Author: News Editor

مال مفت دل بے رحم، 25 کلو میٹر کا سفر بھی عمران خان ہیلی کاپٹر پر کرنے لگے
پشاور:سابق وزیراعظم عمران خان نے آج چارسدہ میں جلسے سے خطاب کیا ہے اور وہ وہان ہیلی کاپٹرکے ذریعے پہنچے ہیں ، ان کا ہیلی کاپٹراستعمال کرنا ایک قومی ایشو بن گیا ہے ، ان کے مخالفین کا کہنا ہےکہ عمران خان بتائیں کہ وہ خیبر پختونخواہ حکومت کا ہیلی کس حیثیت سے کر رہے ہیٰں‌
سوشل میدیا پر آج عمران خان کے ہیلی کاپٹر کے استعمال پرسخت تنقید کی ہے، بعض نے کہا کہ دوسروں کو لا الہ الا اللہ کا درس دے کر حقیقی آزادی دلانے والا خود کو ہیلی کاپٹر کے جھولے کے چسکے سے آزاد نہ کراسکا –
اس صارف نے الزاماات عائد کرتے ہوئے کہا کہ پشاور سے صرف پچیس میل دور چارسدہ سرکاری ہیلی کاپٹر پر پہنچا جو یقیناً عوام کی خون پسینے کے ٹیکسوں سے چلتا ہے
صحافی و اینکر سلیم صافی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ پنجاب حکومت کا ہیلی کاپٹر بھی عمران خان کا۔۔۔ پختونخوا حکومت کا ہیلی کاپٹر بھی عمران خان کا۔۔۔۔رہے سیلاب زدگان تو وہ جانیں اور ان کا کام۔
پنجاب حکومت کا ہیلی کاپٹر بھی عمران خان کا۔۔۔ پختونخوا حکومت کا ہیلی کاپٹر بھی عمران خان کا۔۔۔۔رہے سیلاب زدگان تو وہ جانیں اور ان کا کام۔ https://t.co/GOvGoy5J2O
— Saleem Safi (@SaleemKhanSafi) September 17, 2022
عمران خان اس سے پہلے بھی کے پی حکومت کا ہیلی کاپٹراستعمال کرتے آئے ہیں
یاد رہے کہ چند دن پہلے قومی احتساب بیورو (نیب) نے پاکستان تحریک انصاف (پی ٹی آئی) کے چیئرمین اور سابق وزیراعظم عمران خان سمیت دیگر عہدیداروں اور افراد کی فہرست قومی اسمبلی کی پبلک اکاؤنٹس کمیٹی میں جمع کرادی ہے جنہوں نے حکومت خیبرپختونخوا (کے پی) کا ہیلی کاپٹر استعمال کیا۔
پبلک اکاؤنٹس کمیٹی (پی اے سی) کا اجلاس چیئرمین نور عالم خان کی صدرات میں ہوا جہاں نیب نے حکومت خیبرپختونخوا کا سرکاری ہیلی کاپٹر مفت استعمال کرنے والوں کی فہرست پیش کردی، جن میں کئی سیاستدان اور صحافی بھی شامل ہیں۔

دوسروں کو لا الہ الا اللہ کا درس دے کر حقیقی آزادی دلانے والا خود کو ہیلی کاپٹر کے جھولے کے چسکے سے آزاد نہ کراسکا – پشاور سے صرف پچیس میل دور چارسدہ سرکاری ہیلی کاپٹر پر پہنچا جو یقیناً عوام کی خون پسینے کے ٹیکسوں سے چلتا ہے pic.twitter.com/P7sp5jZvBo
— Mian Tahir(in person) (@socialcritiq) September 17, 2022
نیب کی فہرست میں بتایا گیا ہے کہ چیئرمین پی ٹی آئی عمران خان نے 137 مرتبہ سرکاری ہیلی کاپٹر پر سفر کیا، جس کا سرکاری ریٹ کے مطابق خرچہ 5 کروڑ 55 لاکھ 67 ہزار 876 روپے اور کمرشل ریٹ کے مطابق 6 کروڑ 39 لاکھ 2 ہزار 143 روپے کا تخمینہ لگایا گیا ہے۔
اشتیاق ارمڑ نے 52، صوبائی وزیر عاطف خان نے 34 مرتبہ ہیلی کاپٹر استعمال کیا۔
کے پی کا سرکاری ہیلی کاپٹر استعمال کرنے والوں کی فہرست کے مطابق پی ٹی آئی کے سابق سیکریٹری جنرل جہانگیر ترین نے 3 مرتبہ، رکن قومی اسمبلی خواجہ آصف نے بھی 3 مرتبہ سرکاری ہیلی کاپٹر پر سفر کیا۔

پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022
تاجکستان اور کرغیزستان میں گھمسان کی جنگ،24 ہلاکتیں:جنگ بندی بھی کام نہ آئی
شکیک-جنگ بندی کے باوجود کرغیزستان اور تاجکستان کی فوجوں میں جاری سرحدی جھڑپ میں مجموعی طور پر 24 افراد مارے گئے۔ عالمی خبر رساں ادارے کے مطابق کرغیزستان اور تاجکستان کی سرحد پر جھڑپوں کا سلسلہ جاری ہے۔ سرحدی علاقوں سے شہریوں کو اپنے گھر بار اور مال مویشی چھوڑ کر محفوظ مقام پر منتقل ہونا پڑا ہے۔
دونوں ممالک کے درمیان سیز فائر کے باوجود سرحدوں پر جھڑپ میں ہلاکتوں کی مجموعی تعداد 24 ہوگئی جب کہ 80 سے زیادہ زخمی ہیں۔ ہلاک اور زخمی ہونے والوں میں شہری بھی شامل ہیں۔کرغیزستان نے الزام عائد کیا ہے تاجکستان کی فوج نے صوبے بادکند میں راکٹ برسائے جس کی وجہ سے ایک لاکھ سے زائد رہائشیوں کو محفوظ مقام پر منتقل ہونا پڑا۔
دوسری جانب تاجکستان کا دعوی ہے کہ کرغیزستان کی فوجوں نے سرحد پر اپنی پوزیشن تبدیل کیں اور ہماری سرزمین پر دیہاتیوں پر گولیاں برسائی تھیں۔ خیال رہے کہ دونوں ممالک میں روسی فوج کے اڈے بھی ہیں جس کے باعث روس نے دونوں ممالک کو جنگ بندی پر متفق کیا تھا۔
کرغزستان اور تاجکستان نے ہفتے کے روز راتوں رات کسی بڑے واقعے کی اطلاع نہیں دی، جس سے ظاہر ہوتا ہے کہ جمعے کو شدید لڑائی کے بعد جنگ بندی پر اتفاق کیا گیا تھا، دونوں طرف سے چھٹپٹ گولہ باری کے الزامات کے باوجود عمل میں رہا۔
دو سابق سوویت جمہوریہ اس ہفتے ایک سرحدی تنازعہ پر جھڑپیں، ایک دوسرے پر قریبی بستیوں پر حملہ کرنے کے لیے ٹینک، مارٹر، راکٹ آرٹلری اور حملہ آور ڈرون استعمال کرنے کا الزام لگاتے رہے۔
وسطی ایشیائی سرحدی مسائل زیادہ تر سوویت دور سے پیدا ہوئے جب ماسکو نے خطے کو ان گروہوں کے درمیان تقسیم کرنے کی کوشش کی جن کی بستیاں اکثر دوسری نسلوں کے درمیان واقع تھیں۔
تاجکستان کے صدر امام علی رحمان اور ان کے کرغیز ہم منصب صدر جاپاروف اس ہفتے روس اور چین کی زیر قیادت علاقائی تنظیم کے اجلاس میں شریک تھے جب سرحدی تشدد پھوٹ پڑا۔
ماسکو کی زیرقیادت اجتماعی سلامتی کے معاہدے کی تنظیم نے ہفتے کے روز کہا کہ کرغز-تاجک سرحدی تنازعہ میں طاقت کا استعمال ناقابل قبول تھا۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022
پاکستان اسٹیل ملزکی 196 قیمتیں گاڑیاں اسکریپ میں فروخت کردی گئیں
کراچی :پاکستان کے بچے کچھے اثاثے بھی اب اپنے انجام کو پہنچنے والے ہیں اوریہ خبر اور بھی پاکستانیوں کے لیے پریشان کُن ہےکہ پاکستان سٹیل مل انتظامیہ نے حیرت انگیز طور پر اپنے ٹرانسپورٹ بیڑے کی 196گاڑیاں سکریپ کے داموں پر فروخت کردیں، فروخت شدہ گاڑیوں میں 59بسیں بھی شامل ہیں، ان کی فروخت سے 4کروڑ 72لاکھ 54ہزار 520روپے وصول ہوئے۔
ذرائع کے مطابق مذکورہ بسیں اور دیگر گاڑیاں 2006ء سے 2021ء تک کی رجسٹریشن والی ہیں۔ ان گاڑیوں کی مجموعی خریداری لاگت تقریباً 60، 70کروڑ رہی۔ ان بسوں کو سکریپ کے نام پر فروخت کیا گیا جبکہ بیشتر بسوں کی باڈی گل چکی تھیں مگر انجن اور چیسز ٹھیک حالت میں تھے۔ بسوں کی سب سے زیادہ بولی آٹھ لاکھ جبکہ سب سے کم بولی 85ہزار وصول ہوئی۔ کئی کئی بسیں ایک ہی پارٹی کو فروخت کی گئیں۔
خریداروں سے 17فیصد جی ایس ٹی اور 0.5فیصد انکم ٹیکس کی مد میں بھی وصول کیے گئے۔
یاد رہےکہ چند دن پہلے بھی کچھ ایسی خبریں گردش کررہی تھیں‌ کہ برسوں سے بند پاکستان اسٹیل ملز سے 10 ارب روپے مالیت کا میٹریل چوری ہونے کا انکشاف ہوا ہے۔وزارت صنعت و پیداوار نے معاملے کی تحقیقات کے لیے ایف آئی اے کو خط لکھ دیا۔
پاکستان اسٹیل ملز یونین نے چوری کے واقعات پر وزارت صنعت کو خط لکھا تھا۔جنرل سیکرٹری سی بی اے اسٹیل ملز عبدالرزاق نے خط میں کہا کہ اسٹیل ملز میں چوریوں کا سلسلہ گزشتہ دور حکومت میں شروع ہوا۔خط کے متن کے مطابق گزشتہ حکومت میں اسٹیل ملز کا 10 ارب روپے کا میٹریل چوری ہوا۔یونین عہدیدار نے کہا کہ گزشتہ حکومت کو چوریوں سے آگاہ کیا مگر کوئی پیشرفت نہ ہوئی۔
چوری میں سیکیورٹی اور سینئر انتظامی افسران کے ملوث ہونے کے شواہد ملے ہیں۔خط میں متعلقہ حکام سے استدعا کی گئی ہے کہ قومی اثاثے کو لٹیروں سے بچانے کے لیے فوری ایکشن و تحقیقات کی جائیں۔27 جولائی کی رات 50 افراد پر مشتمل لٹیروں کا ایک گروہ اسٹیل ملز کے احاطے میں داخل ہوا۔
لٹیروں نے پاکستان اسٹیل کے پلانٹ ایریا سے اربوں روپے مالیت کا بھاری تانبہ اور تاریں چوری کیں۔ موجودہ اور گزشتہ چوریوں میں سیکیورٹی ڈپارٹمنٹ اور ملازمین خاموش تماشائی بنے رہے۔چوریاں مرکزی پلانٹ سمیت مختلف ڈپارٹمنٹس میں ہوئیں، اسٹیل ملز میں بھی چوریوں پر تحقیقات جاری ہیں۔
وزارت صنعت و پیداوار کے مطابق الزامات انتہائی سنجیدہ ہیں اور اسٹیل ملز انتظامیہ کی شفافیت کو چیلنج کیا گیا ہے۔خط میں کہا گیا کہ ایف آئی اے اسٹیل ملز میں ہونے والی چوریوں کی شفاف تحقیقات کرے۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022
مردان: ٹریفک حادثےمیں ایک ہی خاندان کے4افراد جاں بحق:چھت گرنےسے بھی 4 افراد جانبحق
مردان میں ٹریفک حادثے میں ایک ہی خاندان کے 4 افراد جاں بحق اور ایک شخص زخمی ہوگیا۔ریسکیو ذرائع کے مطابق رنگ روڈ پر ڈمپر نے کار کو ٹکر ماردی جس کے نتیجے میں رسالپور سے تعلق رکھنے والے 4 افراد جاں بحق ہوگئے۔
جاں بحق افراد میں 2 خواتین اور 2 مرد شامل ہیں جبکہ ایک شخص زخمی ہوا، لاشوں اور زخمی کو اسپتال منتقل کردیا گیا۔جاں بحق ہونے والوں کا تعلق ایک ہی خاندان سے ہے جن میں اسحاق اس کی بیوی، سعادت اور اس کی ماں شامل ہیں۔
کنڈیارو میں گھر کی چھت گرنے کے افسوس ناک واقعے میں ایک ہی خاندان کے چار افراد جاں بحق ہو گئے۔کنڈیارو کے نواحی گاؤں حاجی صدیق لاکھو میں گھر کی چھت گِر گئی۔ پانچ افراد چھت کے ملبے کے نیچے دب گئے، مقامی افراد نے اپنی مدد آپ کے تحت ملبے کے نیچے سے چار افراد کی لاشیں اور ایک شخص کو زخمی حالت میں نکال لیا۔
زخمی شخص اور جاں بحق ہونے والوں کی لاشیں کنڈیارو ہسپتال منتقل کردی گئیں ۔جاں بحق افراد کے لواحقین کے مطابق حالیہ بارشوں میں خستہ حالت ہونے والے مکان کی دیوار کو گراتے وقت گھرکی چھت گرگئی جس سے یہ حادثہ پیش آیا۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022
پاک انگلینڈ ٹی 20 سیریز،انگلش ٹیم کا نیشنل اسٹیڈیم میں پہلا پریکٹس سیشن
پاکستان اور انگلینڈ کی ٹی 20 سیریز سے قبل انگلینڈ کرکٹ ٹیم کا نیشنل اسٹیڈیم میں پہلا پریکٹس سیشن ہوا۔انگلینڈ کرکٹ ٹیم نے جمعہ کی رات نیشنل اسٹیڈیم میں پہلا پریکٹس سیشن کیا۔ انگلش ٹیم نے فلڈ لائٹس میں 3 گھنٹے طویل پریکٹس سیشن میں حصہ لیا۔
کپتان جوز بٹلر بھی اس موقع پر گراؤنڈ میں تھے۔ انگلش اسکواڈ نے فزیکل ٹریننگ کے بعد نیٹ سیشن کیا۔پاک انگلینڈ ٹی 20 سیریز سے قبل اسٹیڈیم میں ڈیجیٹل باؤنڈریز نصب کردی گئی ہیں۔
پاکستانی ٹیم آج سے نیشنل اسٹیڈیم میں تیاریوں کا آغاز کرے گی۔ 7 میچز کی سیریز کا پہلا ٹی میچ 20 ستمبر بروز منگل کو کھیلا جائے گا۔
تمام میچز شام ساڑھے 7 بجے شروع ہونگے۔
دوسری طرف انگلینڈ کے خلاف ہوم ٹی 20 انٹرنیشنل سیریزکے لیے قومی اسکواڈ نے کراچی میں رپورٹ کردی۔جمعہ کی رات قومی ٹیم کے کھلاڑیوں اور اسپورٹ اسٹاف نے ٹیم ہوٹل میں رپورٹ کی۔
وکٹ کیپر بیٹر محمد رضوان اور اسسٹنٹ ٹو ہیڈ کوچ شاہد اسلم 17 ستمبر کو کراچی میں رپورٹ کریں گے۔قومی اسکواڈ آج نیشنل اسٹیڈیم کراچی میں ٹریننگ کرے گا۔ ٹریننگ سیشن سے قبل بیٹر شان مسعود اسٹیڈیم میں میڈیا سے گفتگو کریں گے۔
پاکستان اور انگلینڈ کے مابین سیریز کا پہلا ٹی 20 انٹرنیشنل میچ 20 ستمبر کو کھیلا جائے گا۔ سیریز کے ابتدائی 4 میچز کراچی اور دیگر 3 میچز لاہور میں کھیلے جائیں گے۔تمام ٹی 20 میچز شام ساڑھے 7 بجے شروع ہونگے۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022
راجستھان:نشےمیں دھت پڑوسی نے70 سالہ خاتون کی عصمت دری کردی
دوسہ: راجستھان کے دوسہ ضلع کے ایک گاؤں میں جمعہ کی شام ایک 70 سالہ خاتون کی مبینہ طور پر عصمت دری کی گئی۔ مقامی میڈیا کے مطابق، ایک 32 سالہ پڑوسی نے گھر میں اپنے پوتے کے ساتھ چارپائی پر پڑی سیپچیوانی خاتون کے ساتھ زیادتی کی۔
معاملے کی اطلاع ملتے ہی بسوا پولس موقع پر پہنچ گئی اور خاتون کو سرکاری اسپتال بندیکوئی لے جایا گیا۔بسوا پولیس نے بتایا کہ 70 سالہ خاتون شام 6 بجے کے قریب اپنے آٹھ سالہ پوتے کے ساتھ چارپائی پر لیٹی ہوئی تھی۔ اس دوران خاتون کا شوہر مویشی چرانے نکلا تھا اور بہو باجرا کاٹنے میں مصروف تھی۔
اسی دوران پڑوسی نوجوان گھر میں داخل ہوا اور خاتون کو زبردستی کچن میں لے گیا اور مذکورہ جرم کا ارتکاب کیا۔ واقعے کے بعد خاتون کا خون بہنے کی رفتار تیز ہوگئی۔ لیکن یہ اطلاع تب ہی سامنے آئی جب شوہر نے گھر واپس آکر خاتون کو خون آلود حالت میں دیکھا۔
معاملے کی اطلاع بسوا پولیس کو دی گئی۔پولیس نے بتایا کہ اطلاع ملنے پر وہ موقع پر پہنچ گئے اور خاتون کو علاج کے لیے سرکاری اسپتال بندیکوئی لایا گیا۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022
1کروڑ50 لاکھ کی ڈکیتی کرنے والے مجرم پکڑے گئے
جمشیدپور:پولیس نے بینک ڈکیتی میں ملوث ایک بین ریاستی گینگ کو گرفتارکرلیا ہے۔ اس گینگ نے جمشید پور میں ایک قومی بینک سے تقریباً 1.5 کروڑ روپے نقد اور سونے کے زیورات لوٹ لیے،
اس سلسلے میں پولیس نے کہا کہ 18 اگست کو جمشید پور بینک لوٹ میں ملوث گینگ کے سات ارکان میں سے دو چوری کی رقم لے کر ملک سے فرار ہو گئے ہیں۔ ایس ایس پی، پربھات کمار نے کہا کہ اس گروہ نے فروری میں جمشید پور میں ایک نامور جیولر سے 32 لاکھ روپے بھی لوٹے تھے۔
ایس ایس پی نے مزید بتایا کہ گرفتار گینگ کے ارکان نے پولیس کو بتایا کہ پٹنہ کی بیور جیل میں راجیو سنگھ عرف پلو نامی قیدی کی ہدایت پر بینک لوٹے گئے۔گینگ کے ارکان کا تعلق گیا، سمستی پور اور پٹنہ سے تھا۔ ملزمان نے اعتراف کیا کہ انہوں نے جھارکھنڈ کے علاوہ بہار، راجستھان، مغربی بنگال میں بینکوں کو لوٹا۔
پولیس افسر نے کہا کہ ملزمان نےانکشاف کیا ہے کہ انہوں نے شہروں کے داخلی اور خارجی راستوں کے قریب اور قومی شاہراہوں کے قریب واقع شاخوں، کیش وینز اور زیورات کو نشانہ بنایا تاکہ وہ جرم کرنے کے بعد آسانی سے فرار ہو سکیں۔
تفتیشی ٹیم نے جمشید پور بینک کی ڈکیتی میں استعمال ہونے والی ایک کنٹینر گاڑی اور دو مسروقہ موٹر سائیکلیں برآمد کیں۔ گینگ کے ارکان کنٹینر گاڑی میں مال غنیمت لے کر کولکتہ فرار ہوگئے تھے۔اس کے بعد وہ گاڑی کو مشرقی شہر کے ایک الگ تھلگ مقام پر چھوڑ کر اپنے گھروں کو منتشر ہو گئے۔ ملزمان نے دو پہیوں کے چیسس اور انجن نمبر مکمل طور پر مٹا دیے تھے، تاکہ ان کا آسانی سے سراغ نہ لگایا جا سکے۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022
گجرات:گائے کا گوشت کھلانے پرہوٹل مالک کوگرفتارکرلیا گیا
گجرات کے شہر سورت میں ایک ریسٹورنٹ کے مالک کو اپنے ہوٹل میں نان ویجیٹیرین کھانا کھانے آنے والے گاہکوں کو گائے کا گوشت پیش کرنے پر گرفتار کر لیا گیا۔ جیسے ہی ہندو تنظیموں کو ریستوران کے مالک کی حرکتوں کا علم ہوا تو انہوں نے معاملے کی اطلاع پولیس کو دی۔
کسی خفیہ اطلاع پر پولیس نے ریسٹورنٹ پر چھاپہ مار کر فریج میں رکھا 60 کلو گرام گائے کا گوشت برآمد کیا۔ ریستوران کے مالک کے خلاف سورت کے لال گیٹ تھانے میں مقدمہ درج کیا گیا اور اسے گرفتار کر لیا گیا۔

سورت میں ہندو تنظیموں کے تین لوگوں کو اطلاع ملی کہ ہودی بنگلہ علاقے میں چلنے والے ایک نان ویج ریستوراں میں گائے کا گوشت پیش کیا جا رہا ہے۔ انہوں نے معاملے کی چھان بین کی اور تصدیق کرتے ہوئے کہ معلومات درست ہیں، انہوں نے پورے معاملے کی اطلاع لال گیٹ پولیس اسٹیشن کو دی۔کہ گجرات کے سورت میں وہ ہوٹل جو گائے کا گوشت پیش کر رہا تھا۔
کہا جاتا ہے کہ پولیس نے ہوٹل پر چھاپہ مار کر فریج میں 6 تھیلوں میں رکھا 60 کلو گرام گائے کا گوشت برآمد کیا۔ اس کے بعد پولیس نے ایک جانوروں کے ڈاکٹر کو موقع پر بلایا اور اس کی موجودگی میں جانچ کے لیے نمونے لیے اور انہیں فارنسک سائنٹیفک لیبارٹری بھیج دیا۔
ایف ایس ایل رپورٹ موصول ہونے کے بعد، جس میں اس بات کی تصدیق کی گئی کہ مواد گائے کا گوشت تھا، لال گیٹ تھانے نے مقدمہ درج کیا اور ریسٹورنٹ کے مالک سرفراز محمد وزیر خان کو گجرات اینیمل پروٹیکشن ترمیمی ایکٹ کے تحت گرفتار کر لیا۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022
قرضہ واپس نہ کرنے پرفنانس کپمنی نے حاملہ خاتون پرٹریکٹرچڑھا کرکچل دیا
جھاڑکھنڈ:قرضہ واپس نہ کرنے پرفنانس کپمنی نے خاتون پرٹریکٹرچڑھا کرکچل کراسے جان سے ماردیا، پولیس کی طرف سے جاری اطلاعات میں بتایا گیا ہےکہ جمعہ کو جھارکھنڈ کے ہزاری باغ میں ٹریکٹر کی قیمت وصولی کے لیے آنے والی فائنانس کمپنی کے اہلکاروں نے ایک حاملہ خاتون کو مبینہ طور پر ٹریکٹر کے نیچے کچل دیا۔
ذرائع کےمطابق متاثرہ ایک کسان کی بیٹی ہے۔ ایک مشہور فنانس کمپنی کے اہلکار بغیر اطلاع کے ٹریکٹر برآمد کرنے کسان کے گھر گئے۔ بیٹی اور اہلکاروں کے درمیان جھگڑا ہوا جس کے بعد وہ ٹریکٹر کے سامنے آگئی۔

اہلکاروں نے مبینہ طور پر اسے ٹریکٹر کے نیچے کچل کر اس کو شدید زخمی کردیا ،کہا جاتا ہے کہ متاثرہ کے رشتہ دار کے مطابق خاتون کو قریبی اسپتال لے جایا گیا جہاں اسے مردہ قرار دے دیا گیا۔
ہزاری باغ کے ایس پی، منوج رتن چوتھے کے مطابق، "فائنانس کمپنی کے اہلکار ایک کسان کے گھر ٹریکٹر کی وصولی کے لیے پہنچے تو ان کے درمیان جھگڑا ہو گیا جس میں اس کی بیٹی کو ٹریکٹر نے ٹکر مار دی اور اس کی موت ہو گئی۔ اس معاملے میں قتل کا مقدمہ درج کیا گیا ہے۔‘‘
پولیس اہلکار نے مزید کہا کہ فنانس کمپنی کے اہلکاروں نے ٹریکٹر کی بازیابی کے لیے متاثرہ کے گھر جانے سے قبل مقامی تھانے کو اطلاع نہیں دی۔یہ بھی معلوم ہوا ہے کہ اس ٹریکٹر کی کچھ قسطیں ابھی واجب الادا تھیں جوکچھ دیرسےادا نہیں ہورہی تھیں جس پرکمپنی نےبقایاجات واپس لینے کے لیے ٹریکٹرواپس کرنے کے لیے دباوڈالا تھا
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.

ستمبر 17, 2022
پاکستان میں سیلاب سے ہونے والے نقصانات اوراس کے اثرات غیر معمولی ہوں گے:عالمی بینک
نیویارک:پاکستان میں سیلاب سے تباہی کی شدت عالمی اداروں نے بھی محسوس کی ہے اور اب توعالمی اداروں نے دنیا بھر سے اپیل کردی ہے کہ اگرپاکستان کی اس مشکل وقت میں مدد نہ کی گئی تو پاکستان میں بہت بڑا انسانی ، غذائی اور مالیاتی بحران آسکتا ہے جو دنیا کو اپنی لپیٹ میں لے سکتا ہے،
اسی سلسلے میں عالمی بینک کا کہنا ہے کہ پاکستان میں سیلاب سے ہونے والے نقصانات غیرمعمولی اور بحالی و تعمیر نو کیلئے بہت زیادہ وسائل درکار ہوں گے۔
عالمی بینک کے حکام نے سماء سے خصوصی بات کرتے ہوئے انکشاف کیا کہ پاکستان میں سیلاب سے ہونے والے نقصانات غیر معمولی ہوں گے، جب کہ بحالی و تعمیر نو کیلئے بہت زیادہ وسائل درکار ہوں گے۔
عالمی بینک کے حکام کا کہنا ہے کہ پوسٹ ڈیزاسٹر اینڈ اسسیسمنٹ پر کام جلد مکمل کر لیا جائے گا، عالمی بینک، یو این ڈی پی،اے ڈی بی،یورپی یونین مشترکہ جائزہ لے رہے ہیں۔
حکام نے کہا ہے کہ حکومت پاکستان سے مل کر سیلاب کے اثرات کا ابتدائی جائزہ تیار ہورہا ہے، وفاقی و صوبائی ڈیٹا کی بنیاد پر عالمی طریقہ کار کے مطابق کام جاری ہے۔
پاکستان کواس وقت کئی بحرانوں کا سامنا ہے ، کہیں معاشی بحران تو کہیں معاشرتی مگر پچھلے دو ماہ سے پاکستان جس تکلیف اور کرب سے گزررہا ہے پاکستان کی تاریخ میں شاید ایسے پہلے نہیں ہوا، کئی ہفتوں سے جاری طوفانی بارشوں اور سیلاب نے پاکستان کو تباہ کر دیا ہے۔
پاکستان جیسے غریب ملک میں تقریباً 220 ملین آبادی پر مشتمل جنوبی ایشیائی ملک جولائی اور اگست میں مون سون کی تاریخی بارشوں کے بعد موسمیاتی بحران کا مرکز ہے۔اب تک 1527 سے زائد افراد ہلاک ہو چکے ہیں جبکہ 33 ملین افراد متاثر ہوئے ہیں۔
12758 افراد زخمی ، 18 لاکھ سے زائد مکانات تباہ 12 ہزار 718 کلومیٹر سڑکیں تباہ جبکہ 9 لاکھ 27 ہزار سے زائد جانور اور مویشی بھی جان کی باری ہارگئے ہیں
پاکستان کی نیشنل ڈیزاسٹر منیجمنٹ اتھارٹی کے مطابق، ریسکیو اور بحالی کے مشن سست ہیں، اور نصف ملین سے زیادہ لوگ اب بھی عارضی کیمپوں میں ہیں۔پاکستان کی وزیر برائے موسمیاتی تبدیلی شیری رحمٰن نے شدید موسم کو ’’عشرے کا مونسٹر مانسون‘‘ قرار دیا۔
وفاقی وزیراحسن اقبال کے مطابق انکی حکومت نے کل مالی نقصان کا تخمینہ 30 بلین ڈالر لگایا ہے، جس میں کم از کم چار ملین ہیکٹر (9.8 ملین ایکڑ) زرعی اراضی تباہ ہو گئی ہے۔
پاکستان اور اقوام متحدہ دونوں نے موسمیاتی تبدیلیوں کو شدید موسم اور اس کے نتیجے میں ہونے والی تباہی کا ذمہ دار ٹھہرایا ہے۔ اقوام متحدہ کے سکریٹری جنرل انتونیو گوٹیرس نے بارش کی سطح کو "ایپوچل” قرار دیا۔نیشنل ڈیزاسٹر مینجمنٹ اتھارٹی کے مطابق، ملک کے 160 میں سے کم از کم 81 اضلاع کو سیلاب سے "آفت زدہ” کے طور پر درجہ بندی کیا گیا ہے۔
پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
باغی ٹی وی بلوچستان کے سیلاب متاثرین کی آواز بن گیا ہے.
ستمبر 17, 2022