Author: ممتاز حیدر

برطانوی ٹرانسپورٹ پولیس نے سپریم کورٹ کے حالیہ فیصلے کے بعد اعلان کیا ہے کہ اب ان کی حراست میں موجود ٹرانس خواتین کی جامہ تلاشی مرد اہلکار لیا کریں گے، نہ کہ خواتین اہلکار۔ یہ عبوری پالیسی اس وقت نافذ کی گئی ہے جب فورس عدالت کے فیصلے کو مکمل طور پر سمجھنے اور اس پر عملدرآمد کا جائزہ لے رہی ہے۔

بدھ کے روز سپریم کورٹ نے فیصلہ دیا کہ "عورت” کی تعریف Equality Act 2010 میں "حیاتیاتی عورت” یعنی پیدائش کے وقت کا حیاتیاتی جنس مراد ہے، نہ کہ خود کو شناخت کرنے والی جنس۔برٹش ٹرانسپورٹ پولیس کے ایک ترجمان نے بتایا،”پچھلی پالیسی کے تحت، جس شخص کے پاس Gender Recognition Certificate (GRC) ہو، اسے اُس کی شناخت شدہ جنس کے مطابق تلاشی دینے یا لینے کی اجازت تھی۔ لیکن اب، عدالت کے فیصلے کے تناظر میں، ہم نے ہدایت دی ہے کہ حراست میں لیے گئے افراد کی تلاشی اُن کی پیدائشی جنس کے مطابق لی جائے گی۔”پولیس جو برطانیہ کے ریلوے نظام اور متعلقہ ٹرانسپورٹ نظاموں کی حفاظت کا ذمہ دار ادارہ ہے، نے ستمبر 2024 میں اپنی پالیسی جاری کی تھی جس میں کہا گیا تھا کہ تلاشی صرف اسی صورت میں دی جا سکتی ہے اگر افسر اور زیر حراست فرد کی جنس پیدائش یا GRC کے مطابق ایک ہو۔

"جامہ تلاشی” ایک ایسا عمل ہے جس میں زیر حراست فرد کے کپڑوں کی مکمل تلاشی لی جاتی ہے، جس میں کوٹ، دستانے، جوتے، اور سر ڈھانپنے والی اشیاء کے علاوہ بھی لباس اتروایا جاتا ہے، جس سے پچھلا حصہ ، جنسی اعضا اور خواتین کی چھاتی نمایاں ہو سکتی ہیں۔

ٹرانس پالیسی کے خلاف ‘سیکس میٹرز’ نامی مہم نے دسمبر میں ہائی کورٹ میں عدالتی نظرثانی کی درخواست دی تھی۔ ان کا کہنا تھا کہ یہ پالیسی زیر حراست افراد کو جنسی ہراسانی اور جنسی حملے کے خطرے سے دوچار کرتی ہے، اور انسانی حقوق کے یورپی کنونشن کے آرٹیکل 3 کی خلاف ورزی ہے، جو "اذیت ناک، غیر انسانی یا تحقیر آمیز سلوک” سے تحفظ فراہم کرتا ہے۔ہ اس پالیسی سے خواتین اہلکاروں کو بھی خطرناک اور شرمندہ کن حالات کا سامنا کرنا پڑتا ہے، خاص طور پر جب اُن پر مردوں کی تلاشی لینے کے لیے دباؤ ڈالا جائے جو خود کو عورت ظاہر کرتے ہوں۔

سپریم کورٹ کے جسٹس لارڈ ہوج نے کہا کہ اس فیصلے کو معاشرے کے کسی ایک طبقے کی دوسرے پر فتح نہ سمجھا جائے، بلکہ یہ قانون کی درست تشریح ہے۔برطانوی وزیر، کارِن اسمیت، نے کہا کہ پبلک باڈیز کو اس فیصلے کے بعد اپنی رہنمائی پر نظرِ ثانی کا کہا گیا ہے۔ ان کا کہنا تھا”ہم چاہتے ہیں کہ ادارے جلدبازی میں ایسے بیانات نہ دیں جو عوام کو پریشان کریں۔ انہیں چاہیے کہ وہ سکون سے، احتیاط سے، اپنی پالیسیوں کا جائزہ لیں۔”

برطانوی مساوات و انسانی حقوق کمیشن کی چیئر، بیرونس کشور فالکنر نے کہا”اب اس میں کوئی ابہام باقی نہیں رہا کہ قانونی طور پر ‘عورت’ سے مراد پیدائشی حیاتیاتی عورت ہی ہے۔”انہوں نے مزید کہا کہ نیشنل ہیلتھ سروس کو بھی اپنی 2019 کی پالیسی کو بدلنا پڑے گا، جس کے مطابق ٹرانسجینڈر مریضوں کو اُن کی شناخت کے مطابق ایک جنس والے وارڈ میں رکھا جاتا ہے۔

اٹلی کے دارالحکومت روم میں پیر کی شب ایک چینی جوڑے کو بہیمانہ انداز میں قتل کر دیا گیا۔ اطالوی پولیس کے مطابق اس واقعے کے پیچھے چینی مافیا گروہوں کے درمیان تیزی سے پھیلتی ہوئی جنگ کا ہاتھ ہو سکتا ہے، جس کا تعلق یورپ کے ٹیکسٹائل سیکٹر، خصوصاً صنعت سے ہے۔

پولیس کے مطابق 53 سالہ ژانگ دایونگ (Zhang Dayong) اور ان کی 38 سالہ اہلیہ گونگ شیاوچنگ (Gong Xiaoqing) کو اُس وقت گولی مار کر قتل کیا گیا جب وہ روم کے ضلع پیگنیٹو میں سائیکل پر جا رہے تھے۔ حملہ آور موٹرسائیکل پر سوار تھے اور انہوں نے دونوں کو سر کے پچھلے حصے پر گولیاں ماریں۔ جائے وقوعہ سے کم از کم چھ گولیوں کے خول برآمد ہوئے ہیں۔پولیس کے مطابق یہ قتل چینی مافیا گروہوں کے درمیان ہونے والی ایک خفیہ جنگ "وار آف ہینگرز” کا حصہ ہو سکتا ہے، جس کا مرکز اطالوی شہر پراتو ہے، جو فاسٹ فیشن انڈسٹری کا گڑھ مانا جاتا ہے۔ اس جنگ میں متعدد جرائم، بشمول حملے، آتشزدگی، اور اب قتل، رپورٹ ہو چکے ہیں۔

ژانگ دایونگ، جنہیں عرف عام میں "آشنگ” کہا جاتا تھا، فلورنس میں جاری ایک بڑے مقدمے میں زیرِ سماعت تھے۔ اس مقدمے میں اُن سمیت 78 افراد پر الزام ہے کہ وہ اٹلی، فرانس، جرمنی، اور اسپین میں پھیلے مجرمانہ نیٹ ورک کو چلا رہے تھے۔ ژانگ کو یورپ میں ایک طاقتور چینی مافیا گروہ کا دوسرا بڑا لیڈر سمجھا جاتا تھا۔ وہ اگلے چند ہفتوں میں عدالت میں گواہی دینے والے تھے۔یہ مقدمہ "چائنا ٹرک” نامی 2018 کی ایک بڑی تحقیقات کا نتیجہ ہے، جو اطالوی انسدادِ مافیا ڈائریکٹوریٹ کی نگرانی میں کی گئی تھی۔ اس تحقیقات کا محور انسانوں اور ٹیکسٹائل کی یورپ بھر میں غیرقانونی اسمگلنگ تھی۔

حکام کے مطابق یہ قتل غالباً انتقامی کارروائی ہے اور چینی مافیا گروہوں کے درمیان اتحاد ٹوٹنے کی علامت ہو سکتی ہے۔ پولیس کا کہنا ہے کہ یہ واقعہ مافیا کی آپس کی "ٹرف وار” کا نیا موڑ ہو سکتا ہے۔

بنگلہ دیش کے چیف ایڈوائزر پروفیسر محمد یونس نے پاکستان کے ساتھ تعلقات کو مضبوط بنانے، باہمی تعاون کو فروغ دینے اور تجارتی و کاروباری مواقع سے فائدہ اٹھانے کی اہمیت پر زور دیا اور کہا کہ "کچھ رکاوٹیں ضرور ہیں، لیکن ہمیں ان پر قابو پانے کے لیے راستے تلاش کرنے ہوں گے اور آگے بڑھنا ہوگا۔”

یہ بات انہوں نے پاکستانی سیکریٹری خارجہ آمنہ بلوچ سے اسٹیٹ گیسٹ ہاؤس جمنا میں ملاقات کے دوران کہی۔آمنہ بلوچ، جو کہ گزشتہ 15 سالوں میں بنگلادیش کا دورہ کرنے والی پہلی پاکستانی سیکریٹری خارجہ ہیں، نے اس ملاقات میں کہا”ہمیں دونوں ممالک کے درمیان موجود صلاحیتوں کو استعمال کرنے کے طریقے تلاش کرنا ہوں گے۔ ہم ہر بار یہ موقع ضائع نہیں کر سکتے۔”انہوں نے زور دیا کہ پاکستان اور بنگلادیش کے نجی شعبوں کے درمیان باقاعدہ "بزنس ٹو بزنس” (B2B) رابطوں اور ہر سطح پر تبادلوں کی ضرورت ہے۔

چیف ایڈوائزر کے پریس ونگ کے مطابق، جنوری 2025 میں ایف پی سی سی آئی کے ایک وفد نے بنگلادیش کا دورہ کیا اور ایف بی سی سی آئی کے ساتھ ایک مفاہمتی یادداشت پر دستخط کیے۔

پاکستانی سیکریٹری خارجہ نے امید ظاہر کی کہ اپریل کے آخر میں پاکستانی ڈپٹی وزیراعظم اور وزیر خارجہ اسحاق ڈار کا دورہ دونوں ممالک کے تعلقات کو مزید مضبوط کرے گا۔چیف ایڈوائزر پروفیسر یونس نے کہا کہ وہ ہمیشہ خطے کے ہمسایہ ممالک خصوصاً پاکستان کے ساتھ قریبی تعلقات کے حامی رہے ہیں، خاص طور پر سارک کے فریم ورک میں۔انہوں نے تجویز دی کہ نوجوانوں اور ثقافتی تبادلوں کے ذریعے عوامی سطح پر تعلقات کو فروغ دیا جانا چاہیے،
"ہم طویل عرصے سے ایک دوسرے سے کٹے رہے ہیں۔ ہمیں ان رکاوٹوں پر قابو پانا ہوگا۔”پروفیسر یونس نے یاد دلایا کہ ان کی وزیراعظم شہباز شریف سے ملاقاتیں ستمبر 2024 میں نیویارک میں اقوام متحدہ کی جنرل اسمبلی کے موقع پر اور دسمبر 2024 میں قاہرہ میں ڈی-8 سربراہی اجلاس کے دوران ہوئیں، جنہیں انہوں نے باہمی تعلقات میں پیش رفت کی کنجی قرار دیا۔

دوسری جانب، بنگلادیش نے پاکستان کے ساتھ تاریخی طور پر حل نہ ہونے والے اہم معاملات بھی دوبارہ اٹھائے، جن میں 1971 کی جنگ میں ہونے والے مظالم پر باقاعدہ معافی، 4.5 بلین ڈالر کی واجب الادا رقم کی ادائیگی، اور 3 لاکھ سے زائد پھنسے ہوئے پاکستانیوں کی وطن واپسی شامل ہیں۔بنگلادیش کے سیکریٹری خارجہ جشیم الدین نے وزارتِ خارجہ میں صحافیوں سے بات کرتے ہوئے کہا کہ "ان معاملات کا حل ہماری باہمی تعلقات کی بنیاد کو مضبوط کرنے کے لیے ضروری ہے۔”انہوں نے کہا کہ پاکستان نے ان زیر التوا معاملات پر بات چیت جاری رکھنے کی یقین دہانی کروائی ہے۔

بنگلادیش اور پاکستان کے درمیان فارن آفس کنسلٹیشنز کا انعقاد اسٹیٹ گیسٹ ہاؤس پدما میں ہوا، جو 2010 کے بعد پہلا باضابطہ اجلاس تھا۔ ان مشاورتی اجلاسوں کی قیادت دونوں ممالک کے سیکریٹری خارجہ جشیم الدین اور آمنہ بلوچ نے کی۔اجلاس میں بنگلادیش کی وزارت خارجہ کی ساؤتھ ایشیا ونگ کی ڈائریکٹر جنرل عشرت جہاں اور دونوں ممالک کے ہائی کمشنرز بھی شریک ہوئے۔پاکستان نے اس اجلاس کی تجویز دی تھی تاکہ ڈھاکہ کے ساتھ اپنے تعلقات کو بہتر کیا جا سکے۔

پاکستان کے وزیر خارجہ و ڈپٹی وزیراعظم اسحاق ڈار 27 اور 28 اپریل کو بنگلادیش کا دورہ کریں گے، جو 2012 کے بعد کسی پاکستانی وزیر خارجہ کا پہلا دورہ ہوگا۔بنگلادیشی سیکریٹری خارجہ نے یہ بھی امید ظاہر کی کہ جلد ہی دونوں ممالک کے درمیان براہ راست پروازیں بھی شروع ہوں گی، جس سے عوامی سطح پر روابط مزید فروغ پائیں گے۔

فلوریڈا اسٹیٹ یونیورسٹی کے مرکزی کیمپس میں جمعرات کے روز ایک افسوسناک اور خوفناک واقعے میں فائرنگ کے نتیجے میں کم از کم چھ افراد زخمی ہو گئے، جن میں مشتبہ حملہ آور بھی شامل ہے۔ پولیس نے حملہ آور کو گرفتار کر لیا ہے

یونیورسٹی کی ویب سائٹ کے مطابق، فلوریڈا اسٹیٹ یونیورسٹی کا مرکزی کیمپس 485.7 ایکڑ پر پھیلا ہوا ہے اور مجموعی طور پر 1,715.5 ایکڑ رقبے پر محیط ہے، جس میں 403 عمارتیں شامل ہیں۔ یہاں پر خزاں 2024 میں 42,507 طلباء زیر تعلیم تھے۔واقعہ آج دوپہر اسٹوڈنٹ یونین کے علاقے میں پیش آیا۔ عینی شاہدین کے مطابق، اچانک گولیوں کی آوازیں سنائی دیں جس کے بعد طلباء میں بھگدڑ مچ گئی۔ طالب علم کرس مالاوے، جو اس وقت اسٹوڈنٹ سینٹر میں لنچ کر رہے تھے، نے بتایا کہ فائرنگ کی آواز "انتہائی تیز اور لگاتار” تھی۔ انہوں نے خوفزدہ ہو کر جھاڑیوں میں پناہ لی۔فائرنگ کے فوری بعد پولیس کی بھاری نفری یونیورسٹی پہنچی۔ طالب علم برائس وینس، جو اکاؤنٹنگ کلاس میں موجود تھے، نے بتایا کہ انہوں نے تقریباً 30 پولیس گاڑیاں اور افسران کو کیمپس میں آتے دیکھا۔ طلباء کو فوری طور پر کلاس رومز میں محفوظ رہنے کی ہدایت دی گئی۔

وینس کے مطابق، "صورتحال بے حد ہنگامہ خیز اور خوفناک تھی، کئی طلباء روتے ہوئے اپنے پیاروں کو فون کر رہے تھے تاکہ انہیں اپنی خیریت سے آگاہ کر سکیں۔”ایک اور طالب علم گیریٹ ہاروی نے بتایا کہ وہ یونیورسٹی کی سڑک کے پار موجود تھے جب انہوں نے طلباء کو دوڑتے ہوئے دیکھا اور پولیس سائرن سنے۔ "میں نے فوراً دروازہ بند کیا اور شیلٹر ان پلیس کی ہدایت پر عمل کیا۔”ہاروی نے مزید کہا: "یہ ایک ایسا تجربہ ہے جس کا سامنا طلباء کو نہیں کرنا چاہیے۔ ہم یہاں تعلیم، دوستی اور یادیں بنانے آتے ہیں، نہ کہ ایسے المناک واقعات دیکھنے۔”

پولیس ذرائع کے مطابق، حملے میں استعمال ہونے والی بندوق ایک شاٹ گن تھی جو واقعے کے بعد اسٹوڈنٹ یونین میں سے برآمد ہوئی۔ حملہ آور کی شناخت اور حملے کے محرکات کے بارے میں تاحال تحقیقات جاری ہیں۔

مارجوری اسٹون مین ڈگلس ہائی اسکول میں 2018 کے فائرنگ کے واقعے میں اپنی بیٹی کھونے والے فریڈ گٹن برگ نے سوشل میڈیا پر ردعمل ظاہر کرتے ہوئے کہا، "میں حیران نہیں ہوں۔ میری بیٹی کے کچھ دوست فلوریڈا اسٹیٹ یونیورسٹی میں زیر تعلیم ہیں، اور آج کے واقعے میں ایک بار پھر نشانہ بنے۔”

امریکی صدر ڈونلڈ ٹرمپ کو اس واقعے سے متعلق بریفنگ دی گئی ہے۔ وائٹ ہاؤس کی پریس سیکریٹری نے کہا کہ "صدر صورتحال کا جائزہ لے رہے ہیں اور ایجنسیز ایک دوسرے سے تعاون کر رہی ہیں۔”ٹیلاہاسی میموریل ہیلتھ کیئر نے تصدیق کی ہے کہ وہ فائرنگ کے زخمیوں کو علاج کی سہولت فراہم کر رہا ہے۔ تاہم، زخمیوں کی حالت کے بارے میں مزید تفصیلات فوری طور پر دستیاب نہیں ہو سکیں۔یونیورسٹی انتظامیہ کی جانب سے جاری بیان میں طلباء اور عملے سے کہا گیا ہے کہ وہ اپنے پیاروں کو اپنی خیریت سے مطلع کریں اور صرف قانون نافذ کرنے والے اداروں کی اجازت کے بعد ہی کلاس رومز یا اسٹوڈنٹ یونین واپس جائیں۔

برطانیہ کی رائل کورٹ نے ہتک عزت کیس میں پاکستان کے متنازع ترین یوٹیوبر ،پاک فوج کے بھگوڑے عادل راجپ پر مزید 6 ہزار 100 پاؤنڈ کا جرمانہ عائد کردیا۔

عدالت کی سماعت کے موقعے پر مدعی بریگیڈیئر(ر) رشید نصیر بھی شریک تھے۔عدالت نے عادل راجہ پر مزید 6100 پاؤنڈ جرمانہ عائد کیا جو 14 دن کے اندر ادا کرنا ہوگا۔اس طرح عادل راجہ پر اب تک کل 29 ہزار 100 پاؤنڈ کا جرمانہ عائد ہوا ہے۔ مقدمے کی اگلی سماعت جون میں ہوگی۔

عادل راجہ کے خلاف مختلف الزامات کے تحت فوجی افسر نے اگست 2022 میں برطانیہ کی عدالت میں ہتک عزت سے متعلق مقدمہ دائر کیا تھا جو عادل راجہ ہارگئے تھے اور عدالت نے ان پر 10 ہزار پاؤنڈ جرمانہ عائد کردیا تھا، برطانوی عدالت نے ہتک عزت کیس پر حکم امتناع اور سیکیورٹی اخراجات کی مد میں 10 ہزار پاؤنڈ کی ادائیگی کا حکم دیا تھا، عدالتی فیصلے میں کہا گیا تھا کہ عادل راجہ نے اپنی ایکس، فیس بک اور یوٹیوب کی 9 پبلیکیشنز میں بریگیڈیئر ریٹائرڈ راشد نصیر کی ہتک کی،