Author: ممتاز حیدر

بھارتی ریاست میں کرناٹک میں حجاب پر پابندی کے خاتمے پر انتہا پسندہندو تنظیمیں مسلمانوں کے خلاف زہر اگلنے لگیں

بھارتی جریدہ انڈیا ٹو ڈے کے مطابق کرناٹک میں مسلم دشمنی میں اندھی انتہا پسند ہندو تنظیموں نے حجاب کے خلاف متنازع "سیفرون شال” مہم کا آغاز کر دیا۔شری رام سینا اور دیگر ہندو تنظیموں کے اراکین نے "سیفرون شال” مہم کے تحت طلباء میں چادریں تقسیم کیں۔ انڈیا ٹو ڈے کےمطابق کانگریس حکومت کے فیصلے نے2022 میں بی جے پی حکومت کی تعلیمی اداروں میں حجاب پرعائد پابندی کو ختم کر دیا تھا۔ مسلم دشمنی پر قائم بی جے پی نے کانگریس حکومت پر ووٹ بینک اور خوشنودی کا روایتی الزام عائد کر دیا۔ 2022 میں بھی کرناٹک میں مسلم طالبہ کے حجاب پہننے پر ہندوتوا غنڈوں کی جانب سے نفرت انگیز نعرے لگائے گئے تھے۔ وزیراعلیٰ بہار نتیش کمار نے سرکاری تقریب میں مسلم خاتون کا نقاب کھینچ کر مذہبی آزادی پر سوالیہ نشان لگا دیا تھا

افغان طالبان رجیم کا بھیانک چہرہ بے نقاب، امن کے وعدوں کے برعکس دہشتگردی جار ی ہے

امریکی جریدے یوریشیا ریویو کے مطابق افغانستان دہشتگردتنظیموں کاگڑھ اورطالبان فتنہ الخوارج، القاعدہ اوردیگرجہادی گروہوں کی میزبانی اورسرپرستی کررہےہیں۔طالبان رجیم دہشتگرد گروہوں کے خاتمے کے بجائے خطے کو غیرمستحکم کرنےوالےشرپسندوں کی پشت پناہی میں مصروف ہیں۔طالبان کی دہشتگردوں اورعسکریت پسندوں کے بنیادی ڈھانچےکو ختم نہ کرنےکی ضدنےافغانستان کودہشتگردوں کی محفوظ پناہ گاہ بنا دیا۔روسی اورامریکی انٹیلی جنس اداروں کےمطابق افغانستان میں فتنہ الخوارج، القاعدہ اوردیگر تنظیموں سےوابستہ ہزاروں غیرملکی جنگجوموجودہیں ۔امریکی جریدے نے مزید لکھا کہ القاعدہ پاکستان کیخلاف حملوں کیلئےفتنہ الخوارج کو تربیت، مشاورت اور جنگی معاونت فراہم کر کے خطے کے امن کو داو پر لگا رہی ہے

بھارتی ریاست منی پور بےرحم بی جے پی سرکار کی سفاکیت ۔بے گناہ عوام کےگھروں کو نذر آتش کر دیا

بھارتی جریدہ انڈیا ٹوڈے کے مطابق ضلع کانگپوکپی کے گاؤں کھارام وائپھیئی میں لگنے والی آگ سے پانچ مکانات مکمل تباہ ہو گئے ہیں۔منی پور کے علیحدگی پسند گروہوں کے سامنے بے بس بھارتی فوج اب نہتے شہریوں پر طاقت آزمانے لگی ۔۔ تنظیموں نے واقعے کی غیرجانبدار تحقیقات اور ذمہ دار عناصر کے تعین کا مطالبہ کر دیا۔واقعہ چرچ رہنماؤں کے قتل میں انصاف اور 14 یرغمال افراد کی رہائی کیلئے جاری کوکی زو تنظیموں کی احتجاجی ریلیوں کے دوران پیش آیا۔منی پور کے مزاحمتی گروہ کے ٹوئٹ کے مطابق بھارتی عسکری گروہ آسام رائفلز نے منی پور کے علاقہ اُکھرول میں بے گناہ لوگوں پر فائرنگ کر کے گھروں کو آگ لگا دی

عالمی ماہرین کے مطابق منی پورمیں اندرونی خلفشار کے باعث بدامنی عروج پر اور امن و امان کی صورتحال بے قابو ہو چکی ہے

دبئی پولیس نے خود کو شہزادی ظاہر کرکے شاہی پروٹوکول کے ذریعے نایاب عود چوری کرنے والے گروہ کی چال ناکام بناتے ہوئے 4 ملزمان کو گرفتار کرلیا، جبکہ مرکزی خاتون ملزمہ سمیت مزید 4 افراد کی تلاش جاری ہے۔

پولیس کے مطابق 8 رکنی گروہ نے ایک عود کے تاجر کو یہ یقین دلایا کہ ایک اہم اور بااثر شخصیت قیمتی عود خریدنے میں دلچسپی رکھتی ہے۔ اس مقصد کے لیے تاجر کو ایک عالیشان محل میں مدعو کیا گیا جہاں شاہی طرز کے استقبال، خصوصی سکیورٹی انتظامات اور پروٹوکول کے ذریعے اس کا اعتماد حاصل کیا گیا،تحقیقات کے مطابق ملزمان نے منصوبہ بندی کے تحت تقریباً 12 ملین درہم (91 کروڑ روپے سے زائد) مالیت کا نایاب عود حاصل کیا اور انتہائی مہارت سے اصل عود کی جگہ عام لکڑیاں بیگوں میں رکھ کر تاجر کو واپس کردیں۔ تاجر کو اگلے روز اس وقت دھوکے کا علم ہوا جب اس نے خریداروں سے رابطہ کرنے کی کوشش کی مگر تمام فون نمبر بند ملے۔

متاثرہ تاجر کی شکایت پر دبئی پولیس نے فوری کارروائی کرتے ہوئے صرف 12 گھنٹوں کے اندر چوری شدہ عود برآمد کرلیا اور گروہ کے 4 ارکان کو گرفتار کر لیا۔ پولیس کا کہنا ہے کہ خود کو شہزادی ظاہر کرنے والی خاتون سمیت 4 مفرور ملزمان کی گرفتاری کے لیے ریڈ نوٹس جاری کر دیے گئے ہیں،دبئی پولیس نے اس کارروائی کو اپنی تیز رفتار تفتیشی صلاحیتوں اور جرائم کے خلاف مؤثر اقدامات کی ایک اہم مثال قرار دیا ہے۔ حکام کے مطابق گرفتار ملزمان کے خلاف قانونی کارروائی جاری ہے جبکہ مفرور افراد کی تلاش کے لیے بین الاقوامی سطح پر بھی اقدامات کیے جا رہے ہیں۔

اٹلانٹا: امریکی ریاست جارجیا میں ایک افسوسناک ہیلی کاپٹر حادثے نے شادی کی خوشیوں کو غم میں بدل دیا۔ اٹلانٹا کے رہائشی بھارتی نژاد 25 سالہ دیو فجی اپنی شادی کے چند گھنٹوں بعد ہی ایک ہیلی کاپٹر حادثے میں جان کی بازی ہار گئے، جبکہ ان کی اہلیہ زخمی ہو گئیں۔

امریکی میڈیا رپورٹس کے مطابق دیو فجی اپنی نئی نویلی دلہن کے ہمراہ شادی کی تقریب کے اختتام پر ہیلی کاپٹر کے ذریعے ایئرپورٹ جا رہے تھے۔ تاہم ڈاسن کاؤنٹی کے قریب دورانِ پرواز ہیلی کاپٹر خراب موسمی حالات کا شکار ہو گیا اور گر کر تباہ ہوگیا۔حادثے کے نتیجے میں دیو فجی اور ہیلی کاپٹر کے پائلٹ موقع پر ہی ہلاک ہوگئے، جبکہ دیو کی اہلیہ زخمی ہوئیں جنہیں فوری طور پر قریبی اسپتال منتقل کر دیا گیا۔ حکام کے مطابق زخمی خاتون کو طبی امداد فراہم کی جا رہی ہے۔

میڈیا رپورٹس میں بتایا گیا ہے کہ دیو فجی کے والدین، جارج اور فیبا فجی، کئی برس قبل بھارتی ریاست کیرالہ سے امریکہ منتقل ہوئے تھے اور اٹلانٹا میں مقیم تھے۔ دیو فجی کی اچانک موت کی خبر نے اہل خانہ، دوستوں اور مقامی بھارتی برادری کو سوگوار کر دیا ہے۔واقعے کے بعد متعلقہ امریکی حکام نے حادثے کی تحقیقات شروع کر دی ہیں تاکہ ہیلی کاپٹر گرنے کی اصل وجوہات کا تعین کیا جا سکے۔ ابتدائی اطلاعات کے مطابق خراب موسمی حالات حادثے کا سبب بن سکتے ہیں، تاہم حتمی رپورٹ تحقیقات مکمل ہونے کے بعد جاری کی جائے گی۔