Author: ممتاز حیدر

مودی کی معاشی پالیسوں کی ناکامی، بھارت امریکہ تجارتی مذاکرات ڈیڈ لاک کا شکارہو گئے

مودی حکومت کی غیر واضح پالیسیوں پر امریکہ نے اظہار تشویش کیا ہے ، بھارت عالمی سطح پر تنہائی کا شکار ہے،مودی سرکار کا "وشو گرو” بیانیہ معاشی میدان میں ناکام ہو چکا ہے، ٹیرف سے خوفزدہ مودی نے پالیسی یوٹرن لیا ہے،بھارتی حکومتی ذرائع کے مطابق آٹو، اسٹیل اور زرعی اشیاء پر محصولات کا تنازع شدت اختیار کر گیا،بھارت کا دوہرا معیار، خود 68فیصد درآمدی ٹیرف لیکن امریکا سے رعایت کا مطالبہ کیا ہے،معرکہ حق کے دوران امریکا کی پاکستان سے رغبت پر بھی بھارت تذبذب کا شکار ہےبھارتی سفارتی ناکامی سے معیشت کو دھچکا لگا ہے،

صدر ٹرمپ کا پاکستان کی جانب جھکاؤ ، پاکستان سے ٹرمپ کی قربت پر بھارت میں کھلبلی مچی ہوئی ہے،بھارت امریکا کے ساتھ گہرے اسٹریٹجک تعلقات قائم کرنے پر خوفزدہ ہے،مودی کی جانب سے باہمی رعایت نہ ملنے پر ٹرمپ کی جانب سے ٹیرف عائد کرنے کی وارننگ دی گئی ہے،نام نہاد خود مختار بھارت کی اقتصادی دیواریں ہلنے لگیں ، تجارتی محاذ پر پسپائی کا سامناکر رہا ہے

علمی تحقیق میں بھارت کی ترقی صرف مودی کے دعووں تک محدود، زمینی حقیقت مالی بحران اور بدحالی کا شکار ہے،

سائنسی تحقیق اور ترقی کے لیے مخصوص اسکیم وِگیان دھارا مودی سرکار کےسیاسی ڈرامے سے بڑھ کر کچھ نہیں،حکومتی اسکیم INSPIRE کے تحت محققین 9 ماہ تک وظائف سے محروم، کئی قرض لینے یا تحقیق چھوڑنے پر مجبور ہیں،الجزیرہ کی رپورٹ کے مطابق "تحقیق کیلئے 70 فیصد بجٹ سود سے پاک قرضوں کی شکل میں نجی اداروں کو بانٹ دیا گیا”INSPIRE جیسے تحقیقی منصوبوں پر 22 فیصد بجٹ کٹوتی، وگیان دھارا کی آڑ میں اصل کٹوتی کو چھپایا گیا، نئی اسکیم وگیان دھارا نے وظائف کی ادائیگی کو بحران اور بدنظمی میں دھکیل دیا، حکومتی فنڈز کی عدم ادائیگی سے محققین لیپ ٹاپ تک خریدنے سے قاصر، بچتیں بھی ختم ہو گئیں، IITs اور IISERs کے محققین بیوروکریسی کی بے حسی، مبہم جوابات اور حکومتی نظراندازی کا شکار ہیں،تمام محققین تین مہینے سے لے کر نو مہینے تک بغیر وظائف کے گزارا کر رہے ہیں، وِگْیان دھارا کے بجٹ میں 67.5 فیصد کمی، 2016-17کے 43.89 ارب سے کم ہو کر 2025-26 میں 14.25 ارب روپے رہ گیا،

بھارتی محقیقین نے وظائف کی عدم ادائیگی کے بارے میں الجزیرہ کو انٹرویو دیتے ہوئے کہا "وظیفہ نہ ملنے کے خدشے پر سالانہ کانفرنس میں شرکت نہ کر سکا”ستمبر 2024 سے اب تک انہیں ادائیگیاں موصول نہیں ہوئیں، پیشہ ورانہ سرگرمیاں متاثر ہو رہی ہیں،پی ایچ ڈی سکالر کا کہنا تھا کہ ہم نے بار بار کالز اور ای میلز کیں، لیکن اکثر کا کوئی جواب نہیں آیا یا صرف مبہم اور بعض اوقات بدتمیز جوابات ملے، سرکاری بے حسی نے سائنسدانوں کی زندگی اجیرن بنا دی، کوئی سننے والا نہیں،

افغان طالبان کے اقتدار میں آنے کے بعد افغانستان ایک بار پھر دہشتگرد تنظیموں کی محفوظ پناہ گاہ بن چکا ہے

داعش خراسان ، تحریک طالبان پاکستان اور دیگر دہشتگرد گروپ افغانستان میں منظم ہو رہے ہیں،اس حوالے سے امریکی امور خارجہ برائے جنوبی و وسطی ایشیا کی ذیلی کمیٹی کے چیئرمین بل ہائزنگا نے حقائق پیش کردیئے،بل ہائزنگا کے مطابق "طالبان کے اقتدار سنبھالنے کے بعد سے جنوبی اور وسطی ایشیا میں دہشت گردی کے واقعات خطرناک حد تک بڑھ گئے”افغان طالبان دوحہ معاہدے کے مطابق دہشتگردوں کو محفوظ پناہ گاہیں دینے کے وعدے پر قائم نہ رہ سکے،طالبان حکومت میں داعش خراسان اور فتنہ الخوارج جیسی تنظیموں کی دہشتگردانہ کارروائیاں سرگرم ہیں،طالبان کے اقتدار سنبھالنے کے بعد 2024ء میں پاکستان کو اپنی تاریخ کے بدترین دہشتگردانہ حملوں کا سامنا رہا، افغان طالبان کی سہولت کاری میں ہونے والی دہشتگردی کے باعث معصوم پاکستانی اور سکیورٹی اہلکار جاں بحق ہوئے،طالبان کے زیر اقتدار،بی ایل اے اور فتنہ الخوارج جیسے گروہ پاکستان میں بدامنی کو ہوا دے رہے ہیں،خطے میں عسکریت پسندی کا خطرہ افغان طالبان کے اقتدار میں آنے کے بعد سے ہی شدید حد تک بڑھ گیا،طالبان حکومت کی دہشتگردی کے خلاف غیر سنجیدہ حکمت عملی پورے جنوبی اور وسطی ایشیا کو عدم استحکام کی طرف دھکیل رہی ہے ،

بل ہائزنگا کے شواہد تصدیق کرتے ہیں کہ افغان طالبان کی ناکامیوں کے باعث افغانستان دہشتگردی کے پھیلاؤ کا مرکز بن گیا ہے

بھارت کی پونے پولیس نے آسٹریلیا میں مقیم بھارتی نژاد شخص کو ایک شادی کے ویب سائٹ پر جعلی پروفائل بنا کر دہلی کی ایک خاتون کو شادی کا جھانسہ دے کر 3 کروڑ 60 لاکھ روپے کا فراڈ کرنے کے الزام میں گرفتار کر لیا ہے۔

پولیس کے مطابق ملزم نے خود کو ’ڈاکٹر روہت اوبرائے‘ کے نام سے ظاہر کیا اور خاتون کو شادی کا وعدہ کرکے قریبی تعلقات قائم کیے۔ اس کے بعد خاتون سے بھاری رقم ایک مبینہ کاروباری منصوبے کے نام پر لے لی۔ایڈیشنل کمشنر کرائم پونے، پانکج دیشمکھ نے بتایا کہ گرفتار شخص کا اصل نام ابھشیک شکلا ہے، جو لکھنؤ کا رہائشی ہے مگر آسٹریلوی پاسپورٹ رکھتا ہے۔ پولیس نے بدھ کے روز اسے ممبئی ایئرپورٹ سے اس وقت گرفتار کیا جب وہ سنگاپور سے واپس آیا۔متاثرہ خاتون دہلی کی رہائشی اور فی الحال پونے میں مقیم ہے۔ اس نے شادی کی تلاش کے لیے ایک میٹرومونیل ویب سائٹ پر اپنا پروفائل بنایا تھا جہاں سے 2023 میں ابھشیک شکلا عرف ’ڈاکٹر روہت اوبرائے‘ نے اس سے رابطہ کیا۔

دونوں نے مختلف شہروں میں ساتھ وقت گزارا۔ خاتون کو اپنے سابق شوہر سے 5 کروڑ روپے بطور خلع ملے تھے اور وہ بچوں کے لیے ذہنی سکون و روحانی تربیت پر مبنی ایک کاروبار شروع کرنے کی منصوبہ بندی کر رہی تھی۔ملزم نے خاتون کو بیرونِ ملک سرمایہ کاری اور کاروبار کو عالمی سطح پر لے جانے کا جھانسہ دے کر دو فرضی افراد ’یوان ہینڈایانی‘ اور ’وینسنٹ کوان‘ سے بھی متعارف کروایا، جنہیں اس نے سنگاپور کے شہری بتایا۔پولیس کے مطابق خاتون نے مختلف بھارتی اور سنگاپورین بینک اکاؤنٹس میں مجموعی طور پر 3 کروڑ 60 لاکھ 18 ہزار 540 روپے منتقل کیے۔بعدازاں ملزم نے خاتون کو بتایا کہ وہ منہ کے کینسر کا شکار ہو چکا ہے اور پھر اس سے رابطہ ختم کر دیا۔ ستمبر 2024 میں خاتون کو وینسنٹ کوان کی جانب سے ای میل موصول ہوئی کہ ’ڈاکٹر روہت اوبرائے‘ کا انتقال ہو گیا ہے۔یہ جان کر خاتون کو شبہ ہوا اور اس نے ایک دوست کو اطلاع دی، جس پر دوست نے پولیس کو الرٹ کیا۔ نومبر 2024 میں متاثرہ خاتون نے پونے سائبر پولیس اسٹیشن میں باضابطہ شکایت درج کروائی۔

تحقیقات میں انکشاف ہوا کہ ملزم دراصل ابھشیک شکلا ہے اور آسٹریلیا کے شہر پرتھ میں مقیم ہے۔ پولیس نے اس کے خلاف فراڈ کا مقدمہ درج کیا اور ملک بھر میں لوک آؤٹ سرکلر جاری کر دیا۔پولیس کو اطلاع ملی کہ وہ سنگاپور سے ممبئی آ رہا ہے، جس پر سب انسپکٹر سشیل دامرے کی سربراہی میں ٹیم نے ایئرپورٹ سے اسے گرفتار کر لیا۔

ایڈیشنل کمشنر دیشمکھ کے مطابق "ٹیکنیکل تجزیے سے معلوم ہوا ہے کہ ملزم نے جعلی شناخت ’ڈاکٹر روہت اوبرائے‘ کے ذریعے شادی کی ویب سائٹ پر 3,194 خواتین کو پیغام بھیجے ہیں، جس سے اندازہ ہوتا ہے کہ فراڈ کا دائرہ بہت وسیع ہو سکتا ہے۔”

امریکی صدر ڈونلڈ ٹرمپ نے ایک بار پھر ایران اور اس کے سپریم لیڈر آیت اللہ علی خامنہ ای کے حوالے سے متنازعہ بیان دیا ہے۔ صدر ٹرمپ نے کہا ہے کہ انہوں نے ایرانی سپریم لیڈر کو ایک نازک موقع پر بچایا، لیکن ان کی جانب سے نہ تو شکرگزاری کا اظہار کیا گیا اور نہ ہی کوئی مثبت ردعمل ملا۔

اپنے ایک حالیہ بیان میں صدر ٹرمپ نے ایرانی سپریم لیڈر کی جانب سے اسرائیل کے خلاف جنگ میں فتح کا دعویٰ کرنے پر سخت تنقید کی۔ انہوں نے کہا، "آیت اللہ خامنہ ای نے اتنی بے وقوفی سے دعویٰ کیا کہ انہوں نے اسرائیل کے خلاف جنگ جیت لی ہے۔ وہ خود جانتے ہیں کہ یہ جھوٹ ہے اور ایک ایماندار شخص کے لیے جھوٹ بولنا مناسب نہیں۔”ٹرمپ نے مزید کہا کہ انہیں معلوم تھا کہ ایرانی سپریم لیڈر کہاں پناہ لیے ہوئے تھے اور انہوں نے واضح کیا کہ "میں اسرائیل یا امریکی فوج کو خامنہ ای کو مارنے کی اجازت نہیں دوں گا۔ میں نے ایرانی سپریم لیڈر کو بچایا، مگر انہوں نے میرا شکریہ تک ادا نہیں کیا۔”

صدر ٹرمپ نے ایران کے عالمی نظام میں دوبارہ شامل ہونے کی ضرورت پر زور دیتے ہوئے خبردار کیا کہ اگر ایران نے اس راہ پر قدم نہ بڑھایا تو حالات ان کے لیے مزید خراب ہو جائیں گے۔ ٹرمپ نے کہا کہ "میں گزشتہ دنوں پابندیاں ہٹانے اور دیگر اقتصادی اصلاحات پر کام کر رہا تھا تاکہ ایران کو ایک مستحکم بحالی کا موقع ملے، مگر ایرانی رہنماؤں کے غصے، نفرت اور بیزاری بھرے بیانات نے میرے اقدامات کو فوراً روک دیا۔”

ماہرین کا کہنا ہے کہ صدر ٹرمپ کی یہ باتیں ایران اور امریکہ کے درمیان موجودہ تناؤ کو مزید بڑھا سکتی ہیں، خاص طور پر اس بیان کے بعد جب وہ خامنہ ای کو بچانے کا دعویٰ کر رہے ہیں۔ اس سے قبل بھی دونوں ممالک کے درمیان بیانات اور سیاسی محاذ آرائی نے خطے میں بے چینی پیدا کی ہے۔ایران کی جانب سے ابھی تک صدر ٹرمپ کے اس دعوے پر کوئی باضابطہ ردعمل سامنے نہیں آیا ہے، مگر سفارتی حلقوں میں اس بیان کو "حساس اور متنازعہ” قرار دیا جا رہا ہے۔