Author: ممتاز حیدر

پاکستان مرکزی مسلم لیگ نے خیبر پختونخوا کے سیلاب متاثرہ علاقوں میں گھروں کی تعمیر کا اعلان کر دیا،رضاکاروں کی ٹیمیں متاثرہ علاقوں کا سروے کر رہی ہیں،پاکستان مرکزی مسلم لیگ کی خیبر پختونخوا کے سیلاب متاثرہ علاقوں میں امدادی سرگرمیاں جاری ہیں،پکی پکائی خوراک کی تقسیم کے علاوہ میڈیکل کیمپوں میں علاج معالجہ اور خشک راشن کی تقسیم کا سلسلہ جاری ہے،کل ہفتہ کو بونیر،باجوڑ،مینگورہ،شانگلہ میں سینکڑوں خاندانوں میں خشک راشن تقسیم کیا جائے گا، مرکزی مسلم لیگ کے ترجمان تابش قیوم سمیت پارٹی کی صوبائی قیادت امدادی کاموں کی نگرانی کر رہی ہے

پاکستان مرکزی مسلم لیگ کی جانب سے بونیر،سوات ،مینگورہ،باجوڑ،گلگت ،سکردو میں امدادی کیمپ لگائے گئے ہیں، جہاں کچن میں تیارشدہ کھانا روزانہ کی بنیاد پر 2500 سے زائد افراد میں تقسیم کیا جا رہا ہے، مرکزی مسلم لیگ کے رضاکار گھروں میں سے کیچڑ نکالنے اور سڑکوں کی بحالی، گھروں میں صاف پانی پہنچانےکا کام بھی کر رہے ہیں، بستروں، برتنوں اور پلاسٹک شیٹ کی تقسیم کا سلسلہ بھی جاری ہے،مرکزی مسلم لیگ کے سیلاب متاثرہ علاقوں میں میڈیکل کیمپوں میں ہزاروں مریضوں کا مفت علاج معالجہ کیا جا رہا ہے، خواتین کے لئے الگ میڈیکل کیمپ لگائے گئے ہیں ،بچوں میں کپڑے و دیگر اشیا بھی تقسیم کی جا رہی ہیں،مرکزی مسلم لیگ کے رضاکار خدمت خلق کے جذبے سے سرشار متاثرین کی مدد میں مصروف ہیں

پاکستان مرکزی مسلم لیگ کے ترجمان تابش قیوم کا کہنا ہے کہ ہماری کوشش ہے کہ زیادہ سے زیادہ متاثرین کی مدد کی جائے،پاکستان بھر سے آنے والا سامان مرکزی امدادی کیمپوں میں‌جمع کر کے متاثرین میں تقسیم کیا جا رہا ہے،آج بھی خشک راشن کی تقسیم کی گئی،کل بھی سیلاب متاثرہ تمام اضلاع میں خشک راشن کی تقسیم کی الگ الگ تقریبات ہوں گی،مرکزی مسلم لیگ کے کارکنان پکی پکائی خوراک اور صاف پانی ،بستر گھروں میں پہنچا رہے ہیں،ملبہ ہٹاؤ مہم کے تحت رضاکار گھروں سے کیچڑ نکال رہے ہیں تا کہ وہ گھر رہنے کے قابل ہو سکیں،

راولپنڈی: حساس ادارے نے راولپنڈی اور حسن ابدال میں ایک بڑی کارروائی کے دوران فتنہ الخوارج کے چار دہشتگردوں کو گرفتار کر لیا ہے۔ گرفتار دہشتگردوں نے 11 اگست کو ویڈیو بنا کر راولپنڈی اور حسن ابدال میں دہشتگردی کرنے کی دھمکیاں دی تھیں۔

دہشتگردوں نے سوشل میڈیا پر ایک ویڈیو جاری کی تھی جس میں انہوں نے علاقے میں فرقہ وارانہ فتنہ اور دہشتگردی پھیلانے کی دھمکیاں دی تھیں۔ حساس ادارے نے فوری طور پر ان معلومات کو انتہائی سنجیدگی سے لیتے ہوئے تحقیقات کا آغاز کیا۔ حساس ادارے نے راولپنڈی اور حسن ابدال میں علیحدہ علیحدہ کارروائی کرتے ہوئے دہشتگردوں کو گرفتار کیا۔ ان دہشتگردوں کے قبضے سے متعدد اسلحہ اور اشتعال انگیز مواد بھی برآمد ہوا ہے۔ گرفتار دہشتگرد ملک میں فرقہ وارانہ امن اور امان کو خراب کرنے کے لیے سازش کر رہے تھے۔ ان کے خلاف قانونی کارروائی شروع کر دی گئی ہے اور مزید تحقیقات جاری ہیں تاکہ ان کے نیٹ ورک کو مکمل طور پر ختم کیا جا سکے۔

یہ کارروائی ملک میں دہشتگردی کے خلاف جاری جدوجہد میں ایک اہم پیش رفت قرار دی جا رہی ہے۔ حکام نے عوام کو خبردار کیا ہے کہ کسی بھی مشکوک سرگرمی کی اطلاع فوری طور پر متعلقہ حکام کو دی جائے تاکہ اس طرح کے واقعات کو بروقت روکا جا سکے۔پاکستان کی سیکیورٹی ایجنسیاں ہر لمحہ مادر وطن کی حفاظت کے لیے مستعد ہیں۔ راولپنڈی اور حسن ابدال میں فتنہ الخوراج کے چار دہشت گردوں کی گرفتاری کا مطلب ہے کہ پاکستان کے خلاف کوئی بھی منصوبہ کامیاب نہیں ہو سکتا۔ کوئی بھی دشمن چھپ کر نہیں بچ سکے گا۔ پاکستان ہمیشہ قائم رہے گا۔