Author: سعد فاروق

پاک بھارت کشیدگی کے تناظر میں وفاقی دارالحکومت میں ممکنہ ہنگامی صورتحال سے نمٹنے کے لیے ضلعی انتظامیہ متحرک ہو گئی۔

باغی ٹی وی کے مطابق ڈپٹی کمشنر اسلام آباد عرفان نواز میمن کی زیر صدارت اہم ہنگامی اجلاس منعقد ہوا جس میں تمام ایڈیشنل ڈپٹی کمشنرز، اسسٹنٹ کمشنرز اور مجسٹریٹس نے شرکت کی۔اجلاس میں ضلعی انتظامیہ نے شہر بھر میں ہنگامی انتظامات کا تفصیلی جائزہ لیا۔ بریفنگ کے دوران بتایا گیا کہ اسلام آباد کی تمام بلند عمارتوں پر ہنگامی سائرن نصب کر دیے گئے ہیں، جبکہ شہریوں کو محفوظ رکھنے کے لیے مختلف مقامات پر شیلٹرز کی نشاندہی بھی مکمل کر لی گئی ہے۔

24 گھنٹے فعال کنٹرول روم قائم، ہسپتالوں میں ایمرجنسی نافذ

اجلاس میں بتایا گیا کہ سیف سٹی کمپلیکس میں 24/7 کنٹرول روم قائم کر دیا گیا ہے تاکہ کسی بھی ہنگامی اطلاع پر فوری کارروائی کی جا سکے۔ اسلام آباد کے تمام بڑے ہسپتالوں میں ہنگامی صورتحال کے تحت "وار بک رولز” نافذ کر دیے گئے ہیں، اور بلڈ ریلیف کیمپس بھی قائم کیے جا چکے ہیں۔

اشیائے خوردونوش اور پیٹرول کی دستیابی یقینی بنانے کے اقدامات

مارکیٹ کمیٹی نے سبزیوں، دالوں اور دیگر ضروری اشیاء کا اضافی ذخیرہ محفوظ کر لیا ہے جبکہ پیٹرول پمپس پر بھی اضافی سٹاک کی دستیابی کے لیے جامع لائحہ عمل تیار کیا گیا ہے۔ اس کے علاوہ مساجد سے بروقت اعلانات کے لیے بھی مکمل کوآرڈینیشن کر لی گئی ہے۔

نوجوانوں کی بطور رضاکار تربیت، عوام سے احتیاط برتنے کی اپیل

اجلاس میں بتایا گیا کہ ضلعی انتظامیہ نوجوانوں کو بطور والنٹیر تربیت دے رہی ہے تاکہ ہنگامی حالات میں وہ انتظامیہ کی معاونت کر سکیں۔ ڈی سی اسلام آباد نے تمام افسران کو ہدایت کی کہ وہ ہمہ وقت فیلڈ میں موجود رہیں اور شہریوں کو ہر ممکن معاونت فراہم کریں۔ڈی سی عرفان میمن نے شہریوں سے اپیل کی کہ کسی بھی ناخوشگوار واقعہ یا سائرن کی آواز پر فوری طور پر کنٹرول روم سے رابطہ کریں اور تصدیق کے بعد ہی کسی خبر پر ردعمل دیں۔ انہوں نے افواہوں کے سدباب کے لیے اس بات کی بھی وضاحت کی کہ "گھروں کی لائٹس بند کرنے” کے حوالے سے سوشل میڈیا پر گردش کرنے والی خبریں بے بنیاد ہیں۔

غیر تصدیق شدہ خبروں سے گریز کریں، ضلعی انتظامیہ کا انتباہ

ڈی سی اسلام آباد نے کہا کہ موجودہ نازک صورتحال میں شہری ذمہ داری کا مظاہرہ کریں اور کسی بھی غیر مصدقہ خبر پر کان نہ دھریں۔ انتظامیہ ہر ممکن اقدامات کر رہی ہے تاکہ شہر میں امن و امان برقرار رکھا جا سکے۔

بھارت کا بزدلانہ حملہ، فرانسیسی اخبار نے بھارتی فضائیہ کی نااہلی کا پول کھول دیا

بھارتی جارحیت کا بھرپور جواب دیں گے، رافیل گرائے، 29 ڈرون تباہ کیے، عطاء تارڑ

نوازشریف کوشش کرتے ہیں کہ چیزیں ساری صلح صفائی کے ساتھ ہوں،خواجہ آصف

ریاست مخالف بیانیہ پھیلانے والے 500 سوشل میڈیا اکاؤنٹس کی نشاندہی

وزیر دفاع خواجہ آصف نے پاک بھارت کشیدہ صورتحال پر شدید تحفظات کا اظہار کرتے ہوئے کہا ہے کہ بھارت دانستہ طور پر کشیدگی کو ہوا دے رہا ہے اور پچھلے تین دنوں سے مسلسل ٹمپریچر بڑھا رہا ہے۔

باغی ٹی وی کے مطابق انہوں نے خبردار کیا کہ "اللہ نہ کرے کہ معاملہ نیوکلیئر سطح تک چلا جائے۔” نواز شریف کے حوالے سے بات کرتے ہوئے خواجہ آصف نے کہا کہ وہ تین مرتبہ وزیراعظم رہ چکے ہیں، وسیع تجربہ رکھتے ہیں اور ایٹمی دھماکے بھی انہی کے دور میں ہوئے۔ نواز شریف صلح جو شخصیت ہیں اور ہمیشہ امن و مفاہمت کی کوشش کرتے ہیں۔ انہوں نے کہا کہ بھارت دونمبری کر رہا ہے اور پاکستان کے خلاف مسلسل اشتعال انگیزی میں مصروف ہے۔

وزیر دفاع نے کہا کہ ہمارے مشترکہ دوست ممالک کشیدگی کم کرنے کے لیے بھرپور کوششیں کر رہے ہیں، لیکن موجودہ حالات میں دونوں ممالک بند گلی میں داخل ہو چکے ہیں۔ ان کا کہنا تھا کہ بھارت کی جارحانہ حکمت عملی کے باعث پاکستان کے پاس جوابی آپشنز محدود ہو چکے ہیں، تاہم پاکستان اپنی سلامتی پر کوئی سمجھوتہ نہیں کرے گا۔

خواجہ آصف نے واضح الفاظ میں کہا کہ پاکستان بھارت کی کسی بھی جارحیت کا منہ توڑ جواب دینے کا حق محفوظ رکھتا ہے۔ "آج ڈرونز آئے، کل جہاز آئے تھے، ہم اپنا دفاع کریں گے۔ جو بھی انیشیٹو لیں گے، وہ دفاعی نوعیت کا ہوگا۔ ہم مزید اس طرح کی صورتحال برداشت نہیں کریں گے۔” بھارت بیک آف نہیں کر رہا، اور اگر یہی صورتحال رہی تو پاکستان جواب دے گا۔ "ہم عالمی برادری سے اپیل کرتے ہیں کہ وہ اس معاملے کی غیر جانب دار تحقیقات کرائے۔ بھارت دنیا کے دوسرے ممالک میں بھی کارروائیاں کر رہا ہے۔ وہ چاہے تو کسی بھی ملک سے تحقیقات کروالے، ہمیں کوئی اعتراض نہیں۔”

وزیر دفاع نے کہا کہ بھارت کو جواب کب دینا ہے، یہ فیصلہ ملٹری اسٹیبلشمنٹ کرے گی۔ "اگر میں ابھی جواب دے دوں تو یہ دو منٹ میں ساری دنیا میں پھیل جائے گا۔” ان کا کہنا تھا کہ سیکیورٹی ایڈوائزری سطح پر روابط ممکن ہیں، لیکن مجھے اس کی تفصیلات کا علم نہیں۔بھارت میں سکھ کمیونٹی خوش نہیں، اور جو کچھ پلوامہ میں کیا گیا، ویسا ہی کچھ پنجاب میں ہو رہا ہے۔ "مودی صرف بھارت ہی نہیں، پوری دنیا کے امن کو نقصان پہنچا رہا ہے۔ اس نے کینیڈا اور امریکا کے امن کو بھی متاثر کرنے کی کوشش کی۔”خواجہ آصف نے زور دیا کہ آبی ذخائر کو نشانہ نہیں بنایا جانا چاہیے۔ پاکستان نے اپنی توجہ مکمل طور پر دفاعی تیاریوں پر مرکوز کر رکھی ہے اور ہر ممکنہ خطرے سے نمٹنے کے لیے تیار ہے۔

بھارت کے ڈرون حملوں کی شدیدمذمت کرتے ہیں، ایم پی پی

مودی حکومت کی سچ بولنے والے ہزاروں "ایکس” اکاؤنٹس بلاک کرنے کی درخواست

پاک بھارت کشیدگی، سعودی وزیر مملکت برائے خارجہ کل پاکستان کا دورہ کریں گے

آئی پی ایل میچ کے دوران اچانک لائٹس بند ، میچ منسوخ