Author: صدف ابرار

وزیراعظم شہباز شریف کا خیبر پختونخوا اور بلوچستان میں حالیہ بارشوں کے نتیجے میں جاں بحق ہونے والے افراد کی بلندی درجات کی دعاء اور ان کے لواحقین سے اظہار تعزیت کی ،وزیراعظم نے بارشوں کے نتیجے میں پیش آئے مختلف حادثات میں زخمی ہونے والوں کی جلد صحت یابی کی دعاکی ،انہوں نے نیشنل ڈیزاسٹر مینجمنٹ اتھارٹی اور دیگر متعلقہ اداروں کو متاثرہ علاقوں میں امدادی کارروائیاں تیز کرنے کی ہدایت کی ہے اور کہا ہے کہ وفاقی حکومت بلوچستان اور خیبر پختونخوا کی صوبائی حکومت کے ساتھ کھڑی ہے اور امدادی کارروائیوں میں ہر ممکن مدد فراہم کرے گی، متاثرین تک امداد کی فراہمی میں کوئی کسر نہ اٹھا رکھی جائے بارشوں اور لینڈ سلائیڈنگ کی وجہ سے بند سڑکیں اور راستے کھولنے کا کام تیز تر کیا جائے۔

ایرانی صدر ڈاکٹر ابراہیم رئیسی کے دورہ پاکستان سے قبل ان کی سیکیورٹی ٹیم اسلام آباد پہنچ گئی ہے۔ سفارتی ذرائع کے مطابق ایرانی صدر کی سکیورٹی ٹیم دورے سے قبل انتظامات کا جائزہ لے گی۔بتایا گیا ہے کہ ایرانی سفیر رضا امیری نے وزارت خارجہ کے ایڈیشنل سیکرٹری رحیم حیات سے ملاقات کی جس میں ایرانی صدر کے دورے سے متعلق امور پر تبادلہ خیال کیا گیسفارتی ذرائع نے کہا ہے کہ حالیہ اسرائیل ایران کشیدگی کی تناظر میں ایرانی صدر و قیادت کو کئی سنجیدہ خطرات کا سامنا ہے، لاحق خطرات کے باوجود ایران کے صدر ڈاکٹر ابراہیم رئیسی دورہ پاکستان منسوخ یا معطل نہیں کریں گے۔ایرانی صدر کے دورہ پاکستان کے حوالے سے ایرانی سفیر رضا امیری مقدم بھی اس وقت دفتر خارجہ میں موجود ہیں۔ ایرانی سفیر کی دفتر خارجہ میں ایڈیشنل سیکرٹری رحیم حیات قریشی سے ملاقات جاری ہے۔رحیم حیات قریشی دفتر خارجہ میَں ایڈیشنل سیکرٹری برایے مغربی ایشیاء, ایران، افغانستان و ترکیہ ہیں۔ ملاقات میں ایرانی صدر کے دورے کے حوالے سے حالات و جزیات کا جائرہ لیا جا رہا ہے۔

آئی ایم ایف حکام کا کہنا ہے کہ پاکستانی معیشت بہتری کی جانب گامزن ہے، پاکستان جب کہے گا فنڈ مہیا کیاجائے گا۔آئی ایم ایف حکام نے مشرق وسطی اور وسطی ایشیاء کی معاشی صورتحال پر پریس کانفرنس کرتے ہوئے کہا ہے کہ ایس بی اے کا آخری جائزہ مکمل کرلیا گیا، اب بورڈ کے سامنے منظوری کیلئے پیش کیا جائے گا۔
حکام کا کہنا تھا کہ سٹینڈ بائی ارینجمنٹ معاہدے کے بعد پاکستانی معیشت بہتری کی جانب گامزن ہے، آئی ایم ایف پروگرام سے پاکستان کو شدید اقتصادی عدم توازن کو دور کرنے اور ملکی معاشی استحکام کو برقرار رکھنے میں مدد ملے گی، میکرو اکنامک استحکام کو برقرار رکھنا ہے اوربجٹ خسارے کی سطح کو کم کرنا ضروری ہے۔
حکام کا کہنا تھا کہ آئی ایم ایف کےسماجی مدد فراہم کرنے کے منصوبے میں مزید بہتری لائی جاسکتی ہے، توانائی کے شعبے میں اصلاحات کیلئے مزید کام کی ضرورت ہے۔انہوں نے کہا کہ ریونیو کی صورتحال کو بہتر بنا کر مالیاتی صورتحال کو مضبوط بنانے پر کام جاری رکھا جائے، محصولات میں اضافہ حکومت کو قرضوں کی صورتحال سے نمٹنے کی اجازت دے گا۔انہوں نے مزید کہا کہ آئی ایم ایف پاکستان کو مدد فراہم کرنے کیلئے تیار ہے، جب پاکستان کہے گا فنڈ مدد فراہم کیا جائے گا، پاکستان کے دو طرفہ شراکت دار بھی پاکستان کو اضافی مالی مدد فراہم کرنے کے پروگرام کے منتظر ہیں۔

وزیرِ اعظم محمد شہباز شریف کی زیرِ صدارت ملک میں اسمگلنگ کی روک تھام کے حوالے سے اعلی سطح جائزہ اجلاس ہوا. اجلاس سے خطاب کرتے ہوئے وزیر اعظم نے کہا کہ پاکستان سے اسمگلنگ کے جڑ سے خاتمے کا پختہ عزم رکھتا ہوں، اسمگلنگ کے خاتمے کیلئے حکومت سے تعاون پر آرمی چیف کو خراج تحسین پیش کرتے ہیں،اجلاس میں اے ڈی خواجہ کی سربراہی میں افغان ٹرانزٹ ٹریڈ پر قائم شدہ تحقیقاتی کمیٹی کی رپورٹ بھی پیش کی گئی. وزیرِ اعظم نے افغان ٹرانزٹ ٹریڈ کے ناجائز استعمال اور اس کی آڑ میں اسمگلنگ کرنے والے عناصر اور انکے سہولت کار افسروں کی نشاندہی پر اے ڈی خواجہ کی سربراہی میں کمیٹی کی رپورٹ کی تعریف کی،وزیرِ اعظم کو بتایا گیا کہ اسمگلروں، ذخیرہ اندوزوں اور انکے سہولت کار سرکاری افسروں کی فہرست تیار کرکے قانون نافذ کرنے والے اداروں اور صوبوں کو فراہم کر دی گئی ہیں. وزیرِ اعظم کا کہنا تھا کہ ملک و قوم کا پیسہ لوٹنے والوں اور انکے سہولت کاروں کو قطعاً کسی بھی قسم کی رعایت نہیں دی جائے گی،سرحدی علاقوں میں اسمگلنگ کی روک تھام کیلئے نوجوانوں کو متبادل روزگار کے مواقع اور کاروبار کیلئے سازگار ماحول فراہم کیا جائے،افغان ٹرانزٹ ٹریڈ کی اشیاء کی پاکستان میں فروخت اور اسمگلنگ کی روک تھام کیلئے انکی مانیٹرنگ کو تیز اور مؤثر کیا جائے. وزیرِ اعظم نے کسٹم حکام کو افغان ٹرانزٹ ٹریڈ کو مانیٹر کرنے والے سسٹم کے تھرڈ پارٹی آڈٹ کی ہدایت دی. وزیرِ اعظم نے نشاندہی شدہ افسران کو عہدے سے فوراً ہٹانے اور محکمانہ کارروائی کی ہدایت دی،وزیرِ اعظم کی تمام قانون نافذ کرنے والے اداروں اور انٹیلیجنس اداروں کو اسمگلنگ کی روک تھام کیلئے ایک دوسرے سے تعاون، اسمگلروں اور مشیات کے کاروبار میں ملوث افراد کو قرار واقعی اور مثالی سزا دلوانے کی ہدایت دی۔ اجلاس مین وفاقی وزراء سید محسن رضا نقوی، جام کمال خان، احد خان چیمہ، رانا تنویر حسین، ڈاکٹر مصدق ملک، اعظم نذیر تارڑ، چیئرمین ایف بی آر، اٹارنی جنرل، قانون نافذ کرنے والے اداروں اور انٹیلیجنس ایجنسیوں کے اہلکار و متعلقہ اعلی حکام نے شرکت کی.

سابق وزیر داخلہ احسن اقبال نے فیض آباد دھرنا کمیشن کو بیان دیتے ہوئے کہا ہے کہ تحریک لبیک پاکستان (ٹی ایل پی) کے ساتھ معاہدہ ابتدائی طور پر سابق وزیراعظم شاہد خاقان عباسی کے دور میں ہوا تھا اور بعد میں انہیں پیش کیا گیا۔کمیشن کو احسن اقبال کی گواہی کے مطابق وزیراعظم شاہد خاقان عباسی نے معاہدے پر نظرثانی پر اعتراض کا اظہار کیا۔کمیشن کے سامنے اپنے بیان میں احسن اقبال نے وزیراعظم شاہد خاقان عباسی کی جانب سے معاہدے کو دیکھ کر اختلاف رائے کو اجاگر کیا۔ یہ انکشاف ٹی ایل پی کے ساتھ معاہدے کے نتیجے میں ہونے والے واقعات کی ترتیب پر روشنی ڈالتا ہے، جس سے فیض آباد دھرنے کی کمیشن کی تحقیقات کے لیے اہم تفصیلات فراہم کی جاتی ہیں۔
رپورٹ میں انکشاف کیا گیا ہے کہ تحریکِ لبیک کے ساتھ معاہدہ پہلے کیا گیا تھا جو اس وقت کے وزیرِ اعظم شاہد خاقان عباسی کو بعد میں دکھایا گیا۔ احسن اقبال نے دھرنا کمیشن کو بیان دیا ہے کہ وزیرِ اعظم شاہد خاقان عباسی نے معاہدہ دیکھا تو اعتراض کیا, انہوں نے کہا ہے کہ وزیرِ اعظم شاہد خاقان عباسی نے وزیر کے استعفے اور فیض حمید کے معاہدے میں نام پر اعتراض کیا۔ احسن اقبال نے بیان میں یہ بھی کہا ہے کہ وزیرِ اعظم شاہد خاقان عباسی کو بتایا گیا کہ معاہدہ تو ہو چکا، اس پر دستخط بھی ہو گئے، اب اس سے پیچھے نہیں ہٹ سکتے۔ واضح رہے کہ فیض آباد دھرنا کمیشن نے مظاہرین کے ساتھ تحریری معاہدہ کرنے والے آئی ایس آئی کے سابق سربراہ انٹرنل سیکیورٹی لیفٹیننٹ جنرل فیض حمید اور دھرنا ختم ہونے پر مظاہرین میں پیسے تقسیم کرتے ویڈیوز میں دکھائی دینے والے اس وقت کے ڈی جی رینجرز پنجاب میجر جنرل نوید اظہر حیات کو کلین چٹ دے دی ہے۔