سے اٹھ کر روسٹرم پر آ ئے اورفاروق ایچ نائیک سے مکالمہ کر کے دوبارہ اپنی نشست پر چلے گئے ،فاروق ایچ نائیک نے عدالت سے کہا کہ جب ریفرنس منتقل ہو گیا تو تفتیشی رپورٹ بھی اس کے ساتھ منتقل ہوئی چیئرمین نیب کے پاس اب کوئی اختیار نہیں کہ وہ وارنٹ جاری کریں ریفرنس جب احتساب عدالت کو منتقل ہو گیا تو چیئرمین نیب کے پاس اختیار نہیں آئین میں چیئرمین نیب کی جانب سے ضمنی ریفرنس دائر کرنے کی بھی کوئی گنجائش نہیں،

عید کی چھٹیاں ختم، زرداری سمیت نیب کس کس کو کر رہا ہے گرفتار، اہم ترین خبر آ گئی

آصف زرداری کی ضمانت میں توسیع

ہم ایسے کام نہیں کرتے….زرداری نے ایسا کیوں کہا؟

آصف زرداری گرفتار ہوں گے یا نہیں؟ آج ہو گا فیصلہ

آصف زرداری کی ضمانت میں توسیع کے کیس کی سماعت کے دوران عدالتی اہلکار نے عدالت کے باہر آواز لگا دی کہ آج آصف زرداری کیس کے علاوہ تمام کیس ملتوی کئے جاتے ہیں. آج صرف زرداری کیس کی سماعت ہو گی.

باغی ٹی وی کی رپورٹ کے مطابق اسلام آباد ہائیکورٹ میں آصف زرداری کی درخواست ضمانت پر سماعت ہوئی، جسٹس عامرفاروق اور جسٹس محسن اختر کیانی پر مشتمل بنچ نے سماعت کی. ایڈیشنل پراسیکیوٹر جنرل نیب جہانزیب بھروانہ عدالت کی معاونت کر رہے تھے. جسٹس عامر فاروق نے کہا کہ ضمانت کی درخواست کوضمانت کی درخواست رہنےدیں،اس کوٹرائل نہ بنائیں،آپ پہلے ہی دلائل دےچکے ہیں،کوئی چیزرہ گئی ہے توصرف وہ بتائیں ،نیب پراسیکیوٹر جہانزیب بھروانہ نے کہا کہ میں صرف 20 منٹ دلائل دوں گا، یہ ساڑھے چارارب روپے کی ٹرانزیکشن کا معاملہ ہے،اس حوالے سے تمام فہرست مہیا کردی گئی ہے کہ کتنی رقم اکاؤنٹ میں آئی اورکتنی استعمال ہوئی ،28 بینک اکاؤنٹس سے متعلق تفتیش اب بھی جاری ہے ،نیب پراسیکیوٹر نے عدالت کو بتایا کہ اےون انٹرنیشنل اورعمیرایسوسی ایٹس سےاربوں روپے کی ٹرانزیکشن ہوئی،ان اکاؤنٹس کےساتھ زرداری گروپ اورپارتھینون کمپنیوں کی ٹرانزیکشن ہوئی،یہ 29میں سےصرف ایک اکاؤنٹ کی تفصیل ہے،باقی28اکاؤنٹس کی تفتیش جاری ہے ، نیب پراسیکیوٹر نے مزید کہا کہ نیب کےپاس تفتیش کیلیےملزم کی گرفتاری کامکمل اختیارہے،نیب نےتمام حقائق کی کھوج لگانی ہے ،طلعت اسحاق کیس میں سپریم کورٹ نے نیب کوملزم کی گرفتاری کا اختیار دیا جس پر جسٹس عامر فاروق نے کہا کہ یہ تمام اختیارات تو ضمانت بعد از گرفتاری کے لیے ہیں،نیب پراسیکیوٹر نے کہا کہ ضمانت قبل ازگرفتاری کیلیے غیرمعمولی حالات اورہارڈشپ کاسہارالیاجاسکتاہے،آصف زرداری نےغیرمعمولی حالات اورہارڈ شپ کاسہارانہیں لیا،آصف زرداری کی درخواست ضمانت ناقابل سماعت ہے،سپریم کورٹ کی ہدایات کی روشنی میں یہ ضمانت کی درخواستیں ناقابل سماعت ہیں ،نیب پراسیکیوٹر نے عدالت سے استدعا کی کہ ملزمان کی ضمانت کی درخواستیں خارج کی جائیں ،عدالت میں نیب پراسیکیوٹر کے دلائل مکمل ہو چکے ہیں. آصف زرداری اورفریال تالپور کےوکیل فاروق ایچ نائیک نےجوابی دلائل کا آغاز کردیا ہے .

دوسری جانب عدالتی اہلکار نے عدالر کے باہر آواز لگائی ہے کہ ‏آج آصف علی زرداری کے کیس کے علاؤہ کوئی کیس نہیں سنا جائے گا ، دیگر تمام کیسز سماعت کے بغیر ملتوی کیے جاتے ہیں .

سابق وزیرداخلہ پیپلز پارٹی کے رہنما رحمان ملک نے کہا ہے کہ ریاست کے اندرایک اورریاست نہ بنائیں،تمام سینیٹرزاورایم این ایزکو ہائیکورٹ کےباہر روک دیا گیا ہے

باغی ٹی وی کی رپورٹ کے مطابق اسلام آباد ہائیکورٹ کے باہر میڈیا سے گفتگو کرتے ہوئے رحمان ملک نے کہا کہ مجھےسمجھ نہیں آرہی ہےکہ حکومت اتنی ڈری ہوئی کیوں ہے،یہ کون سا طریقہ ہے،یہ کیسا قانون ہے ،منتخب نمایندوں کوعدالت کےباہرروک رہےہیں، رحمان ملک نے مزید کہا کہ اگرکسی گنے والے کےاکاؤنٹ میں کچھ چلا گیا ہےتواس میں زرداری کا کیا قصورہے ، آصف زرداری کی ضمانت کی منسوخی کے حوالہ سے سوال کے جواب میں رحمان ملک نے کہا کہ شایدپریقین نہیں رکھتا،کس بات پرضمانت کینسل کریں گے.

عید کی چھٹیاں ختم، زرداری سمیت نیب کس کس کو کر رہا ہے گرفتار، اہم ترین خبر آ گئی

آصف زرداری کی ضمانت میں توسیع

ہم ایسے کام نہیں کرتے….زرداری نے ایسا کیوں کہا؟

واضح رہے کہ اسلام آبا دہائیکورٹ میں آصف زرداری کی عبوری ضمانت میں توسیع کی درخواست پر سماعت ہونی ہے. آصف زرداری عدالت پہنچ چکے ہیں. چیئرمین نیب نے وارنٹ گرفتاری جاری کیے ہیں ،.نیب حکام بکتر بند گاڑی لے کر عدالت کے باہر موجود ہیں

پیپلز پارٹی کی رہنما شیری رحمان نے کہا ہے کہ ایمنسٹی سکیم پر وزیراعظم بار بار کیوں خطاب کر رہے ہیں ، بتایا جائے؟

باغی ٹی وی کی رپورٹ کے مطابق پیپلز پارٹی کی رہنما شیری رحمان نے وزیراعظم عمران خان کی جانب سے قوم کے نام پیغام پر ردعمل میں کہا کہ وزیراعظم قوم سے خطاب کرنے کی بجائے پارلیمان میں آئیں، پارلمینٹ کے اجلاس کے باوجود قوم سے خطاب کرنا یہ کیا بات ہوئی، جس سکیم پر پارلیمنٹ کو اعتماد میں نہیں لیا گیا اس پر قوم کیسے اعتماد کرے، شیری رحمان کا مزید کہنا تھا کہ حکومت مکمل طور پر ناکام ہو چکی ہے. ایمنسٹی سکیم پر بار بار خطابات کئے جا رہے ہیں،حکومت دس ماہ میں کوئی معاشی ٹارگٹ حاصل نہیں کر سکی.

بچوں کا مستقبل سنوارنا چاہتے ہیں تو یہ کام لازمی کریں، وزیراعظم کا قوم کو پیغام

واضح رہے کہ وزیراعظم عمران خان نے پاکستانی قوم کو کہا ہے کہ وہ اپنے بچوں کا مستقبل سنوارنا چاہتے ہیں تو ایمنسٹی سکیم میں حصہ لیں. عظیم قوم بدلنے کے لئے خود کو بدلنا پڑے گا