پاک فوج کے شعبہ تعلقات عامہ آئی ایس پی آر کا کہنا ہے کہ سیکیورٹی فورسز نے خیبر میں خفیہ اطلاع پر آپریشن کر کے 5 دہشت گردوں کو ہلاک کردیا۔
آئی ایس پی آر کے مطابق سیکیورٹی فورسز نے دہشت گردوں کی موجودگی کی اطلاع پر آپریشن کیا، مارے گئے دہشت گردوں کے قبضے سے اسلحہ و گولہ بارود برآمد کرلیا گیا۔آئی ایس پی آر کے مطابق ہلاک دہشت گرد سیکیورٹی فورسز اور شہریوں کے خلاف دہشت گرد کارروائیوں میں ملوث تھے، علاقے میں کسی بھی دہشت گرد کے خاتمے کےلیے کلیئرنس کا عمل جاری ہے۔
وزیراعظم محمد شہبازشریف اور ترک صدر عزت مآب رجب طیب اردوان کے درمیان آج ٹیلیفونک گفتگو ہوئی، جس میں عید الاضحیٰ کے موقع پر مبارکباد اور نیک خواہشات کا تبادلہ کیا گیا۔دونوں رہنماؤں نے پاکستان اور ترکیہ کے درمیان دوستی اور بھائی چارے کے مضبوط رشتے کو سراہا جو مشترکہ اقدار، تاریخ اور ثقافتی وابستگیوں سے جڑا ہوا ہے۔ انہوں نے تجارت، سرمایہ کاری، دفاع اور سیاحت سمیت مختلف شعبوں میں دوطرفہ تعاون کو مزید مضبوط بنانے کے اپنے عزم کا اعادہ کیا۔ وزیراعظم اور ترک صدر نے خطے اور عالمی امن، استحکام اور خوشحالی کو فروغ دینے پر بھی تبادلہ ء خیال کیا۔ انہوں نے فلسطین کی موجودہ صورتحال پر شدید تشویش کا اظہار کرتے ہوئے عالمی برادری پر زور دیا کہ وہفلسطینیوں کے مصائب کے خاتمے کے لیے امن کی کوششوں کو دوگنا کرے۔ دونوں رہنماؤں نے مشترکہ چیلنجز سے نمٹنے اور ایک دوسرے کے بنیادی قومی مفادات کی حمایت کے لیے مل کر کام جاری رکھنے پر اتفاق کیا۔دونوں رہنماؤں کے درمیان گفتگو پاکستان اور ترکیہ کے درمیان مضبوط اور پائیدار تعلقات اور آنے والے دنوں میں قریبی تعاون جاری رکھنے کے عزم کا ثبوت تھی۔ اس مقصد کے لیے، وزیراعظم نے صدر اردگان کو جلد از جلد پاکستان کا سرکاری دورہ کرنے کے لیے اپنی پرخلوص دعوت کا اعادہ کیا .تاکہ اس موقع پر اعلیٰ سطح کے سٹریٹجک کنسلٹیٹو کونسل (HLSCC) کا ساتواں اجلاس بلایا جا سکے۔
ملک کے بیشتر علاقوں میں موسم گرم اور خشک رہنے کا امکان ہے ، کل عید کے روز بھی ملک بھر میں موسم گرم اور خشک رہے گا تاہم گلگت بلتستان، کشمیر اوربالائی خیبرپختونخوا میں چند مقامات پر تیز ہواؤں اورگرج چمک کے ساتھ بارش کا امکان ہے۔پیر کے روز اسلام آباد اور گر دو نواح میں موسم دن کے اوقات میں شدیدگرم اور خشک جبکہ شام اور رات کے وقت آندھی ،جھکڑ چلنے اورگرج چمک کے ساتھ چند مقامات پر بارش کا امکان ہے۔خیبرپختونخوا صوبہ کے بیشتر اضلاع میں موسم گرم اور خشک جبکہ جنوبی اضلاع میں شدید گرم رہنے کے علاوہ بعداز دوپہر گرد آلود ہوائیں /جھکڑ چلنے کا امکان ۔
تاہم شام/رات میں چترال، دیر، سوات، کوہستان، شانگلہ ،مانسہرہ، ایبٹ آباد، بالاکوٹ، بونیر، مالاکنڈ، باجوڑ، کرم ،اورکزئی ، خیبر ، پشاور، کوہاٹ، کرک ، بنوں اور وزیرستان میں آندھی، جھکڑ چلنے اور گرج چمک کے ساتھ چند مقا مات پر بارش کا امکان ہے۔ پنجاب کے بیشتر میدانی اضلاع میں موسم شدید گرم اور خشک جبکہ بعداز دوپہر گرد آلود ہوائیں چلنے کا امکان ہےْ۔ تاہم شام اور رات کے وقت مری ،گلیات ، راولپنڈی ، اٹک، جہلم، چکوال،تلہ گنگ، میانوالی ، گجرات اور گوجرانوالہ میں آندھی چلنے اور کہیں کہیں گرج چمک کے ساتھ بارش کا امکان ہے۔بلوچستان کے بیشتر اضلاع میں موسم گرم اور خشک رہے گا ۔ تاہم جنوبی اور وسطی اضلاع میں بعد از دوپہر گرد آلود ہوائیں چلنے کا امکان ہے۔
اقوام متحدہ کے سیکریٹری جنرل انتونیو گوتریس نے عیدالاضحیٰ پر مبارکباد دی ہے۔ عالمی ادارے کے سربراہ کا کہنا تھا کہ پُرتشدد تنازعات کے باعث اپنے پیاروں کے ساتھ عیدالاضحیٰ نہ مناسکنے والے تمام مسلمانوں سے اظہار یکجہتی کرتا ہوں۔ سیکریٹری جنرل انتونیو گوتریس نے کہا کہ اس تہوار کی یکجہتی اور ہمدردی کی اقدار سب کی ہمدردی و امن کی طرف ہماری رہنمائی کرتی ہیں۔دوسری جانب امریکی وزیر خارجہ انٹونی بلنکن نے دنیا بھر کے مسلمانوں کو عیدالاضحیٰ کی مبارکباد دی ہے۔ انٹونی بلنکن نے اس حوالے سے کہا کہ اس بار عید ایسے وقت آئی ہے جب بہت سے مسلمان شدید اذیت میں ہیں۔ ہم جبر اور تنازعات کا سامنا کرنے والوں کے ساتھ ہیں۔ انٹونی بلنکن کا کہنا تھا کہ ہم اسلاموفوبیا اور نفرت پر مبنی تشدد کا سامنا کرنے والوں کے بھی ساتھ ہیں۔ انہوں نے کہا کہ ہم دنیا کو بہتر بنانے کےلیے امریکی مسلم قیادت اور دنیا بھر کی مسلم کمیونٹیز کی خدمات کو سراہتے ہیں۔ امریکی وزیر خارجہ کا کہنا تھا کہ ہم پُرامن مستقبل کےلیے کام کرنے کا عہد کرتے ہیں۔
پاکستان انٹرنیشنل ایئر لائنز (پی آئی اے) کریو ممبر بیرون ملک جاکر لاپتا ہوگیا ہیں،پی آئی اے ذرائع کا کہنا ہے کہ یہ واقعہ اس وقت سامنے آیا جب نور شیر نے مبینہ طور پر عملے کو رپورٹ نہیں کیا۔ترجمان پی آئی اے کا کہنا ہے کہے خلاف محکمانہ تادیبی کارروائی کا آغاز کردیا گیا ہے کیونکہ ایئر ہوسٹس کے حلف نامے قومی ایئر لائن کے پاس موجود ہیں اور ایف آئی اے سے بھی رابطہ کیا جائے گا۔واضح رہے کہ پی آئی اے کے کریو ممبران کی گمشدگی کے واقعات مسلسل رپورٹ ہو رہی ہے،
اس سے پہلے بھی ایسے واقعات ہوچکے ہیں کہ قومی ایئر لائنز کے عملے کے ارکان بیرون ملک جاکر وہی رہ گئے اور لاپتہ ہوگئے۔ متعلقہ افراد انتظامیہ کو بتائے بغیر پرواز کے ساتھ واپس نہیں آئے۔کہا جارہا ہے کہ نجکاری کے معاملے پر قومی ایئرلائن میں بے یقینی کی صورتحال ہے جس کے باعث فضائی میزبانوں کے سلپ ہونے کا سلسلہ تیز ہوگیا ہے۔2022 میں 5 اور 2023 میں بیرون ملک پروازوں کے 7 کریو ممبر سلپ ہوئے۔ پی آئی اے کے سب سے زیادہ فضائی میزبان کینیڈا میں سلپ ہوئے
آئی سی سی ٹی 20 ورلڈکپ میں آئرلینڈ سے میچ سے ایک رات قبل قومی ٹیم کے کپتان بابر اعظم کیساتھ ایک پرستار نے تصویر بنائی اور اس بات پر حیرت کا اظہار کیا کہ صبح میچ ہے اور کپتان رات 11 بجے میامی میں ہیں۔اس بارے میں ٹیم کے میڈیا منیجر رضا راشد کہتے ہیں وہ رات 8 سے 10 بجے تک کپتان کے ساتھ تھے، جبکہ ٹیم کے سینئر منیجر وہاب ریاض کا کہنا ہے کہ انہوں نے ہوٹل میں بابر اعظم کے ساتھ کھانا کھایا۔البتہ جس لڑکے نے بابر اعظم کے ساتھ میامی میں رات گئے میچ سے ایک رات قبل تصویر بنوائی، اس کے والد کا کہنا ہے کہ میرا بیٹا کیوں جھوٹ بولے گا؟ اس نے 15 جون کی رات میامی میں بابر اعظم کیساتھ یہ تصویر بنوائی ہے، ہم کو جھوٹ بولنے کی کوئی ضرورت نہیں۔دوسری جانب ٹیم کے سینئر منیجر وہاب ریاض کا کہنا ہے کہ درست ہے کہ ہمارے کھلاڑی رات کھانا کھانے ہوٹل سے باہر جاتے ہیں، لیکن میچ سے ایک رات پہلے کھلاڑی عموماً ہوٹل میں کھانا کھاتے ہیں۔جب وہاب ریاض سے یہ سوال کیا گیا کہ نیویارک میں رات 12 بجے تک کھلاڑی ہوٹل سے باہر نظر آئے تو انہوں نے کہا کہ ہو سکتا ہے لیکن میچ سے ایک رات پہلے کرفیو ٹائم پر سب نے عملدرآمد کیا ہے۔
سوئٹزرلینڈ میں ہونے والی یوکرین امن کانفرنس کا اعلامیہ جاری کردیا گیا ہے جس پر کئی ممالک کی جانب سے دستخط نہیں کیے گئے۔ کانفرنس کے اعلامیے میں کہا گیا ہے کہ روس کی یوکرین میں جنگ بڑے پیمانے پر انسانی مصائب و تباہی کا سبب بن رہی ہے اور خطرات اور بحران کے عالمی اثرات پیدا کر رہی ہے۔ کانفرنس میں شریک سعودی عرب، متحدہ عرب امارات، بھارت، جنوبی افریقا، تھائی لینڈ، انڈونیشیا، برازیل اور میکسیکو نے اعلامیے پر دستخط نہیں کیے۔ اعلامیے کے مطابق یوکرین میں امن کے لیے تمام فریقین کی شمولیت اور مذاکرات ہونا ضروری ہیں۔ اعلامیے میں تمام جنگی قیدیوں کا جامع تبادلے اور خوراک کو ہتھیار نہ بنانے کا مطالبہ کیا گیا ہے ساتھ ہی جوہری ہتھیاروں کا استعمال یا دھمکی ناقابل قبول قرار دی گئی ہے۔ سوئٹزرلینڈ میں منعقدہ دو روزہ کانفرنس میں یوکرین سمیت 90 سے زائد ممالک نے شرکت کی جبکہ چین اور روس کانفرنس میں شامل نہیں ہوئے۔
تجزیہ کاروں کا کہنا ہے کہ دو روزہ کانفرنس کا ممکنہ طور پر جنگ کے خاتمے کی طرف بہت کم ٹھوس اثر پڑے گا کیونکہ اس کی قیادت کرنے والے اور اسے جاری رکھنے والے ملک، روس کو فی الحال مدعو نہیں کیا گیا تھا۔ اس کے اہم اتحادی، چین، جس نے شرکت نہیں کی، اور برازیل، جو کہ ایک مبصر کے طور پر اجلاس میں موجود تھا، نے مشترکہ طور پر امن کی طرف متبادل راستے تلاش کرنے کی کوشش کی ہے۔اجلاس میں جنگ کی طرف ایک ایسے وقت میں روشنی ڈالنے کی بھی کوشش کی گئی جب غزہ میں تنازعہ، قومی انتخابات اور دیگر خدشات عالمی توجہ حاصل کر چکے ہیں۔
جوہری تحفظ، خوراک کی حفاظت اور قیدیوں کے تبادلے کے تین موضوعات حتمی بیان میں شامل ہیں۔ اطالوی وزیر اعظم جارجیا میلونی نے کہا کہ انہوں نے روس کے ساتھ بات چیت کے لیے "کم سے کم شرائط” کی ہیں، اس بات کی طرف اشارہ کرتے ہوئے کہ کیف اور ماسکو کے درمیان اختلاف کے کتنے دوسرے شعبوں پر قابو پانا مشکل ہوگا۔
اقوام متحدہ کے سیکرٹری جنرل انتونیو نے کہا کہ کرہ ارض کی تقریباً 40 فیصد زمین ہر سیکنڈ میں مزید ایکڑ کے نقصان کے ساتھ تباہ ہو رہی ہے، حکومتوں، کاروباری اداروں اور کمیونٹیز کو اس نقصان کو واپس لینے اور زمین کی حفاظت کے لیے اقدامات کرنے چاہئیں۔ انتونیو نے یہ بات صحرائی اور خشک سالی سے نمٹنے کے عالمی دن کے سلسلے میں کہی۔ہر سیکنڈ، صحت مند زمین کے لگ بھگ چار فٹ بال فیلڈز کو تنزلی کا نشانہ بنایا جاتا ہے، انہوں نے صحرائی اور خشک سالی سے نمٹنے کے عالمی دن کے لیے ایک مضبوط پیغام میں کہا، جو ہر سال 17 جون کو منایا جاتا ہے۔ "اربوں لوگوں کی سلامتی، خوشحالی اور صحت زندگی، معاش اور ماحولیاتی نظام کو سہارا دینے والی ترقی پزیر زمینوں پر انحصار کرتی ہے، لیکن ہم اس زمین کو تباہ کر رہے ہیں جو ہمیں برقرار رکھتی ہے”، انہوں نے مزید کہا۔انہوں نے کہا کہ صحرائی، زمین کی تنزلی اور خشک سالی اس وقت سب سے زیادہ ماحولیاتی چیلنجز میں سے ایک ہیں۔
اس سال صحرائی اور خشک سالی کے دن کا تھیم، "زمین کے لیے متحد۔ ہماری میراث۔ ہمارا مستقبل” زمینی ذمہ داری کے مستقبل پر روشنی ڈالتے ہوئے، جو دنیا بھر کے اربوں لوگوں کے استحکام اور خوشحالی کو یقینی بنانے کے لیے کرہ ارض کا سب سے قیمتی وسیلہ ہے، اس پر زور دیا گیا۔
انتونیو گوتریس نے کہا کہ صحت مند زمین نہ صرف ہمیں پوری دنیا میں کھائی جانے والی تقریباً 95 فیصد خوراک فراہم کرتی ہے بلکہ اس سے بھی زیادہ۔ یہ لوگوں کو کپڑے اور پناہ گاہیں فراہم کرتا ہے اور روزگار اور ذریعہ معاش فراہم کرتا ہے اور برادریوں کو بڑھتی ہوئی خشک سالی، سیلاب اور جنگل کی آگ سے بچاتا ہے۔اقوام متحدہ کے سربراہ نے کہا، "جیسا کہ اس سال کے عالمی دن کا مرکز ہمیں یاد دلاتا ہے، ہمیں زمین کے لیے متحد ہونا چاہیے۔” انہوں نے مزید کہا کہ حکومتوں، کاروباری اداروں، ماہرین تعلیم، کمیونٹیز اور بہت کچھ کو اکٹھا ہونا چاہیے اور کام کرنا چاہیے۔بڑھتی ہوئی آبادی کے ساتھ غیر پائیدار پیداوار اور کھپت کے پیٹرن قدرتی وسائل کے لیے ایندھن کی طلب، زمین پر ضرورت سے زیادہ دباؤ کو تنزلی کے مقام تک پہنچاتے ہیں، اس کی نشاندہی کی گئی۔ ایک ہی وقت میں، ریگستانی اور خشک سالی جبری ہجرت کا باعث بن رہی ہے، جس سے ہر سال لاکھوں افراد بے گھر ہونے کے خطرے میں پڑ رہے ہیں۔
دنیا کے آٹھ بلین باشندوں میں سے ایک ارب سے زیادہ نوجوان 25 سال سے کم عمر کے ترقی پذیر ممالک میں رہتے ہیں، خاص طور پر ان خطوں میں جو زمین اور قدرتی وسائل پر براہ راست انحصار کرتے ہیں۔انہوں نے کہا کہ "ہم جانتے ہیں کہ ہمیں کیا کرنا ہے”، اقوام متحدہ کے سربراہ نے کہا۔ یہ اقوام متحدہ کے کنونشن ٹو کامبیٹ ڈیزرٹیفیکیشن (UNCCD) میں واضح طور پر بیان کیا گیا ہے۔ انہوں نے کہا کہ جیسا کہ ہم کنونشن کی تیسویں سالگرہ منا رہے ہیں، دنیا کو ڈرامائی طور پر عمل درآمد کی رفتار کو تیز کرنا چاہیے۔ایسا کرنے کے لیے، انھوں نے ریاض میں UNCCD کانفرنس آف اسٹیٹس پارٹیز (COP16) کی جانب رفتار بڑھانے اور اس بات کو یقینی بنانے کی طرف اشارہ کیا کہ مذاکرات میں نوجوانوں کی بات سنی جائے۔انہوں نے کہا کہ ہم سب مل کر فطرت اور انسانیت کے فروغ پزیر مستقبل کے بیج بوتے ہیں۔
ماہرین فلکیات نے کہا ہے کہ رواں ماہ 20جون کو سال کا طویل ترین دن اور مختصر ترین رات ہو گی۔ یکم جولائی کے بعد دن کا دورانیہ بتدریج کم ہو نا شروع ہو جاتا ہے اور 22ستمبر کو دن اور رات کا دورانیہ تقریبا برابر ہوتا ہے جبکہ اس کے بعد راتوں کے دورانیے میں اضافہ اور دن کا دورانیہ مختصر ہونا شروع ہو جاتا ہے۔22دسمبر سال کا مختصر ترین دن اور رات طویل ترین ہوتی ہے۔واضح رہے کہ ہماری زمین سورج کے گرد گھومتی ہے تو راس الجدی کے موقع پر سورج قطب جنوبی کی جانب جھکا ہوتا ہے اور شمالی نصف کرے سے دور ہوتا ہے تو یہاں سردیوں کا آغاز ہوتا ہے۔اس وجہ سے دن کا دورانیہ گھٹ جاتا ہے جبکہ موسم گرما میں اس سے الٹ ہوتا ہے۔شمالی نصف کرے کے خطوں میں اگلے تین دنوں تک طلوع آفتاب کا وقت یہی رہے گا، البتہ سورج غروب ہونے کا وقت تبدیل ہوتا جائے گا۔
ترجمان قانونی امور بیرسٹرعقیل ملک نے پریس کانفرنس کرتے ہوئے کہا کہ چند عناصرملک مخالف ایجنڈے پرکام کر رہے ہیں، پی ٹی آئی ملک مخالف بیانیہ بنانے کی کوشش کر رہی ہے، ملک مخالف عناصر کے خلاف قانون کے مطابق کارروائی کی جائے گی۔ ترجمان قانونی امور بیرسٹرعقیل ملک نے کہا کہ پی ٹی آئی ملک سے باہر بھی پاکستان کیخلاف سازش کررہی ہے۔بیرسٹر عقیل ملک نے کہا کہ اس سیاسی جماعت نے تمام حدیں پار کردی ہیں، گزشتہ ایک سال سے اینٹی پاکستان ایجنڈے میں تیزی آئی ہے، عدم اعتماد کے بعد ایبسلوٹلی ناٹ کا بیانیہ دیا گیا، ایک طرف ایبسلوٹلی ناٹ دوسری طرف امریکی فرم ہائر کی جاتی ہیں۔
انہوں نے کہا کہ فرم ہائر کرکے بیرون ملک سے ریاست مخالف ایجنڈا چلایا جارہا ہے، مخصوص سیاسی جماعت دوست ممالک سے تعلقات خراب کرنے کی کوشش کر رہی ہے، تمام لوگوں کا تانہ بانہ مخصوص سیاسی جماعت سے ملتا ہے۔ترجمان قانونی امور نے مزید کہا کہ مخالف سازشیں کرنے میں پی ٹی آئی کا کوئی ثانی نہیں، پاکستان آزاد اور خود مختار ملک ہے، اوورسیزپاکستانیوں کو استعمال کیا جا رہا ہے۔