Author: صدف ابرار

وزارت خزانہ کے ذرائع کے مطابق، حکومت نے 1 بلین یورو بانڈز کی ادائیگی کے انتظامات کو حتمی شکل دے دی ہے۔ پاکستان اپریل کے وسط میں 10 سالہ یورو بانڈز کی ادائیگی کرنے والا ہے، اسٹیٹ بینک کو حکومت کی جانب سے یورو بانڈز کو میچورٹی پر طے کرنے کی ہدایات موصول ہو رہی ہیں۔ذرائع بتاتے ہیں کہ ادائیگی کے بعد عالمی منڈی میں پاکستان کے بقایا یورو بانڈز 7 ارب ڈالر ہو جائیں گے۔ پاکستان نے اس سے قبل دسمبر 2023 میں 1 بلین ڈالر کے یورو بانڈز کی ادائیگی کی تھی۔ آئی ایم ایف سے قرضوں کی فراہمی سے زرمبادلہ کے ذخائر 8 ارب ڈالر سے تجاوز کرنے کی توقع ہے۔یہ ادائیگی بین الاقوامی مالیاتی ذمہ داریوں کو پورا کرنے اور اپنی مالی پوزیشن کو مستحکم کرنے کے لیے حکومت کے عزم کی نشاندہی کرتی ہے۔

ترجمان پی ٹی آئی رؤف حسن نے احتجاجی تحریک کی تاریخ بتاتے ہوئے کہاکہ 12 اپریل کو اختر مینگل کی رہائشگاہ پر احتجاج ہوگا جبکہ 13 اپریل کو پشین سے احتجاج کا آغاز کیا جائے گا۔ نجی ٹی وی سے گفتگو کے دوران رؤف حسن نے مزید کہا کہ ہماری جدوجہد کا مقصد جمہوریت، قانون اور آئینی کی بالادستی قائم کرنا ہے، 6 جماعتوں میں جماعت اسلامی موجود ہے۔ان کا کہنا تھا کہ مولانا فضل الرحمان سے ہمارا رابطہ ہے، ابھی کچھ مسائل ہیں، پرامید ہیں کہ جے یو آئی سے رابطے کے بہتر نتائج مل جائیں گے۔پی ٹی آئی ترجمان نے یہ بھی کہا کہ ہمارے فارم 45 میں جیتے ہوئے امیدواروں کو فارم 47 میں ہرایا گیا، ہم اس پر الیکشن ٹریبونل گئے۔انہوں نے کہا کہ اگر مولانا فضل الرحمان کو بھی خیبر پختونخوا میں یہ لگتا ہے تو الیکشن ٹریبونل جائیں۔روف حسن نے کہا کہ بانی پی ٹی آئی نشاندہی کرچکے ہیں کہ ہمارا مینڈیٹ لوٹنے والی 3 جماعتیں ہیں، جن سے کسی قسم کا کوئی اتحاد نہیں کرنا ہے۔
ان کا کہنا تھا کہ کور کمانڈر ہاؤس سے افطار کی دعوت دی گئی تھی، کابینہ کو سکیورٹی بریفنگ دی گئی، وہاں خیبر پختونخوا کابینہ کا کوئی اجلاس نہیں ہوا۔ترجمان پی ٹی آئی نے کہا کہ علی امین گنڈاپور کی وزیراعظم اور وزیرداخلہ کے ساتھ میٹنگز کو تنقید کا نشانہ بنایا گیا، ہم وفاق کا ایک حصہ ہیں اور وفاق کے ساتھ ورکنگ ریلیشن رکھنی ہے۔
انہوں نے کہا کہ ہمارے مفادات یکساں ہوئے اہداف یکساں ہوئے قانون کی بالادستی میں ہمارے ساتھ مل کر آگے بڑھنے پر تیار ہوں گے تو ہم ان کو ساتھ لے کر چلنے پر تیار ہوں گے۔رؤف حسن نے کہا کہ سلو پوائزننگ کا ٹیسٹ پاکستان میں موجود ہی نہیں، یہ ٹیسٹ صرف جرمنی اور ایک اور ملک میں ہوسکتا ہے۔
پی ٹی آئی ترجمان نے کہا کہ لوگ تو جھوٹ بولتے رہے کہ پلیٹ لیٹس ڈاؤن ہوگئے یہاں تو پوسیبیلٹی کا اظہار کیا گیا۔انہوں نے کہا کہ ان کو چاہیے تھا کہ فوری ڈاکٹرز کو بلاتے، یہاں تو ڈاکٹرز کو بلانے میں تاخیر کی گئی، مطالبہ کیا ہے کہ بشریٰ بی بی کے بلڈ ٹیسٹ کےلیے نمونے بھیجے جائیں۔

وزیر اطلاعات عطاءاللہ تارڑ کا وزیر اعظم کے دورہ سعودی عرب کے حوالے سے اہم بیان سامنے آیا ہے ،ان کا کہناہے کہ وزیراعظم شہبازشریف کل سعودی عرب روانہ ہوں گے ،4 مارچ کو وزیراعظم منتخب ہونے کے بعد شہبازشریف کا بیرون ملک یہ پہلا دورہ ہے ،وزیراعظم کمرشل پرواز کے ذریعے روانہ ہوں گے ،وزیراعظم اور وفد کے ارکان سفری اخراجات اپنی ذاتی جیب سے ادا کریں گے۔وزیراعظم شہبازشریف آخری ایام میں 6 سے 8 اپریل کو سعودی عرب کادورہ کریں گےمنصب سنبھالنے کے بعد وزیراعظم کایہ پہلا غیر ملکی دورہ ہوگا ۔وزیراعظم عمرے کی ادائیگی کریں گے، مسجد نبوی میں حاضری دیں گے وزیراعظم کےہمراہ کابینہ کے سینیئر وزراء وزیرخارجہ، وزیر دفاع، وزیر خزانہ اور وزیراطلاعات اوراقتصادی امور بھی سعودی عرب جائیں گے۔
وزیراعظم شہباز شریف کی سعودی عرب کے ولی عہد اور وزیراعظم محمد بن سلمان بن عبدالعزیز سے ملاقات متوقع ہے جس میں باہمی دلچسپی کے امورپرتبادلہ خیال کیا جائے گا۔دونوں رہنما علاقائی اور عالمی پیشرفت پربھی تبادلہ خیال کریں گے۔ذرائع کے مطابق دورہ سعودی عرب کے دوران وزیرخزانہ سرمایہ کاری کے لیے مراعات پر بریفنگ دیں گے۔ سعودی عرب کو ریکوڈک میں سرمایہ کاری پر خصوصی مراعات بھی دی جائیں گی۔واضح رہے اس سے قبل وزارت خزانہ کی طرف سے سعودی عرب کی جانب سے ریکوڈک پر ایک ارب ڈالر کی سرمایہ کاری کی توقع ظاہر کی جاچکی ہے۔

بین الاقوامی مالیاتی فنڈ (آئی ایم ایف) نے رواں مالی سال کے لیے بجلی کے نرخوں اور سبسڈیز کے حوالے سے جاری مسئلے کو حل کرنے کا مطالبہ کیا ہے۔ ذرائع کے مطابق ایک کروڑ روپے کا تنازعہ ہوا ہے۔ وزارت خزانہ، پاور ڈویژن اور بجلی کے شعبے کے درمیان 2013 سے اب تک 66 ارب روپے۔ پاکستان سب سے زیادہ سبسڈی فراہم کرتا ہے۔ جنوبی ایشیا میں پاور سیکٹر میں 976 ارب روپے۔بجلی کے شعبے کو فراہم کی جانے والی سبسڈی حکومت کے بیانات سے دگنی ہو گئی ہے، اور یہ رقم سرکلر ڈیٹ میں ہے، جس سے حکومت پر بھاری شرح سود عائد ہے۔ذرائع کا کہنا ہے کہ آئی ایم ایف نے وزیراعظم کو آگاہ کیا ہے کہ دس سال سے یہ مسئلہ حل نہیں ہوا۔ سوئی سدرن اور این ٹی ڈی سی کو بجلی کی واجبات کے لیے گیس کی ادائیگی کے لیے بجلی درکار ہے۔کےالیکٹرک کا مؤقف ہے کراچی واٹر اینڈ سیوریج بورڈ سے واجبات ملنے پر ادائیگی کی جائے گی۔ذرائع کے مطابق آئی ایم ایف کا مطالبہ ہے ان معاملات کو فوری حل کیا جائے تاکہ گردشی قرض کم کیا جا سکے۔نگراں حکومت اور کےالیکٹرک کے درمیان بجلی کی خرید و فروخت کا دوبارہ معاہدہ کیا گیا، حکومت اور کےالیکٹرک کے درمیان بجلی کی خرید و فروخت کا معاہدہ 2015 میں ختم ہوگیا تھا۔

وفاقی وزیر اعظم تارڑ نے کہا ہے کہ عدالتی اصلاحات کے حوالہ سے بلاول بھٹوزرداری کا مطالبہ درست ہے۔ سینٹ کے انتخابات مکمل ہونے پر عدالتی اصلاحات کے لئے قانون سازی کی جائے گی۔ وفاقی وزیرقانون نے کہا کہ ہم چاہتے ہیں کہ ایسی اصلاحات ہو، جن سے عوام کو ریلیف ملے۔ ایک سوال کے جواب میں اعظم نذیر تارڑ نے کہا کہ جمہوریت کو کوئی ڈرنہیں شکر کریں جمہوریت چل رہی ہے۔ دوجمہوری حکومتوں نے اپنی معیاد پوری کی ہے۔
اعظم نزیر تارڑ نے کہا کہ حکومت نے سپریم کورٹ کے فل کورٹ کے فیصلہ کی روشنی میں جسٹس تصدق جیلانی کی سربراہی میں کمشن بنایا تھا، ایک سیاسی جماعت کی وجہ سے جسٹس جیلانی کمشن چھوڑ گئے۔ سپریم کورٹ کا موجود بینج ازخود نوٹس کی لارجر بنچ میں سماعت کرے یافل کورٹ بنائے حکومت کو اعتراض نہیں۔ عدلیہ کے حوالہ سے حکومت کی واضح پالیسی ھے جس پر کوئی کمپرومائز نہیں ہو گا۔ حکومت کا عدالتی شخصیات کی سکیورٹی اور خودمختاری کے حوالہ سے مکمل تعاون رھ رہے گا۔ ادارے اپنی آئینی حدود میں کام کریں۔ یہی ملک کے لئے بہتر ہے۔ایک سوال کے جواب مین وزیر قانون نے کہا کہ انتخابات پرامن ہوئے جس کو کوئی شکایت ہے وہ متعلقہ فارم پر جائےاور فیصلے لے۔ اپوزیشن کو احتجاج کرنے کا حق ھے لیکن احتجاج قانون کے دائرہ میں ہونا چاہئے،

پاکستانی وزیرخارجہ اسحاق ڈار سے امریکی ہم منصب نے ٹیلیفونک رابطہ کیا ہے ۔ ترجمان دفتر خارجہ نے بتایا کہ وزیر خارجہ محمد اسحاق ڈار کو امریکی وزیر خارجہ انٹونی بلنکن کا ٹیلی فون کال موصول ہوا،دونوں اطراف سے باہمی دلچسپی کے تمام شعبوں میں دوطرفہ تعاون کو مضبوط بنانے کے عزم کا اعادہ کیاگیا۔ ترجمان دفتر خارجہ نے کہا کہ تجارت اور سرمایہ کاری کے تعلقات کو بڑھانے پر بات چیت ہوئی ،موسمیاتی تبدیلی، زراعت اور سیکورٹی سمیت دوطرفہ امور کی ایک وسیع رینج زیر بحث آئی ، علاقائی اہمیت کے مختلف امور جیسے کہ غزہ کی صورتحال، افغانستان میں ہونے والی پیشرفت پر بھی تبادلہ خیال کیا گیا،دونوں وزارا نے دو طرفہ تعلقات میں موجودہ مثبت رفتار پر اطمینان کا اظہار کیا۔

ججز کو دھکمی امیزکا خطوط ملنے کا سلسلہ تا حال جاری ہے آج سپریم کورٹ کے مزید چار ججز کو خطوط موصول ہو گئے سپریم کورٹ کے ججز کو ملنے والے خط سی ٹی ڈی کے حوالے کر دئیے گئے ہیں،ججز کو ملنے والے تمام خطوط کو اکٹھا کر دیا گیا ہے،سپریم کورٹ کے ججز کو خطوط میں بھی آرسینک پاؤڈر پایا گیا ہے۔ سپریم کورٹ اور ہائیکورٹ کے ججز کو پاؤڈر بھرے لفافے بھجوائے جانے سے متعلق تحقیقاتی رپورٹ سامنے آ گئی۔ ذرائع کے مطابق ججز کو بھیجے جانے والا پاؤڈر آرسینک ہے جس کی مخصوص مقدار سے زیادہ تعداد زہریلی ہوتی ہے۔
سپریم کورٹ کے 10 ججز کو دھمکی آمیز خطوط مل چکے ہیں ،تمام خط ایک ہی تاریخ کو آئے تھے، کچھ ججز کو اب موصول ہوئے ہیں۔دوسری جانب ججز کو بھجوائے جانے والے پاؤڈر سے متعلق رپورٹ محکمہ انسداد دہشتگردی (سی ٹی ڈی) کو موصول ہو گئی۔رپورٹ کے مطابق آرسینک کی معمولی مقدار مرغیوں اور چوہوں کی خوراک میں بھی شامل ہوتی ہے جبکہ ججز کو بھیجی گئی آرسینک پاؤڈر کی مقدار کا تعین کیا جائے گا۔اگر آرسینک کی مقداریادہ ہوئی تو بھیجا جانے والا مواد زہریلا ہو گا۔ آرسینک کی انتہائی کم مقدار پانی کو صاف کرنے میں بھی استعمال ہوتی ہے۔