Author: صدف ابرار

سابق وزیر اعلیٰ کے پی پرویز خٹک کا کہنا ہے کہ نوشہرہ کے عوام نے جذبات میں آ کر ووٹ کا غلط استعمال کیا۔پشاور، نوشہرہ، مردان اور کرک میں عید کے دوسرے روز بجلی کی لوڈشیڈنگ کے خلاف شہری سڑکوں پر آگئے اور نوشہرہ میں مظاہرین نے جی ٹی روڈ بند کردیا۔پرویز خٹک نے کہا عوام نے جنہیں ووٹ دیا ان سے بات کریں ، عوام نے جذبات میں آکر ووٹ کا غلط استعمال کیا، اپنے ساتھ خود زیادتی کی۔ادھر کرک میں بجلی کی لوڈشیڈنگ کے خلاف خواتین نے احتجاج کیا، شگئی روڈ بلاک کردیا جس سے ٹریفک کی روانی معطل رہی۔ خواتین مظاہرین کا کہنا ہے کہ علاقے میں 20 گھنٹے سے زیادہ لوڈشیڈنگ کی جارہی ہے ۔پشاور میں کسٹم چوک باڑہ روڈ پر بجلی کی لوڈشیڈنگ کے خلاف مظاہرہ کیا گیا، ٹائر جلاکر روڈ بند کردیا۔مظاہرین کی جانب سے سابق وزیر اعلیٰ پرویز خٹک کی گاڑی بھی روک لی گئی اور لوڈشیڈنگ ختم کرنے کا مطالبہ کیا گیا۔ترجمان پیسکو کے مطابق آج سے شیڈول لوڈ شیڈنگ کی جا رہی ہے ، جہاں لائن لاسز زیادہ ہیں وہاں لوڈشیڈنگ بھی زیادہ ہے۔

خیبر پختونخوا کے گورنر فیصل کریم کنڈی کا کہنا ہے کہ مجھے نہیں لگتا پیپلز پارٹی حکومت کا حصہ بنے گی۔فیصل کریم کنڈی نے مقامی ٹی وی سے بات چیت کے دوران کہا ہے کہ وزیر اعلیٰ علی امین گنڈاپور سے عید پر کوئی ملاقات نہیں ہوئی، اب بہت لیٹ ہو گیا ہے، مشکل ہے اب وزیراعلیٰ سے روابط ہوں مگر ناممکن نہیں۔گورنر کے پی نے مزید کہا کہ بجٹ پر پیپلز پارٹی اور حکومت میں مذاکرات جاری ہیں، اگر مذاکرات کامیاب ہوتے ہیں تو بجٹ کی منظوری میں ساتھ دیں گے۔ان کا کہنا ہے کہ اپوزیشن کا کام حکومت پر دباؤ ڈالنا ہے، باجے بجا کر اپوزیشن واک آؤٹ کرے گی، بجٹ حکومت منظور کرا لے گی۔فیصل کریم نے مزید کہا کہ یہ بجٹ آئی ایم ایف کا ہے، قرض لیتے ہیں تو ان کی باتیں ماننی پڑتی ہیں، حکومت نے کوشش کی کہ اچھا بجٹ دے۔ان کا یہ بھی کہنا ہے کہ وزیر اعظم کا یہ کہنا خوش آئند ہے کہ یہ آخری آئی ایم ایف پروگرام ہے۔

مشیرِ اطلاعات خیبر پختون خوا بیرسٹر محمد علی سیف نے کہا ہے کہ بانیٔ پی ٹی آئی کی رہائی کے لیے عید کے فوری بعد فیصلہ کن معرکہ شروع کیا جائے گا۔بیرسٹر محمد علی سیف نے اپنے بیان میں کہا ہے کہ سازشی ٹولے نے بانیٔ پی ٹی آئی اور کارکنان پر جعلی مقدمات بنائے ہیں، راج کماری مریم نواز کے احکامات پر بانیٔ پی ٹی آئی اور خواتین ورکرز کو اذیتیں دی جا رہی ہیں۔انہوں نے مزید کہا کہ عید پر بانیٔ پی ٹی آئی اور کارکنان کی رہائی کے لیے قوم سے دعاؤں کی اپیل ہے، حجاج کرام سے جعلی فارم 47 حکومت کے خاتمے اور بانیٔ پی ٹی آئی کے وژن کی تکمیل کے لیے بھی دعا کی اپیل ہے۔ بیرسٹر سیف نے یہ بھی کہا ہے کہ جعلی سلطنت کو زمین بوس کر کے بانیٔ پی ٹی آئی کی رہائی یقینی بنائی جائے گی۔

پشاور: پاکستان تحریک انصاف کے مرکزی رہنما اور سابق اسپیکر قومی اسمبلی اسد قیصر کا کہنا ہے خیبر پختونخوا سے پی ٹی آئی کو ووٹ دینے کا انتقام لیا جا رہا ہے۔بجلی کی طویل لوڈشیڈنگ کے خلاف بیان دیتے ہوئے اسد قیصر کا کہنا تھا گزشتہ تین روز سے خیبرپختونخوا میں بدترین لوڈ شیڈنگ جاری ہے، لوڈشیڈنگ سے لوگوں کا قربانی کا گوشت خراب ہو رہا ہے۔اسد قیصر کا کہنا تھا خیبرپختونخوا سے تحریک انصاف کو ووٹ دینے کا انتقام لیا جا رہا ہے، ہم نے ہمیشہ آئین اور قانون کا احترام کیا مگر انہوں نے حدیں پار کر دیں، ہماری زمینوں پر تربیلا ڈیم بنا ہے مگر اس کے باوجود لوڈ شیڈنگ کی جارہی ہے۔انہوں نے کہا کہ اسمبلی کے فلور پر بھی احتجاج کریں گے اور بجٹ تقریر میں بھی اس ایشو کو اجاگر کریں گے، ہمیں لوڈ شیڈنگ اور مہنگی بجلی منظور نہیں، یہ ظلم بند کیا جائے۔

خیبر پختونخوا میں عید کے دنوں میں بھی بجلی کی لوڈ شیڈنگ ، شہریوں نے احتجاج کرکے کئی مقامات پر سڑکیں بلاک کر دیں۔پشاور کے آبدرہ اور نواں کلے میں لوڈ شیڈنگ کیخلاف علاقہ مکینوں نے احتجاج کرتے ہوئے باڑہ روڈ کو ہر قسم کی ٹریفک کے لیے بند کر دیا اور واپڈا کیخلاف نعرے بازی کی۔مظاہرین کا کہنا تھا کہ 4 دن سے گھنٹوں غیر اعلانیہ لوڈ شیڈنگ کی جا رہی ہے، عید پر بھی بجلی میسر نہیں، پانی کی بوند بوند کو ترس رہے ہیں۔علاوہ ازیں مردان کی یونین کونسل ہوتی کے سینکڑوں عوام نے عید پر بدترین لوڈ شیڈنگ کے خلاف احتجاجی مظاہرہ کیا۔ گرمی کے ستاٸے عوام کو مساجد کے لاؤڈ اسپیکروں پر اعلانات کرکے تھانہ ہوتی کے سامنے پہنچنے کی ہدایت کی گئی تھی۔ دوسری جانب پشاور چارسدہ روڈ کو بھی ہر قسم کی ٹریفک کے لیے بند کر دیا گیا۔ جس سے سڑک پر گاڑیوں کی لمبی قطاریں لگ گئیں ، جبکہ نوشہرہ کلاں میں بجلی اور گیس کی لوڈ شیڈنگ کے خلاف عوام سڑکوں پر آ گئے، مظاہرین نے واپڈا اور گیس حکام کے خلاف نعرے بازی کی۔ اسکے علاوہ کرک اور کوہاٹ میں بھی عوام بجلی کے ناروا لوڈشیڈنگ کے خلاف سراپا احتجاج ہے،