Baaghi TV

Author: سعد فاروق

  • بارات کی فائرنگ سے موت، دولہےاور والد کے خلاف مقدمہ درج

    بارات کی فائرنگ سے موت، دولہےاور والد کے خلاف مقدمہ درج

    شہر قائد کے علاقے کیماڑی میں بارات میں فائرنگ سے ہلاکت پر دولہے اور اس کے والد کے خلاف قتل کا مقدمہ درج کر لیا گیا۔

    باغی ٹی وی کے مطابق کراچی کے علاقے کیماڑی، گلشن سکندر آباد میں شادی کی تقریب میں فائرنگ کا واقعہ پیش آیا تھا، جس کے نتیجے میں دولہے سمیت 3 افراد کے خلاف قتل اور اقدام قتل کی دفعہ کے تحت مقدمہ درج کر لیا گیا۔ایف آئی آر میں مدعی شاہد خان نے بتایا کہ گزشتہ روز گلی میں بارات آئی تھی، بارات میں شامل عزت خان نے دولہے اور اس کے والد کی ایما پر فائرنگ شروع کر دی، جس سے میرا بھتیجا عبدالمالک سر پر گولی لگنے سے جاں بحق ہوا۔مدعی شاہد خان کے مطابق فائرنگ کے اس واقعے میں گولی لگنے سے ابرار بھی زخمی ہوا۔ پولیس حکام کا کہنا ہے کہ فائرنگ میں ملوث ملزم کی گرفتاری کا عمل جاری ہے، دولہے اور اس کے والد کو جلد گرفتار کر لیا جائے گا۔

    شہر میں ٹریفک کے نظام کو منظم کرنے کی ضرورت ہے، میئر کراچی

    کراچی ٹریفک حادثات میں 700 سے زائد افراد جان سے گئے، رپورٹ

    ملائیشیا :سیلاب متاثرین کیلئے 40 ٹن امدادی سامان روانہ کیا جائے گا

    اطالوی بحری جہاز 2 روزہ دورے پر کراچی پہنچ گیا

  • شہر میں ٹریفک کے نظام کو منظم کرنے کی ضرورت ہے، میئر کراچی

    شہر میں ٹریفک کے نظام کو منظم کرنے کی ضرورت ہے، میئر کراچی

    میئر کراچی بیرسٹر مرتضی وہاب نے کہا ہے کہ شہر میں ٹریفک کے نظام کو منظم کرنے کی ضرورت ہے۔

    باغی ٹی وی کے مطابق میئر کراچی بیرسٹر مرتضی وہاب نے کمشنر کراچی حسن نقوی اور دیگر افسران کے ساتھ کراچی کے مختلف علاقوں کا دورہ کیا۔میونسپل کمشنر کے ایم سی، ڈپٹی کمشنر ساؤتھ،ایم ڈی سندھ سالڈ ویسٹ، ڈی جی کے ڈی اے اور دیگر افسران ان کے ہمراہ تھے۔میئر کراچی بیرسٹر مرتضی وہاب نے کمشنر کراچی کے ہمراہ ایمپریس مارکیٹ، جہانگیرپارک، پارکنگ پلازہ، کے ایم سی ڈسپنسری، صدر، ٹاور، فریئر ہال کے قریب پرانا امریکی قونصلیٹ، سندھ وائلڈ لائف میوزیم کی عمارت اور کراچی پریس کلب کے اطراف کی سڑکوں دورہ کیا۔اس موقع پر میئر کراچی بیرسٹر مرتضی وہاب نے کہا کہ کراچی کے تاریخی ورثے کی حفاظت کی جائے گی، کراچی کی تاریخی عمارات شہر کے حسن میں اضافہ کرتی ہیں، تاریخی عمارات کے اطراف تجاوزات کو ختم کیا جائے گا۔انہوں نے کہا کہ شہر میں تعمیر و ترقی کے کام مل جل کر انجام دینے کا فیصلہ ہوا، تمام ادارے شہر کی بہتری اور ترقی کے لئے ایک پیج پر ہونے چاہئیں، شہر میں ٹریفک کے نظام کو منظم کرنے کی ضرورت ہے۔انہوںنے کہا کہ کراچی کے ساتوں اضلاع میں انفراسٹرکچر کی بہتری کے لئے کام جاری ہے، صدر کے علاقے میں تاریخی عمارات ہیں، صدر کے علاقے کو اصل حالت میں بحال کیا جائے گا۔میئر کراچی بیرسٹر مرتضی وہاب اور کمشنر کراچی حسن نقوی نے شجر کاری مہم کے سلسلے میں پی آئی ڈی سی پر پودا لگایا۔مرتضی وہاب نے مزید کہا کہ کراچی میں سبزہ کاری اور درختوں کی اشد ضرورت ہے، موسمی پھولوں اور دلکش پودوں کو سڑکوں کے اطراف لگایا جائے گا۔

    کراچی ٹریفک حادثات میں 700 سے زائد افراد جان سے گئے، رپورٹ

    حکومت سندھ کا گیس کی لوڈ شیڈنگ ختم کرنے کا مطالبہ

    اطالوی بحری جہاز 2 روزہ دورے پر کراچی پہنچ گیا

    ڈھائی کروڑ اور22 تولہ سونے کی خاطر بیٹے نے سگی ماں کو قتل کر دیا

  • کراچی ٹریفک حادثات میں 700 سے زائد افراد جان سے گئے، رپورٹ

    کراچی ٹریفک حادثات میں 700 سے زائد افراد جان سے گئے، رپورٹ

    شہر قائد میں ٹریفک حادثات کی شرح میں خطرناک حد تک اضافہ ریکارڈ کیا گیا ہے۔

    باغی ٹی وی کے مطابق کراچی کے بے ہنگم ٹریفک کو کنٹرول کرنے والا کوئی نہیں جب کہ شہر قائد ٹریفک حادثات کی شرح میں خطرناک حد تک اضافہ ریکارڈ کیا گیا ہے اور شہر میں ٹریفک حادثات نے 710 سے زائد خاندانوں کو اجاڑ دیا ہے۔ریسکیو حکام کے مطابق رواں سال جنوری سے 5 دسمبر تک 710 سے زائد افراد جاں بحق اور 7500 سے زائد افراد زخمی ہوئے۔ ٹریفک حادثات میں جاں بحق ہونے والوں میں خواتین اور بچوں کی بڑی تعداد شامل ہے، ٹریفک حادثات میں جاں بحق ہونے والے افراد کو سرکاری اسپتالوں میں لے جایا گیا تھا۔رواں سال جنوری میں ٹریفک حادثات میں 94 افراد جاں بحق اور 734 افراد زخمی ہوئے جب کہ فروری میں 55 افراد جاں بحق اور 709 افراد زخمی ہوئے۔مارچ میں 39 افراد جان کی بازی ہارے اور 525 افراد زخمی ہوئے، اپریل میں 64 افراد جاں بحق اور 470 افراد زخمی ہوئے جب کہ مئی میں 51 گاڑیوں سے کچل کر مارے گئے اور 464 افراد زخمی ہوئے۔جون میں 75 افراد ٹریفک حادثات میں مارے گئے اور 645 افراد زخمی ہوئے، جولائی میں 40 افراد جاں بحق اور 630 افراد زخمی ہوئے، اگست میں 45 افراد زندگی کی بازی ہارے اور 516 افراد زخمی ہوئے۔ستمبر میں 71 افراد جاں بحق اور 781 افراد گاڑیوں کی ٹکر سے زخمی ہوئے، اکتوبر میں 66 افراد جاں بحق اور 980 افراد زخمی ہوئے۔نومبر میں 90 افراد کی زندگیوں کا خاتمہ ہوا اور 987 افراد گاڑیوں سے کچل کر زخمی ہوئے، دسمبر کے 5 روز کے دوران 22 افراد مارے گئے اور 218 افراد زخمی ہوئے۔ٹریفک حادثات میں جاں بحق و زخمی افراد کو عباسی شہید، جناح اسپتال اور سول اسپتال منتقل کیا گیا۔سرکاری اعداد و شمار کے مطابق ٹریفک حادثات میں جنوری سے نومبر تک 150 افراد جاں بحق ہوئے جب کہ ٹریفک حادثات میں خواتین اور کم عمر بچوں کی بڑی تعداد شامل ہے۔ٹریفک حکام حادثات پر قابو پانے کی حکمت عملی بنانے کے بجائے ریونیو بڑھانے میں مصروف ہیں، دن کے اوقات میں بھی ہیوی ٹریفک سڑکوں پر رواں دواں رہتی ہے۔

    ملائیشیا :سیلاب متاثرین کیلئے 40 ٹن امدادی سامان روانہ کیا جائے گا

    اطالوی بحری جہاز 2 روزہ دورے پر کراچی پہنچ گیا

    ڈھائی کروڑ اور22 تولہ سونے کی خاطر بیٹے نے سگی ماں کو قتل کر دیا

  • حکومت سندھ کا گیس کی لوڈ شیڈنگ ختم کرنے کا مطالبہ

    حکومت سندھ کا گیس کی لوڈ شیڈنگ ختم کرنے کا مطالبہ

    وزیرتوانائی سندھ ناصر حسین شاہ نے صوبے میں گیس کی بڑھتی لوڈشیڈنگ اور کم پریشر کا نوٹس لیتے ہوۓ سیکریٹری توانائی کو وفاقی حکومت کو خط لکھنے کی ہدایت جاری کردی۔

    باغی ٹی وی کے مطابق ایک بیان میں ناصر شاہ نے کہا کہ سندھ ملک میں قدرتی گیس پیدا کرنے والا سب سے بڑا صوبہ ہے لیکن اس کے باوجود صوبے کے عوام اس وسائل سے محروم ہیں۔ انہوں نے مزید کہا کہ موسم سرما شروع ہوتے ہی گیس کی لوڈ شیڈنگ شروع کردی گئی جس سے بچے ناشتے کے بغیر اسکول جانے پر مجبور ہوگئے جس سے ان کی تعلیمی صلاحیت متاثر ہورہی ہے۔ناصر حسین شاہ نے مطالبہ کیا کہ گیس کی منصفانہ تقسیم کو یقینی بنانے کے لئے آرٹیکل 158 پر عمل درآمد کیا جائے۔ ان کا کہنا تھا کہ سب سے زیادہ گیس پیدا کرنے والے صوبے کا اس پر پہلا حق ہونا چاہیے۔ انہوں نے مطالبہ کیا کہ آئل اینڈ گیس ریگولیٹری اتھارٹی (اوگرا) میں سندھ کی نمائندگی یقینی بنائی جائے ،نماٸندگی نہ ہونے کی وجہ سے سندھ کے ساتھ ناانصافی ہورہی ہے۔دوسری جانب صوبائی وزیر توانائی نے صدر اور وزیراعظم سے اپیل کی کہ وہ سندھ میں گیس کی قلت کا فوری نوٹس لیں۔

    اطالوی بحری جہاز 2 روزہ دورے پر کراچی پہنچ گیا

    ڈھائی کروڑ اور22 تولہ سونے کی خاطر بیٹے نے سگی ماں کو قتل کر دیا

  • اطالوی بحری جہاز 2 روزہ دورے پر کراچی پہنچ گیا

    اطالوی بحری جہاز 2 روزہ دورے پر کراچی پہنچ گیا

    اطالوی تربیتی بحری جہاز امریگو ویسپوچی 2 روزہ دورے پر کراچی بندرگاہ پہنچ گیا۔

    باغی ٹی وی کے مطابق اٹلی کے مشہور بحری سیاح امیریگو ویسپوچی کے نام پر جہاز کی کراچی آمد پر اطالوی سفیر اور قونصل جنرل سمیت پاک بحریہ کے افسران نے جہاز کا استقبال کیا۔ اطالوی جہاز کی آمد 2023 تا 2025 ورلڈ ٹور کا حصہ ہے۔ کراچی کے دورے میں جہاز کےسئینر افسران پاک بحریہ کے افسران سے ملاقات بھی کریں گے۔امیریگو وسیکوچی جہاز ورلڈ ٹور کے سلسلے میں کراچی کی بندرگاہ پہنچا ہے۔ جہاز کے عملے کو کرا چی میں مختلف مقامات کا دورہ بھی کرایا جائے گا۔ امیریگو ویسپوچی کو دنیا کے خوبصورت ترین شپ کا درجہ حاصل ہے۔واضح رہے کہ پاک بحریہ کا جہاز پی این ایس معاون انسانی ہمدردی کے مشن کی تکمیل کے سلسلے میں افریقہ کے دورے پر ہے ۔پاک بحریہ نے جذبہ خیر سگالی کے تحت کینیا میں میڈیکل کیمپ کا انعقاد کیا۔ میڈیکل کیمپ میں کینیا کی عوام کو مفت علاج، آپریشنز اور مفت ادویات فراہم کی گئیں۔

    ڈھائی کروڑ اور22 تولہ سونے کی خاطر بیٹے نے سگی ماں کو قتل کر دیا

  • ڈھائی کروڑ اور22 تولہ سونے کی خاطر بیٹے نے سگی ماں کو قتل کر دیا

    ڈھائی کروڑ اور22 تولہ سونے کی خاطر بیٹے نے سگی ماں کو قتل کر دیا

    کراچی کے علاقے مومن آباد اورنگی ٹان پریشان چوک کے قریب خاتون کو قتل کرنے والا ملزم اس کا سگا بیٹا نکلا۔

    کراچی پولیس کے مطابق ملزم مختیار کو 24 گھنٹے کے اندر گرفتار کیا گیا، خاتون پر اس کے 2 بھائیوں، بیٹے اور بھتیجے نے تشدد کیا تھا۔ملزم نے اپنے بیان میں کہا ہے کہ قتل میں میرے ساتھ 2 ماموں اور ماموں کا بیٹا بھی شریک تھے۔ماں کے نام جائیداد میں شامل ڈھائی کروڑ روپے اور 22 تولہ سونا حاصل کرنا چاہتا تھا۔ملزم نے بتایا کہ قتل کے وقت چھوٹے بہن بھائیوں کو چیز لینے کے لیے باہر بھیج دیا تھا۔پولیس کا کہنا ہے کہ قتل کیس کے دیگر ملزمان کی گرفتاری کے لیے کارروائی کی جا رہی ہے۔

    مدارس رجسٹریشن بل کو قانونی شکل دینے میں کچھ وقت درکار ہے،وزیر برائے مذہبی امور

  • غزہ کے اسپتال پر اسرائیلی حملہ،29 افراد شہید

    غزہ کے اسپتال پر اسرائیلی حملہ،29 افراد شہید

    شمالی غزہ میں کمال عدوان اسپتال پر اسرائیلی حملے میں کم از کم 29 افراد شہید ہو گئے۔

    باغی ٹی وی کے مطابق غزہ کی سول ڈیفنس ایجنسی کا کہنا ہے کہ شمالی شہر بیت لاہیا کے کمال عدوان اسپتال کے ارد گرد اسرائیلی حملوں میں طبی عملے سمیت 29 افراد شہید ہوئے ہیں۔اسپتال کے ڈائریکٹر حسام ابو صفیہ نے اے ایف پی کو بتایا کہ اسپتال کے شمالی اور مغربی اطراف میں فضائی حملوں کا ایک سلسلہ تھا جس میں شدید اور براہِ راست فائرنگ کی گئی۔انہوں نے مزید کہا کہ عملے کے چار ارکان شہید ہوئے۔سول ڈیفنس ایجنسی کے ترجمان محمود بسال نے بتایا کہ جمعہ کی صبح سے کمال عدوان اسپتال کے ارد گرد اسرائیلی گولہ باری کے نتیجے میں درجنوں زخمی بھی ہوئے ہیں۔ اسرائیلی فوج اسپتال میں داخل ہوئی اور مریضوں کو باہر نکالا اور متعدد فلسطینیوں کو گرفتار کیا، چھاپے کے بعد ہسپتال میں کوئی سرجن نہیں بچا۔

    ڈاؤن سنڈروم کی شکار بچی ایک دن کیلیے وزیراعلیٰ سندھ بنی

    بابری مسجد کی شہادت کو 32 سال مکمل، قاتل آج بھی آزاد

    عمران توہین عدالت سمیت اہم کیسز سماعت کیلئے مقرر

    آسٹریلیا : یہودی عبادت گاہ پر حملےمیں پانچ افرادزخمی

  • انگلینڈ کے 50 کرکٹرز کا دی ہنڈرڈ ٹورنامنٹ کے بائیکاٹ پرغور

    انگلینڈ کے 50 کرکٹرز کا دی ہنڈرڈ ٹورنامنٹ کے بائیکاٹ پرغور

    انگلینڈ کے 50 معروف کرکٹرز کا اگلے سال دی ہنڈرڈ ٹورنامنٹ کے بائیکاٹ پرغورکرنے کا فیصلہ کیا ہے۔

    باغی ٹی وی کے مطابق کے مطابق بائیکاٹ بیرون ملک فرنچائز ٹورنامنٹس میں کھیلنے پر پابندی کے خلاف احتجاج ہوگا،انگلینڈ اینڈ ویلز کرکٹ بورڈ نے این او سی سے متعلق اپنی پالیسی میں تبدیلی کا اعلان کیا تھا،‏انگلینڈ کرکٹ بورڈ ان ٹورنامنٹس کے لیے این او سی جاری نہیں کرے گا جو انگلش سمر کے دوران ہوں گے،ای سی بی پالیسی میں پاکستان سپر لیگ بھی شامل تھی.ای سی بی پالیسی میں انڈین پریمیئر لیگ کو استثنی حاصل تھی،پالیسی اگلے سال یہ پابندی میجر لیگ کرکٹ، کینیڈا کے گلوبل T20 لیگ، لنکا پریمیئر لیگ اور کیریبین پریمیئر لیگ پر بھی لاگو ہوگی۔ ای سی بی کا یہ فیصلہ کھلاڑیوں اور ان کے ایجنٹس میں مایوسی کا باعث بنا ہے،انگلینڈ کے کھلاڑیوں نے اس ہفتے پروفیشنل کرکٹرز ایسوسی ایشن نے ساتھ ایک سلسلہ وار ملاقاتیں کیں،پیر کو کھلاڑیوں کے ساتھ 2ملاقاتیں ہوئیں جس میں50 کھلاڑی شریک ہوئے،ملاقاتوں کے بعدپروفیشنل کرکٹرز ایسوسی ایشن نے قانونی مشورہ لینے کا فیصلہ کیا ہے،کھلاڑیوں نے اگلے سال کے ہنڈرڈ کے سلسلے میں اجتماعی موقف اپنانے پر ابتدائی بات چیت کی ہے۔ انگلش کھلاڑیوں کے ایک گروپ نے بھی فیصلہ کیا ہے کہ وہ اپنی متعلقہ دی ہنڈریڈ ٹیموں کی جانب سے برقرار رکھنے کے بارے میں ہونے والی بات چیت کا حصہ نہ بنیں اور پھر اس وقت تک ڈرافٹ میں داخل ہونے سے انکار کر دیں جب تک کہ ای سی بی این او سی کے حوالے سے اپنی پالیسی کو نرم نہیں کرتا۔

    ڈاؤن سنڈروم کی شکار بچی ایک دن کیلیے وزیراعلیٰ سندھ بنی

    عمران توہین عدالت سمیت اہم کیسز سماعت کیلئے مقرر

    عمران توہین عدالت سمیت اہم کیسز سماعت کیلئے مقرر

    الخدمت کے رضا کارہی اس کے فرنٹ لائن سپاہی ہیں،منعم ظفر خان

  • ڈاؤن سنڈروم کی شکار بچی ایک دن کیلیے وزیراعلیٰ سندھ بنی

    ڈاؤن سنڈروم کی شکار بچی ایک دن کیلیے وزیراعلیٰ سندھ بنی

    وزیراعلیٰ سندھ مراد علی شاہ کا دل کو چھولینے والا اقدام، کراچی ڈائون سنڈروم پروگرام کے 22 بچوں کا وزیراعلیٰ ہائوس میں استقبال کیا۔

    باغی ٹی وی کے مطابق دورہ وزیراعلیٰ سندھ کی دعوت پر کیا گیا جس کا مقصد بچوں کو منفرد اور یادگار تجربہ فراہم کرنا تھا، بچے، کے ایس ڈی پی کے شریک بانی اور سی ای او تابش شہزاد کے ہمراہ آئے۔وزیراعلیٰ نے گرمجوشی سے استقبال کیا، انھوں نے بچوں کو وزیراعلیٰ ہائوس کی تاریخی عمارت کا دورہ کرایا وزیراعلیٰ نے بچوں سے دریافت کیا کہ آپ میں سے کون وزیراعلیٰ بننا چاہتا ہی ، اکثر بچوں نے ہاتھ اٹھا کر اپنے خواب کا اظہار کیا تاہم بے بی دعا اعتماد کے ساتھ اٹھیں اور بتایا کہ وہ وزیراعلیٰ بننا چاہتی ہیں۔بچوں کی خواہشات کا احترام کرتے ہوئے وزیراعلیٰ سندھ نے ہر ایک بچے کو باری باری اپنی کرسی پر بٹھایا، خود قریب دوسری کرسی پر بیٹھے رہے اور کہا کہ اگر آپ وزیراعلیٰ بنیں گے تو ہم آپ کے معاونین بن جائیں گے۔بچوں نے وزیراعلیٰ ہاؤس کی گیلری کا بھی دورہ کیا، یہ تجربہ اس وقت یادگار ہوگیا جب بے بی دعا کو ’’آج کی وزیراعلیٰ‘‘ قرار دے کر کانفرنس ہال میں باقاعدہ اجلاس کی صدارت کرائی گئی۔اجلاس کا آغاز تلاوت قرآن پاک اور قومی ترانے سے کیا گیا، پرنسپل سیکریٹری آغاز واصف نے بے بی دعا کو سندھ کی ا?بادی، تعلیم اور گورننس سے متعلق بریفنگ دی، اپنے عہدے کو سنجیدہ لیتے ہوئے بے بی دعا نے اپنی کابینہ کو ہدایت کی کہ ’’ پاکستان کو صاف رکھا جائے‘‘،وزیراعلیٰ مراد علی شاہ نے ہدایات کی حمایت کی اور یقین دلاتے ہوئے کہا کہ وزیراعلیٰ مس دعا ‘ ہم آپ کی ہدایات پر عمل کرتے ہوئے ہر شہر اور پاکستان کو صاف ستھرا رکھیں گے۔

    بابری مسجد کی شہادت کو 32 سال مکمل، قاتل آج بھی آزاد

    عمران توہین عدالت سمیت اہم کیسز سماعت کیلئے مقرر

    آسٹریلیا : یہودی عبادت گاہ پر حملےمیں پانچ افرادزخمی

    جوڈیشل کمیشن رولز بنانے کے لیے کمیٹی تشکیل

  • بابری مسجد کی شہادت کو 32 سال مکمل، قاتل آج بھی آزاد

    بابری مسجد کی شہادت کو 32 سال مکمل، قاتل آج بھی آزاد

    بھارت میں بابری مسجد کی شہادت کو 32 سال مکمل ہوگئے، انتہاپسند ہندوؤں کے حملے میں دو ہزار مسلمان شہید ہزاروں زخمی ہوئے تھے۔

    باغی ٹی وی کے مطابق 6دسمبر 1992 کو اتر پردیش کے شہر ایودھیا میں بابری مسجد پر حملہ کرنے والوں کا تعلق بھارتیہ جنتا پارٹی، آر ایس ایس، وشوا ہندو پریشد اور بجرنگ دل سے تھا۔9 نومبر 2019 کو بھارتی سپریم کورٹ نے بابری مسجد شہادت میں ملوث تمام ملزم بری کردیئے۔بابری مسجد کی شہادت کے دوران مسلمانوں نے شدید احتجاج اور مزاحمت کی،فسادات میں 2 ہزار سے زائد مسلمان شہید ہوگئے ،2009 میں جسٹس منموہن سنگھ کی تحقیقاتی رپورٹ میں بی جے پی رہنماؤں سمیت 68 افراد کو ذمہ دار ٹھہرایا گیا۔ہیومن رائٹس واچ کے مطابق 1992 سے اب تک صرف بھارتی ریاست گجرات میں 500 مساجد اور مزارات گرائے جا چکے ہیں۔

    عمران توہین عدالت سمیت اہم کیسز سماعت کیلئے مقرر

    آسٹریلیا : یہودی عبادت گاہ پر حملےمیں پانچ افرادزخمی

    الخدمت کے رضا کارہی اس کے فرنٹ لائن سپاہی ہیں،منعم ظفر خان

    نیپرا نے بجلی صارفین کیلیے ونٹر پیکج کی منظوری دے دی

    سرفراز دلبرداشتہ ،ریٹائرمنٹ کا اشارہ دے دیا