Author: سعد فاروق

سوشل میڈیا پلیٹ فارم "ایکس” (سابقہ ٹوئٹر) کی گلوبل گورنمنٹ افیئرز ٹیم نے انکشاف کیا ہے کہ بھارتی وزیر اعظم نریندر مودی کی حکومت نے سچائی دبانے اور اختلافی آوازوں کو خاموش کرنے کے لیے 8,000 سے زائد صارفین کے اکاؤنٹس بھارت میں بلاک کرنے کی سرکاری درخواست کی ہے۔

باغی ٹی وی کے مطابق ایکس پر جاری کردہ سرکاری بیان میں کہا گیا ہے کہ اگر ان احکامات پر عمل نہ کیا گیا تو کمپنی کے بھارت میں موجود مقامی ملازمین کو بھاری جرمانوں اور قید جیسی سخت سزاؤں کا سامنا ہو سکتا ہے۔ ان میں سے متعدد اکاؤنٹس بین الاقوامی میڈیا اداروں اور معروف شخصیات سے وابستہ ہیں۔بیان میں مزید کہا گیا کہ بیشتر کیسز میں بھارتی حکومت کی جانب سے یہ واضح نہیں کیا گیا کہ کون سی پوسٹس ملکی قوانین کی خلاف ورزی کے زمرے میں آتی ہیں، اور بعض اکاؤنٹس کے خلاف تو کسی قسم کا جواز یا ثبوت بھی پیش نہیں کیا گیا۔

گلوبل گورنمنٹ افیئرز کے مطابق، کمپنی بھارت میں صرف مخصوص اکاؤنٹس تک رسائی کو محدود کر رہی ہے اور اس عمل کا آغاز ہو چکا ہے۔ تاہم، کمپنی نے پورے اکاؤنٹس بلاک کرنے کے احکامات کو آزادی اظہار رائے کے خلاف قرار دیا ہے۔بیان میں مزید کہا گیا ہے کہ اگرچہ یہ فیصلہ مشکل ہے، لیکن بھارت میں پلیٹ فارم کی دستیابی کو برقرار رکھنا ضروری ہے تاکہ عوام کو آزاد معلومات تک رسائی حاصل رہے۔

ایکس نے ان احکامات کو شفافیت کے تحت عوام کے سامنے لانے کی خواہش کا اظہار کیا ہے، تاہم قانونی رکاوٹوں کے باعث فی الحال ایسا ممکن نہیں۔ کمپنی اس حوالے سے تمام ممکنہ قانونی راستوں پر غور کر رہی ہے، جبکہ بھارت میں متاثرہ صارفین کو تجویز دی گئی ہے کہ وہ اپنے حقوق کے تحفظ کے لیے عدالت سے رجوع کریں۔

پاک بھارت کشیدگی، سعودی وزیر مملکت برائے خارجہ کل پاکستان کا دورہ کریں گے

آئی پی ایل میچ کے دوران اچانک لائٹس بند ، میچ منسوخ

پاکستان میں موجود امریکی شہریوں کے لیے نئی ہدایت جاری

بھارت میں‌فیک نیوز فیکٹری متحرک،لاہور پر حملے کی خبر بے بنیاد

بھارت کے مختلف شہروں بشمول امرتسر، دہلی، ممبئی اور گجرات میں آج ایک بڑے پیمانے پر بجلی کی بندش (بلیک آؤٹ) کی اطلاع ملی ہے۔

باغی ٹی وی کے ذرائع کے مطابق امرتسر انتظامیہ نے بتایا کہ گھبرائیں نہیں،گھروں سےباہرجمع نہ ہوں۔دوسری طرف ممبئی، دہلی گجرات میں بھی بجلی بندکردی گئی، ایمرجنسی سائرن بج گئے۔دہلی کے اہم مقامات جیسے کناٹ پلیس، انڈیا گیٹ، اکشردھام مندر، ممبئی کے کچھ حصے، بہار کا پٹنہ اور گجرات کا سورت ان علاقوں میں شامل ہیں، جہیاں بلیک آؤٹ کیا گیا۔

یہ بلیک آؤٹ بھارتی حکومت کی جانب سے ملک بھر میں جاری کیے گئے "آپریشن ابھیاش” (Operation Abhyas) کے تحت کیے گئے ایک سول ڈیفنس ڈرل کا حصہ ہے۔اس ڈرل کے دوران، متعدد شہروں میں بجلی کی فراہمی معطل کی گئی، سائرن بجائے گئے اور شہریوں کو گھروں میں رہنے کی ہدایت کی گئی۔ اس کا مقصد ہنگامی حالات میں شہریوں کی تیاری اور ردعمل کی جانچ کرنا تھا۔

حکام نے اس ڈرل کو معمول کی مشق قرار دیتے ہوئے شہریوں سے افواہوں پر یقین نہ کرنے کی درخواست کی ہے۔ انہوں نے مزید کہا کہ یہ مشق ملک کی دفاعی تیاریوں کا حصہ ہے اور اس کا کسی بھی حقیقی خطرے سے کوئی تعلق نہیں ہے۔یہ بلیک آؤٹ صبح کے وقت شروع ہوا اور دوپہر تک جاری رہا۔ اس دوران، شہریوں کو بجلی کی بندش، سائرن کی آوازوں اور ہنگامی اطلاعات کا سامنا کرنا پڑا۔

حکام نے شہریوں سے درخواست کی ہے کہ وہ افواہوں پر یقین نہ کریں اور کسی بھی ہنگامی صورتحال میں متعلقہ حکام کی ہدایات پر عمل کریں۔

پاک بھارت کشیدگی، سندھ بھر کے تمام اسپتالوں میں ہیلتھ ایمرجنسی نافذ

امرتسر میں بھارتی فضائیہ نے میزائل فائر کر کے اپنا ہی طیارہ مار گر دیا

بھارتی جارحیت، دونوں ممالک کے نیشنل سیکیورٹی ایڈوائزر کے درمیان رابطے

ٹرمپ نے پاکستان اور بھارت میں اختلافات ختم کرنے کی خواہش کر دی