Author: صدف ابرار

ہم ن لیگ کے ٹکٹ پر الیکشن میں لڑتے رہے ہیں، ایک مرتبہ ٹکٹ نہیں ملا تو مایوس نہیں ہونا چاہئے۔ پاکستان مسلم لیگ (ن) کے رہنما رانا ثناء اللہ کا کہنا ہے
نواز شریف کے الیکشن میں جیتنے کے باوجود خاموشی پر انہوں نے کہا کہ نوازشریف پارٹی لیڈر ہیں، انہیں کوئی ڈکٹیٹ نہیں کرسکتا، عوام نے ن لیگ کو اکثریت سے کامیاب نہیں کیا، نواز شریف ملک کو دلدل سے نکال سکتے تھے، ہم نے دو سال میں ملک کو دلدل سے نکالنے کا وعدہ کیا تھا، لیکن تسلیم کرتاہوں کہ ہمارے بیانیہ کو نہیں سراہا گیا، اس لیے نواز شریف نے اپنے آپ کو پیچھے ہٹا لیا۔
جنرل فیض اور باجوہ کو پارلیمنٹ میں بلانے کی بات پر خواجہ آصف کو دھمکی آمیز فون کالز ملنے پر گفتگو کرتے ہوئے رانا ثناء اللہ نے کہا کہ ’ان سے یہ معلوم کرنا چاہیے کہ انہیں کس نے دھمکی دی ہے، کیونکہ اگر انہوں نے یہ کہا ہے تو اس میں کوئی نہ کوئی بات ہوگی، میرا نہیں خیال کہ انہوں بلاوجہ یہ بات کی ہوگی‘انہوں نے کہا کہ اسی لیے پارٹی نے نواز شریف کے وزیراعظم نہ بننے کی تائید کی اور ان کی جگہ شہباز شریف کا نام دیا گیا کیونکہ انہیں مخلوط حکومت چلانے کا تجربہ ہے۔

وفاقی وزیر اطلاعات عطاء اللہ تارڑ کا کہنا ہے کہ آج دودھ کا دودھ اور پانی کا پانی ہوگیا، آج آپ سرٹیفائیڈ جھوٹے ثابت ہوگئے، ایک شخص نے ریاست کے مفاد پر ذاتی مفاد کو ترجیح دی، آپ نے پاکستان کے خلاف سازش کی جو آج ناکام ہوئی ہے۔ عطا اللہ تارڑ نے کہا کہ پی ٹی آئی ارکان نے کانگریس کمیٹی اجلاس میں بھی واویلا کیا، ایک سازش کے تحت پاکستان کے تشخص کو متاثر کیا گیا، آج ہم سرخرو ہوئے ہیں، ہماری بات سچ ثابت ہوئی ہے، یہ خود کانگریس کمیٹی میں گئے تھے، بانی پی ٹی آئی کے قول و فعل میں تضاد ہے۔انہوں نے مزید کہا کہ آپ نے نوجوانوں کے ذہنوں کو زہر آلود کیا، جھوٹ ہمیشہ بے نقاب ہو کر رہتا ہے، بانی پی ٹی آئی کا مکروہ اور گھناؤنا چہرہ پوری دنیا نے دیکھا، کانگریس میں سماعت کے بعد ان کے پلے کیا رہ گیا۔وفاقی وزیر اطلاعات نے مزید کہا کہ آئی ایم ایف سے سٹاف لیول معاہدہ ہوا ہے، کل اس حوالے سے وزیر خزانہ پریس کانفرنس کریں گے۔
وفاقی وزیر اطلاعات نے اسلام آباد میں پریس کانفرنس کے دوران امریکی سفیر ڈونلڈ لو کانگریس کمیٹی میں گواہی پر ردعمل دیتے ہوئے کہا کہ بانی پی ٹی آئی عمران خان نے جلسے میں سائفر لہرا کر اپنی حکومت جانے کو امریکی سازش قرار دیا جس کی مذمت کرتا ہوں۔ امریکی ایوان نمائندگان کی ذیلی کمیٹی کی سماعت پی ٹی آئی کی سازش سے ہوئی۔عطاء اللہ تارڑ نے کہا کہ بانی پی ٹی آئی جھوٹ بول رہے تھے، ڈونلڈ لو نے سائفر کیس کی سازش کو جھوٹ قرار دیا۔عطاء اللہ تارڑ کا کہنا تھا کہ بانی پی ٹی آئی نے درخواستیں دے کر کانگریس کی ہیرنگ کروائی۔انہوں نے کہا کہ پاکستان ہے تو ہم ہیں، سیاست چمکانے اور سیاسی مفادات کے لیے قومی مفاد کو داؤ پر لگایا گیا۔ان کا کہنا تھا کہ کانگریس کمیٹی میں جھوٹ کی سخت سزا ہے۔انہوں نے مزید کہا کہ سماعت کے دوران پی ٹی آئی کے لوگوں کو شور کرنے پر باہر نکالا گیا۔ان کا کہنا تھا کہ دنیا نے دیکھ لیا بانی پی ٹی آئی منافق شخص ہے، اس کے قول و فعل میں تضاد پایا جاتا ہے۔انہوں نے کہا کہ سائفر کیس میں غلط بیانی سے کام لیا گیا، سائفر کی سماعت ہائی کورٹ میں بھی چل رہی ہے، سائفر کیس میں پاکستان کے دشمنوں کو فائدہ دیا گیا، سائفر کیس ایک سازش تھی جس کے مطابق بانی پی ٹی آئی کو سزا دی گئی۔عطاء اللہ تارڑ نے کہا کہ یہ کانگریس کمیٹی میں امید سے گئے مگر انجام قوم کے سامنے آگیا۔

وزارتِ قومی صحت سے جاری اعداد وشمار کے مطابق کوئٹہ، چمن، پشاور، کراچی کے ضلع کورنگی، کراچی جنوبی اور مستونگ کے نمونوں میں پولیو وائرس پایا گیا ہے۔بیان میں کہا گیا ہے کہ پاکستان میں رواں سال مثبت ماحولیاتی نمونوں کی تعداد 65 ہوگئی ہے اور تمام مثبت نمونوں میں پائے گئے وائرس کا تعلق سرحد پار سے ہے۔
وزارت قومی صحت نے کہا ہے کہ پولیو وائرس 5 سال سے کم عمر کے بچوں کو نشانہ بناتا ہے، والدین ہر مہم کے دوران اپنے بچوں کو پولیو سے بچاؤ کے قطرے لازمی پلوائیں۔واضح رہے کہ وفاقی حکومت نے پہلے ہی تین صوبوں میں 25 مارچ سے 28 مارچ تک خصوصی انسداد پولیو مہم چلانے کا فیصلہ کرلیا ہے۔
خصوصی پولیو مہم مثبت سیوریج سیمپلز والے اضلاع میں چلائی جائے گی، آؤٹ بریک رسپانس پولیو مہم پنجاب، سندھ، بلوچستان میں چلے گی، 26 اضلاع میں 82 لاکھ سے زائد بچوں کی پولیو ویکسی نیشن ہوگی۔رپورٹ کے مطابق بلوچستان کے 11، سندھ 8، پنجاب 7 اضلاع میں خصوصی پولیو مہم چلے گی۔

ایکس (ٹوئٹر) کی بندش پر پی ٹی اے کے قول و فعل میں تضاد سامنے آگیا وزارت داخلہ کی جانب سے پی ٹی اے کو ایکس کی بندش سے متعلق لکھا خط منظر عام پر آگیا
وزارت داخلہ کی طرف سے 17 فروری 2024 کو پی ٹی اے کو خط لکھا گیا تھا ، خط میں ایکس کی فوری بندش کے احکامات دیے گئے، آئندہ احکامات تک ایکس کی سروس بند رکھی جائے، خط پی ٹی اے وکیل نے ایکس بندش کیس کی سماعت کے دوران سندھ ہائیکورٹ میں پیش کیا گیا، گزشتہ روز چیئرمین پی ٹی اے نے وزارت داخلہ کے خط کی تردید کی تھی باغی ٹی وی کی جانب سے خط کے بارے موقف کے لیے ترجمان پی ٹی اے سے رابطہ کیا گیا لیکن ترجمان پی ٹی آئی مؤقف دینے سے گریزاں ہے،