Author: سعد فاروق

بھارت آنے والے زلزلے نے دہلی سمیت پورے شمالی ہندوستان کو ہلا کررکھ دیا۔ زلزلے کے شدید جھٹکے، پرارسرار دھماکے محسوس کیے گئے۔

بھارت کے قومی زلزلہ پیما مرکز کے مطابق ریکٹر اسکیل پر زلزلے کی شدت 4.0 تھی۔ ابتدائی معلومات کے مطابق زلزلے کا مرکز دھولا کواں کے قریب جھیل پارک کے قریب تھا۔زلزلے کے جھٹکے اتنے شدید تھے کہ عمارتیں لرزنے لگیں اور لوگ گھروں سے باہر نکل آئے۔ درختوں پر بیٹھے پرندے بھی اونچی آوازیں نکالتے ہوئے ادھر ادھر اڑنے لگے۔ زلزلے کا مرکز نئی دہلی میں زمین سے پانچ کلومیٹر کی گہرائی میں تھا۔ یہ 28.59 ڈگری شمالی عرض البلد اور 77.16 ڈگری مشرقی طول البلد پر تھا۔کم گہرائی اور مرکز دہلی میں ہونے کی وجہ سے دہلی اور قریبی علاقوں میں اس کی شدت زیادہ محسوس ہوئی ۔

اس علاقے میں، جس میں ایک قریبی جھیل ہے، ہر دو سے تین سال بعد چھوٹے، کم شدت کے زلزلے آتے ہیں۔ اہلکار نے بتایا کہ 2015 میں اس نے 3.3 شدت کا زلزلہ ریکارڈ کیا تھا۔بھارت کے 11ویں صدر کے سابق مشیر ، کالام سینٹر اور ہومی لیب کے بانی، نے سریجن پال سنگھ کا کہنا ہے کہ رہائشیوں نے "پہلے سے کہیں زیادہ بڑے جھٹکے محسوس کیے” کیونکہ زلزلے کا مرکز خود دہلی میں تھا۔ انہوں نے کہا کہ زلزلے کے مرکز میں اس طرح محسوس ہوتے ہیں۔

اتر پردیش کے مرادآباد، سہارنپور، الور، متھرا اور آگرہ میں بھی زلزلے کے شدید جھٹکے محسوس کیے گئے۔ ہریانہ کے کروکشیتر، حصار، کیتھل میں زلزلے کے جھٹکے محسوس کیے گئے۔ تاہم ابھی تک اس سے کسی قسم کے نقصان کی کوئی خبر نہیں ہے۔بھارتی وزیر اعظم نریندر مودی نے ایکس پر پوسٹ میں کہا ہے کہ حکام کسی بھی آفٹر شاکس کے لیے چوکس ہیں۔ دہلی اور آس پاس کے علاقوں میں زلزلے کے جھٹکے محسوس کیے گئے۔ میں ہر کسی سے پرسکون رہنے اور حفاظتی احتیاطی تدابیر پر عمل کرنے کی اپیل کرتا ہوں، ۔

مائیکرو بلاگنگ پلیٹ فارم ایکس پر بہت سے صارفین نے اپنے ردعمل کا اظہار کیا، جن میں بی جے پی اور کانگریس دونوں کے سیاسی رہنما بھی شامل ہیں، جنہوں نے زلزلے کو "مضبوط” قرار دیا۔ ایک سوشل میڈیا صارف کا کہنا تھا کہ جب زلزلہ آیا تو ایک تیز آواز بھی سنی گئی.دہلی پولیس نے ایکس پر بھی پوسٹ کیا، مدد کے لیے ایک ہنگامی رابطہ شیئر کیا۔ "ہمیں امید ہے کہ آپ سب محفوظ ہیں، دہلی! کسی بھی ہنگامی مدد کے لیے #Dial112۔ #زلزلہ،” ۔ایک عہدیدار نے میڈیا کو بتایا کہ زلزلے کا مرکز دھولا کوان میں درگابائی دیشمکھ کالج آف اسپیشل ایجوکیشن کے قریب واقع تھا۔

شائقین کیلیے ورلڈ کرکٹ لیجنڈز کے ساتھ مفت سفر کرنے کا موقع

اپوزیشن کے احتجاج کے باوجودسندھ اسمبلی میں یونیورسٹیز ترمیمی بل منظور

سونے کی فی تولہ قیمت میں آج پھر اضافہ

چیمپئنز ٹرافی کیلئے پاکستانی ٹیم کی بھرپور تیاریاں

نیپرا حکام کا کابینہ منظوری کے بغیر اپنی تنخواہوں میں خود ہی اضافہ

یوکرین حکومت کے ایک ذرائع نے بتایا ہے کہ کیف کو امریکا اور روس کے درمیان یوکرین میں جنگ کے خاتمے کے لیے ہونے والے مذاکرات میں مدعو نہیں کیا گیا ہے۔

غیر ملکی خبر رساں ادارے کے مطابق یوکرین کے لیے امریکا کے خصوصی ایلچی کیتھ کیلوگ نے کہا تھا کہ کیف پیر کو سعودی عرب میں ہونے والے مذاکرات میں شامل ہوگا، لیکن ذرائع کا کہنا ہے کہ یوکرین کاکوئی بھی وفد سعودی عرب میں موجود نہیں ہوگا۔ رپورٹ میں دعویٰ کیا ہے کہ یورپی رہنماؤں کو بھی مذاکرات میں شامل ہونے کے لیے نہیں کہا گیا اور وہ پیرس میں فرانسیسی صدر کی جانب سے منعقد ہونے والے ہنگامی سربراہی اجلاس میں ملاقات کریں گے، کیونکہ خدشہ ہے کہ ’براعظم یورپ مذاکرات سے باہر ہو چکا‘ ہے۔یہ الگ الگ ملاقاتیں ایک ہنگامہ خیز ہفتے کے بعد ہوئی ہیں، جس میں واشنگٹن نے یوکرین کی جنگ کے بارے میں اپنے نقطہ نظر میں زبردست تبدیلی کا اشارہ دیا ہے۔

وائٹ ہاؤس کے مشرق وسطیٰ کے سفیر اسٹیو وٹکوف نے تصدیق کی ہے کہ وہ سعودی عرب جا رہے ہیں، جہاں وہ امریکا اور روس کے درمیان تنازع کے خاتمے کے لیے ہونے والی پہلی بات چیت میں شرکت کریں گے۔امریکی صدر ڈونلڈ ٹرمپ نے اتوار کے روز انکشاف کیا تھا کہ وٹکوف نے پیوٹن سے پہلے ہی تین گھنٹے کی طویل ملاقات کی تھی۔ارب پتی رئیل اسٹیٹ ڈیولپر اور ٹرمپ کے دوست وٹکوف رواں ہفتے ماسکو میں ایک امریکی استاد کی رہائی کے لیے موجود تھے، جنہیں چرس رکھنے کے الزام میں قید کیا گیا تھا۔

امریکی وزیر خارجہ مارکو روبیو اور قومی سلامتی کے مشیر مائیک والٹز بھی سعودی عرب میں روسی مذاکرات کاروں سے ملاقات کرنے والے ہیں۔بدھ کے روز ہونے والی اس کال سے ماسکو اور واشنگٹن کے درمیان براہ راست رابطے پر 3 سال کی دوری ختم ہو گئی ہے۔زیلنسکی نے امریکی ٹیلی ویژن نیٹ ورک ’این بی سی‘ سے بات کرتے ہوئے کہا کہ وہ یوکرین کے بارے میں امریکا اور روس کے درمیان کسی بھی فیصلے کو کبھی قبول نہیں کریں گے۔وٹکوف نے کہا کہ امریکی حکام یوکرین کے حکام سے الگ سے بات کر رہے ہیں، اور یوکرین ’ مذاکرات کا حصہ‘ ہے لیکن انہوں نے یہ اشارہ نہیں دیا کہ آیا وہ کیف کی سعودی عرب میں موجودگی کی توقع رکھتے ہیں یا نہیں۔

دریں اثنا امریکی وزیر خارجہ مارکو روبیو نے سعودی عرب کے مذاکرات کو زیادہ اہمیت نہ دیتے ہوئے کہا کہ ایک ملاقات سے جنگ ختم نہیں ہوگی، اور یوکرین، روس اور تیسرے فریقوں کے درمیان ثالثی کا باضابطہ مذاکراتی عمل ابھی تک شروع نہیں کیا گیا ہے۔تاہم انہوں نے ’سی بی ایس نیوز‘ کو بتایا کہ آئندہ چند روز اس بات کا تعین کریں گے کہ آیا پیوٹن امن کے حصول کے لیے سنجیدہ ہیں یا نہیں۔اس پس منظر میں یورپی رہنماؤں کا ایک گروپ ، جن میں برطانیہ کے کیر اسٹارمر ، نیٹو کے سیکریٹری جنرل مارک روٹے ، جرمنی کے چانسلر اولف شولز اور یورپی کمیشن کی ارسلا وان ڈیر لیئن شامل ہیں ، پیرس میں ملاقات کریں گے۔

فرانسیسی صدر ایمانول میکرون یوکرین اور یورپی سلامتی کے بارے میں سہ پہر کو ایک غیر رسمی اجلاس منعقد کریں گے۔سربراہ اجلاس سے قبل سر کیر نے کہا تھا کہ برطانیہ ضرورت پڑنے پر اپنے فوجیوں کو زمین پر تعینات کرکے یوکرین کو سلامتی کی ضمانت دینے کے لیے تیار ہے۔برطانوی اخبار ’ڈیلی ٹیلی گراف‘ میں لکھتے ہوئے وزیر اعظم نے کہا کہ اگر ہم مستقبل میں پیوٹن کو مزید جارحیت سے روکنا چاہتے ہیں تو یوکرین میں دیرپا امن کا حصول ضروری ہے۔اس سے قبل یوکرین میں امریکا کے سفیر کیلوگ نے یورپ کو سعودی عرب میں مدعو نہ کیے جانے کے خدشات کو مسترد کرتے ہوئے کہا تھا کہ ماضی میں ہونے والے مذاکرات بہت سے فریقوں کی شمولیت کی وجہ سے ناکام ہو چکے ہیں۔