قوم کو متحد ،نفرت، انتشار کا خاتمہ کریں گے.صدر مرکزی مسلم لیگ
پاکستان مرکزی مسلم لیگ کے صدر خالد مسعود سندھو نے کہا ہے کہ امن و استحکام کے بغیر ملک آگے نہیں بڑھ سکتا. پوری قوم کو متحد کریں گے اور نفرت، تشدد ، انتشار کا خاتمہ کریں گے.سوشل میڈیا پر بے راہ روی اور گالی کلچر کے خاتمے کی بھی ضرورت ہے،سیاستدانوں کی کوتاہیوں اور لاپرواہیوں سے ملک نیچے چلا گیا، پاکستان مرکزی مسلم لیگ کا وژن خدمت انسانیت ہے.مرکزی مسلم لیگ فرقہ واریت اور کسی بھی تعصب سے بالاتر ہو کر قومی سیاست کرے گی.
ان خیالات کا اظہار انہوں نے صحافیوں کے اعزاز میں افطار ڈنر کی تقریب سے خطاب کرتے ہوئے کیا، اس موقع پر ترجمان مرکزی مسلم لیگ تابش قیوم، صدر مرکزی مسلم لیگ اسلام آباد انعام الرحمن، سیکرٹری جنرل اسلام آبادیاسر عرفات بٹ،سلیم الیاس بھی موجود تھے،خالد مسعود سندھو کا کہنا تھاکہ پاکستان اس وقت مسائل میں گھرا ہوا ہے،لوگ نظام انصاف سے محروم ہو چکے ہیں،بیروزگاری عام ہے، بلوچستان میں دہشتگردی کی چنگاری سلگ رہی ہے،بانی پاکستان قائد اعظم محمد علی جناح نے یہ ملک اس لئے حاصل کیا تھا کہ ہم اسلامی اصولوں کے مطابق ایک فلاحی ریاست بنائیں،لیکن سیاستدانوں کی کوتاہیوں اور لاپرواہیوں سے ملک نیچے چلا گیا،پاکستان میں نفرت کی سیاست پروان چڑھ رہی ہے، اسے ختم کرنا ضروری ہے
خالد مسعود سندھو کا مزید کہنا تھا کہ پنجاب، بلوچستان،خیبر پختونخوا، سندھ ،کشمیر کے باسی سب پاکستانی ہیں،پاکستانی عوام کی محرومیوں کا ازالہ کرنا ضروری ہے اور یہ کام خدمت انسانیت سے ممکن ہے،ہم نے 7 مئی کو اتحاد کانفرنس منعقد کر کے نیشنل ڈائیلاگ کی بات کی تھی،پاکستان کو آج ڈائیلاگ کی ضرورت ہے،نیشنل ڈائیلاگ میں سیاستدان، صحافی علماء سب کو شامل کیا جائے.
مرکزی مسلم لیگ کے ترجمان تابش قیوم کا کہنا تھاکہ خدمت انسانیت مرکزی مسلم لیگ کی پہچان ہے اور ملک بھر میں کام جاری ہے ، خدمت کا رمضان مہم کے تحت پاکستان کے تمام چھوٹے بڑے شہروں میں سحر و افطار دسترخوان لگائے گئے ہیں،مرکزی مسلم لیگ کے کارکنان نے ہمیشہ خدمت، امن اور یکجہتی کیلئے کام کیا ہے،ملک کو ٹھیک کرنے کیلئے ضروری ہے محرومیوں کو ختم کیا جائے،مرکزی مسلم لیگ فرقہ واریت اور کسی بھی تعصب سے بالاتر ہو کر قومی سیاست کرے گی.
انعام الرحمان کا کہنا تھا کہ پاکستان مرکزی مسلم لیگ خدمت کا وژن لے کر سیاست میں آئی،رمضان المبارک میں خدمت کا رمضان مہم کے تحت اسلام آباد میں 28 اوپن کچن بنائے گئے ہیں،لوگوں کی سفید پوشی کا بھرم رکھتے ہوئے گھر کی دہلیز پر سحری پہنچائی جا رہی ہے،لوگوں کو معیاری اور سستے علاج معالجہ کیلئے دو میڈیکل کمپلیکس کام کر رہے ہیں،مرکزی مسلم لیگ کا منشور خدمت کی سیاست کا عملی نمونہ ماہ رمضان میں قوم دیکھ رہی ہے،پاکستانی قوم کی خدمت کا سلسلہ ماہ رمضان کے بعد بھی جاری رکھا جائے گا.
