Author: ممتاز حیدر

مودی راج میں بھارت میں بڑھتاجنسی استحصال،بھارت میں جنسی زیادتی کے بڑھتے ہوئے واقعات ، عورتوں اور بچوں کی عزت غیر محفوظ ہو گئی،

بی جے پی کی انتہا پسند ہندوتوا سوچ نے بھارت کو جنسی زیادتی کا گڑھ بنا دیا ہے ،مودی سرکار بچوں سے جنسی زیادتی جیسے حساس معاملات پر فوری کارروائی کرنے میں ناکام ہے،ہندوستان ٹائمز کے مطابق تامل ناڈو میں 10 سالہ بچی کا جنسی استحصال، پولیس نے 5 دن بعد مقدمہ درج کیا ،ترولور ضلع میں 10 سالہ بچی کے ساتھ اسکول سے گھر واپسی کے دوران جنسی زیادتی کی گئی،امن و امان کی بگڑتی صورتحال پر حزبِ اختلاف کی جانب سے وزیراعلیٰ ایم کے اسٹالن پر کڑی تنقید کی گئی ہے،یونیسف رپورٹ 2005–2013 کے مطابق: بھارت میں 43 فیصد لڑکیاں 19 سال کی عمر سے پہلےہی جنسی استحصال کا شکار ہوجاتی ہیں*نیشنل کرائم ریکارڈز بیورو کے مطابق
2019 میں بچوں کے خلاف جرائم میں 4.5 فیصد اضافہ ہوا، جس میں 148,185 کیسز رپورٹ ہوئے،مہاراشٹرا، اتر پردیش، مادھیہ پردیش، کرناٹکا اور گجرات میں2017 سے 2019 کے دوران سب سے زیادہ کیسز رپورٹ ہوئے، بھارت میں 2016 سے 2022 کے درمیان بچوں سے زیادتی کے مقدمات میں 96 فیصد اضافہ ریکارڈ کیا گیا، بین الاقوامی تنظیم فئیر پلینیٹ کے مطابق بھارت میں صرف 2022 میں بچوں کے ساتھ زیادتی کے 38,911 مقدمات درج ہوئے،

بھارت میں جنسی جرائم سے تحفظ کے قانون کے باوجود قانون نافذ کرنے والے ادارے بچوں کو تحفظ فراہم کرنے میں ناکام ہو چکی ہے،مودی کی ناقص پالیسیوں کے باعث بھارت میں جنسی استحصال کے واقعات میں مسلسل اضافہ ایک المیہ بن چکا ہے، سیاسی جماعتیں ایک دوسرے کو مورد الزام ٹھہرا کر ریاستی ناکامی پر پردہ ڈالنے میں مصروف ہیں،عورتوں اور بچوں کے ساتھ عصمت دری کے واقعات ہندوتوا سرکار اور شدت پسند معاشرے کی علامت ہے،

مودی سرکار کے دورِ اقتدار میں پولیس عوام کو ریاستی جبر سے کچلنے کے لیے نسل پرستانہ مثالوں کا سہارا لینے لگی

حال ہی میں بھارتی پنجاب پولیس نے سیاہ فام جارج فلوئڈ کی ہلاکت کا منظر عوام کو دھمکانے کے لیے استعمال کیا،جارج فلوئڈ کی بیٹی گیانا فلوئڈ نے بھارتی پولیس کی ٹوئٹ کو شرمناک اور توہین آمیز قرار دیا،گیانا فلوئڈ نے کہا کہ یہ پوسٹ میرے والد اور لاکھوں امریکیوں کی جدوجہد کی توہین ہے،پنجاب پولیس کی ٹوئٹ میں پاکستان کا پرچم تھامنے والوں کو یکساں انجام بھگتنے کی سخت وارننگ دی گئی،جارج فلوئڈ کی پولیس کے ہاتھوں ہلاکت کو بھارتی پولیس نے فخر سے مسلمانوں کو ڈرانے کے لیے استعمال کیا،بھارتی پنجاب پولیس کی حالیہ ‘ایکس’ پوسٹ، انسانی حقوق کی کھلی تضحیک اور ریاستی دہشتگردی کا واضع ثبوت ہے،سوشل میڈیا پر شدید ردعمل کے بعد پنجاب پولیس نے متنازعہ ٹوئٹ کو ہٹا دیا

بھارت کی پائیدار ترقی کے اہداف کی جانب پیش رفت میں نمایاں سستی دیکھنے میں آ رہی ہے، جبکہ ماحولیاتی بحران اور آلودگی کے مسائل تیزی سے بڑھ رہے ہیں۔ عالمی سطح پر شائع ہونے والی 2025 کی ایک رپورٹ میں بھارت کو 167 ممالک کی فہرست میں 99 ویں نمبر پر رکھا گیا ہے، جو موجودہ حکومت کی ترقیاتی پالیسیوں کی ناکامی کا عالمی ثبوت تصور کیا جا رہا ہے۔

بھارتی جریدے اسکرول ان کی رپورٹ کے مطابق، بھارت کے پائیدار ترقی کے متعدد اہداف میں سست روی پائی جا رہی ہے اور ماحولیاتی تحفظ کے شعبے میں بہتری کے بجائے مشکلات میں اضافہ ہو رہا ہے۔ رپورٹ میں واضح کیا گیا ہے کہ بھارت کے صرف ایک تہائی اہداف درست سمت میں ہیں، جبکہ باقی اہداف منفی رجحانات کا شکار ہیں۔رپورٹ کے مطابق بھارت وہ چند ممالک میں شامل ہے جو سب سے زیادہ کاربن ڈائی آکسائیڈ خارج کرتے ہیں۔ چین اور امریکہ کے بعد بھارت تیسرا سب سے بڑا کاربن خارج کرنے والا ملک بن چکا ہے۔ خاص طور پر، ملک میں ایندھن اور سیمنٹ کے استعمال کی وجہ سے فی کس کاربن اخراج بھی کافی زیادہ ہے۔ماحولیاتی چیلنجز کی سنگینی کا اندازہ اس بات سے لگایا جا سکتا ہے کہ بھارت کی 70 فیصد سے زائد بجلی اب بھی کوئلے سے پیدا ہوتی ہے، جو ماحولیاتی آلودگی میں اضافے کا ایک بڑا سبب ہے۔

رپورٹ میں مزید بتایا گیا ہے کہ بھارت نے زیرو ہنگر، صنعت و انفراسٹرکچر کی بہتری، ذمہ دار کھپت، اور زمین پر زندگی جیسے کلیدی پائیدار ترقی کے اہداف پر پیش رفت روک دی ہے۔ اگر پالیسیوں میں فوری تبدیلی نہ آئی تو بھارت 2030 تک ان اہداف کے حصول سے محروم رہ جائے گا۔

اسکرول ان کے مطابق بھارت میں فضائی آلودگی کی صورتحال انتہائی تشویشناک ہو چکی ہے۔ عالمی بینک کی رپورٹ بھی اس امر کی تصدیق کرتی ہے کہ بھارت کے تمام 1.4 ارب لوگ مضر صحت فضائی آلودگی کا سامنا کر رہے ہیں۔ علاوہ ازیں، بھارت میں میٹھے پانی کے ذخائر کا غیر ذمہ دارانہ استعمال بڑھ رہا ہے، جس سے پانی کا بحران بھی سنگین ہوتا جا رہا ہے۔ماحولیاتی تحفظ کے حوالے سے مودی سرکار کی کارکردگی کو عالمی سطح پر شدید تنقید کا سامنا ہے۔ ناقدین کا کہنا ہے کہ قدرتی وسائل، خاص طور پر پانی کو سیاسی اور اقتصادی ہتھیار کے طور پر استعمال کیا جا رہا ہے، جبکہ پائیدار ترقی کے دعوے صرف زبانی بیانات تک محدود ہیں۔ ماحولیاتی تباہی اور ناقص پالیسیاں مودی حکومت کے ترقیاتی ماڈل کو عالمی سطح پر بے نقاب کر چکی ہیں۔

اگر بھارت نے اپنی ماحولیاتی پالیسیاں فوری طور پر بہتر نہ کیں اور پائیدار ترقی کے اہداف کے حصول کے لیے مؤثر اقدامات نہ کیے، تو یہ نہ صرف ملک بلکہ خطے کے لیے بھی ماحولیاتی بحران کی صورت میں ایک بڑا خطرہ بن جائے گا۔ عالمی رپورٹیں اور مقامی تحقیق ایک آواز میں خبردار کر رہی ہیں کہ تبدیلی اب وقت کی سب سے اہم ضرورت ہے۔

مغربی بنگال کے بیربھوم ضلع کے سوری علاقے سے ایک تشویشناک خبر سامنے آئی ہے جہاں بھارتی کرکٹر محمد شامی کی سابقہ اہلیہ حسین جہاں پر اپنے پڑوسی کے قتل کی کوشش کا مقدمہ درج کیا گیا ہے۔

بھارتی میڈیا کے مطابق یہ مقدمہ زمین کے تنازعے کے باعث درج کیا گیا ہے جس میں قتل کی کوشش، مجرمانہ سازش اور حملے جیسے سنگین الزامات شامل ہیں۔ واقعہ مغربی بنگال کے سوری علاقے کے وارڈ نمبر 5 کا ہے جہاں حسین جہاں نے مبینہ طور پر ایک متنازعہ پلاٹ پر تعمیراتی کام شروع کیا تھا۔اطلاعات کے مطابق زمین کے تنازع پر کچھ دن قبل حسین جہاں اور ان کے پڑوسیوں کے درمیان تلخ کلامی اور جھگڑا ہوا تھا۔ حسین جہاں نے الزام لگایا ہے کہ گڈو بی بی نامی خاتون ان کی زمین پر قبضہ کرنے کی کوشش کر رہی ہے۔ یہ زمین سابق بھارتی کرکٹر محمد شامی کی سابقہ اہلیہ حسین جہاں کی بیٹی عرشی جہاں کے نام پر ہے۔

مزید بتایا گیا ہے کہ جب حسین جہاں اور ان کی بیٹی نے تعمیراتی کام روکنے کی کوشش کی تو پڑوسی خاتون پر حملہ بھی کیا گیا۔ اس واقعے کے بعد پولیس نے مقدمہ درج کرکے تحقیقات شروع کر دی ہیں۔