Author: News Editor

لاہور:وزیراعظم شہباز شریف کے معاون خصوصی ملک احمد خان نے کہا ہے کہ عطا اللہ تارڑ کے پاس ایسے ثبوت موجود ہیں جن کی بنیاد پر وزیراعلیٰ پنجاب پرویز الٰہی کا نام ایگزٹ کنٹرول لسٹ (ای سی ایل) میں ڈالا جاسکتا ہے۔

نجی ٹی وی میں گفتگو میں ملک احمد خان کا کہنا تھاکہ مشکوک لین دین ہوئی جس کا پرویز الٰہی حکومت سے بڑا واضح تعلق ہے۔انہوں نے کہا کہ جب تک معاملے کی تحقیقات جاری ہیں تب تک پرویزالٰہی کا نام ای سی ایل میں ڈالنے کی تجویز زیرِ غور ہے۔

اس حوالے سے ماہرِ قانون سلمان اکرم راجہ نے کہاکہ کسی کو روکنے کیلئے ای سی ایل ایک انتظامی طریقہ ہے، اس کا کوئی قانونی تصور نہیں، اگر نام ای سی ایل میں ڈالا گیا تو پرویز الٰہی اسے عدالت میں چیلنج کرسکتے ہیں۔

اس سے پہلے لاہورہائیکورٹ میں سابق وفاقی وزیر و وزیراعلیٰ پنجاب پرویز الٰہی کے بیٹے مونس الٰہی کی اہلیہ تحریم الٰہی کی بیرون ملک جانے سے روکنےکی لسٹ میں نام ڈالنے کے خلاف درخواست سماعت کیلئے مقرر کردی۔مونس کی اہلیہ نے بیرون ملک جانے سے روکنے کی لسٹ میں نام ڈالنے کا اقدام چیلنج کردیا

وفاقی تحقیقاتی ایجنسی (ایف آئی اے) نے وزیراعلیٰ پنجاب پرویزالٰہی کے بیٹے راسخ الٰہی، ان کی اہلیہ اور مونس الٰہی کی اہلیہ سمیت 9 افراد کے نام پرویژنل نیشنل آئیڈنٹیفکیشن لسٹ (پی این آئی ایل) پر ڈال دیے ہیں۔مونس الٰہی کی اہلیہ تحریم الٰہی نے نام پی این آئی لسٹ میں ڈالنے کے خلاف لاہور ہائیکورٹ سے رجوع کیا تھا۔

عدالت نے ان کی درخواست سماعت کیلئے مقرر کردی ہے۔ جسٹس شہرام سرور تحریم الٰہی کی درخواست پر جمعرات کو سماعت کریں گے۔

لاہور:پنجاب اسمبلی کے اجلاس کی صورتحال کے بعد مسلم لیگ (ن) اور اس کے اتحادیوں کا اجلاس وفاقی وزیر داخلہ رانا ثنا اللہ کی صدارت میں ہوا۔اہم اجلاس میں مسلم لیگ (ن) پیپلز پارٹی اور آزاد ارکان نے شرکت کی، اجلاس میں پنجاب میں تبدیل ہوتی صورتحال پر مشاورت کی گئی، اس موقع پر ایوان میں کسی بھی قسم کی دھونس کا مقابلہ کرنے کیلئے مسلم لیگ (ن) نے حکمت عملی طے کر لی۔

واضح رہے وزیر داخلہ رانا ثنا اللہ نے میڈیا سے گفتگو میں دعویٰ کیا تھا کہ ہمیں معلوم ہے تحریک انصاف کے پاس نمبرز پورے نہیں، ان کے 6 سے 8 اراکین اسمبلی بیرون ملک ہیں اور ہمارے پاس ٹریول ہسٹری موجود ہے، یہ 176 بندے اکٹھے کر کے 187 کا ڈرامہ کرتے ہیں۔

اس سے پہلے ڈپٹی سپیکر پنجاب اسمبلی واثق قیوم نے کہا ہے کہ آج 186 ارکان کا نمبر ہاؤس میں شو کیا جائے گا، آج نمبرز گیم شو کریں گے، اعتماد کا ووٹ کل لیں گے۔

میڈیا سے گفتگو کرتے ہوئے ڈپٹی سپیکر پنجاب اسمبلی کا کہنا تھا کہ ہماری پوری تسلی ہے، 186 کو کراس کر چکے ہیں، کل ہی کہا تھا ہمارے پاس سرپرائز ہے، سرپرائز کیلئے موقع چاہیے تھا، ہم جو کہا تھا پورا کر دیا۔

ڈپٹی سپیکر نے کہا کہ ہم نے ان کونمبرز پورے کر کے بتانے تھے وہ کر دیئے، اعتماد کے ووٹ کے لیے ایجنڈے پر لانا ضروری ہے، ہمارا مقصد نمبرز پورے کرنا تھا وہ آج ہم نے دکھا دیئے۔واثق قیوم نے مزید کہا کہ یہ کہتے تھے ہمارے پاس نمبرز پورے نہیں، آج ہم نے دکھا دیئے، عمار یاسر بھی ایوان میں آگئے ہیں، ہمارے پاس ایک اور سرپرائز بھی ہے اس کا ابھی انتظار کریں۔

لاہور: ڈپٹی سپیکر پنجاب اسمبلی واثق قیوم نے کہا کہ آج 186 ارکان کا نمبر ہاؤس میں شو کیا جائے گا، آج نمبرز گیم شو کریں گے، اعتماد کا ووٹ کل لیں گے۔

میڈیا سےگفتگو کرتے ہوئے ڈپٹی سپیکر پنجاب اسمبلی کا کہنا تھا کہ ہماری پوری تسلی ہے، 186 کو کراس کر چکے ہیں، کل ہی کہا تھا ہمارے پاس سرپرائز ہے، سرپرائز کیلئے موقع چاہیے تھا، ہم جو کہا تھا پورا کر دیا۔ڈپٹی سپیکر نے کہا کہ ہم نے ان کونمبرز پورے کر کے بتانے تھے وہ کر دیئے، اعتماد کے ووٹ کے لیے ایجنڈے پر لانا ضروری ہے، ہمارا مقصد نمبرز پورے کرنا تھا وہ آج ہم نے دکھا دیئے۔

واثق قیوم نے مزید کہا کہ یہ کہتے تھے ہمارے پاس نمبرز پورے نہیں، آج ہم نے دکھا دیئے، عمار یاسر بھی ایوان میں آگئے ہیں، ہمارے پاس ایک اور سرپرائز بھی ہے اس کا ابھی انتظار کریں۔

اس سے پہلے پاکستان تحریک انصاف کے رہنما فواد چوہدری نے دعویٰ کیا تھا کہ پنجاب اسمبلی میں وزیراعلیٰ پرویز الہی کے اعتماد کے ووٹ کے لیے حکومت کے نمبر پورے ہیں۔ٹویٹر پیغام میں فواد چوہدری نے لکھا کہ الحمدللہ 187 کا نمبر مکمل، یعنی وزیراعلیٰ پنجاب کو 187 اراکین کی حمایت حاصل ہے۔

الحمدللہ 187 کا نمبر مکمل

— Ch Fawad Hussain (@fawadchaudhry) January 11, 2023

اجلاس سے قبل ایک اور ٹویٹ میں فواد چوہدری کا مزید کہنا تھا کہ تحریک انصاف کی پارلیمانی پارٹی کے اجلاس کیلئے 177 ممبران اسمبلی پہنچ چکے ہیں جبکہ قاف لیگ کے 10 ارکان کچھ دیر میں پہنچ رہے ہیں اور انشاللہ اجلاس میں 187 ارکان شامل ہوں گے۔

خیال رہے کہ وزیراعلیٰ پنجاب چودھری پرویز الٰہی نے زمان پارک میں چیئرمین پاکستان تحریک انصاف عمران خان سے ملاقات کی ہے جس میں سیاسی صورتحال اور اعتماد کے ووٹ کے حوالے سے مشاورت کی گئی۔

لاہور:چیئرمین چیف منسٹر ٹاسک فورس فار ایجوکیشن میاں عمران مسعود نے کہا نے کہا ہے کہ اسکول ایجوکیشن میں اس سال تقریبا پندرہ ہزار اساتذہ کے میرٹ پر ڈیجیٹل ٹرانسفر آرڈر جاری کیے جائیں گے جس کے بعد کمپیوٹرائزڈ نظام کے تحت ہونے والے تبادلوں کی مجموعی تعداد ایک لاکھ بیس ہزار ہو جائے گی اس کے علاوہ 1227اب گریڈ ہونے والے سکولوں میں نئے مالی سال کے بجٹ میں سٹاف اور سائنس اور کمپیوٹر لیبز کی فراہمی کے لئے خصوصی فنڈ مہیا کئے جائیں گے۔

ان خیالات کا اظہار انہوں نے محکمہ سکول ایجوکیشن کے ایک اعلیٰ سطحی اجلاس سے خطاب کے دوران کیا اجلاس میں سیکرٹری سکول ایجوکیشن وقاص علی محمود،اسپیشل سیکرٹری سکول ایجوکیشن کلثوم ثاقب منیجنگ،ڈائریکٹر پنجاب کریکولم اینڈ ٹیکسٹ بک بورڈ ڈاکٹر فاروق منظور، ایم ڈی پنجاب ایجوکیشن فاؤنڈیشن مناظر علی جاوید،نعیم بخاری، پی ایم آئی یو سفینہ صدیق،سی ای او پیما آصف مجید، ڈائریکٹر قائد اکیڈمی آف ایجوکیشن طارق اقبال، سی ای او پنجاب ایگزامینیشن کمیشن ڈی پی آی(ایلیمنٹری ایجوکیشن) رانا عبدالقیوم،سی ای او (سیکنڈری ایجوکیشن) مشتاق حسین سیال، ڈاکٹر سمیرا رشید آئی آی آر پنجاب یونیورسٹی اور سی ای او لاہور ویسٹ مینجمنٹ کمپنی علی عنان قمر نے بھی شرکت کی۔

اجلاس میں گلی محلوں اور خاص طور پر اسکولوں میں حفظان صحت کو یقینی بنانے کے لئے اساتذہ طلبہ اور والدین میں شعوری بیداری کی اہمیت پر زور دیا گیا سی ای او لاہور ویسٹ مینجمنٹ کمپنی نے لاہور میں صفائی کی صورتحال پر بریفنگ دی انہوں نے تجویز پیش کی کہ اسکولوں میں خاص طور پر طلباء میں صفائی کا شعور پیدا کیا جائے اس سلسلے میں تعلیمی نصاب میں خصوصی مضامین شامل کیے جائیں اجلاس میں کریکولم اینڈ ٹیکسٹ بک بورڈ کے ایم ڈی نے بتایا کہ نصاب میں صفائی کے حوالے سے کافی مواد موجود ہے۔ ضرورت اس امر کی ہے کہ مضامین میں دی گئی ہدایات پر عمل درآمد کرایا جائے۔ محکمہ تعلیم کے افسران نے بتایا کہ کہ ماضی میں طالب علم بھی سکول کی صفائی میں حصہ لیا کرتے تھے مگر یہ معمول ختم کردیا گیا ہے۔ جس کو دوبارہ جاری کرنے کی ضرورت ہے۔

اجلاس میں ڈی پی آی(سیکنڈری ایجوکیشن) مشتا ق احمد سیال ڈی پی آی ایلیمنٹری ایجوکیشن رانا عبدالقیوم نے اپنے شعبوں کے حوالے سے پریزنٹیشن پیش کی۔سیکرٹری سکول ایجوکیشن وقاص علی محمود نے کہا کہ محکمہ تعلیم کے تمام اساتذہ کا سروس ریکارڈ کمپیوٹرائز کردیا گیا ہے جس سے شفاف ٹرانسفر اور دیگر ملازمتی امور نمٹانے میں بڑی مدد ملی ہے میاں عمران مسعود نے کہا کہ محکمہ تعلیم میں گذشتہ 75 سال سے تعلیمی پالیسیوں کے نفاذ اور اصلاحات کا عمل جاری ہے۔ مگر ان اقدامات کی افادیت کا کبھی جائزہ نہیں لیا گیا۔ اس وجہ سے ان اقدامات کے نتائج سامنے نہیں آئے۔اس لیے یہ ضروری ہے ترقیاتی اور اصلاحاتی اقدامات کے حوالے سے جا مع رپورٹ مرتب کی جائے۔ جس کی روشنی میں مستقبل کی منصوبہ بندی کی جا سکے۔ اس کے علاوہ چیئرمین ٹاسک فورس برائے ایجوکیشن نے محکمہ کو ہدایت کی کہ سکولوں میں شرح داخلہ ڈراپ آؤٹ اور سکولوں میں بچیوں کی تعداد کے حوالے سے اعدادوشمار مرتب کئے جائیں تاکہ زمینی حقائق کے مطابق تعلیمی ترقیاتی پروگرام تشکیل دیا جا سکے اور آئندہ مالی سال کے بجٹ میں ان کو شامل کیا جائے اور بین الاقوامی اداروں سے مالی تعاون بھی حاصل کیا جا سکے۔ میاں عمران مسعود نے مزید ہدایت کی کے طلباء وطالبات میں صفائی اور ستھرائی کا شعور پیدا کرنے کے لیے تعلیمی اداروں میں خصوصی سیمینار منعقد کرائے جائیں اور صفائی کے حوالے سے نظمیں سکولوں میں آویزاں کریں جائیں۔ تاکہ بچے صفائی کی اہمیت سے آگاہ ہو سکں۔