Author: صدف ابرار

وطن کو کچھ نہیں خطرہ نظام زر ہے خطرے میں
حقیقت میں جو رہزن ہے وہی رہبر ہے خطرے میں
اردو کے ممتاز انقلابی شاعر حبیب احمد المعروف حبیب جالب 24 مارچ 1928ء کو میانی افغاناں، ہوشیار پور ہندوستان میں پیدا ہوئے۔ انہوں نے زندگی بھر عوام کے مسائل اور خیالات کی ترجمانی کی اور عوام کے حقوق کے لئے آواز بلند کرتے رہے۔ 1962ء میں انہوں نے صدر ایوب خان کے آئین کے خلاف اپنی مشہور نظم دستور تحریر کی جس کا یہ مصرع ایسے دستور کو صبح بے نور کو میں نہیں مانتا، میں نہیں مانتا پورے ملک میں گونج اٹھا۔ بعدازاں انہوں نے محترمہ فاطمہ جناح کی صدارتی مہم میں بھی فعال کردار ادا کیا۔ سیاسی اعتبار سے وہ نیشنل عوامی پارٹی سے منسلک تھے زیادہ قریب تھے اور انہوں نے عمر کا بیشتر حصہ اسی پارٹی کے ساتھ وابستہ رہ کر بسر کیا۔انہوں نے ہر عہد میں سیاسی اور سماجی ناانصافیوں کے خلاف آواز بلند کی جس کی وجہ سے وہ ہر عہد میں حکومت کے معتوب اور عوام کے محبوب رہے۔ان کے شعری مجموعوں میں برگ آوارہ، سرمقتل، عہد ستم، حرف حق، ذکر بہتے خون کا، عہد سزا، اس شہر خرابی میں، گنبد بے در، گوشے میں قفس کے، حرف سر دار اور چاروں جانب سناٹا شامل ہیں۔
اس ستم گر کی حقیقت ہم پہ ظاہر ہو گئی
ختم خوش فہمی کی منزل کا سفر بھی ہو گیا
حبیب جالب نے کئی معروف فلموں کے لئے بھی نغمہ نگاری کی جن میں مس 56، ماں بہو اور بیٹا، گھونگھٹ، زخمی، موسیقار، زمانہ، زرقا، خاموش رہو، کون کسی کا، یہ امن، قیدی، بھروسہ، العاصفہ، پرائی آگ، سیما، دو راستے، ناگ منی، سماج اور انسان شامل ہیں۔ انہیں انسانی حقوق کی متعدد تنظیموں نے اعلیٰ اعزازات پیش کئے تھے۔ کراچی پریس کلب نے انہیں اپنی اعزازی رکنیت پیش کرکے اپنے وقار میں اضافہ کیا تھا اور ان کی وفات کے بعد 2008ء میں حکومت پاکستان نے انہیں نشان امتیاز کا اعزاز عطا کیا تھا جو خود اس اعزاز کے لئے باعث اعزاز تھا۔13؍مارچ 1993ء کو حبیب جالب، لاہور میں وفات پاگئے اور قبرستان سبزہ زار اسکیم میں آسودۂ خاک ہوئے۔

وزیراعلیٰ خیبرپختونخوا علی امین گنڈاپور کی گورنر خیبرپختونخوا غلام علی سے ملاقات کی ہے،خیبرپختونخوا کے گورنر غلام علی اور وزیراعلیٰ علی امین گنڈاپور نے کے پی ہاؤس اسلام آباد میں ملاقات کی۔ ملاقات میں ملکی سیاسی اور معاشی صورتحال پر تبادلہ خیال کیا گیا۔مقامی ٹی وی سے گفتگو میں گورنر غلام علی نے کہا کہ علی امین گنڈا پور نے صوبے کی معاشی صورتحال کے حوالے سے آگاہ کیا اور بتایا کہ صوبے کے سرکاری ملازمین کی تنخواہوں کی ادائیگی کیلئے پیسے نہیں۔ ان کا کہنا تھاکہ علی امین گنڈاپور نے مرکز میں صوبے کا جو کیس پیش کیا اس سے متعلق آگاہ کیا، وزیراعلیٰ کو صوبے کے آئینی اور معاشی مسائل پر مکمل حمایت کی یقین دہانی کرائی ہے۔انہوں نے کہا کہ ملک کو موجودہ معاشی وسیاسی عدم استحکام سے نکالنا ہم سب کی ذمہ داری ہے۔

آئی ایم ایف شرائط اور وزیراعظم کی ہدایت پر بجلی تقسیم کارکمپنیوں کی نجکاری سے متعلق امور طے پا گئے۔ آئی ایم ایف کی شرائط اور وزیر اعظم کے احکامات پرعمل درآمد شروع ہو گیا، وزیر نجکاری اور وفاقی وزیر پاور میں ڈسکوز کی نجکاری کے امور طےپاگئے، وزارتِ نجکاری نے اعلامیہ بھی جاری کر دیا۔ وزارت نجکاری کے جاری کردہ اعلامیہ کے مطابق بجلی تقسیم کارکمپنیوں کی نجکاری سے متعلق امور طے ہوگئے،
وفاقی وزراء عبدالعلیم خان اور اویس احمد لغاری کے درمیان ملاقات میں اہم فیصلے ہوئے، ملاقات میں ڈسکوز اور آئی پی پیز کے مختلف منصوبوں کی نجکاری کے حوالے سے جائزہ لیا گیا، نجکاری کے لائحہ عمل اور نجکاری کی کارروائی کو تیز کرنے کا فیصلہ کیا گیا۔ اعلامیے میں مزید کہا گیا کہ توانائی کےمنصوبوں کو نجی شعبے کے حوالے کرنے کے کام کی رفتارتیز کرنے کا فیصلہ کیا گیا، ڈسکوز اور آئی پی پیز کےمنصوبوں کی نجکاری کیلئے جلد اجلاس بلایا جائے گا۔ دونوں وزراء نے متعلقہ محکموں کو نجکاری کے عمل کو جلد از جلد حتمی شکل دینےکی ہدایات جاری کر دیں۔

پاکستان نے افغانستان میں دہشت گردانہ حملے کی شدید الفاظ میں مذمت کی ہے۔ دفتر خارجہ سے جاری بیان میں ترجمان دفتر خارجہ کا کہنا تھا کہ قندھار حملے میں قیمتی جانوں کانقصان ہوا اوربہت سےلوگ زخمی ہوئے، جس کی پاکستان سخت الفاظ میں مذمت کرتا ہے۔ترجمان دفتر خارجہ نے سوگوارخاندانوں سے تعزیت کا اظہار کیا اور زخمیوں کی جلد صحت یابی کے لیے دعا بھی کی۔ترجمان کا مزید کہنا تھا کہ دہشتگردی ایک مشترکہ تشویش ہے، جسے دونوں ممالک کو اجتماعی کوششوں کے ذریعے حل کرنے کی ضرورت ہے۔حکومت کے ترجمان کا کہنا تھا کہ پاکستان کی حکومت اور عوام سوگوار خاندانوں سے دلی تعزیت کا اظہار کرتے ہیں ، زخمیوں کی جلد صحت یابی کے لیے دعا گو ہیں۔ترجمان کا مزید کہنا تھا کہ پاکستان ہر قسم کی دہشت گردی کی شدید مذمت کرتا ہے، دہشت گردی ایک مشترکہ مسئلہ ہے جسے اجتماعی کوششوں کے ذریعے حل کرنے کی ضرورت ہے۔

اسلام آباد میں ہیوی ٹریفک کی اینٹری 23 مارچ کو رات بارہ سے دن دو بجے تک بند رہے گی۔23 مارچ کو صبح پانچ سے دوپہر دو بجے تک فیض آباد ہر قسم کی چھوٹی اور بڑی گاڑیوں کے لئے بند رہے گا۔کھنہ پل سے لیکر فیض آباد اور زیرو پوائنٹ تک گاڑیوں کو داخلے کی اجازت نہیں ہوگی۔زیرو پوائنٹ سے فیض آباد اور کھنہ پل جانے والی ٹریفک بھی بند رہے گی۔
کورال چوک اور راولپنڈی سے آنے والی ٹریفک ایکسپریس وے سے کھنہ پل، لہتراڑ روڈ ، پارک روڈ سے ہوتی ہوئی اسلام آباد میں داخل ہوسکے گی۔چھوٹی گاڑیاں کشمیر چوک سے مڑتے ہوئے بہارہ کہو اور مری جاسکتی ہیں۔راول ڈیم چوک سے فیض آباد تک بھی دوطرفہ ٹریفک بند رہے گی۔روٹ پلان کے مطابق لاہور سے آنے والی چھوٹی گاڑیاں روات ٹی چوک سے راولپنڈی صدر روڈ سے ہوتی ہوئی پشاور جی ٹی روڈ اور موٹر وے پر جاسکیں گی۔راولپنڈی ایئرپورٹ سے لاہور جانے والی ٹریفک نائنتھ ایونیو سے مری روڈ اور راول روڈ سے ہوتے ہوئے کورال فلائی اوور سے دائیں ٹرن کرکے لاہور جاسکتی ہے۔موٹروے سے آنے والی ٹریفک سری نگر ہائی وے استعمال کرتے ہوئے آبپارہ، بہارہ کہو اور مری جا سکے گی۔

تھانہ سہالہ کی حدود میں گاؤں پیرسوہاوہ میں خونی تصادم، بچوں کی لڑائی میں بڑے کود پڑے ایک دوسرے پر فائرنگ کر دی ، تصادم کے نتیجے میں 3 افراد جان سے گئے جبکہ 5 افراد زخمی بھی ہوئے۔لاشوں اور زخمیوں کواسپتال منتقل کر دیا گیاہے۔ مرنے والوں میں غلام مصطفیٰ ،پرویز اور زبیر اقبال شامل ہیں، جبکہ زخمی ہونے والوں میں بلال ،عمیر اقبال، عدیل، گلفام اور سدرہ شامل ہیں۔