Author: News Editor

لاہور:پاکستان کے مایہ ناز اور سینئر صحافی واینکر پرسن مبشر لقمان کی آج سالگرہ منائی جا رہی ہے،سینئر صحافی واینکر پرسن 11 جنوری 1963ء کو لاہور میں پیدا ہوئے- مبشر لقمان نے ابتدائی تعلیم اپنے آبائی شہر سے حاصل کی انٹرمیڈیٹ کی تعلیم مکمل کرنے کے بعد مزید تعلیم کا سلسلہ جاری رکھنے کے لئے گورنمنٹ کالج لاہور میں داخلہ لیا۔سینئر صحافی واینکر پرسن نے بطور میزبان چینل بزنس پلس سے صحافت میں اپنے کیریئر کا آغاز کیا۔

ٹیلی وژن اسکرین پر اپنے پہلے تجربے کے دوران ، سینئیر اینکر پرسن مبشر لقمان نے پاکستان کے بہت سے معاشی و معاشی اور سیاسی مسائل کا احاطہ کیا تھا۔ ملک کے متعدد اہم امور کے بارے میں اپنے شاندار موقف کی وجہ سے صحافت کے میدان میں اپنی الگ شناخت بنائی- اس کے بعد وہ ایکسپریس نیوز کے پروگرام اور پاکستان کے سب سے بڑے میڈیا گروپ ، ایکسپریس نیوز میں بطور میزبان پروگرام پوائنٹ بلینک میں شامل ہوئے ، اور پھر بعد میں دنیا نیوز میں منتقل ہوگئے اور پروگرام کھری بات ود لقمان کی میزبانی کے فرائض سر انجام دیئے-اس کے بعد انہوں نے کھرا سچ کی میزبانی میں اے آر وائی نیوز میں شمولیت اختیار کی ، جس کے ذریعے انہوں نے متعدد سیاستدانوں کے کرپشن اور جھوٹ کو بے نقاب کیا۔

مبشر لقمان 2007 اور 2008 میں انفارمیشن ٹکنالوجی ، مواصلات پنجاب کےنگران وزیربھی رہے اور اب فی الحال وہ پی این این میں ایک ٹاک شو کھرا سچ کی میزبانی کررہے ہیں ۔ان کا پروگرام کھرا سچ عوام میں مقبول ترین پروگراموں میں سے ہے ۔ مبشر لقمان کھرا سچ میں ہمیشہ کھرا سچ ہی بولتے ہیں حکمرانوں کی کرپشن کو بے نقاب پر مبشر لقمان پر درجنوں مقدمات قائم کیے گئے تاہم رب العزت نے انہیں کامیابی دی اور مقدمے خارج ہوئے عدالتی فیصلے انکے حق میں آئے۔

مبشر لقمان پاکستان کے سب سے بڑے ڈیجیٹل میڈیا نیٹ ورک باغی ٹی وی کے سی ای او بھی ہیں ۔ باغی ٹی وی اردو انگریزی، چینی زبان، پشتو ، دری میں شائع ہو رہا ہے، مبشر لقمان کا یوٹیوب چینل مبشر لقمان آفیشیل یوٹیوب چینل بھی پاکستان کے مقبول ترین چینلز میں سے ہے۔بیباک تبصروں اور تجزیوں کے ساتھ کھرا سچ اور پھر اس پر ڈٹ جانا مبشر لقمان کی پہچان ہے، انہوں نے مفاد کی خاطر کبھی ضمیر کا سودا نہیں کیا بلکہ علی الاعلان کلمہ حق کہا یہی وجہ ہے کہ ان پر نہ صرف مقدمے بنائے گئے بلکہ متعدد بار انکے پروگرام کو بھی بند کروانے کی مذموم کوشش کی گئی

مبشر لقمان کی سالگرہ کے موقع پر سوشل میڈیا سائٹ ٹوئٹر پر HBD_Mubasherlucman ٹرینڈ میں مداحوں سمیت معروف شخصیات کی جانب سے مبارکباد کے پیغامات موصول ہورہے ہیں اور ساتھ ہی نیک تمناؤں کا اظہار بھی کیا جا رہا ہے-

لاہور:گورنر پنجاب محمد بلیغ الرحمان نے کہا ہے کہ گورنر کا آئینی اختیار ہے کہ وہ اسمبلی کا اجلاس بلا سکے اور وزیر اعلیٰ کو اعتماد کا ووٹ لینے کے لیے پابند کر سکے، اپنے آئینی حکم نامے کی تعمیل نہ ہونے پر شدید تحفظات ہیں۔گورنر پنجاب محمد بلیغ الرحمان نے مختلف وفود سے ملاقات کے دوران گفتگو کرتے ہوئے کہا کہ میں حد درجہ مطمئن تھا کہ وزیر اعلیٰ ایوان کااعتماد کھو چکے ہیں اور میں نے اسی لیے اپنے آئینی استحقاق کو استعمال کرتے ہوئے وزیر اعلیٰ کو اعتماد کا ووٹ لینے کے لئے پابند کیا۔

ننکانہ : قرآن محل کے نام پر کرپشن اور لوٹ مار،سٹور نما ایک کمرہ کی لاگت21 لاکھ…

محمد بلیغ الرحمان نے کہا کہ اگر وزیر اعلیٰ اعتماد کا ووٹ لینے کے قابل ہوتے تو اب تک لے چکے ہوتے، سپیکر کو گورنر کے آئینی اختیارات میں مداخلت کا کوئی اختیار اور حق نہیں ہے، سپیکر پنجاب اسمبلی کے اقدامات اور خاموشی غیر آئینی اور غیر قانونی ہے، گورنر کے اقدامات کو عدالت میں چیلنج کرنا بے بنیاد ہے۔

گورنر پنجاب نے کہا کہ سیاسی معاملات کو عدالتوں میں لے جانا اور انہیں سیاسی صورتحال میں اُلجھانا بلا جواز ہے، سپیکر کے اقدامات اختیارات کی تقسیم کے اُصول کی نفی ہیں، آئین کی اس حد تک نفی اور خلاف ورزی جمہوریت کے لیے سخت خطر ناک ہے، میں نے آئینی نظام کی بقا کے لئے کم سے کم مداخلت پر مبنی آئینی استحقاق استعمال کیا۔انہوں نے کہا کہ اعتماد کے ووٹ سے بچنے کے لئے وزیر اعلیٰ عدالت کو ڈھال کے طور پر استعمال کر رہے ہیں،غالباً وزیر اعلیٰ اس حقیقت سے واقف ہیں کہ وہ پارلیمان کا اعتماد کھو چکے ہیں، اسی لئے وہ اعتماد کے ووٹ سے بچنے کے لیے یہ ہتھکنڈے استعمال کر رہے ہیں۔

ڈی آئی خان : وائس چانسلر ڈاکٹر افتخار کی ملازمت پر بحالی،عوام کااحتجاج

محمد بلیغ الرحمان کا کہنا تھا کہ تحلیل شدہ کابینہ اور وزیر اعلیٰ کو عدالتوں کے ذریعے پہلے ہی کافی وقت مل چکا ہے، چونکہ وزیر اعلیٰ نے اعتماد کا ووٹ لینے سے احتراز کیا اس لئے وہ ملک کے سب سے بڑے صوبے کی ایگزیکٹو اتھارٹی استعمال کرنے کا حق کھو چکے ہیں۔

لاہور:عمران خان پرفائرنگ:حملہ آورایک سےزیادہ ہونیکا ثبوت نہیں ملا ،اطلاعات کے مطابق وزیر آباد میں عمران خان پر فائرنگ کی تحقیقات پر قائم جے آئی ٹی کے 4 ارکان نے اختلافی نوٹ جاری کرتے ہوئے کہا ہے کہ حملہ آور ایک سے زیادہ ہونے کا کوئی ثبوت نہیں ملا، ملزم وقاص کا کردار محض سہولت کار کا ہے۔

اختلافی نوٹ میں کہا گیا ہے کہ منصوبہ بندی میں کسی دوسرے شخص کی شمولیت ثابت نہیں ہو سکی، معظم کی موت کی ذمہ داری کے حوالے سے کوئی نتیجہ اخذ نہیں کیا جاسکتا۔

اوکاڑہ ،دیپالپور، حجرہ شاہ مقیم ڈکیتیوں کا نہ رکنے والا سلسلہ جاری

جے آئی ٹی ارکان کا اختلافی نوٹ میں مزید کہنا تھا کہ کنوینئر اور کوآپٹڈ ممبر انور شاہ نےانکوائری کی، جے آئی ٹی ارکان اور دیگر ممبران کی رائے کو مناسب اہمیت نہیں دی گئی، کسی پیشہ ورانہ ان پٹ کی اجازت نہیں دی گئی، 17 دسمبر کو جے آئی ٹی کے ایک ممبر نےشدید اعتراض کیا۔

نامعلوم ملزمان کی وکلاء پر فائرنگ، 1ہلاک 2 زخمی

جےآئی ٹی ارکان نے مزید کہا کہ اعتراض کرنے والے ممبر کو 29 دسمبر کے اجلاس میں نہیں بلایا گیا، ٹیم نےنتیجہ اخذ کیا نہ رپورٹ پیش کی، رپورٹ کو میڈیا پر موضوع بحث بنانا قبل از وقت اور بدنیتی پر مبنی ہے۔جےآئی ٹی ارکان نے دستخطوں کے ساتھ اختلافی نوٹ سی سی پی او لاہور کو بھجوا دیا، اختلافی نوٹ آئی جی پنجاب اور ایڈیشنل سیکرٹری داخلہ کو بھی بھجوا دیا گیا۔

اسکول کے کھانے میں سانپ نکل آیا؛ طلبا کی حالت بگڑ گئی

لاہور:فواد چوہدری کی طرف سے اپنی ہی پارٹی کی رکن اسمبلی کے خلاف الزامات سےمعاملات ان کےہی خلاف ہوگئے،اس سلسلے میں پی ٹی آئی کی رکن پنجاب اسمبلی مومنہ وحید کا کہنا ہے کہ اب بھی پارٹی میں ہوں، کسی سازش یا پلان کا حصہ نہیں، پرویز الٰہی پی ٹی آئی کے ووٹوں سے اسپیکر و وزیراعلیٰ بنے، جو لوگ مایوس ہیں ممکن ہے وہ اعتماد کا ووٹ نہ دیں۔ فواد چوہدری کیخلاف قانونی کارروائی کا بھی اعلان کردیا۔

کوئٹہ: سرکاری اسپتال میں ڈیوٹیوں میں رعایت کے نام پر جنسی ہراسانی کا انکشاف

پاکستان تحریک انصاف کے سینئر رہنماء اور سابق وفاقی وزیر فواد چوہدری نے اپنی پارٹی کی خاتون رکن پنجاب اسمبلی پر سنگین الزامات لگادیئے، کہتے ہیں کہ مومنہ وحید بک گئیں، رپورٹس ہیں کہ خاتون رکن نے ڈیل کے بعد 5 کروڑ روپیہ لیا اور لوٹی ہونی کو ترجیح دی۔ انہوں نے ساتھ ہی یہ دعویٰ بھی کیا کہ ہمارے اراکین کی تعداد اس وقت 188 ہے۔

ننکانہ : قرآن محل کے نام پر کرپشن اور لوٹ مار،سٹور نما ایک کمرہ کی لاگت21 لاکھ…

ان کا کہنا ہے کہ ہر کوئی فواد چوہدری کی طرح پارٹیاں نہیں بدلتا اور نہ ہی ان کی طرح بکنے کیلئے ہوتا ہے، مجھے تو اپنی پارٹی اور چیئرمین سے کوئی شکایت نہیں تھی، صرف ایک معاملے پر کہا کہ پرویز الہٰی کو ووٹ نہیں دوں گی۔ پاکستان تحریک انصاف کی رکن پنجاب اسمبلی مومنہ وحید نے کہا کہ عمران خان کے ارد گرد ایک خوشامدی ٹولہ ہے، عمران خان کو لوگ سب اچھا ہے کی رپورٹ دیتے رہے، فواد چوہدری بھی انہیں میں سے ایک ہیں، پچھلے ایک ڈیڑھ سال سے ان کی یہی نوکری رہی ہے۔میں نے پارٹی نہیں بدلی اب بھی پی ٹی آئی کا حصہ ہوں، رجیم چینج آپریشن ایک رات میں نہیں ہوا تھا۔

سوشل میڈیا پر لڑکی کی آئی ڈی بنا کر نوجوانوں کو لوٹنے والا 5 رکنی گروہ گرفتار

مومنہ وحید نے مزید کہا کہ کچھ روز پہلے بھی کہا تھا کہ پرویز الٰہی اسپیکر پی ٹی آئی کے ووٹوں سے بنے، پرویز الٰہی کو ایک جنگ کے بعد وزیراعلیٰ بنایا گیا، میں سب سے آگے تھی، میں کسی سازش یا پلان کا حصہ نہیں ہوں۔ان کا کہنا ہے کہ پرویز الٰہی ہماری توقعات پر پورا نہیں اتر سکے، جو لوگ مایوس ہیں ممکن ہے وہ اعتماد کا ووٹ نہیں دیں گے۔

لاہور:تخت پنجاب پر قبضے کی جنگ جاری ہے اور اس حوالےسے ن لیگ نے بھی سارے پتے کھیلنےکا فیصلہ کرلیا ہے ، یہ بھی اطلاعات ہیں کہ وزیراعلیٰ پنجاب چودھری پرویز الٰہی کے اعتماد کے ووٹ بارے مسلم لیگ ن کی سیاسی سرگرمیاں تیز ہو گئیں، سینئر لیگی قیادت نے گورنر ہاؤس میں سر جوڑ لیے۔

مسلم لیگ ن کے سینئر رہنماؤں وفاقی وزیر خواجہ سعد رفیق اور وزیر داخلہ رانا ثناء اللہ کی گورنر ہاؤس لاہور آمد، پارٹی کے اہم رہنماؤں نے گورنر پنجاب بلیغ الرحمان سے ملاقات کی، سینئر رہنما ملک احمد خان اور رانا مشہود بھی ملاقات میں شریک تھے۔

پارٹی ذرائع کے مطابق ملاقات میں لیگی رہنماؤں نے موجودہ سیاسی صورتحال پر تبادلہ خیال اور مسلم لیگ ن کی حکمت عملی کے تیاری کے بارے مشاورت کی گئی۔ذرائع کا کہنا ہے کہ تمام آئنیی اور قانونی پہلوؤں پر نظر ثانی کی جارہی ہے اور قیادت کی طرف سے کل عدالت میں پاکستان مسلم لیگ ن کے اراکین کو جمع ہونے کی ہدایات جاری کر دی گئی ہیں۔

دوسری طرف یہ بھی اطلاعات ہیں کہ وزیر اعلیٰ پنجاب کے اعتماد کے ووٹ کے معاملے پر سابق صدر آصف علی زرداری نے لاہور میں ڈیرے ڈالنے کا فیصلہ کر لیا۔امکان ظاہر کیا جا رہا ہے کہ سابق صدر آصف علی زرداری کل لاہور پہنچیں گے، اس موقع پر سابق صدر لاہور میں وفاقی وزراء کی معاونت کریں گے، پی ڈی ایم کی جانب سے پنجاب میں سیاسی بقاء کی جنگ جیتنے کیلئے ہر ممکن اقدامات کرنے کا فیصلہ کیا گیا ہے۔

اس حوالے سے پی ڈی ایم رہنماؤں نے مسلم لیگ (ق) اور تحریک انصاف کے ارکان کو توڑنے کیلئے بیک ڈور رابطوں سلسلہ تیز کر دیا ہے، وزیراعلیٰ کے اعتماد کے ووٹ کے موقع پر ارکان کو ایوان سے غیر حاضر رہنے کیلئے مختلف پیشکشیں کی جا رہی ہیں۔