Author: صدف ابرار

سابق این پی اے غلام مرتضیٰ ستی نے آصف علی زرداری سے ملاقات کی جس میں غلام مرتضی نے اپنے رفقا کیساتھ پاکستان پیپلز پارٹی میں شمولیت کا اعلان کردیا۔
غلام مرتضیٰ ستی نے اسلام آباد اور راولپنڈی میں پاکستان پیپلز پارٹی کے نامزد امیدواروں کی حمایت کا اعلان کردیا۔ صدر آصف علی زردای کا کہنا ہے کہ غلام مرتضیٰ ستی اور دیگر رہنماؤں کو پاکستان پیپلز پارٹی میں شمولیت کرنے پر خوش آمدید کہتا ہوں ، روالپنڈی اور اسلام آباد میں پاکستان پیپلز پارٹی سرپرائیز دےگی ، راولپنڈی اور اسلام آباد کے جیالوں کی پی پی پی کے شانہ بشانہ جدوجہد کو لازوال تاریخ ہے، روالپنڈی اور اسلام آباد کے سیاسی کارکنان جمہوری روایتوں کے آمین رہے ہیں۔ پی پی پی میں شمولیت کرنے والوں میں غلام یونس ستی، عابد مجید، مصطفی لطیف ستی اور ثاقب ستی شامل ہیں۔

پاکستان پیپلز پارٹی پارلیمینٹرینز کے صدر آصف علی زرداری سے پی ٹی آ ئی رہنما غلام مرتضیٰ ستی نے زرداری ہاﺅس اسلام آباد میں ملاقات کی۔ ملاقات میں غلام مرتضیٰ ستی نے اپنے رفقا کیساتھ پاکستان پیپلز پارٹی میں شمولیت کا اعلان کیا۔@AAliZardari #چنو_نئی_سوچ_کو
مزيد پڑھیں:… pic.twitter.com/YhZLlYkHOS

— PPP (@MediaCellPPP) January 30, 2024

صدر آصف علی زرداری کے ہمراہ پی پی پی پی کے مرکزی جنرل سیکریٹری نئئیر حسن بخاری اور آزاد کشمیر کے سابق صدر سردارمحمد یعقوب اس موقع پر موجود تھے۔

سائفر کیس میں جس بھونڈے طریقے سے فیصلہ دیا گیا اس کا اندازہ نہیں تھا، ہمیں پہلے معلوم تھا کہ میچ فکس ہے جج نے میرا 342 کا بیان لینے سے پہلے ہی فیصلہ سنا دیا، میں سپریم کورٹ اور ہائی کورٹ میں ایک تہلکہ خیز بیان دوں گا۔راولپنڈی اڈیالہ جیل میں صحافیوں سے گفتگو کرتے ہوئے شاہ محمود قریشی کا کہنا تھ کہ سوال یہ ہے کہ قانون کی دھجیاں اڑائی گئی ہیں، ہمیں اپنے دفاع میں وکیل کھڑے نہیں کرنے دیے، میرا 342 کا بیان لینے سے پہلے ہی جج نے اپنا فیصلہ سنا دیا، سزا تو ہونی تھی یہ معلوم تھا۔ سائفر کیس کی شفافیت پر سوال اٹھاتے ہوئے انہوں نے کہا کہ فیصلہ سنانے کے بعد جج صاحب کمرہ عدالت سے بھاگ گئے، سزا کے باوجود میرا ضمیر مطمئن ہے، بانی پی ٹی آئی اور شاہ محمود قریشی کو پارلیمنٹ سے باہر رکھنے کا منصوبہ بن چکا تھا۔سابق وزیرخارجہ نے مزید کہا کہ پاکستان کی تاریخ میں اس نوعیت کا سیاسی کیس نہیں چلا، ذوالفقار علی بھٹو کا جو فیصلہ تھا یہ تو اس سے بھی دو قدم آگے چلے گئے ہیں، ہم اس فیصلے کو ہائیکورٹ میں چیلنج کریں گے۔ میں چاہتا تو آج مفادات کی خاطر ضمیر کا سودا کر دیتا، اگر میں اس پیش کش کو قبول کر لیتا تو آج میں ڈارلنگ آئی ہوتا، میں اس نظریے کے ساتھ کھڑا ہوں جس پر پی ٹی آئی کی بنیاد رکھی گئی، مجھے عمران خان سے کچھ نہیں لینا، میں مشکل وقت میں ڈٹا رہوں گا۔

پاک فوج کے شعبہ تعلقات عامہ آئی ایس پی آر کے مطابق مچ، کولپور کمپلیکس پر خودکش بمباروں سمیت دہشت گردوں نے حملہ کیا، فائرنگ کے شدید تبادلے میں قانون نافذ کرنے والے اداروں کے 4 بہادر جوان شہید ہوگئے۔آئی ایس پی آر کے مطابق دہشت گردوإں کے حملے میں 2 معصوم شہری بھی شہید ہوئے۔ آئی ایس پی آر کے مطابق مچ، کولپور کمپلیکسز پر حملہ 29 اور 30 جنوری کی درمیانی رات کیا گیا۔آئی ایس پی آر کے مطابق دہشت گردوں کے حملے پر علاقے میں سیکیورٹی فورسز کو فوری متحرک کیا گیا۔آئی ایس پی آر کا مزید کہنا ہے کہ قانون نافذ کرنے والے اداروں کا مؤثر جواب دہشتگردی کےخلاف جنگ میں ان کے بےلوث عزم کا ثبوت ہے، سیکیورٹی فورسز ملک میں امن و استحکام کےلیے قانون نافذ کرنے والے اداروں کے ساتھ کندھے سے کندھا ملا کر کھڑی ہیں۔ اب تک 3 خودکش حملہ آوروں سمیت 9 دہشت گرد جہنم واصل اور 3 زخمی ہو چکے ہیں۔

یک اور دن گزر گیا اور نواز شریف نے 8 فروری کو ہونے والے انتخابات سے پہلے وزیر اعظم کے امیدواروں کی براہ راست مناظرے کی ہماری دعوت کو قبول کرنے سے ابھی تک انکار ی ہے .پاکستان پیپلزپارٹی کے چیئرمین بلاول بھٹو زرداری نے ایک بار پھر مسلم لیگ (ن) کے قائد اور سابق وزیر اعظم نواز شریف کو مناظرے کی دعوت یاد دلاتے ہوئے کہا ہے کہ ایک اور دن گزر گیا۔ملک میں الیکشن کی گہما گہمی عروج پر ہے اور سیاسی جماعتیں بھرپور انتخابی مہم چلانے میں مصروف ہیں۔انتخابی مہم میں سیاسی قائدین اپنی سابقہ کارکردگی اور مستقبل کا منشور بتا کر عوام کو اپنے حق میں ووٹ دینے کے لئے قائل کرنے کی کوششوں میں مصروف ہیں۔ایسے میں چیئرمین پاکستان پیپلزپارٹی بلاول بھٹو زرداری نے اپنے تیروں کا رُخ شیر کی جانب کررکھا ہے یعنی وہ انتخابی جلسوں میں پاکستان مسلم لیگ اور اس کی قیادت پر کھل کر تنقید کرتے نظر آتے ہیں۔

Another day goes by and Nawaz Sharif has still refused to accept our invitation to have a live debate of PM candidates before the elections on February 8th. It seems the wanna be 4th time PM is too cowardly to face me in a debate and allow the people of Pakistan an opportunity to…

— Bilawal Bhutto Zardari (@BBhuttoZardari) January 30, 2024

گزشتہ دنوں بلاول نے قائد ن لیگ کو مناظرے کا چیلنج دیا تھا جس کے بعد شہباز شریف نے اس کا جواب دیا تھا، اور اس کے بعد چیئرمین پیپلزپارٹی نے پھر جواب دیتے ہوئے جگہ کا انتخاب بھی کیا۔آج بروز منگل بلاول بھٹو زرداری نے ایک بار پھر مناظرے سے متعلق ٹوئیٹ کیا۔ بلاول نے ایکس پر لکھا کہ ایک اور دن گزر گیا اور نواز شریف نے 8 فروری کے انتخابات سے قبل وزیر اعظم کے امیدواروں کے ساتھ براہ راست مباحثے کی دعوت ابھی تک قبول نہیں کی۔ لگتا ہے کہ ان میں مجھ سے مباحثہ کرنے کی ہمت ہی نہیں ہے۔
واضح رہے کہ گزشتہ دنوں پاکستان پیپلز پارٹی کے چیئرمین بلاول بھٹو زرداری نے مسلم لیگ (ن) کے قائد نوازشریف کو 8 فروری سے قبل مناظرے کی دعوت دیتے ہوئے کہا تھا کہ نوازشریف جہاں چاہیں مناظرے کے لیے تیار ہوں، دنیا بھر کے امیدوار ٹی وی پر مناظرہ کرتے ہیں۔

میرے بولنے سے پہلے مہنگائی پر خاموشی تھی اب سب جماعتیں مہنگائی کو منشور میں جگہ دے رہی ہیں۔ قومی اسمبلی کے حلقے این اے 75 کے آزاد امیدوار دانیال عزیز نے کہا ہے کہ مشکل حالات میں ن لیگ کے ساتھ کھڑا رہا، نہ بکا نہ ہی کبھی جھکا۔نارووال میں میڈیا سے گفتگو میں دانیال عزیز نے کہا کہ 2019ء میں مشکل حالات میں ن لیگ کے ساتھ کھڑا رہا اور مقدمات بھی بھگتے۔ کہ مہنگائی اور بے روزگاری کے خلاف ٹھوس اقدامات کرنے والے کا ساتھ دوں گا ۔
انہوں نے کہا کہ احسن اقبال کے پاس کوئی دلیل نہیں، اس لیے وہ گھناؤنے الزامات لگاتے ہیں، تحریک انصاف یا پیپلز پارٹی میں نہیں جارہا، کبھی نہ بکا ہوں اور نہ ہی جھکا ہوں۔دانیال عزیز نے یہ بھی کہا کہ احسن اقبال نارووال میں یونیورسٹیاں اور کالج سٹی بنانے کا بہت پرچار کرتے ہیں۔ان کا کہنا تھا کہ شکر گڑھ کی شرح خواندگی 97 فیصد، ظفر وال کی 84 فیصد اور نارووال کی 77 فیصد ہے، یہ فرق ہے۔آزاد امیدوار نے کہا کہ احسن اقبال 15 سال سے قابض ہیں، پوچھتا ہوں اس کے باوجود نارووال کی شرح خواندگی 77 فیصد کیوں ہے؟

پاکستان تحریک انصاف کے چیئرمین عمران خان کی اہلیہ بشریٰ بی بی کا دفعہ 342 کے تحت بیان قلم بند کرلیا گیا جبکہ احتساب عدالت اسلام اباد کے جج محمد بشیر کی طبیعت خراب ہونے پر سماعت کل صبح تک ملتوی کردی گئی، بانی چیئرمین پی ٹی ائی کا بیان کل صبح قلم بند کیا جائے گا۔اسلام آباد کی احتساب عدالت نے پاکستان راولپنڈی کی اڈیالا جیل میں توشہ خانہ رریفرنس کی سماعت ہوئی۔ احتساب عدالت کے جج محمد بشیر نے ریفرنس پر سماعت کی۔عدالت نے توشہ خانہ ریفرنس میں بشریٰ بی بی کا 342 کا بیان قلمبند کرلیا جبکہ بشریٰ بی بی کو 25 سوالوں پر مشتمل سوال نامہ دیا گیا تھا۔دوران سماعت احتساب عدالت کے جج محمد بشیر کی طبیعت خراب ہوگئی جس پر ان کا جیل اسپتال میں طبی معائنہ جاری ہے۔عدالت نے توشہ خانہ ریفرنس کیس کی سماعت کل تک ملتوی کردی اور کل بانی پی ٹی آئی کا 342 کا بیان ریکارڈ کیا جائے گا۔خیال رہے کہ آفیشل سیکرٹ ایکٹ کی خصوصی عدالت نے آج سائفر کیس میں پاکستان تحریک انصاف (پی ٹی آئی) کے بانی عمران خان اور سابق وزیر خارجہ شاہ محمود قریشی کو 10،10 سال قید کی سزا سنائی ہے۔ سماعت کے دوران جج محمد بشیر کی طبیعت خراب ہونے پر جیل اسپتال منتقل کر دیا گیا جبکہ جج کے اسپتال منتقل ہونے کے بعد ریفرنس کی سماعت کل صبح تک ملتوی کردی گئی۔
کل ملزمان کی جانب سے گواہان صفائی کی لسٹ بھی عدالت پیش کی جائے گی۔توشہ خانہ ریفرنس کی سماعت کے دوران سابق وزیراعظم عمران خان نے احتساب عدالت کے جج محمد بشیر سے مکالمہ کرتے ہوئے کہا کہ آپ نے ہمارا حق دفاع ختم کیا، میں گواہوں پر خود جرح کرنا چاہتا تھا، میری گزارش ہے کہ ہمارا حق جرح بحال کیا جائے، کیا آج ہی سزا کا اعلان کرنا ہے، اس پر جج محمد بشیر نے کہا کہ آپ پریشان نہ ہوں۔عمران خان نے کہا کہ ہمارے پاس توشہ خانہ تحائف کی اصل قیمت آئی ہے، ہم نے اس لئے جرح کرنی تھی،میں نے جھوٹے گواہوں کو ایکسپوز کرنا تھا ،آپ نے جلدی جلدی میں سب کچھ کیا، میرے اوپر جو الزام ہے میرے خلاف جھوٹے گواہوں کو پیش کیا گیا، میں بار بار کہہ رہا ہوں میری بیوی کا اس کیس سے کوئی تعلق نہیں ،وزیر اعظم ہاوس کے ملٹری سیکرٹری کے ذریعے جھوٹ بلوایا گیا.

اڈیالہ جیل راولپنڈی میں بانی پاکستان تحریکِ انصاف (پی ٹی آئی) عمران خان نے صحافیوں سے گفتگو کرتے ہوئے کہا کہ جو مشکل میں کھڑا رہتا ہے وہی اصل وفادار ہوتا ہے،بانی پی ٹی آئی عمران کا کہنا ہے کہ جو مشکل میں کھڑا رہتا ہے وہی اصل وفادار ہوتا ہے، شاہ محمود کو خراج تحسین، پرویز الٰہی کو بھی مان گیا ہوں۔ شاہ محمود قریشی جس طرح کھڑا رہا میں اس کو خراج تحسین پیش کرتا ہوں، چوہدری پرویز الٰہی کو مان گیا ہوں، صحافی نے سوال کیا کہ وزیراعظم ہاوس سے سائفر کس طرح چوری ہوا؟ بانی پی ٹی آئی نے جواب دیا کہ مجھے ایک اے ڈی سی پر شک ہے جس نے سائفر چوری کیا۔ صحافی کی جانب سے سوال کیا گیا کہ اے ڈی سی کا نام بتانا پسند کریں گے؟ بانی پی ٹی آئی نے جواب دیا کہ اے ڈی سی سمیت 3 لوگوں پر شک ہے نام اس لئے نہیں لوں گا کیونکہ صرف شک تھا۔بانی پی ٹی آئی نے مزید کہا کہ سائفر کیس کی انکوائری پر جب جنرل طارق پیچھے ہٹ گیا تو سب کو پتا چل گیا کہ اس کے پیچھے کون ہے، ڈونلڈ لو کہہ رہا ہے وزیر اعظم کو ہٹاؤ اس میں ثبوت کی کیا ضرورت ہے، سائفر کی انکوائری ہوتی تو سب کچھ سامنے آجاتا۔ ایک اور صحافی کی جانب سے سوال کیا گیا کہ آپ نے کہا آئی ایس آئی نے آپ کی حکومت کیخلاف پلان تیار کیا، جرنل فیض آئی ایس آئی کا چیف تھا اس کا نام کیوں نہیں لیتے؟ سابق وزیراعظم نے جواب دیا کہ جنرل فیض کو جب عہدے سے ہٹایا گیا تو ان سب نے مٹھائیاں بانٹی، مبارکبادیں دی۔ ایک سوال کے جواب میں عمران خان نے کہا کہ شیخ رشید کا سنا ہے وہ بستر سے باہر نہیں نکلتا۔