Author: صدف ابرار

وفاقی وزیر داخلہ محسن نقوی نے کہا ہے کہ شمالی وزیرستان میں دہشتگردی کے واقعے کی بھرپور مذمت کرتے ہیں۔شمالی وزیرستان کے علاقے میر علی میں دہشتگردوں کے حملے پر درعمل دیتے ہوئے محسن نقوی کا کہنا تھا کہ ہم اس حملے کی خاموشی سے مذمت نہیں کریں گے بلکہ جواب دیں گے، ہم اس حملے کا ایسا جواب دیں گے کہ یاد رکھا جائے گا۔انہوں نے مزید کہا کہ پوری قوم اکٹھی ہے اور پاک فوج کے ساتھ کھڑی ہے۔یاد رہے کہ گزشتہ روز شمالی وزیرستان کے علاقے میرعلی میں سکیورٹی فورسز کی چوکی پر دہشتگردوں کے حملے میں لیفٹیننٹ کرنل اور کیپٹن سمیت 7 فوجی جوان شہید ہوئے، جوابی کارروائی میں 6 دہشتگرد بھی مارے گئے تھے۔

لیفٹیننٹ کرنل سید کاشف اور کیپٹن محمد احمد کی نمازِ جنازہ چکلالہ گیریژن میں ادا کی گئی جس میں صدر آصف علی زرداری، چیف آف آرمی اسٹاف جنرل عاصم منیر، وفاقی وزیرِ داخلہ اور دیگر اعلیٰ حکام نے بھی شرکت کی۔ آئی ایس پی آر کے مطابق چکلالہ گیریژن میں صدر اور آرمی چیف نے شہدا کے لواحقین کو گلے لگا کر تعزیت کی۔بعدازاں شہدا کی میتیں ان کے آبائی علاقوں میں پہنچا دی گئیں جہاں انہیں پورے فوجی اعزاز کے ساتھ سپردِ خاک کیا جائے گا۔ اس موقع پر صدر مملکت نے اپنے بیان میں کہا کہ پاک فوج نے ایمان، اتحاد اور نظم و ضبط کے نظریات کو مسلسل برقرار رکھا ہے، پاک فوج نے ہمیشہ دہشتگردی کے خلاف جنگ میں پیشہ ورانہ مہارت اور وفاداری کے اعلیٰ معیار قائم کیے ہیں۔ صدر آصف علی زرداری کا کہنا تھا بہادر بیٹوں نے مادر وطن کے دفاع کیلئے قربانی دینے سے کبھی دریغ نہیں کیا، پوری قوم ہماری مسلح افواج کے ساتھ کھڑی ہے۔ عظیم قربانی بہادر بیٹوں کے غیر متزلزل عزم کی مثال ہے جو ان کی شہادت کی صورت میں موجود ہے۔واضح رہے کہ گزشتہ روز شمالی وزیرستان کے علاقے میر علی میں 6 دہشت گردوں نے بارود سے بھری گاڑی سیکیورٹی فورسز کی چیک پوسٹ سے ٹکرائی تھی اور کئی خودکش حملے کیے تھے۔اس حملے کے نتیجے میں عمارت کا ایک حصہ گر جانے سے پاک فوج کے پانچ جوان شہید ہوگئے تھے جبکہ کلیئرنس آپریشن کے دوران 6 دہشت گرد ہلاک کر دیے گئے تھے، بہادری سے مقابلہ کرتے ہوئے لیفٹیننٹ کرنل سید کاشف علی اور کیپٹن محمد احمد بدر نے جامِ شہادت نوش کیا تھا۔

حکومت نے پیٹرول کی قیمت کو برقرار اور ڈیزل کی قیمت میں کمی کا فیصلہ کیا ہے۔وزارت خزانہ کا کہنا ہے کہ پیٹرول کی قیمت برقرار رکھنے کا فیصلہ کیا گیا ہے، جبکہ ڈیزل کی قیمت میں 1روپیہ77پیسے فی لیٹر کمی کا اعلان کیا گیا ہے۔نوٹیفکیشن کے مطابق نئی قیمتوں کا اطلاق 16مارچ سے 31 مارچ تک ہوگا۔ وزارت خزانہ کا کہنا ہے کہ پیٹرول کی قیمت 279 روپے 75 پیسے برقرار رہے گی۔وزارت خزانہ کے مطابق ڈیزل کی نئی قیمت 285 روپے 56 پیسے فی لیٹر مقرر کی گئی ہے۔لائٹ ڈیزل آئل کی قیمت میں 2 روپے 12پیسے فی لیٹر اور مٹی کے تیل کی قیمت میں ایک روپے 35 پیسے فی لیٹر کمی کی گئی ہے۔نوٹیفکیشن کے مطابق نئی قیمتوں کا اطلاق 16مارچ سے 31 مارچ تک ہوگا۔

چیئرمین پاکستان پیپلز پارٹی بلاول بھٹو زرداری نے کہا ہے کہ اسلاموفوبیا آج کے دور کا اہم مسئلہ ہے.نیوزی لینڈ میں کرائسٹ چرچ جیسے افسوسناک واقعات سے ظاہر ہوتا ہے کہ اسلاموفوبیا دنیا میں پھیل رہا ہے. دین سے وابستگی ہر مسلمان کا انتہائی گہرا ذاتی معاملہ ہے۔ان کا کہنا تھا کہ اسلاموفوبیا کے بعض واقعات میں مسلم کش فسادات کو سرکاری اور کئی کو سیاسی سرپرستی حاصل ہے. دیکھا گیا کہ ڈیجیٹل پلیٹ فارم چلانے والے مسلمانوں سے نفرت کرنے والوں سے ان کی وابستگی ہے۔انہوں نے کہا تھا کہ اسلاموفوبیا کے خلاف پہلی بار 15 مارچ کو عالمی دن منایا جا رہا ہے. اقوام متحدہ او آئی سی کے ساتھ مل کر اسلاموفوبیا سے نمٹنے کا لائحہ عمل تیار کرے. اسلاموفوبیا سے نمٹنے کیلیے اقوام متحدہ خصوصی نمائندہ تعینات کرے جبکہ خطرے میں گھرے دنیا میں قائم ہزاروں مساجد مقدس مقامات کی حفاظت کیلیے اقدامات کرے۔ کاکہنا ہے کہ اسلاموفوبیا کےخاتمے کیلئے باہمی احترام، افہام و تفہیم کے فروغ کی ضرورت ہے۔بلاول بھٹو نے اسلاموفوبیا کے خلاف عالمی دن پر اپنے پیغام میں کہا ہے کہ اسلاموفوبیا کے خاتمے کے لیے باہمی احترام، افہام و تفہیم کو فروغ دینے کی ضرورت ہے۔
بلاول بھٹو زرداری کا کہنا ہے کہ اسلاموفوبیا انسانیت، رواداری، ہمدردی کے اصولوں کو کمزور کرتی ہے، اسلاموفوبیا کا مقابلہ کیا جائے اور دقیانوسی تصورات کے خاتمے کیلئے کام کریں۔پی پی پی چیئرمین نے کہا کہ اسلام اعتدال اور امن کا مذہب ہے، اسلام عزت اور احترام سے پیش آنے کی تعلیم دیتا ہے۔ 9/11 کے بعد مسلمانوں اور اسلام کے بارے میں دشمنی اور ادارہ جاتی شکوک و شبہات میں اضافہ ہوا، دنیا بھر کی حکومتیں، سول سوسائٹی، مذہبی رہنما اسلاموفوبیا کے خاتمے کی جدوجہد میں مل کر کام کریں۔بلاول بھٹو نے مزید کہا کہ ایسے معاشروں کےلیے کوشش کرنی چاہیے جہاں تمام مذاہب کے لوگ بلا خوف و تعصب مل جل کر رہ سکیں، ایسی دنیا بنانے کے لیے کام کریں جہاں اسلاموفوبیا کا خاتمہ ہو، ایسی دنیا بنانے کےلیے کام کریں جہاں ہر فرد وقار، تحفظ اور آزادی کے ساتھ رہ سکے۔

پاکستان تحریک انصاف (پی ٹی آئی) کے رہنما بیرسٹر علی ظفر نے بھی شیر افضل مروت کے موقف کی تائید کر دی ،انہوں نے کہا کہ محسوس ہوتا ہے سنی اتحاد کونسل سے اتحاد کا فیصلہ صحیح نہیں تھا، یہ فیصلہ جس نے بھی کیا اور جیسے بھی ہوا نظرِثانی کرنا پڑے گی۔ نجی ٹی وی کے پروگرام میں گفتگو کرتے ہوئے بیرسٹر علی ظفر نے کہا کہ شیر افضل مروت درست کہہ رہے ہیں کہ متحدہ وحدت المسلمین (ایم ڈبلیو ایم) کے ساتھ اتحاد کا فیصلہ ہوا تھا، اگلے دن فیصلہ تبدیل ہوگیا۔ علی ظفر نے مزید کہا کہ کور کمیٹی کی میٹنگ میں اتحاد کے معاملے پر کوئی بات نہیں ہوئی، یہ فیصلہ جس نے بھی کیا اور جیسے بھی ہوا نظرثانی کرنا پڑے گی، اتحاد کے لیے ایسا آپشن ہونا چاہیے تھا جہاں کوئی بحث ہی نہ ہو، قانون میں ابہام والا آپشن لینے کی ضرورت نہیں تھی۔ بیرسٹر گوہر نے کہا کہ ہماری غلطی یہ ہے کہ اتحادی پارٹی کے ساتھ ملنے کا معاملہ مس کمیونیوکیٹ ہوا جسکا خمیازہ ہم بھگت رہے ہے،انہوں نے کہا کہ شیرانی گروپ نے مخصوص نشستوں کی فہرست دی تھی ایم ڈبلیو ایم نے بھی دی تھی، بانی پی ٹی آئی نے کہا تھا کہ یہ مذہبی معاملہ نہیں، مخصوص نشستوں کیلئے پارٹی جوائن کرنی ہے۔