Author: سعد فاروق

سندھ کے سینئر وزیر شرجیل انعام میمن نے کہا ہے کہ ایک سازش کے تحت کراچی سے کاروبار کو باہر منتقل کروایا گیا، ہماری کوششوں سے دنیا بھر سے سرمایہ کار اور کاروباری لوگ کراچی آئیں گے۔

باغی ٹی وی کے مطابق ایکسپو سینٹر کراچی میں اٹھارہویں بلڈ ایشیا نمائش کی افتتاحی تقریب کے موقع پر میڈیا سے گفتگو کرتے ہوئے سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ ہم چاہتے ہیں حکومت تاجربرادری کو سہولیات فراہم کرے، جدیدٹیکنالوجی سے تاجروں کوسہولتیں فراہم کی جاسکتی ہیں، غیرملکی سرمایہ کاروں،تاجروں کوقابل اعتمادماحول فراہم کرناہے۔ملک میں سرمایہ کاری کے وسیع مواقع موجودہیں،پاکستان قدرتی مائنزاورمنرلز سے مالامال ہے، حکومت کی جانب سے غیرملکیوں کیلیے ویزاپالیسی نرم کی گئی ہے، وفاقی اور سندھ حکومت کی ترجیح ہے کہ ہر شعبے میں سرمایہ کاری ہو، غیرملکی سرمایہ کاروں کوکاروبار،رہائش کے لیےسہولیات دیناہوں گی تاکہ ان کے اعتماد میں اضافہ ہو تاکہ نہ صرف پاکستان بلکہ بین الاقوامی سرمایہ کار بھی پاکستان میں سرمایہ کاری کریں، حکومت سندھ کی جانب سے بھی تھرپارکر کے کوئلے کے لئے بین الاقوامی سرمایہ کاروں کو دعوت دی گئی ہے، چین سمیت کئی ممالک کیوفود نے پاکستان کیدوریکیے ہیں، پاکستان میں مثبت تبدیلیاں لیکرآنی ہیں، کراچی:اپنیرویوں اورطرزحکمرانی میں بھی تبدیلی لانی ہے۔انہوں نے کہا کہ پاکستان میں سرمایہ کاری کے بہت زیادہ مواقع ہیں، ہم اپنی چیزوں کو بہتر طریقے سے بین الاقوامی مارکیٹ تک لے کر جا سکتے ہیں، سندھ حکومت بڑا سرپرائز لارہی ہے،اعلان جلد ہوگا۔ایک سوال کے جواب میں سینئر وزیر شرجیل انعام میمن نے کہا ہے کہ سندھ میں رہنے والے ہر آدمی کو ہم سندھی سمجھتے ہیں، اردو بولنے والے بھائیوں کو بھی ہم سندھی سمجھتے ہیں، ہم خود کہتے ہیں کہ وہ ہمارے اردو بولنے والے سندھی ہیں۔ایک اور سوا ل کے جواب میں سینئر وزیر شرجیل انعام میمن نے کہا کہ وفاقی حکومت اور حکومت سندھ کی یہ ترجیح ہے کہ سرمایہ کاروں کو اعتماد بڑھایا جائے، یوٹونگ کی جانب سے سندھ میں مینوفیکچرنگ پلانٹ لگانے کی یقین دہانی کروائی ہے، جب پلانٹ لگے گا تو یہاں کے لوگوں کو روزگار ملے گا، سرمایہ کاری کوفروغ دینے کے لئے حکومت سندھ کی جانب سے دھابیجی اسپیشل اکنامک زون قائم کیا گیا، یہ پاکستان کا جدید ترین اسپیشل اکنامک زون ہے اور یہ واحد اکنامک زون ہے جو سی پیک کا حصہ ہے، یہ سی پیک کے خالق صدر آصف علی زرداری کا ویژن ہے اور اس ویژن کے تحت پاکستان کا پہلا اسپیشل اکنامک زون قائم ہو چکا ہے۔انہوں نے کہا کہ حکومت سندھ ایک بہت بڑا میگا پروجیکٹ لے کر آرہی ہے، یہ پاکستان کا جدید ترین منصوبہ پیپلز پارٹی کی حکومت سندھ شروع کرنے جارہی ہے، یہ ایک بہت بڑا سرپرائز ہوگا، کاروباری افراد کے لئے بھی اس میں بہت بڑی خوشخبری ہوگی، اس پروجیکٹ کے بعد پاکستان ایک نئے دور میں داخل ہو جائے گا۔ ایک اور سوال کے جواب میں سینئر وزیر شرجیل انعام میمن نے کہا کہ سندھ سے سرمائے کو باہر منتقل کرنے کے لئے یہاں فسادات کروائے گئے، دہشتگردو سمیت دیگر بڑے جرائم پر حکومت سندھ نے قابو پالیا ہے، ہم یہ چاہتے ہیں کہ ایسا ماحول ہو کہ جو کاروباری ادارے باہر چلے گئے تھے وہ واپس آئیں، پنجاب ہو یا کے پی ہمیں پورے پاکستان میں کہیں بھی سرمایہ کاری پر اعتراض نہیں لیکن ہر کاروباری شخص یہ سمجھتا ہے کہ آج بھی پاکستان بھر میں فیکٹری لگانے کی سب سے موزون جگہ کراچی، دھابیجی یا نوری آباد ہے، کسی بھی چیز کو ایسکپورٹ کرنے کے لئے پورٹ کراچی میں ہے۔

جنوبی افریقہ کیخلاف ٹیسٹ میچ ،بابراعظم کوٹیم میں شامل کرنے کا فیصلہ

پیپلزپارٹی اور ن لیگ کے اجلاس کی اندرونی کہانی سامنے آ گئی

قومی انتخابات 2024، فافن کی رپورٹ مسترد کرتے ہیں ، جماعت اسلامی

بلاول بھٹو کی مسیحی کمیونٹی کو کرسمس مبارک باد

قائم مقام امیر جماعت اسلامی کراچی سیف الدین ایڈوکیٹ نے اخبارات اور میڈیا میں آنے والی 2024کے قومی انتخابات کے حوالے سے فافن کی تجزیاتی رپورٹ کو قطعاً گمراہ کن قرار دیتے ہوئے مسترد کر دیا ہے اور کہا ہے کہ اس رپورٹ کا ماخذ اور دارو مدار کلیتاً الیکشن کمیشن کے جاری کردہ نتائج ہیں جو مکمل طور پر فراڈ اور فارم47کی بنیاد پربنائے گئے ہیں .

باغی ٹی وی کے مطابق سیف الدین ایڈوکیٹ ن نے مزید کہا کہ بلدیاتی انتخابات 2023میں جعل سازی کے کامیاب تجربہ کے بعد 2024کے قومی انتخابات کو بھی تختہ مشق بنایا گیا ، ان انتخابات میں جن کٹھ پتلی پارٹیوں کے ذریعے حکومت تشکیل دینا مقصود تھا ان کے لیے پولنگ اسٹیشنوں میں پڑنے والے ووٹو ں اور پریذائڈنگ آفیسرز کی جانب سے جاری کردہ فارم 45کے برعکس جعلی فارم 47بنائے گئے اور انتہائی غیر مقبول اور عوام کے ٹھکرائے ہوئے امیدواروں اور جماعتوں کی جیت کا اعلان کیا گیا ۔اس طرح کا تجزیہ جاری کر کے فافن نے اپنی ساکھ کو متاثر کیا ہے ، اس سلسلے میں ہم فافن کو باقاعدہ خط بھی تحریر کریں گے اور مطالبہ کریں گے کہ وہ اپنی اس رپورٹ کو فوری واپس لے کیونکہ جعل سازی کے ذریعے مرتب کردہ انتخابی نتائج کو کسی معقول تجزیہ اور رپورٹ کی بنیاد نہیں بنایا جا سکتا ۔ قائم امیر جماعت اسلامی نے مزید کہا کہ پورے ملک میں بدترین دھاندلی کی گئی لیکن سندھ بالخصوص کراچی میں یہ معاملہ انتہاکو پہنچ گیا اور ایم کیو ایم جیسی جماعت جسے کراچی سے حقیقتاًایک سیٹ بھی نہیں ملی ، اس کو قومی و صوبائی اسمبلی میں بھاری تعداد میں نشستیں دے دی گئیں ، صوبائی و قومی اسمبلی کی نشستوں پر کونسلر کے برابر ووٹ لینے والی جماعت کو لاکھوں ووٹ دکھا کر بڑی جماعتوں کی صف میں کھڑا کر نے کی کوشش کی گئی ، اسی طرح جعل سازی کے ذریعے کراچی سے پیپلز پارٹی کو بھی کئی سیٹیں قومی اور صوبائی اسمبلی کی دے دی گئیں جبکہ کراچی کے شہری پیپلز پارٹی کے متعصب رویے کی وجہ سے اس سے نفرت کرتے ہیں ، سیف الدین ایڈوکیٹ نے کہا کہ بلدیاتی انتخابات میں جماعت اسلامی کراچی کی سب سے بڑی ‘دوسرے نمبر پر پی ٹی آئی اور تیسرے نمبر پر تمام تر جعل سازی کے باوجود پیپلز پارٹی تھی لیکن کراچی کے میئر کے عہدے پر اس کا قبضہ کروایا گیا اور بہت سے ٹائون اور یوسیز بھی پیپلز پارٹی کودے دی گئیں ، قومی انتخابات میں بھی کراچی میں پی ٹی آئی اور جماعت اسلامی کے ووٹ اتنے زیادہ تھے کہ ایم کیو ایم اور پیپلز پارٹی اس کی خاک کو بھی نہیں پہنچ سکتیں لیکن بیشتر نشستیں ان دونوں پارٹیوں میں بانٹ دی گئیں ۔
قومی انتخابات میں جعل سازی کی وجہ سے ووٹوں اور نشستوں سب کا تناسب درہم برہم ہو گیا ہے اور ہاری ہوئی جماعتوں کے امیدواروں کو جیت کا پروانہ تھما کر حکومتیں تشکیل دی گئی ہیں ، اس طرح کی حکومتوںکی کوئی قانونی حیثیت ہے اور نہ اخلاقی ۔ ان شاء اللہ جلد وہ وقت آئے گا جب ان اسمبلیوں کے اقدامات اور آئینی ترامیم سب غیر قانونی اور کالعدم قرار پائیں گے ۔ انہوں نے کہا کہ رپورٹ میں بیان کردہ مختلف پارٹیوں کے ووٹوں اور قومی و صوبائی اسمبلی کی نشستوں کا حقیقت سے کوئی تعلق نہیں ، مسلم لیگ ن ایک مسترد شدہ جماعت ہے جسے دوسری مسترد شدہ جماعتوں کے ساتھ ملا کر غیر قانونی حکومت تشکیل دی گئی ہے ۔