لندن کے مشہور علاقے مے فیئر پارک لین پر واقع سابق وزیر اعظم نواز شریف کے ایون فیلڈ اپارٹمنٹس کے سامنے بے گھر افراد نے ڈیرے ڈال لیے ہیں اور وہاں ایک ٹینٹ سٹی قائم کر لی ہے۔
نواز شریف کے گھر کے سامنے پارک میں ٹینٹ سٹی میں بے گھر خاندان رہائش پذیر ہیں،انتظامیہ اس ٹینٹ سٹی کے خلاف آپریشن کر چکی مگر بے گھر افراد نے پھر ڈیرے ڈال لئے، ٹینٹ سٹی میں خواتین اور بچوں کی بھی بڑی تعداد موجود ہے، بے گھر افراد کا کہنا ہے کہ وہ مہنگائی اور سستے رہائشی انتظامات کی کمی کے سبب سخت حالات کا سامنا کر رہے ہیں .ایک ویڈیو بھی سامنے آئی ہے جس میں ٹینٹ سٹی میں مقیم خاندان ویڈیو بنانے سے منع کر رہے ہیں تو وہیں 100 ڈالر کا بھی مطالبہ کر رہے ہیں.
مقامی شہریوں کا کہنا ہے کہ اس طرح کے مسائل کے حل کے لیے حکومت کو فوری اقدامات کرنا ہوں گے تاکہ لندن میں بھی رہائشی سہولتیں سب کے لیے میسر ہوں اور بے گھری کا مسئلہ کم ہو سکے۔لندن کے مرکز میں واقع "پارک لین” کے قریب، جہاں ایک رات کا کرایہ ایک ہزار پاؤنڈ تک پہنچتا ہے، وہاں "ٹینٹ سٹی” کو مقامی کونسل نے مسمار کیا تھا لیکن ٹینٹ سٹی پھر بنا دی گئی۔ اس کیمپ میں موجود افراد نے، جو عموماً بے گھر اور مہم جو ہوتے ہیں، مختلف ٹینٹوں میں رہائش اختیار کی ہے،یہ علاقے جہاں پراپرٹی کی اوسط قیمت تقریباً 12 ملین پاؤنڈز ہے، پچھلے دس سالوں سے ٹینٹوں سے بھرے ہوئے تھے۔ اس علاقے میں مختلف اوقات میں بے گھر افراد کی بڑی تعداد آ کر رہ چکی تھی، جنہوں نے عموماً چوری اور سماجی رویوں کے مسائل پیدا کیے تھے۔
